اااهل الخبرة بقير الجيب شووورو علي لاهنتم

[فورد قديم]

الجيب عندي 86 تويوتا صالون توي مشترية وابلشني القير

اذا جيت اعشق الخامس مايمسك يقر قر قر قر
1-الميكانيكي يقول افكة واشوف يمكن تحتاح 1200+500فك =تصليح
2-راعية القديم يقول خلة بحالتك ماراح يضر


3-انتم وش تقولون شورررو علي ويمكن احد يعرف المشكلة ويدلنا

[ابوراكان تبوك]

غير زيت القير وجرب
اذا استمر بالمشكله ممكن من الدزق
لو قالوا لك الترس الخامس خربان يبين معك بالسنود الطويل خله بالخامس اذا فلت غير الترس والهلال على طول خبري فيه قديم يكلف الترس مع التركيب 700ريال

[اسدهم]

ممكن من الغوايش اسمها كذانحاس وتروس

[فورد قديم]

بارك الله فيك

بس الترس مايمسك ابد

[MSAN]

اذا فيه صوت قرة وكأن عصا القير تحك في شي وقت تلقيم النمرة.. هذي نحاسات التعيشقة الي فيها مشكلة


وتراها تتغير لحالها.. لحد يقول لك توضيب قير كامل



شغل اليد في السيارات الصغيرة تقريبا 300 ريال.. ما أدري عن الجيب


بالتوفيق

[فورد قديم]

بيض الله وجهك

[ابوراكان تبوك]

راح من بالي طقم اصلاح عصى القير ( القطعه البلاستيكية اللي يركب عليها عصى القير )

[أَبوابراهيم]

"خلة بحالته ماراح يضر" +1

[فورد قديم]

بيض الله وجيهكم
طلع الترس خربان ويحتاج 1800 تصليح

ومثل ماقلت يااابو ابراهيم المهندس قال نفس كلامك خلة لاتصلحة مااااايضر

وشاكر للجميع تعاونهم

[بدوي جنوبي]

فيه قير يضبط بعد التصليح ؟
اعتقد لا
مثله مثل الدفرنس

اظن 1800 تجيب لك قير تشليح شد بلد ما فك

[أبو هشام راشد]

قد صار معي مشكلة من سنين ما يعشق القير أبدا والتغيير من نمرة الى غيرها ما يتم الا بعد إطفاء السيارة ثم تغيير النمرة ثم تشغيلها

والظاهر المشكلة كانت من الكلتش والموضوع كأني نسيته