ابوجيهان
20/10/2013, 06:58 AM
السلام عليكم ورحمة الله وبركاتة
كل عام وانتم بخير وأعاده الله علينا وعليكم باليُسر والمسرات
أخواني الكرام هذا أول موضوع لي بمنتدى مكشات .. لعل وعسى أجد حل لمشكلتي
سيارتي TOYOTA HILUX 2011 GLX 2,7 VVTI
هايلكس 2011 بنزين 2700 غمارتين
الممشى 120158 .. مائة وعشرون الفا وكسور :)
عندي مشكلة لاحظتها صدفة ولكنها كانت مدخال ضيق على صدري
طبعاً بداية المشكلة كنت طالع من دوامي الذي يبعد عن منزلي تقريبا 100 كيلو
كانت سرعتي مابين 130 الى 140 وشغلت المساحات حتى اني انظف القزازة
وماكان بقربة المساحات ماء فاظطريت اني اوقف بمحطه وبعد ماعبيت القربة قلت خل اشيك ع الموتر فـ تفاجأت بان خرطوش الرديتر العلوي "محجر" والسفلي كان لين
استغربت ونسيت المشكلة ومرت ايام وذكرت السالفة لنسيبي وقال خلنا نشيك على السيارة احتياطا
اول شيء سالني عن الحراره .. اذا كنت واقف تكون تحت النص وطبيعية واذا مشيت رجعت للربع وتنزل نزول كبير وملحوظ اذا مشيت .. يعني مافيه ارتفاع حرارة نهائياً لكن امبير الحرارة غير ثابت يلعب مابين قبل النص والربع .!
طبعا استغرب نسيبي وانا كذلك بعدين طفينا السياره وخليناها لين تبرد وشغلتها الصباح امس وعطيتها مهله 5 دقايق والخراطيش محجره الاثنين وزدتها 5 دقايق يعني المجموع 10 دقايق والى الآن الخراطيش محجره .. طلعت ولفيت بالسيارة 10 دقايق اخرى حول بيتي ورجعت ووقفتها وفتحت الكبوت وحصلت الخراطيش الاثنين الى الآن محجرة !
قال نسيبي احتمال رأس المكينة عندك فيه مشكله ويحتاج تغيير او مسح :(
طبعا السيارة سابقاً انشق الخرطوش وارتفعت الحرارة الى الـ H ولكن سرعان ماوقفتها وبردتها ووديتها الصناعية (بسطحاء)وغيرت خرطوش سفلي بـ 45 وتركيب بـ 30 وماء اصلي بـ 55 والباقي مقطر وسبب شق الخرطوش هو انه انفلت من الفريم بسبب كسر بسيط بالفريم وغيرت الفريم وما انشق بعدها ولله الحمد والكلام هذا قبل 6 اشهر . .. وغيرت ماء الرديتر قبل شهر تقريبا عند محل رديترات .. كنت اغير القماشات وقلت مره وحده اغير ماء الرديتر وزيوت واشيك على السيارة كاملة .. ورغم اني يوميا امسك خط للدوام 100 كيلو لكن مالاحظت ارتفاع بالحرارة او تهريب بالرديتر .. وعزم السيارة نفسه ولايوجد بها تفتفة او خلط زيت وماء..
رحت للصناعية اول عامل قال ممكن راس مكينه خربان طبعا هندي .. وسالت اخوي قال يمكن من بلف الحراره مسدود او خربان ويحتاج تغيير او طرمبة المويه ماتضخ او احتمال راس المكينه من ارتفاع الحراره اللي صار لك قبل 6 شهور ..
