دخان اسود وريحه كربون وغسيل داخلي للمكينه

[ثورة الشك]

السلام عليكم ورحمه الله وبركاته


ياجماعه خيرعندي سيارة جيب 88تويوتاتطلع دخان اسود وريحه كربون بنزين

قالي مكانيكي سوي غسيل للمكينه عندالبنشر زيت يحطونه بالمكينه ويشغلونها وبعدها يغيرونه

واناخايف تظرالمكينه

نبي حل بالدخان وغسيل المكينه

[محمد 2002]

سؤال بلف الحرارة موجود والا فاكه
لأني جربت فكيت بلف الحرارة وصار موتري يدخن ويكربن بشكل غير طبيعي فرجعت البلف لأن الميكانيكي يقول الكلبريتر إذا كان بارد يصير نفس الشي

[شايف نفسه]

اخوي لا تقرب زيت غسيل المكينه وخص ان موترك قديم لانه ينظف كل الترسبات وهذا قد يضعف الشنبر ويبدا ينقص
ولغسيل المكينه غير نفس زيتك الاول مره او مرتين كل مره امش عليه سرعات عاليه يومين او ثلاثه ولا تغير الزيت الا عندما يكون الموتر حار




وبالنسبه للكربون مشكلتك بين الكلبليتر والديلكو شف لك ميكانيكي جيد

[الجوكر حسن]

وعليكم السلام ورحمه الله وبركاته

هلا اخوي معي هايلكس موديل 90 كانت تدخن دخان اسود رحت وفي صوت في المكينه طقطقه رحت لمكانيكي قلت له السالفه قال الدخان من الكلبليتر وطقطقه المكينه يبي لها وزن ديلكو عاد وزن الديلكو 100 ريال ونظف الكلبليتر 50 ريال .
لاكن بعد اسبوع رجع الدخان رحت لمه قالي يمكن من صفايه البنزين سحبت عليه .

ورحت لم واحد قالي معليك لازم ينظف الكلبليتر قلت نظفته قبل قالي يمكن مانظفه زين قلت طيب طيب خليته عنده العصر وخلص المغرب وراح الدخان يمكن انت مثلي ....

عاد ريحه البنزين مدري مامرت علي

اتمنى اني افتدك

[Messerschmitt]

بالنسبة للدخان الاسود فهو يدل على وجود نقص في حرق البنزين.

لازم تغير اصلاح الكبليتر وتنظفه وياليت تفحص البواجي.

[بدوي جنوبي]

افحص الكربرتير والبواجى

[wolf-9]

دخان أسود

أما الدخان الأسود فيعني وقود زائد يدخل غرفة الاحتراق. قد يكون هناك تسييل بالبخاخات, غلق لصمام خنق بدأ الإدارة, تسييل من إبرة عوامة المغذي "الكربراتير" أو مشكلة بالعوامة. تلف حساس الأوكسجين بحيث يعطي إشارة إلى الحاسب بأن الوقود ضعيف مما يجعل الحاسب يزيد من زمن الحقن وإدخال وقود زائد للمحرك.

[ثورة الشك]

مشكورين والله اشغلناهالدخان اوقات ازرق واوقات اسود واوقات مخلووووووط

لاكن بواجي جديد

[عبقري91]

حل مشكلة الدخان. والكلبليتر دايم علله كثيره. هو الي يخلي الزيت يقلب اسود. بسرعه.
اهم. شي يكون فلتر. الهوا سليم. والحراره. ماتنزل عن الربع. المكينه تبي حراره. عشان تحرق النزين. صح.
مره. حطيت بلف حراره. اقل. من الوكاله. تدري طلع. الزيت يقلب اسود بسرعه. وفيه ريحت بنزين.
رجعت. بلف الحراره حق الوكاله. وزان. وبعد كم تغييره. راح السواد الي بالمكينه. وصار مايقلب ولا فيه ريحت بنزين.


سو النقطتين ذي. وبعدين نرجع الا. تصفيت الكربريتر. ووزن الديلكو.

[ثورة الشك]

بانتظارالافاده

[خلوودي..]

انا عندي كراون 1993 رحت البنشر وفرغ الزيت الاول وحط زيت غسيل المكينه وقلي شغل السياره وبعد 5 دقايق طفيتها
ونزل تحت السياره وفك السره وخرج زيت اسود اسود اسود بشكل غريب
طبعا بعد ما غسلها حط زيت للمكينه ورحت والحمد لله ما فيه اش مشاكل معايه