ايدام هندي على سعودي المهم خلطه حلوه وبس

[(( ســـعود ))]

الســــــلام عليكم

اولا انا جديد وعجبني هالمنتدى فشاكر تراحيبكم مقدما :d

ثانيا الطبخه اللي معاي الحين ايداااااام هندي على سعودي المهم خلطه وش اسمها مادري بس حلوووووووووووووووووووووووووه :d ويالله نشوف المقادير ::
بصل + طاط + كوسه + بيدنجان + ملح + بهارات + حلبه وركز على الحلبه :d + كرتون ونص صلصه + زيت + دجاجتين ان كنتو طبعاا سبعه او سته وانت نازل
يالله بسم الله نبدااا
قطع الدجاج والبصل والطماط والكوسه والبيدجان كل شي قطعه وخله جاهز ...
جب القدر وحط عليه كاسه زيت ثم حط البصل ويالله احمسه شوي ... ثم اضف عليه الدجاج ويالله در عليه بالملاااس فره فره لمده ثلاث دقايق ...
ثم حط عليه الحلبه( ملاحظه سر الطبخه الحلبه :d ) يعني اقل من ربع كاسه بشوي المهم لاذريتها على الدجاج فره شوي وبتفوح لك ريحه روووووووعه :d
ثم اضف عليه الكوسه والبيدجان طبعا مقطعه كلها وفر وفر لين تكسر يدك :d
بعدين اضف عليها الطماط مقطع وفر شوي لين يشرب الدجاج ماء الطماطم بس طبعا مايشربه كله حتى يصير القدر ناشف لا ماقصد كذاا بس اذا حسيت ان الطماط خلاص ذاب
بعدين حط ثلث القدر مااااء او فوق ثلثه بشوي وبعدين اضف عليه الصلصه كرتون ونصف مو العلب اقول الكراتين وبعدين البهارات ... واخيرا الملح طبعا القياسات بالبركه ملاحظه اذا حبيت تضيف الحبحر او فيه من يسميه صرار وبعضهم يقول عنه فلفل احمر او حتى الفلفل الاسود انت بكيفك :d
وخله على النار قوها بالاول واذا حسيت ان المااء راح اغلبه قصر النار وخله لين تقريبا تشوف ان الكوسه والبيدجان يعني ماهم قويين ذايبين شوي او لينين حيل وان المرق خلاص راح اغلبه وصار غليض شوي ... بعدها قرب الصحن ويالله كب اللي بالقدر فيه وقرب التميز وبالعااااااااااااااافيه :d
يمدحون الببسي معه خاصه اذا الطبخه فيها فلفل والشاهي اذا مابها ريحة الفلفل
تحياتي الشيف (( ســـعود ));)

[أبوحكيم]

مشكور اخوي والله يعطيك الف الف عافيه

[aliato]

يعطيك العافية اخوي سعود....بس هذي الطبخة تنفع بكشته سفري والا استراحات .... يعني اشوف يبي لها نفس طويل وههمة شباب....

[(( ســـعود ))]

يعافيكم ربي كلكم ومشكورين على المرور وعلى التعليقات

بالنسبه لي بالعكس ماطبخها الا اذا طلعت للبر خاصه بالشتااااء تدفي :d

سهله انت وواحد من الشباب قطعو بسرعه ثم انت استلمها بنفسك وخلاص لاصبيت الماااء عليها تونس وسولف وشأ عليها شأأأأت :d ... يعني مثل الرز مر عليها من وقت لوقت وسهله

[خالد777]

بس الحلبة ماتحوس الدعوة

[(( ســـعود ))]

الســـلام عليكم

والله ياخالد الحلبه هي سر الطبخه واساسها... جربها الاول بالبيت وشوووف ... مع اني افضل تجربتها بالبر لان الريحه ريحه الحلبه تروح مع الهواااء .... اصلا اول ماتحط الحلبه على الدجاج بتفوح لك ريحه تخلي الكشتات اللي حلولكم يسيرون عليكم ههههههههههههههههههههه ... ومو بس كذا الا ان ضبطت معك كل ماطلعت للبر خوياك قااالو تكفى الايدام الايدام ... ملاحظه تقطع الكوسه لاربع اجزاء فقط وطولي يعني اهي طويله تنصفها على طولها يصير ثنتين طوال ثم تنصفهن مع النص وخلاص كذااا ... تقوولي ليش ؟؟ اقولك مادري بس شفت هندي يسوي كذااا ههههههه .. لا امزح معك بس لجل ماتقطع الكوسه والبيدجان بشكل صغير ثم تذوب بالمرقه لازم يصورون كبار شي
على العموم الطبخه هذي روعه وحلوه وان كان فيها ريح فهي تبي تلصق باللي يطبخها ... بس تستاهل الطبخه ويفضل انك تزيد الحلبه بعد ماتحط المااااء انت حطيت بالاول اوكي بس زدها ... زدها بعد ماتحط الماااء... يالله جربووو شباب وعلموناااا