وما اخفيكم اني كارف السياره بحكم ان شاريها للدوام فقط وتقضيه اغراض البيت بحكم وجود سيارة ثانية للاهل وماعرف شيء فيها غير بنزين وزيت وقماشات فرامل .. لكن الآن ما ادري وش المشكلة بالضبط هل هي راس فعلا او مشكلة اخرى بدورة التبريد للمحرك .. ف اتمنى اني ماطولت عليكم واعذروني ضايقتن بي الوسيعه وياليت اني اجد الحل منكم علما اني نايم امس الساعه 11 وصحيت بدري عشان احل المشكلة اليوم بما اني في ويكند .. وآسف اذا كان كلامي طويل لاني حبيت ابين لكم كل التفاصيل لان ماودي الهنود وطقتهم يلعبون براسي
والسلام خير ختام والله يحفظكم اخوكم أبوجيهان :)
كل عام وانتم بخير وأعاده الله علينا وعليكم باليُسر والمسرات
أخواني الكرام هذا أول موضوع لي بمنتدى مكشات .. لعل وعسى أجد حل لمشكلتي
سيارتي TOYOTA HILUX 2011 GLX 2,7 VVTI
هايلكس 2011 بنزين 2700 غمارتين
الممشى 120158 .. مائة وعشرون الفا وكسور :)
عندي مشكلة لاحظتها صدفة ولكنها كانت مدخال ضيق على صدري
طبعاً بداية المشكلة كنت طالع من دوامي الذي يبعد عن منزلي تقريبا 100 كيلو
كانت سرعتي مابين 130 الى 140 وشغلت المساحات حتى اني انظف القزازة
وماكان بقربة المساحات ماء فاظطريت اني اوقف بمحطه وبعد ماعبيت القربة قلت خل اشيك ع الموتر فـ تفاجأت بان خرطوش الرديتر العلوي "محجر" والسفلي كان لين
استغربت ونسيت المشكلة ومرت ايام وذكرت السالفة لنسيبي وقال خلنا نشيك على السيارة احتياطا
اول شيء سالني عن الحراره .. اذا كنت واقف تكون تحت النص وطبيعية واذا مشيت رجعت للربع وتنزل نزول كبير وملحوظ اذا مشيت .. يعني مافيه ارتفاع حرارة نهائياً لكن امبير الحرارة غير ثابت يلعب مابين قبل النص والربع .!
طبعا استغرب نسيبي وانا كذلك بعدين طفينا السياره وخليناها لين تبرد وشغلتها الصباح امس وعطيتها مهله 5 دقايق والخراطيش محجره الاثنين وزدتها 5 دقايق يعني المجموع 10 دقايق والى الآن الخراطيش محجره .. طلعت ولفيت بالسيارة 10 دقايق اخرى حول بيتي ورجعت ووقفتها وفتحت الكبوت وحصلت الخراطيش الاثنين الى الآن محجرة !
قال نسيبي احتمال رأس المكينة عندك فيه مشكله ويحتاج تغيير او مسح :(
طبعا السيارة سابقاً انشق الخرطوش وارتفعت الحرارة الى الـ H ولكن سرعان ماوقفتها وبردتها ووديتها الصناعية (بسطحاء)وغيرت خرطوش سفلي بـ 45 وتركيب بـ 30 وماء اصلي بـ 55 والباقي مقطر وسبب شق الخرطوش هو انه انفلت من الفريم بسبب كسر بسيط بالفريم وغيرت الفريم وما انشق بعدها ولله الحمد والكلام هذا قبل 6 اشهر . .. وغيرت ماء الرديتر قبل شهر تقريبا عند محل رديترات .. كنت اغير القماشات وقلت مره وحده اغير ماء الرديتر وزيوت واشيك على السيارة كاملة .. ورغم اني يوميا امسك خط للدوام 100 كيلو لكن مالاحظت ارتفاع بالحرارة او تهريب بالرديتر .. وعزم السيارة نفسه ولايوجد بها تفتفة او خلط زيت وماء..
رحت للصناعية اول عامل قال ممكن راس مكينه خربان طبعا هندي .. وسالت اخوي قال يمكن من بلف الحراره مسدود او خربان ويحتاج تغيير او طرمبة المويه ماتضخ او احتمال راس المكينه من ارتفاع الحراره اللي صار لك قبل 6 شهور ..
وما اخفيكم اني كارف السياره بحكم ان شاريها للدوام فقط وتقضيه اغراض البيت بحكم وجود سيارة ثانية للاهل وماعرف شيء فيها غير بنزين وزيت وقماشات فرامل .. لكن الآن ما ادري وش المشكلة بالضبط هل هي راس فعلا او مشكلة اخرى بدورة التبريد للمحرك .. ف اتمنى اني ماطولت عليكم واعذروني ضايقتن بي الوسيعه وياليت اني اجد الحل منكم علما اني نايم امس الساعه 11 وصحيت بدري عشان احل المشكلة اليوم بما اني في ويكند .. وآسف اذا كان كلامي طويل لاني حبيت ابين لكم كل التفاصيل لان ماودي الهنود وطقتهم يلعبون براسي
والسلام خير ختام والله يحفظكم اخوكم أبوجيهان :)