شريت فرن الغنام وبلشت فيه

[nouaf]

شريت فرن الغنام وبلشت فيه
اول شي مافيه نكهت المندي الحطب ولا هب يمه ثاني شي الرز يطلع القراره من فوق يعني يصير يابس من فوق
وانا اول ماشريته فرحان وطلع مدري طبخ القدرافضل منه بكثير

[web]

طعم المندي الحقيقي هي من تقاطر الزيت على الجمر فقط ... حتى لو تحط كسر حطب ماراح يجيك مثل المندي قريب اوكي اما مندي مندي الي عليها الكلام مثل ماقلتلك ...
حتى الزيت على الفحم نكهته مختلفه بعض الشي عن لما يكون من دسم اللحم المتقاطر على الجمر ...
لا الغنام ولاالمزيني لايهمك احد ولا تغتر بكلام المطبلين مانعذرب في هذي ولكن ماهي مندي مندي اقرب مالها شوي ... وجيده جداً ونظيفه لكن لايقولي مندي

طريقتي وانا خوك احط منقل صغير جمر بحدا الزويا ويقطر عليه من الزيت حق الذبيحه بس حجم الي عندي حق ذبيحتين يعني عندي مساحه الي عندك مادري وانا خوك ..

اما الرز اذا كان ذبيحه انا ادخله بعد ساعه من وضع الذبيحه واخليه ساعه مع الذبيحه اطبخ فيه الذبيحه ساعيتن لاني احطها كامله (مفطح يعني )
واذا طلعت الرز اعطيه 10 دقايق يرتاح بعد ما اقصدره من فوق يمدي الرز الي فوق يلين شوي لانه فعلاً يجي يابس

[nouaf]

يعطيك العافيه اخوي الكريم يعني لتحسين النكهه احط جمر نجرب ان شاء الله شكرا لك

[nouaf]

انا جربت اقصدر الرز فعلا هو حل عشان ما يصير يابس والنكهه تتحسنت لمن اضفت شوي الله يكرمكم رمل اسفل الفرن حسب توصيه بعض الاخوه وبجرب المنقد الصغير ان شاء الله

[web]

اذا كان ذبيحه لاتدخل الرز الا بعد ساعه من حط اللحم وحط قدر تحت فيه مويا عشان اللحم ماينشف اللحم ويقسى عشان يصير لين من عملية تبخر الماء واذا حطيت الرز طلع الماء

اما نكهت المندي مثل ماقلتلك لازم جمر تحطه بمنقل صغير تحت وحاول تبعد ان الزيت حق الطبخ لان فيه اختلاف بالنكهه خل الزيت من نفس الذبيحه يقطر عليه

[nouaf]

الله يجزاك خير اخوي ويرحم والديك

[nouaf]

فعلا طبقت طريقه ادخال منقد صغير في الفرن مع الدجاج وقدر الرز بجانب الرز ووضعت فوقه جزاء من الدجاج وكانت النتيجه مندي يجيه قلبك مع اضافه ما الكادي للرز طلع افضل من مندي الرومنسيه
والله كنت ناوي ابيع الفرن لكن الان مافيه امل ابيعه
جربو طريقه اخونا وبشكرونه على الطريقه الرائعه

[عروق تميم]

[QUOTE=web;9697888]طعم المندي الحقيقي هي من تقاطر الزيت على الجمر فقط ... حتى لو تحط كسر حطب ماراح يجيك مثل المندي قريب اوكي اما مندي مندي الي عليها الكلام مثل ماقلتلك ...
حتى الزيت على الفحم نكهته مختلفه بعض الشي عن لما يكون من دسم اللحم المتقاطر على الجمر ...
لا الغنام ولاالمزيني لايهمك احد ولا تغتر بكلام المطبلين مانعذرب في هذي ولكن ماهي مندي مندي اقرب مالها شوي ... وجيده جداً ونظيفه لكن لايقولي مندي

طريقتي وانا خوك احط منقل صغير جمر بحدا الزويا ويقطر عليه من الزيت حق الذبيحه بس حجم الي عندي حق ذبيحتين يعني عندي مساحه الي عندك مادري وانا خوك ..



السلام عليكم

عزيزي انا عندي مندي المدفون الحطب
ومافيه كلام لاكن كثر الدخان تخرب الطعم

وعندي مندي الكهرب المزين
وقوي جدا

لاكن العيب ليس فيه بل في طريقت استخدامك هذا اذا كنت مستخدمه
وجربت كذا ذبيحه بفضل الله
النتيجه 100% مقمر
وطعم مندي قريب جدا لمندي الحطب

اما الفرن
دخل لك حطبه او قشور خلها تدخن وسكره واكبس به دجاجك او لحمك وطالب بالنتايج

[nouaf]

الله يجزاك خير لكن سوالي قشور الحطب هل تكون مولعه قبل ادخاله الفرن ؟