عندي طيرفيه تسمم

[جسار111]

مساءالخيرللحميع الفزعه ياربع عندي طير يعلف زين ويصرف علفه ولاتنقد عليه بشي طلعته من المربط وشراه واحد من الربع وقال بفحصه قلت حقك بس ثاني يوم رده يقول المستشفي حق الاميرفهد بن سلطان فيه تسمم ورصاص علي بدم والمشكله الطير طبيعي جدا ادعيه هذثلاث دعو والطير مافيه شي علفه ممتاز وشره ويصرف بسرعه مادري عن كلام المستشفي

[قدوه يمين]

بالضبط نفس اللي صار لواحد من الربع ودا طيره وقالوله طيرك فيه التهاب بالدم معه رصاص ..
ما اقتنع بكلامهم ووداع للدرع طلع معه نقص فيتامين فقط لا غير
المستشفى ذا خايس وده للدرع ابرك مليون مره كان تبي الشور

[قناص الدبدبة]

مستشفى الدرع وبتدعي لنا

[وزاري]

المستشفي يبي ندح ونكخ فلوس


سنوات طويلة ماأعلف الطير الا من القوقسي ....وأرمية بعد صلاة العشاء بشوزل(لأجل تغيير العلف)


أحيانا القوقسي مايصيرمعه ولا ريش منتف من قرب رمي الشوزل(يعيني كل الرصاص بوسط القوقسي)


والمستشفي يقول طيرك فيه خطر الطير متسمم من الرصاص


من بكرة أرجع للرمي وأعشي الطير من فم الششوزل


ماشفنا الا العافية للطيورنا ....لكن التهاويل واجد


وشيبانا سبقونا بها الشئ......



الطير اللى بالخلاء وشلون يعلف ...كل اللحم اللى ياكله مليان رمل وحبيبات حصي صغيرة ...يعني لسا ماطلعن في الروباجة الا هاالساعة

[fdfd_2002]

كلام المستشفى صحيح
التهاب الدم الطير مايرتفع ويتعب بسرررعه من خلال تجربه

[جسار111]

ماقصرتو بيض الله وجيهكم والطير تركته واعلفه واليوم وزنته ووزنه زايد الف لاني نزلته 890 وزاد مانقص الطير سليم معقوله رء

[خيال سهيل]

التهاب الدم علاجه واحد فقط بلا درع بلا مستشفى عطه حبوب تباع بالصيدليه قله حبوب ثوم
عطهيه بقلب حمامه او سمانه خمس ايام وده افحصه وذنبك علي انا

[راكان1000]

السلام عليك ياصاحب الموضوع اثنين من الربع العام كانوا يعطون طيورهم حمام من ثم البندق وتعبت طيورهم بعد فتره وراحوا للمستشفى فى قطر وحصلوا معها تسمم فى الدم طير معاد ترقع لين مات وطير راح وقت المقناص وهو يعالج فلا تتجاهل تسمم الدم وبيبين معك وقت المقناص فتدارك طيرك قبل فوات الاوان

[(هزاع)]

وعليكم السلام ورحمة الله وبركاته
الله لا يضر حلال المسلمين
تسمم الدم له تاثير قوي على كل اجهزة الطير سواء الهضميه او التنفسيه اوالكبد والطحال
وتظهر تتابعيا عند الاهمال بالعلاج
وانت اعلم بتفاقم الامراض وتكالبها على جسم الطير

[Abu Hamad2]

ياجماعه انا اعلفته مرمي بسكتون وتسمم الطير وضعف حاله
ومع الفيتامين والعلف تحسنت حاله لكن تعافي يوم شفته طالعه مع المرش اعزكم الله
الطير تغير وزان حاله
اللي ابي اقوله تاكد اذا بتعطيه مرمي من الطلقه هذا اهم شي