[بني حسن]

انا افول ان هذه الطبخه اكيد طيبه ولذيذه واقترح تسميتها الخبصه على وزن كبسه وبالهنا والشفا

[قلب الداهيه]

يعطيك العافية اخوي سعود....

[العملاق النائم]

سعود انا من راعي الايدام هذا من زمان بس بدون حلبة
وكانت مو معقولة طعمها وخاصة اذا طغى اللون الاحمر على الايدام بعد وضع الصلصلة

لكن فكرة الحلبة جديدة .........ابروح اجربها الليلة.

تحياتي لك.

[(( ســـعود ))]

السلام عليكم

أهلين بالشباب منوووورين وتسلمو على القراءة والتعليق

المهم انا يوم اعطي الطبخه على انها طبخه وبس يعني ايدام وفيه حلبه بس قلت ياولد الحلبه ماهي مثل غيره يعني ماهي طماط او بصل او كوسه او او... الخ ومع ان كل شي له فوائد وله مضار بس قلت لازم اقرا عنها وكان فيها محضورات او فوائد نزلها المهم رحت دورت لكم في احد المنتديات ولقيت بعضها تتكلم عن الحلبه وانا صراحه ماستخدمها الا في الطبخه هذي ... بس يوم شفت لقيت لها فوائد كبيره ومحضورات على العموم العذر انا يوم اكتب الموضوع على انه طبخه وبس , بس يوم قريت عنها قلت لا لازم انزل كل شي قريته ويالله اخليكم مع هالموضوع الخاص بكاتبه في احد المنتديات :
لقد قيل في الحلبة
" لو علم الناس بما فيها من فوائد لاشتروها بوزنها ذهباً".

وفي الطب النبوي لإبن القيم :

يذكر عن النبي صلى الله عليه وسلم ، " أنه عاد سعد بن أبي وقاص رضي الله عنه بمكة ، فقال : ادعوا له طبيباً ، فدعي الحارث بن كلدة ، فنظر إليه ، فقال : ليس عليه بأس ، فاتخذوا له فريقة ، وهي الحلبة مع تمر عجوة رطب يطبخان ، فيحساهما ، ففعل ذلك ، فبرئ" .
و قال العالم الانجليزي كليبر
"لو وضعت جميع الأدوية في كفة ميزان ووضعت الحلبة في الكفة الأخرى لرجحت كفة الميزان.

وقوة الحلبة من الحرارة في الدرجة الثانية ، ومن اليبوسة في الأولى ، وإذا طبخت بالماء ، لينت الحلق والصدر والبطن ، وتسكن السعال والخشونة والربو ، وعسر النفس ، وتزيد في الباه ، وهي جيدة للريح والبلغم والبواسير ، محدرة الكيموسات المرتبكة في الأمعاء ، وتحلل البلغم اللزج من الصدر ، وتنفع من الدبيلات وأمراض الرئة ، وتستعمل لهذه الأدواء في الأحشاء مع السمن والفانيذ . وإذا شربت مع وزن خمسة دراهم فوة ، أدرت الحيض ، وإذا طبخت ، وغسل بها الشعر جعدته ، وأذهبت الحزاز .

ودقيقها إذا خلط بالنطرون والخل ، وضمد به ، حلل ورم الطحال ، وقد تجلس المرأة في الماء الذي طبخت فيه الحلبة ، فتنتفع به من وجع الرحم العارض من ورم فيه . وإذا ضمد به الأورام الصلبة القليلة الحرارة ، نفعتها وحللتها ، وإذا شرب ماؤها ، نفع من المغص العارض من الرياح ، وأزلق الأمعاء .



وإذا أكلت مطبوخة بالتمر ، أو العسل ، أو التين على الريق ، حللت البلغم اللزج العارض في الصدر والمعدة ، ونفعت من السعال المتطاول منه.

