خيال سهيل
18/10/2013, 04:28 AM
السلام عليكم ورحمة الله وبركاته
كيف حال الجميع انشاء الله بخير
وكل عام وانتم بخير وينعاد على المسلمين بالأمن والامان والرخاء
في الحقيقه انا لي فتره اماري نفسي بكتابة هذا الموضوع الي لاحظت كثير من الشباب يسئل
عنه وانا ماني بخبر منكم ولاكن حبيت اذكر واناقش وابدي وجهت نظر وطريقة يمكن تفيد
بعضنا ويمكن مناقشتها لأحتمال الخطاء فكلنا بشر ومعرضين للخطاء
الشنذره :-
مع انها ماده سامه ومسببه لتسمم الطير الا انه لابد منها في كثير من الحالات
ولا انصح اي مبتدء يجربها الا بوجود رجل خبير بالصقاره وخاصه بالشنذره
لأنها تذبح الطير وفي افضل الحالات تسوي مع الطير تسمم بالدم لاقدر الله
الأن نبداء بالاستعانه بالله
الشنذره نوعين :-
1 - الطبيه
وهي كذالك نوعين
أ- الحبه البيضاء
ب- الحبه الحمراء
والحبه البيضاء تكون اكبر من الحمراء وحبه بيضاء تساوي حبتين حمر
والكبسوله الحمرا تنفع لتبوع والطيور الصغيره عموماً
والبيضاء تصلح للطيور الكبيره
هذا ما يخص الكبسوله او ما يطلق عليها الطبيه
2- النوع الثاني الحجر
وهو نوع يستخدم لجلي ورب الدلال ويباع عند العطارين ويكون لونه ابيض وتلقى عليه احيان اسود اذا اشتريت بلكه كامله او ما يطلق عليه بالحصاه وهي قطع تختلف احجامها
فيه نوعين امراتي وهو الأفضل والاجود وفيه النوع الثاني مدري وش اسمه
ولاكن يكون اقل مستوى من الاول ولاكن يعطي مفعول لا يقل عنه
الأن جينا للجد متى يحتاج اننا نشنذر الطير او خلنا نقول ليش نشنذر الطير
نشذره ياطويلين الأعمار اذا كان الطير غني ولاهو يمك
او اذا طلع من الربطه وكان صنيع
او يكون الطير مدعي ويهد واموره زينه وفجئه تغير طبعه وبدا يحل عن الصيد
ولا ما يطلب الصيد
او الوحش الي مايبي ينقز او فيه ثقل نفس
لازم ننتبه لشيئ مهم قبل لا نفكر بالشنذره الأ وهو هل الطير سليم مابه اقلاع مابه
امراض في الجهاز الهضمي وهل الطير سليم دمه مابه تسمم دم او رصاص او التهاب بالدم لاقدر الله
ومعلف الطير خالي من الأمراض كافه
اذا تأكد الواحد من طيره وسلامته يبداء التفكير بالشنذره
الأن نبداء بالخطوات
الخطوه الأولى اعداد الطير لشنذره
اول شي نشوف وزن الطير كم ومجس الطير هل الطير ضعيف يبيله رفع شوي
هل يتحمل الشنذره
لان كثير طيور ماتت والسبب الشنذره وبسبب الضعف وامراض الجهاز الهضمي
وخاصه القلاع
واول خطوه في اعداد الطير قبلها بليله تعشي الطير عشا طيب وزين واحرص على اني ياكل ريش واذا حصلك جربوع ياسلام ولا جرذي تكون زبطت الموضوع
ليش اقول كذا لأن الطير لازم يروبج واهم خطوه هي الروباجه حتى تضمن ان معلف
خالي من العلف وكذالك معدته
وهنا احب اكد شيئ مهم وهو الجربوع والجرذي اذا الطير روبجه وهو مبرقع اختنق
نعم انت تعرف متى يروبج طيرك قبل وقته المعهود تاخذ طيرك وتفرعه وتسقيه ماء
وتراقبه الى ان يروبج واذا روبج تسقيه ماء
