أهل الخبرة أفيدونا

[الحميدي9590]

السلام عليكم ورحمة الله وبركاته
شريت لي فرخ وكري من اسبوعين و الطير بديت بتربيبه و نقله و الامور على اكمل وجه و لله الحمد و بدا ينقز على الدس للعلف .
قلت ببتدي ادعيه داخل المجلس 3 امتار على حمامة حية لاحظت عدة امور الطير ثقيل على الحمامة ظل يكافخ مدة يمين و يسار و لا معبر الحمامة و يوم جا حولها و كفخت الحمامة كنه خاف منها ورد على الوكر .
هل هاذي وحاشة ولا وشو عطونا العلم و المشورة يا وجيه الخير

[الحميدي9590]

الفزعة يا جماعة الخير

[.راعي الطير]

وعليكم السلام هلا بخوي كم وزن الطير ممكن يكون الطير صنيع او مازال فيه وحاشه افضل طريقه خله يوم كامله بدون علف بعدين وره الحمامه واذا ماجاك طمره بعد يوم ثاني يدقه الجوع ويجيك غصب .
وان شاءالله الاخوان يفيدونك
اخوك/راعي الطير

[ولدحضن]

وعليكم السلام اخوي
3 م وفي غرفه بداية صعبه للطير لازم مكان خلاء ومسافه كافيه لان الطير الثقة والقوة عنده تحكمها المسافة
راي شخصي تقبل تحياتي

[الحميدي9590]

الله يجزاكم خير
أخوي راعي الطير أي بالله الطير صنيع و راح أفوته يوم و نشوف استجابته .

[بدا]

لا تزعل مني تدريبك مره خاطئ كيف تبيه يهد علئ الشلو حتئ لو فيه حمامه حيه اولا لانه فرخ ثانيا ماطاح اللي براسه الصباح ان شاء الله اكتب لك الطريقه

[الحميدي9590]

الله يجزاك خير يا بدا بأنتظار الطريقة منك .
ولا يهونون باقي الأعضاء

[الحميدي9590]

الله يجزاك خير يا بدا بأنتظار الطريقة منك .
ولا يهونون باقي الأعضاء

[الحميدي9590]

الله يجزاك خير و في انتظار طريقتك .
ولا يهونون باقي الأعضاء

[بدا]

نبي ناخذ الطريقة من البداية
1 تدهله ثلاثه ايام ما ينزل من يدك ويكون الوكر بجانبك مره تا خذه من الوكر وهو بطبيعته يرجع للوكر وكرر العمليه واذا كان بو كره وانت بجواره لابد تحط يدك علي الوكر و تاخذ المسابيق بهدوا واخذه علئ كفك و كرر العملية بعدها نقزه علي يدك خله يجيك علي الدس مره عطه علف و مره لا تعطيه ولا تخليه لوحده بدون برقع ابدا
2 رابع يوم ادعه بمسافة مترين ولابد تكون جالس انت علي الارض ولا تروح يمه ابدا واصبر عليه حتئ يجيك واذا وصلك عشه مره وحده ولا تكثر له وهو يتعشا برقعه وخله لليوم الخامس وو نفس الطريقة بس هذي المره عشه مرتين اذا وصولك واخذ من العشاء نزله علئ الارض وخله ي جيك وانت مكانك و كذالك اليوم السادس نفس الطريقه
3 اليوم السابع لا تعشيه بس خله علي يدك لا تهمله واليوم الثامن هات حمامه واربطها بسبب حبل رفيع وثبتها في الارض واربط السبب الثاني بالوكر وبسبوق الطير وضع الوكر بينك وبين الحمام ه بحيث يكون الوكر غير ثابت وتكون المسافه قريبه خمس امتار مع الجهتين وفي حالة هد علي الحمامه لا تروح له لابد ابد خله يذبحها وتتاكد انه ذبح ها واخذ منها انت ب دورك تقترب منه وانت جالس وتجيه علي جنب لا تجيه مباشره و تزحف بشويش حتي تصل له وتذكر اسمه بهدوء وامسك سبوقه ولا تشيله علي يدك واذا كان فيه احد معك خلفه يدور عليكم بمسافة ثلاثة امتار واذا تبقئ الرجل اخذه علي يدك وبرقعه انتبه تمسح علي نحره برقعه وخله علي الوكر واذا رجعت لا تنام حتي يصرف شبه علي يدك ونقزه علي الوكر بعد ساعه من العشاء
4 اليوم التاسع نفس الطريقة واليوم العاشر نفس الطريقه
5 اليوم الحادي لا تعشيه اليوم الثاني عشر لا تعشيه اليوم الثالث عشر هات لك كرو ان مكسور واذا كان سليم اربط ريش جنحانه و اهم شي اربط فمه بشطرطون لكي لا يخرج صوت ويجفل الطير لان صوته حاد وخله قريب وطيرك مربوط بسبب في الوكر مثل طريقة الحمامه واذا هد خله يفرسه ويذبحه وكرر العمليه مره اخر ئ بس لا تنسئ تسكر فم الكروان


ملاحظه الفرخ مدة تعليمه 15. و الوحش القرن اسبوع لانه ذابحها بس يبي من يدهله ولا تعطي سيرك الرقبه والقعيما والريه وكذالك نقل الطير بال مجلس له فايده الكل يمره و يتعب من الكفخ ويستستلم الامر الواقع ويطيح اللي براسه ولابد يتفلا الطير علي يدك اكثر من خمس مرات دليل علي ارتياحه ان شاء الله ان المعلومات تفيد الجميع تحياتي لكم

[الحميدي9590]

كفيت و وفيت و جزاك الله خير

[بدا]

ابدا ماسوينا شي وفي الخدمه في اي وقت

[Abu Hamad2]

شنذره ويزين

[حزام الدوسري]

كفيت و وفيت اخوي ( بدا ) , كلام سليم 100% :good: ..

[بدا]

مشكور علي مرور ك اخوي حزام وتاأيدك لكلامي اعتبره فخر لي واعتز فيه

[أباعبدالرحمن]

خذ العلم من بدا الجوع والتدريب والاخوان المشاركين بالحلول ما قصرو افادونا واتحفونا