وهي نافعة من الحصر ، مطلقة للبطن ، وإذا وضعت على الظفر المتشنج أصلحته ، ودهنها ينفع إذا خلط بالشمع من الشقاق العارض من البرد ، ومنافعها أضعاف ما ذكرنا .ويذكر عن القاسم بن عبد الرحمن ، أنه قال : قال رسول الله صلى الله عليه وسلم : " استشفوا بالحلبة " وقال بعض الأطباء : لو علم الناس منافعها ، لاشتروها بوزنها ذهباً أ.هـ.



هل هناك محاذير من استخدام الحلبة وهل تتداخل مع أمراض أو أدوية اخرى؟
- نعم يوجد محاذير حيث لا يجب استخدام الحلبة للمرأة الحامل حيث انها تنشط الرحم ويمكن ان تسقط المرأة عند استخدام الحلبة كعلاج ولكن ليس بكميات قليلة كالتي تضاف لبعض المأكولات أو السلطة، كما لا يمكن استخدامها للاطفال تحت سن السنتين، كما يجب عدم استخدام الحلبة لمرض السكر من النوع المعتمد على الأنسولين إلا بعد استشارة المختص. كما يجب على أي شخص يعمل فحص سكر الدم أو الكوليسترول عليه ان يشعر المختبر انه يستخدم الحلبة لكي يأخذ في الحسبان الزيادة والنقصان في نتائج الفحص. تتدخل أيضاً مع ادوية تخثر الدم وكذلك مع الهورمونات



ويمكن أن تؤكل مطبوخة للتغذية وفتح الشهية ولزيادة الوزن , كما يشرب مغليها حيث أنه ينفع في بعض الإضطرابات المعدية والصدرية ..... كما تعطى للفتيات في زمن البلوغ لتنشيط الطمث , وكذلك لفقر الدم ولضعاف البنية والشهية وللنحفاء.
أخوكم (( ســـعود ))

[المعاكس]

اخوي سعود عيدك مبارك الحلبه اللي مع الطبخهى مطحونه والا لا ومشكور وماقصرت للمعلوميه فيه طبخه اسمها السلنه عند مطاعم اليمنيه وخاصه في المحطه اللي بعد مخرج9 باتجاه الجله لذيذه والحلبه هي سرها ومشكور وما قصرت

[(( ســـعود ))]

ياهــلا بالمعاكس كل عام وأنت والقراء بخير وصحه وسلامه وأعاده الله علينا وعليك والمسلمين أجمعين بالخير والمسرات ...
اما بالنسبه للحلبه ايه وانا اخوك مطحونه .. خذها من اي محل يبيع البهارات قل ابي حلبه مطحونه
وبالنسبه للمطعم اللي تقول مالي علم فيه...
وشكرررررررررررررررررررراً

[كحيلان 11]

مشكور يا الغالي
ويعطيك العافيه

[ع العمرو]

تسلم أدياتـــــــــــــــــــــــــــــــــــــــــــــ ــــــــــــــــــــك
والله يعطيك العافيه

[ريووومه99]

ايدام كوسة المقادير نصف كيلولحم غنم مقطع اصغار 8حبات كوسة مقطعة علي شكل نصف حلقة 2حبة بصل مفروم نصف كاس زيت او سمن عصير 4حبات طماطم 2ملعقة صلصة طماطم نصف ملعقة صغيرة فلفل اسود نصف ملعقة ص كمون ربع ملعقة ص هيل ملح حسب الرغبة اطريقة ==يغسل الحم ويصفي يقدح الزيت او السمن وحمري البصل ضعي عليه اللحم وقلبي 5 دقائق ثم ضعي عليهالصلصة وعصير الطماطم والبهارات واتركي ال ان يتسبك اضيفي الماء واتركية حتي يستوي اضيفي الكوسة فوق اللحم مع اضافة الملح واتركيها حتي تستوي ثم اضيفي كسبرة خضراء مفرومة ممكن نضيف عليها نصف كاءس حمص مدشوش مسلوق حسب الرغبة ===واعذروني ماعرف انز الصور وشكرا

[AL8AI9ER]

شكل الطبخه حلوة لكن المشكلة ان فيها كوسه وحلبه وانا مالي فيهم بصراحه

يعني الطبخه الي فيها خصوصآ الكوسه ما آكلها

[Al3rands]

عافاك الله ونا من عشاق الحلبه