وهذي المفروض دايم تسويها وهي تحفض معلف الطير من الامراض
ويبقى معلف الطير نضيف دايم والأهم سليم
الأن خلصنا من خطوت الاعداد
نجي لشنذره نفسها
اذا كنت تفضل الطبيه وهذا اسلم كثير من الحجر
واذا طيرك من الاحرار الوافيه او الجيره فكبسوله بيضاء وحده
او ثنتين حمر الصغار مع اني ما اشوف انك تعطيه كبسولتين اعدها مخاطره
واذا طيرك شيهانه مثلوثه كبسوله حمرا تسدها وزود
اما الحجر فله عدة طرق
الطريقه الأولى وهي تاخذ كسره وتحفها ( او تنحتها ) على شكل كبسوله وهي سهله وشبه هشه
ولا يتعدا حجمها 1 سم طولاً وعرض نصف سانتي وبشكل الكبسوله
وتلفها بشاش وتربط الشاش بخيط طويل شوي عشان يبقى خارج منسر الطير عشان تسحبها في حال وجود مشكله او شي لا قدر الله
والطريقه الثانيه تصلحها نفس الطريقه الاولى ولاكن اصغر من الأولى ولا تلفها بشاش ولا شي
الطريقه الثالثه وانا اسميها المجازفه او الخطيره وهذي ما تسويها الأ لطير كبير ومجرب
الشنذره وخابرها ومتلكع فيها او لطير سبق شنذرته اكثر من مره ولا طش شي وانت
متاكد ان على كبده شبيكا وعيا يطشها
وهي تاخذ كسره اكبر من حبة القهوه وتطحنها طحن جيد ومضبوط
وتحطها بفنجال وتصب عليها شوي ماء الي يذوبها ولا يكون كثير الماء
شي بسيط وتشوفها مثل الحليب او اكثر منه شوي
وتسحبها ببرة السكر او باي ابره متوفره بشرط تشيل ابرت الوخز الي تشق الجلد
عرفتوها وتركب محلها لي طري ( طبي ) على شان ما يجرح الطير
وتصبها في معلف الطير
ولاحظه ما انصح احد يجربها تراها خطيره خطيره خطيره
ولا اتحمل ذنب من سواها
الحين حنا جاهزين للتنفيذ المهمه
بسم الله نبداء
اول شي تحتاج معك شخص يعرف يكتف الطير ويجوده زين ولاكن ما يشد عليه
ويكسر عضامه او ريشه ولا يكون مرخي يده يفلت منه الطير ويعور جناحه
تحط الطير على مخده او مسند طري على منطحه وان تكون مقابله
تفرع الطير و تفتح منسره
من تفتح منسر الطير تلاحظ فتحه في منتصف اللسان من النصف الأخير
وهذي فتحت التنفس انتبه منها لا تروح الكبسوله فيها ترها تذبح الطير يختنق ويموت
لاقدر الله
وعشان كذا اقول لازم يكون الي يشنذر واحد خبير
الكبسوله من يطبها لعاب الطير تسير تزلق ولا تقدر تثبتها ابداً ولا رح يثبتها الا رجل خبير
تحطها الا احد جانبي السان اما الايمن او الايسر وترصها مع دفعها الى جوف المعلف
ولا تتركها الا اذا استقرت في جوف المعلف تدفعها باصبعك حتى تتأكد انها استقرت في
المعلف ومن ثما تاخذ الطير على يدك ويكون مبرقع
يجب توفر رشاش ماء وهذا ضروري جدا
تسقي الطير شوي ماء ولا تكثرله حاجه بسيطه
وتستمر في نقلت الطير وتلهيه ما تخليه يروبجها ويكون مبرقع
وخليه على هذا الحال مدة 10 الى 15 دقيقه او اذا لمست رجول الطير لقيها
حاره فمعناته بدء المفعول
تنزل الطير على وكره في مكان بارد جداً ويفضل مقابل المكيف وتراقبه رح تشوف
وجه طيرك تغير ونظرته للبعيد استمر بمراقبته ويفضل انه يراقبه شخص واحد من
