باثفاندر 2001 دخنت علي ابيض

[فارس شمال]

السلام عليكم ورحمة الله وبركاته
شباب انا شريتلي باثفاندر 2001 3.3 قير عادي الاربعاء ماشي 490 الف

المهم انا فحصت كمبيوتر اعتطني المكينة 88%
وشيكو عليها كل شي تمام لقيت فيها مساعدات خلفيه واذرعه وغيرتها
اخذت السياره للبر وطعست فيها على خفيف بدون حرق ومشت تمام واحلى مايكون
امس بالليل اخذت السباره وغيرت الزيت مع فاتر اصلي وكاالة 10-30
قالي اليماني تاخذ 6 علب
وغيرته مع السيفون ورجعت السياره وتمام
ثاتي يوم حركت السياره مشيت 5 كيلو ولا السياره بدت تدخن زيت ابيض بكثرة مع تقطيع في السياره ووطفيتها وجيت اشغلها ولا اشتغلت

وطلعت ريحة بنزين قوية
وقفتها ساعه وشغلت واتشغلت مع تقطيع ودخان ابيض كثيف
وقفت وقلت الزيت ل 4
انقطع الزيت وﻻتحت التفتفه وبعد ساعة رجعت مع رجه وصرفية بنزين وسالت واحد قالي كمبيوتر يسببها
وقالولي شنبر لان الزيت يطلع اﻻاقزوز
وش راي اهل الخبره وكم الاسعار

[wolf-9]

دخان أبيض

فى حقيقة الأمر هناك ألوان مختلفة لعوادم السيارات أو نوع الدخان الذى يخرج من السيارة فلدخان الأبيض يدل على حريق ماء أو سائل تبريد وإنه من الطبيعي أن تلاحظ دخان أبيض عند بدأ تشغيل السيارة في الأيام الباردة..فالماء المتكثف داخل المحرك سوف يحترق مكون الدخان الأبيض. وهذا يجب أن يختفي بعد وصل المحرك لدرجة حرارة التشغيل. الدخان الأبيض الذي لا ينقشع يدل على هناك ماء يدخل غرفة الاحتراق. قم بملاحظة مستمرة لمستوى سائل التبريد في المشع "الردياتير" وفي حالة انخفاض مستوى سائل التبريد, وقد يكون السبب هو تلف جيوان رأس الاسطوانات أو شرخ في رأس الاسطوانات أو كتلة المحرك.

[فارس شمال]

شيكت على الرديتر ومقياس الزيت الحمدلله مافي خلط موية بس السياره قامت تصب زيت من عند القزوز او فوقه مدري وين بالضبط بس التدخين تدخين زيت

[فارس شمال]

طيب ياشباب هل فبه مشكلة امشي على المكينه ولا بتوقف علي ؟

[مطاع شمس]

لاتمشى عندك مشكله فى المكينه على طول للورشه

[فارس شمال]

وديتها للاستاذ ابراهيم الثنيان على ورشته قالي هذا الزيت طلع على وجه المكينة امشي عليها فتره وبعدها بتضبط ان شاء الله
لان صار الموتر اول ما اشغله بعد مشوار يقوم ينتفض كان فيه سلندر مايشتغل وتطلع دخان وبعد مامشي مسافه يخف الدخان ويروح واذا وقفته وشغله تقول يشرق الموتر وشوي يشتغل ويطلع دخان كثيف وبعدها يخف وعلى هالمنوال مشيت عليه 200 كيلو تقريبا
الان على كلام الاستاذ ابراهيم اذا هو صحيح وش البلوف الي انضفها عشان يتسوي الموتر

[فارس شمال]

استاذ اصيل عطنا شورك جزاك الله خير

[فارس شمال]

الحمدلله طلعت المشكللة فقط زيادة الزيت بدال 4 حطيت 6 وشكل الزيت طلع على البلوف والحين وقف الزيت الحمدلله
وغيرتلها امس بواجي واسلاك بواجي .. لاكن صارت عندي مشكلة لما امسي بالسياره ويصير الضغط بين 2 و3 تصير ترج اامكينه وتضعف العزم ويتفتف