مشكلة حيرتني

[كورلا 2006]

السلام عليكم ورحمة الله وبركاته
يعطيكم الف عافية ابغا استفسر عن مشكلة عندي في السيارة
كورلا موديل 2006 فل كامل توماتيك مكينه 1.8
المشكلة فيها في الليل اذا طفيتها ما تشتغل الا اذا جيتها في اليوم الثاني في الصبح تشتغل
السيارة تدق سلف سليم غيرت البطارية والسلف والبواجي والى الان ما عرف المشكلة الي عنده خلفية عن المشكلة او قد مرت علية يفيدني الله يعطيكم العافية الموقع الرياض

[MSAN]

هلا بك أخوي..

فيه حاجه في سيارتك اذا أحترت ماعاد تشتغل.. وبسببها ماتشتغل السيارة..

والله العالم انها طرمبة البنزين...



افحص ضغط الطرمبة


بالتوفيق

[كورلا 2006]

مشكور اخوي وما قصرت
المشكلة اخوي طرمبة البنزين ما تشتغل اذا احترت وشيكت عليها وعلى لياتها فيها ضغط يعني الطرمبة سليمة والمشكلة الطرمبة ما تشتغل في الحر لازم تكون باردة والسيارة العكس

[حمزةعبدالمطلب]

طرمبة البنزين الطرمبة يكون فيها خرم من تحت صغير اذا فيها ترشيح فمعناه خربانه
او وضعت عليها مويه باردة بعد إطفاء المحرك حتى تبرد ثم شغلها فمعناه خربانه
أعطيتك خيارين اختبار قبل الخسارة

[كورلا 2006]

يعطيك الف عافية اخوي حمزة بس عندي استفسار اخوي لو الطرمبة خربانه ممكن تشتغل السيارة يوم وبعدها ما تشتغل الا بعد 10 ساعت

[craino]

غير كتاوت طرمبة البنزين , الكتاوت لها مقاومه معينه يجب ان تكون بنسبه محدده , مع الزمن اذا ارتفعت المقاومه ينتج عنها حراره عاليه مما يؤدي ان السياره ما تشتغل وهي حاره , فالنصيحه غير كتاوت طرمبة البنزين حتى لو تشتغل فإحتمال المشكله منها كبير جدا

[كورلا 2006]

ان شاء الله بغير وبشوف وش يسير معي يعطيكم الف عافية وما قصرتو

[كورلا 2006]

السلام عليكم ....
يعطيكم العافية وما قصرتو
بس حبيت اعلمكم اني عرفت المشكلة وطلعت في الدقمة نضام السكيورتي
وابشركم غيرتة وحولت السيارة من مفتاح الى بصمة وان شاء الله لو حصلت لي فرصة انزل صور بنزل .