المساعد الشخصي الرقمي

مشاهدة النسخة كاملة : حداق الجبيل هالايام ( استفسار عن جزيرة ابوعلي)


CSD
20/10/2013, 10:13 AM
السلام عليكم جميعا.

اخوكم من البحرين. زرنا انا و الشباب الجبيل أكثر من مرة بقصد الحداق، آخر مرة من أكثر من سنة. الشباب في المنتدى ما قصروا بالمعلومات جزاهم لله خير.

نفكر نزور الجبيل الجمعة بعد الصلاة ان شاء لله، يعني نوصل العصر. كيف الصيد هالايام و وين أفضل موقع. احنا بغينا شعوم حجم طيب.

و بالنسبة لرأس أبوعلي، كيف نحصل ترخيص للدخول.

جزاكم الله خير.
ذوالجناح7
20/10/2013, 10:51 AM
السلام عليكم جميعا.

اخوكم من البحرين. زرنا انا و الشباب الجبيل أكثر من مرة بقصد الحداق، آخر مرة من أكثر من سنة. الشباب في المنتدى ما قصروا بالمعلومات جزاهم لله خير.

نفكر نزور الجبيل الجمعة بعد الصلاة ان شاء لله، يعني نوصل العصر. كيف الصيد هالايام و وين أفضل موقع. احنا بغينا1- شعوم حجم طيب.

و بالنسبة لرأس أبوعلي، 2- كيف نحصل ترخيص للدخول.


جزاكم الله خير.



الله يحيك في الشرقية


آنا راح أفيدك حسب معرفتي البسيطه


بالنسبه حق صيد السيف حسب متابعتي لحداقين الشعوم في الدمام كورنيش المباركيه الصيد حلووو وفي الواجهه الجديده الطعم ربيان :good2: آنا أدور السبيطي :l


وسؤالك عن التصريح حق رأس بوعلي يكون من قيادة حرس الحدود في جبيل البلد تروح الصباح يقولك تعال بعد الظهر تستلم التصريح لاكن تأكد قبل أن هذي الأيام يعطون تصاريح ولا لا لأن مرات يمنعون التصاريح


( ماااا تعرف لهم ) وفالك السبيطي :D

وأعتقد توقيتك غير مناسب يوم الجمعه صلاة الجمعه والغالب ماتلاقي من يخدمك

الأفضل تسوي التصريح في أيام الأسبوع وهو مدته 10 أيام أفضل من أنك تجي مشوار ولا تلاقي من يخدمك


وبالتوفيق إن شاء الله


تحياتي أخوك / بوحبيب
CSD
20/10/2013, 01:45 PM
جزاك لله خير يا الشيخ. قيادة حرس الحدود يداومون يوم السبت؟ والمردومة تعتبر جبيل الصناعية؟
أحمد السوويدي
20/10/2013, 07:22 PM
وعليكم السلام

هلا وغلا نورت بلادك

السبيطي والشعم كله موجود خير من الله

واذا تبي ابو علي عندك الجزر

مايحتاج حرس حدود وغيره

اذا انتوا مجموعة

اطلع من فرضه دارين بالجبيل الصناعية رحلة ع الجزر نفسها

تقريبا المشوار 35 دقيقة

بتحصل قدامك 7 جزر ماهي وحده واطرح ع اي وحده بس ابعد عن ام اللوه

نسق امورك خيوط وشكات خلك جاهز

خل وقت وصولك ع رشه الماية

اي سؤال ابد قريب
أحمد السوويدي
20/10/2013, 07:23 PM
مردومه في الجبيل الصناعيه

بس خويك السلفر شاح بذي المنطقة

الهامور موجود في مردومه
CSD
21/10/2013, 11:12 AM
شكرا جزيلا. بس أنت قصدك طلعة طراد؟ احنا حداقنا بيكون على السيف انشالله.

متى أعلى مد يوم الجمعة في المردومة؟ و هل تنصحون بمكان غير المردومة في الجبيل؟ احنا نحدق نهاية الصطاحيات او على أول ساحل بعد الصطاحيات. هل مكانا صح؟

وشكرا مرة ثانية.
ناسي سنارتي
21/10/2013, 12:26 PM
عليكم السلام حياك الله اخوي


بالنسبه لراس ابو علي عندك قبل البوابه مسموح اذا عندك سياره دفع رباعي روح جهة اليسار وباذن الله بتعين خير اما جهة اليمين مايحتاج دفع رباعي لكن الصيد ضعيف فيها نوعا ما

اما بعد البوابه لازم تصريح وعلى كلام بعض الشباب ممنوع لازم واو :)


في اماكن عندك مثل النقوريه لكن مشوارها طويل شوي وبالليل والحداق فيها من طلوع الشمس حتى غروبها اما بالليل ممنوع

المردومه منطقه حلوه وصدنا فيها سبيطيات اكبر واحد طلعوه شباب كان 12 كيلو ونص لكن اوقات نجي مانصيد شي ابد

والشباب ماراح يقصرون معك


تحياتي لك
أحمد السوويدي
21/10/2013, 05:00 PM
شكرا جزيلا. بس أنت قصدك طلعة طراد؟ احنا حداقنا بيكون على السيف انشالله.

متى أعلى مد يوم الجمعة في المردومة؟ و هل تنصحون بمكان غير المردومة في الجبيل؟ احنا نحدق نهاية الصطاحيات او على أول ساحل بعد الصطاحيات. هل مكانا صح؟

وشكرا مرة ثانية.

طلعة طراد تكون ع الجزر حداق سبيطي وشعوم امورك زينة

اما صطاحيات او صبات اللي بمردومه

اقولك حرام عنيت عمرك ع خالي بلاش

لكن جرب هالمحل وان شاء الله بتحصل رزق طيب

خلك مع المخيمات امش لين اخر مخييم

وقف السيارة وامش يمين مع السيف نص كيلو ووقف هناك

وصيد والرزق من الله .. الشعم والمزيزي موجود هالمحل مع اول الرشه



تقريبا تبدا ترش 2 ونص

اعلى مد تقريبا 8


العفو ماسويت شي اخوي