المساعد الشخصي الرقمي

مشاهدة النسخة كاملة : نداء الى خبراء الصيد بالقبات و الـ light tackle


NOBL3
27/10/2013, 02:25 AM
السلام عليكم جميعاً .. والله يعطيكم العافية


يا اخوان بالنسبة لـ لشط السمكة أول ماتنقد على الطعم .. متى يكون مطلوب ومتى يكون مكروه :D

لأني جلست مع حداقين كثار ، ناس تنصح بلشط السمكة أول ما تشد خيطك عشان يمسك فيها الميدار قبل لا تتفله ، وناس ترفض هالشي بحجة ان اللشط يخلي سرب السمك اللي حول سمكتك اللي لشطتها يرتعب وينحاش وتكون ضيعت على نفسك كمية صيد كبيرة

بصراحة انا من النوع اللشاط :D وطلعت احجام طيبة باللشط .. لكن فعلاً كمية الصيد دائماً محدودة معاي وهذا اللي شككني بالموضوع

اتمنى تفيدونا يا النواخذه
اتعبني العقير
27/10/2013, 04:25 AM
بالنسبه لي ما افضل اني الشط السمكه لان بعض المرات او كثير من المرات يكون الميدار ماسك على اخر شفة السمكه مع لشطتك يفلت الميدار
:
:
والله يرزقك بالصيد الوفير المرات المقبله
أحمد السوويدي
27/10/2013, 07:41 AM
بتفوت عليك سمك كثير بهالطريقة احيانا تكون مطلوبة

اذا فيه سمك صغير ومزعجك لابغيت تشردهم اشحط

وبيني وبينك ماهو شغل حداقه محترفين
ABOKHALID1
27/10/2013, 08:29 AM
وعليك السلام اخويNOBL3
مع اني قليل خبره بالنسبه لكم بحكم بعدي عن البحر ولكن اذا ما تبي تلشط لاحظت من عدة تجارب ان هلميدار الحاد جدا" رقم 14 ما يحتاج لشط .الميدار نحيف و قوي نسبيا" وصياد من الدرجه الاولى بحكم صغر حجمه و خفته و لونه كذالك. . و المقاسات اكبر منه (12,10) ممتازه للطعم الحي.انا استخدم معه خيوط حتى رقم 40. مم غير كذا كبير عليه ويمكن ماتدخل من عين الميدار.
تحياتي لكم.
https://www.ownerhooks.com/catalog/images/5177.jpg
http://www.surffishtackle.com/catalog/OWNER%20MOSQUITO%20HOOK%20SZ%204.jpg
albhar-gulf
27/10/2013, 10:22 AM
أخوي كانك يحدق للشعوم والسبيطي ماانصحك بلشط السمكة لأن السبيطي لازم يسحب الطعم متر مترين وهو عاض على الطعم يشوف الوضع خطر عليه أولا يعني لشطة وحدة منك وهو يختبر الوضع راح عليك هو واللي حوله
بس الله يعينك على سحبته بعد يحس بالامان
تحياتي
accentkool
27/10/2013, 11:10 AM
ما انصحك باللشط الا مع الزمارير الغثيث
الشط فية لشط
اما الاسماك الثانية افتح الساعة وعطة جوة ياكل ويسحبك
بعدين قفل واسحبة
عبده الشعيبه
27/10/2013, 12:04 PM
لازم يكون عندك خبره في فن الاحساس والنتر بالسمكه عشان تقدر تدرك السمكه وتجيبها عشان كدا لازم تكون مع خبير نتاشه سيجان او نوخذه معروف تتعلم منو اساسيات النتر والمراوغه ومع الوقت حتتعلم ولو تستخدم جلب الشلفه او علبه او طاره في البدايه حتقدر تكتسب مهاره وفن الاحساس والنتش بطريقه فنيه وعندك برضو كلام النوخذه اكسنت كول ممكن تستفيد منو ماشاء الله نوخذه و واد بحر
ghabar2008
27/10/2013, 07:47 PM
انا راي من راي اخوي اكسنت كول خلها الين تسمع الساعه تزن
NOBL3
28/10/2013, 01:15 PM
مشكورين والله يعطيكم العافية جميعاً

طيب بالنسبة لفتح الساعة .. افتحها كامل للأخير ؟ والا أخلي فيه شوي مقاومة للخيط

لأن راحت علي صيدات كثيرة بسبب فتحي للساعة للآخر ..

اسمع الساعة تزززن ويوم أشد الخيط مافي شي بالميدار والطعم مختفي

ومنكم نستفيد
ABOKHALID1
28/10/2013, 04:23 PM
الساعه تفتحها شي بسيط.و تختبرها بسحب الخيط باليد .يجب ان تكون هناك مقاومه معقوله توازي نصف قوة الخيط .(المسأله تقريبيه)