بعيد حتى يكون الطير على راحته
سيقوم بحذف اما مايطلق عليه سعابيل وانتم بكرامه او ماء اذا صحت التسميه
او يقوم بحذف الشبيكه اما كقطعه واحده او مقطعه على شكل دفعات وهي كشكل
الدهن او الشحم وتخليه من نزلته مدة ساعه او اقل او اكثر
اذا تنفض الطير ورجع وجهه وزان خاطره وتعال على مهلك ورش الطير بالماء واسقه
واستمر برشه بالماء وسبحه تسبيح ولا تخاف عليه من المكيف خله يربص ربص
نزله على وكره وخله يتفلى وخر الهواء او اقصر عليه شوي اذا مرش وانتم بكرامه
فطيرك غدا شره وزانت اموره
تتركه مدة ساعه بعد اي الحين من حطيت الشنذره ساعتين او اكثر
وطيرك تنفض و وتفلى واموره زينه تاخذ قطعة لحم حاشي ( انا افضلها على غيرها )
وكل صقار وكل طير له طريقته اهم شي بدون عضم او شحم مقدار صافق حمامه
او صافق حمامه بدون ريش او عضم تغطسها بحليب سايل ( ابو قوس ) او اي حليب
سايل متوفر او حليب السعوديه
ملاحظه اذا وجت مع الشبيكه دم او عروق دم يجب اعطاء الطير حبوب
القلاع سبارتكس او اي نوع متوفر واذا مافيه دم انا اشوف مالها داعي
وتعلف طيرك عادي على يدك وتسقيه ماء وتركده مبرقع على وكره
وتريحه يوم الشنذره واليوم الي بعده تعلفه عادي على الدس
وبعد اسبوع او اقل الى 10 ايام تعطيه حبة سكر نبات
ولا تستغرب من مروش الطير وانت بكرامه رح تشوف شي عجيب ينزل منه
هذي معرفتي في الشنذره
فأذا اصبت فمن الله
واذا اخطأت فمني ومن الشيطان
ساموحنا على الاطاله والأستطراق بالشرح
كيف حال الجميع انشاء الله بخير
وكل عام وانتم بخير وينعاد على المسلمين بالأمن والامان والرخاء
في الحقيقه انا لي فتره اماري نفسي بكتابة هذا الموضوع الي لاحظت كثير من الشباب يسئل
عنه وانا ماني بخبر منكم ولاكن حبيت اذكر واناقش وابدي وجهت نظر وطريقة يمكن تفيد
بعضنا ويمكن مناقشتها لأحتمال الخطاء فكلنا بشر ومعرضين للخطاء
الشنذره :-
مع انها ماده سامه ومسببه لتسمم الطير الا انه لابد منها في كثير من الحالات
ولا انصح اي مبتدء يجربها الا بوجود رجل خبير بالصقاره وخاصه بالشنذره
لأنها تذبح الطير وفي افضل الحالات تسوي مع الطير تسمم بالدم لاقدر الله
الأن نبداء بالاستعانه بالله
الشنذره نوعين :-
1 - الطبيه
وهي كذالك نوعين
أ- الحبه البيضاء
ب- الحبه الحمراء
والحبه البيضاء تكون اكبر من الحمراء وحبه بيضاء تساوي حبتين حمر
والكبسوله الحمرا تنفع لتبوع والطيور الصغيره عموماً
والبيضاء تصلح للطيور الكبيره
هذا ما يخص الكبسوله او ما يطلق عليها الطبيه
2- النوع الثاني الحجر
وهو نوع يستخدم لجلي ورب الدلال ويباع عند العطارين ويكون لونه ابيض وتلقى عليه احيان اسود اذا اشتريت بلكه كامله او ما يطلق عليه بالحصاه وهي قطع تختلف احجامها
فيه نوعين امراتي وهو الأفضل والاجود وفيه النوع الثاني مدري وش اسمه
ولاكن يكون اقل مستوى من الاول ولاكن يعطي مفعول لا يقل عنه
