الخراطيش ( الليات ) تحجر والوسوسة تزيد معها [الأرشيف]

مشاهدة النسخة كاملة : الخراطيش ( الليات ) تحجر والوسوسة تزيد معها

محمد 2002

21/10/2013, 12:36 PM

السلام عليكم ورحمة الله
السيارة / لاندكروزر
الموديل / 93
المشكلة / كانت موية الرديتر تطلع مع القربة إذا مشيت على السيارة مسافة بعد ما اتوقف أحصل الموية على جوانب القربة وحول غطاء الرديتر
الحرارة بين الربع وتحت النص شوية غير ثابتة ولكن الأغلب على الثلث والبلف موجود
مريت ميكانيكي أخذ غطاء الرديتر وشد عليه بالزرادية ورجعه ولا زالت تحت التجربة
ولكن الخراطيش محجرة يعني تنضغط شي بسيط والسيارة شغالة ومريت ميكانيكي ثاني قال لي وجه الراس مع العلم ان ما فيه دخان مع الشكمان وواحد قال طلع البلف أقص شوية من الاسبرينق حتى يفتح على درجة حرارة أقل ولا تحجر الخراطيش
السؤال / ايش تتوقعون المشكلة منه
وايش رايكم في ( ستوب ليك ) المادة الي يحطونها في الرديتر لإصلاح الوجه لو كان فيه شي
وفقكم الله جميع

tevo

21/10/2013, 01:04 PM

اخوي ممكن غطاء الرديتر هو الي خربان
انا صارت معي علي موتر ثاني لا وقفت السيارة ترتفع الحرارة وتكب المويه من القربه ولا مشت تنزل الحرارة .
غيرت الغطاء وكل شي تمام بس تاكد انه اصلي ومطابق للغطاء حقك

محمد 2002

21/10/2013, 02:57 PM

بيض الله وجهك
ان شاء الله ابحث عن الغطا الأصلي مع العلم اني أخذت غطا من محل في الصناعية قالوا لي انه أصلي والميكانيكي يقول ماهو زين
للمعلومية أنا شلت البلف وجربت السيارة بدون بلف وبعدين رجعته الملاحظ ان ضغط الهواء في الخراطيش راح بدون البلف ورجعت البلف رجع

شايف نفسه

22/10/2013, 11:03 AM

اخوي يمكن البلف يكون خربان مايفتح صح غير البلف والغطا مثل ماذكر اخوي

وان مانفع فمعناه فيه تنسيم بالراس
واذا الموتر تسافر عليه مسافات طويله وحر
فما انصحك بالمحلول لانه يفتح مع الوقت واذا تبيه حل مؤقت
استخدم محلول يجي سائل نشارة حديد مع مواد ثانيه لاتستخدم نشارة الخشب ماتنفع
انا استخدمت نشارة الحديد لموتر خالط الماء والزيت وضبط حوالي 6 شهور
وعندمادخل الصيف رجع خلط الماء والزيت

sgl2002

22/10/2013, 11:52 AM

غير الغطاء

ولو وجه الراس فيه شي تلقا المويه كلها تطفر من القربه ولايبقى في المكينه شي وترتفع الحرارة

Messerschmitt

22/10/2013, 03:50 PM

موترك سليم بإذن الله وتحجير الليات طبيعي جداً

ولكن غطا الاديتر يحتاج تغيير.

ابوخليل 200

22/10/2013, 06:52 PM

اخوي ﻻتقرب الستوب .
اعتقد والله أعلم انه من بلف الحرارة.
صارت معي في سيارتي ووخرت البلف والحمد لله ظبطت اﻻمور. ..
تقبل مني.

محمد 2002

24/10/2013, 07:28 PM

بيض الله وجيهكم جميع وكلامكم صحيح لا عدمناكم
البلف جديد ومريت ميكانيكي فاهم ما شاء الله وفي نفس الوقت يخاف الله أول ما شاف الموتر قال المشكلة من غطا الرديتر وقام فك الغطا الموجود وأخذ مفك وشد عليه شوي كحل مؤقت الين اروح لقطع الغيار واشتري واحد وضبط الموتر الحمد لله
ولكن الغطا الأصلي الي مركب عليه ماخذه من قطع الغيار ومقاسه 0.9 وقرأت ان المفروض يكون المقاس 1.1 بأمرهم واشوف

أَبوابراهيم

25/10/2013, 01:53 PM