تكفون لاتخلوني ياأهل العرف والخبرة بخصوص كفرات الاكسبلورر

[فياقرا]

يالربع عندي اكسبلورر 2010
والكفرات بغيرها
فيه واحد نصحني أني أخلي الكفرات أعرض من الحالية
حجم الكفر الحالي (نفس الوكالة) هو 245\65\17
والي نصحني قال خلها 265\65\17
بس عرض الكفر يختلف

وش رايكم وهل فيه أحد جرب الحجم هذا وهل له تأثير على الموتر
وبعدين بغير الى كفرات قودير ؟؟ تنصحوني فيها ؟؟
ولا اخليها على شد بلدها

لاهنتووووا وبيض الله وجيهكم

[EMADS]

اخوي انا مركب نفس المقاس من يوم شريت السيارة 265\65\17


احس هذا المقاس اعرض وافخم على السيارة وما حسيت ابد انه اثر على السيارة

بخصوص النوع انا جربت البف غودريش اللي يجي من الوكالة واحس انه يخدم وما يهتري بسرعة والحين غير للبريجستون

[hytham]

في سياره واحد من الشباب ركبنا 275/60/17 الكفر عريض جداً ونفس ارتفاع كفره الاصلي بحكم انك زودت في العرض تنقص في الارتفاع بكده يكون الكفر ما فيه اختلاف عن مقاس بلده الا بالعرض

[المرن]

إذا حبيت تعرف اﻹرتفاع بالملي
اضرب العرض في نسبة الارتفاع
يعني
إضرب 245 ضرب صفر فاصلة 65
يعني كذا 245*0.65= الناتج هو اﻹرتفاع بالملي
لو زاد اﻹرتفاع سيؤثر على دقة حساس السرعة
يعني ساهر يصيدك مسرع وأنت تقول ماشيء مضبوط
...أنا شفت قودير ما ارتحت له قاسي
حق الوكالة يجي 400 وقودير الظاهر رقمه أكبر

[سحايب صيف]

السلام عليكم

حط المقاس القديم

والمقاس الجديد ويعلمك وش الفرق بينهم كبير ام لا

http://www.miata.net/garage/tirecalc.html

[tiger3000]

الكفرات المقاسات الكبيره تراه تخلف التوازن وتضر المقصات

[حسين ابو حلا]

بالعكس انا مركب275-65-16 دانلوب وماشاء الله ميه ميه
مشكلته صوت الكفر لان نقشاته كبيره شوي بس ممتاز للبر وللجبال
بالنسبه للمقصات والاذرعه ماقد شكت من شي اهم شي ان الكفر الامامي مايحك بالمقص ولا الرفارف

[ابوسعد النجدي]

انصحك ما تغير مقاس الوكالة
انا معي ٢٠١٠ وقبل سنة وشوي غيرت الكفرات
وغيرت مقاس الوكالة
حطيت مقاس 255/60/17
كنت ابغا 265/65/17
بس خفت يحك الكفر الأمامي

المهم بعد سنة حبلت الكفرات الاربعة كلها وإلى الآن ما أدري اش هو السبب
لكن اختلاف المقاس هو السبب الوحيد أمامي الآن

المهم قبل شهرين تقريباً غيرت نفس مقاس الوكالة
وحطيت كفرات ماكسيس
الصراحة روووووعه
الموتر اختلف علي كثييييير بالبر
لان نقشة الماكسيس تساعد على البر كثير
والكفر لين وممتاز في الخط والبر

هذه تجربتي وانصحك لا تغير مقاس الوكالة أبداً
وشف لك نوع كفر يكون لين عشان يريحك بالديرة ويكون في نفس الوقت له نقشه تتوافق مع البر

[دمع القلب]

السلام عليكم جميعا ..
اليوم مريت محلين بالرياض وسعرت بعض الكفرات وهذي اسعارها ..
http://img24.imageshack.us/img24/9389/b125.png


انا قبل سنة ونص ركبت تويو ياباني بصراحة كويسة ومريحة بس احسها استهلكت بسرعة
مع ان استخدامي عادي طلعات بر تنعد على الاصابع والسفر من 3 الى 4 مرات بس


انا محتار بين كفر الوكالة القورديش و الدنلوب المقاس العريض بس اخاف يحك بالبدي وابي اشوف احد جربه يفيدنا

واللي جرب كفر الوكالة .. هل هو مريح بالخط وماله صوت ؟
لانه اللي معي موديل 2009 واشتريته مستعمل وكانت عليه كفرات الوكالة بس كانت محجرة وغيرتها لتويو يعني بصراحة ماجربتها بس احس انها تكرف وتتحمل :)