الأن جينا للجد متى يحتاج اننا نشنذر الطير او خلنا نقول ليش نشنذر الطير
نشذره ياطويلين الأعمار اذا كان الطير غني ولاهو يمك
او اذا طلع من الربطه وكان صنيع
او يكون الطير مدعي ويهد واموره زينه وفجئه تغير طبعه وبدا يحل عن الصيد
ولا ما يطلب الصيد
او الوحش الي مايبي ينقز او فيه ثقل نفس
لازم ننتبه لشيئ مهم قبل لا نفكر بالشنذره الأ وهو هل الطير سليم مابه اقلاع مابه
امراض في الجهاز الهضمي وهل الطير سليم دمه مابه تسمم دم او رصاص او التهاب بالدم لاقدر الله
ومعلف الطير خالي من الأمراض كافه
اذا تأكد الواحد من طيره وسلامته يبداء التفكير بالشنذره
الأن نبداء بالخطوات
الخطوه الأولى اعداد الطير لشنذره
اول شي نشوف وزن الطير كم ومجس الطير هل الطير ضعيف يبيله رفع شوي
هل يتحمل الشنذره
لان كثير طيور ماتت والسبب الشنذره وبسبب الضعف وامراض الجهاز الهضمي
وخاصه القلاع
واول خطوه في اعداد الطير قبلها بليله تعشي الطير عشا طيب وزين واحرص على اني ياكل ريش واذا حصلك جربوع ياسلام ولا جرذي تكون زبطت الموضوع
ليش اقول كذا لأن الطير لازم يروبج واهم خطوه هي الروباجه حتى تضمن ان معلف
خالي من العلف وكذالك معدته
وهنا احب اكد شيئ مهم وهو الجربوع والجرذي اذا الطير روبجه وهو مبرقع اختنق
نعم انت تعرف متى يروبج طيرك قبل وقته المعهود تاخذ طيرك وتفرعه وتسقيه ماء
وتراقبه الى ان يروبج واذا روبج تسقيه ماء
وهذي المفروض دايم تسويها وهي تحفض معلف الطير من الامراض
ويبقى معلف الطير نضيف دايم والأهم سليم
الأن خلصنا من خطوت الاعداد
نجي لشنذره نفسها
اذا كنت تفضل الطبيه وهذا اسلم كثير من الحجر
واذا طيرك من الاحرار الوافيه او الجيره فكبسوله بيضاء وحده
او ثنتين حمر الصغار مع اني ما اشوف انك تعطيه كبسولتين اعدها مخاطره
واذا طيرك شيهانه مثلوثه كبسوله حمرا تسدها وزود
اما الحجر فله عدة طرق
الطريقه الأولى وهي تاخذ كسره وتحفها ( او تنحتها ) على شكل كبسوله وهي سهله وشبه هشه
ولا يتعدا حجمها 1 سم طولاً وعرض نصف سانتي وبشكل الكبسوله
وتلفها بشاش وتربط الشاش بخيط طويل شوي عشان يبقى خارج منسر الطير عشان تسحبها في حال وجود مشكله او شي لا قدر الله
والطريقه الثانيه تصلحها نفس الطريقه الاولى ولاكن اصغر من الأولى ولا تلفها بشاش ولا شي
الطريقه الثالثه وانا اسميها المجازفه او الخطيره وهذي ما تسويها الأ لطير كبير ومجرب
الشنذره وخابرها ومتلكع فيها او لطير سبق شنذرته اكثر من مره ولا طش شي وانت
متاكد ان على كبده شبيكا وعيا يطشها
وهي تاخذ كسره اكبر من حبة القهوه وتطحنها طحن جيد ومضبوط
وتحطها بفنجال وتصب عليها شوي ماء الي يذوبها ولا يكون كثير الماء
شي بسيط وتشوفها مثل الحليب او اكثر منه شوي
وتسحبها ببرة السكر او باي ابره متوفره بشرط تشيل ابرت الوخز الي تشق الجلد
عرفتوها وتركب محلها لي طري ( طبي ) على شان ما يجرح الطير
وتصبها في معلف الطير
