المساعد الشخصي الرقمي

مشاهدة النسخة كاملة : انتل الجارمن ومقويات الاستقبال .


ابونايف الروقي
17/10/2006, 11:54 AM
السلام عليكم وكل عام وانتم بخير

دائما اشوف فوق كثير من سيارات الشباب خصوصا سيارات الجيب انتل او جهاز شكله زي(( بيضة النعامه )) :p

وسالت عنه قالو انتل ومقوي للجارمن انا عندي قارمن جي بي اس 3 سالت صاحب محل عن الانتل وجابلي نوعين نوع الابيض الكبير ونوع اسود صغير وهو عباره عن قطعه لونها اسود كانها بطارية جوال فيها سلك يقول تلصقها فوق السياره وتوصل السلك للجهاز ويصير استقباله اقوى سوالي هل الجارمن حقي يركب فيه الانتل وماهو الفرق بيه الانتل الكبير الابيض والانتل الصغير الاسود ومن وين اشتري الاصلي والي عنده صور الله لايهينه يحطها وشكرا لكم .
أبو القارمن
17/10/2006, 04:19 PM
الأنتل الخارجي له فائدتان تقريا :
يمكن إستخدام الجهاز في أي مكان داخل السيارة المرتبة الخلفية عند القير المكان الي تحبه
الأنتل الكبير الي لونه أبيض يعطي شكل قوي للجيوب بس الناس سارت تعاني لأنه ما عاد يصنع وقف غير كذا يمكن يصرق عليك

الأنتل الصغير يجي نوعين :
الأول أنتل صغير الحجم يجي مغناطيس على التنده
الثاني يجي معاه قاعدة ماص للهواء لتركيبه داخل السيارة أو تركب قطعة مغناطيسية طبعا القطعتين تجي معها

المهم الناس إلي تستخدم الجهاز فترات متقاربة تكون عنهم الأقمار ممتازة وأتوقع الأنتل الخارجي أقوى حساسية أو إستقبال للأقمار

وأي سؤال أو استفسار تحت أمرك ياخوي

معليش الأنتل يتحصل عند أي معرض للبيع القارمن أو تروح لأقرب فرع للوكيل دار موجة
ابونايف الروقي
18/10/2006, 11:45 AM
ابو القارمن شكرا على المعلومات وما قصرت
البارح رحت لمحلات الاتصالات حصلت الانتل الابيض حق القارمن الاصلي مع القاعده الفضيه الي تركب في الجنب مع التركيب ب550 ريال
وحصلت الصغير الاسود المغناطيس قيمته 120 ريال اما الاسود الي يجي قطعتين 250 ريال ..
لذلك قررت التالي :
1- اشتري الانتل الصغير الاسود لاني سالت واحد كان في المحل يشتري مثله وقالي انه Ok وانه كان مركبه يقول لي انه شغال معه في كل مكان حتى داخل كراج السياره وانقطع السلك حقه وجاي ياخذ ثاني .
2- بشتري انتل قارمن تجاري زينه وبرزه فوق السفاري لان الاصلي بصراحه اخاف انه يسرق وحرام تروح 550 ريال .
أبو القارمن
18/10/2006, 08:03 PM
حياك الله وأي شئ تراني في الخدمة في أي وقت إنشاء الله .
system
19/10/2006, 09:34 AM
الاخوان :P52 وابو القارمن كلامكم صحيح ومعلوماتكم طيبه....

انا من وجهة نظري ان الاريل الاسود الصغير احس وارخص وماينشاف على السياره واضوح وفايدة الارايل بوجه عام ان ال GPS مايمديك تشغله تطلعلك الاقمار كامله وفل والفايده الثانيه انه يعطيك دقه بتحديد المواقع والتراكات,,,,
والى الامام يا ابو القارمن ويعطيك العافيه على هالحماس .



وشكرا
ابونايف الروقي
19/10/2006, 11:46 AM
شكرا ابو القارمن وشكرا system

انا البارح رحت وشريت الانتل الصغير الاسود اصلي وشبكته على القارمن زي الحلاوه
واشتريت الانتل الابيض تجاري زينه مه قاعده بيضاء وقاعده فضيه جانبيه وهذي هي التكلفه :
القاعده الفضيه 40 ريال
القاعده البيضاء 20 ريال
الانتل حق القارمن مثل الاصلي في الشكل 20 ريال
الانتل الاسود الصغير الاصلي 120 ريال
ابونايف الروقي
20/10/2006, 05:59 PM
ابو القارمن شكرا على تعاونك
انا عندي مشكله صغيره اذا ارسلك بل جهاز اللاسكلي (( الايكوم )) تروح ابراج الجارمن تختفى الاقمار ويصير مافيه استقبال مدري وش القصه ؟