ولاحظه ما انصح احد يجربها تراها خطيره خطيره خطيره
ولا اتحمل ذنب من سواها
الحين حنا جاهزين للتنفيذ المهمه
بسم الله نبداء
اول شي تحتاج معك شخص يعرف يكتف الطير ويجوده زين ولاكن ما يشد عليه
ويكسر عضامه او ريشه ولا يكون مرخي يده يفلت منه الطير ويعور جناحه
تحط الطير على مخده او مسند طري على منطحه وان تكون مقابله
تفرع الطير و تفتح منسره
من تفتح منسر الطير تلاحظ فتحه في منتصف اللسان من النصف الأخير
وهذي فتحت التنفس انتبه منها لا تروح الكبسوله فيها ترها تذبح الطير يختنق ويموت
لاقدر الله
وعشان كذا اقول لازم يكون الي يشنذر واحد خبير
الكبسوله من يطبها لعاب الطير تسير تزلق ولا تقدر تثبتها ابداً ولا رح يثبتها الا رجل خبير
تحطها الا احد جانبي السان اما الايمن او الايسر وترصها مع دفعها الى جوف المعلف
ولا تتركها الا اذا استقرت في جوف المعلف تدفعها باصبعك حتى تتأكد انها استقرت في
المعلف ومن ثما تاخذ الطير على يدك ويكون مبرقع
يجب توفر رشاش ماء وهذا ضروري جدا
تسقي الطير شوي ماء ولا تكثرله حاجه بسيطه
وتستمر في نقلت الطير وتلهيه ما تخليه يروبجها ويكون مبرقع
وخليه على هذا الحال مدة 10 الى 15 دقيقه او اذا لمست رجول الطير لقيها
حاره فمعناته بدء المفعول
تنزل الطير على وكره في مكان بارد جداً ويفضل مقابل المكيف وتراقبه رح تشوف
وجه طيرك تغير ونظرته للبعيد استمر بمراقبته ويفضل انه يراقبه شخص واحد من
بعيد حتى يكون الطير على راحته
سيقوم بحذف اما مايطلق عليه سعابيل وانتم بكرامه او ماء اذا صحت التسميه
او يقوم بحذف الشبيكه اما كقطعه واحده او مقطعه على شكل دفعات وهي كشكل
الدهن او الشحم وتخليه من نزلته مدة ساعه او اقل او اكثر
اذا تنفض الطير ورجع وجهه وزان خاطره وتعال على مهلك ورش الطير بالماء واسقه
واستمر برشه بالماء وسبحه تسبيح ولا تخاف عليه من المكيف خله يربص ربص
نزله على وكره وخله يتفلى وخر الهواء او اقصر عليه شوي اذا مرش وانتم بكرامه
فطيرك غدا شره وزانت اموره
تتركه مدة ساعه بعد اي الحين من حطيت الشنذره ساعتين او اكثر
وطيرك تنفض و وتفلى واموره زينه تاخذ قطعة لحم حاشي ( انا افضلها على غيرها )
وكل صقار وكل طير له طريقته اهم شي بدون عضم او شحم مقدار صافق حمامه
او صافق حمامه بدون ريش او عضم تغطسها بحليب سايل ( ابو قوس ) او اي حليب
سايل متوفر او حليب السعوديه
ملاحظه اذا وجت مع الشبيكه دم او عروق دم يجب اعطاء الطير حبوب
القلاع سبارتكس او اي نوع متوفر واذا مافيه دم انا اشوف مالها داعي
وتعلف طيرك عادي على يدك وتسقيه ماء وتركده مبرقع على وكره
وتريحه يوم الشنذره واليوم الي بعده تعلفه عادي على الدس
وبعد اسبوع او اقل الى 10 ايام تعطيه حبة سكر نبات
ولا تستغرب من مروش الطير وانت بكرامه رح تشوف شي عجيب ينزل منه
هذي معرفتي في الشنذره
فأذا اصبت فمن الله
واذا اخطأت فمني ومن الشيطان
ساموحنا على الاطاله والأستطراق بالشرح