المساعد الشخصي الرقمي

مشاهدة النسخة كاملة : احسن واحد يفصل توانك المنيوم بالشرق الأوسط


نمر بن حثلين
18/10/2006, 04:13 PM
السلام عليكم ورحمة الله وبركاته

هذا رجالن حبيب شراوكم يا جماعه
عنده ورشة صغيره ( ما به الا عامل واحد ) وفي بيت قديم
يقال له ابو محمد العجلان من بريده

وشغلته توانك الألمنيوم
وكان سابقا يفصل لمحل عروق الشمال ( اشتهر المحل بالتوانك الي ابو محمد مفصلهن )
والرجال شغله ذمه من ناحية الخامات واللحام الممتاز واسعاره رخيصه

انا مثلا فصلت هذا التانكي صغير يجي تقريبا 45 لتر
وفصله لي ب 300 ريال :good: يا بلاش

http://www.mekshat.com/pix/upload/images21/mk7373_0120110.jpg


مع اني قبل كنت اسئل الي يفصلون توانك يقولون من لتر الى 80 لتر نفس السعر ويصبخونن بحول 600 ريال

وواحد من الزملا مفصل عنده تانكي من سنه تقريبا ولا اشكى منه شي
وزميله مفصل عنده اعتقد من ثلاث او اربع سنين وبرضه ما شكى منه شي
وابو محمد الا سئلته عن الضمان يقول رح لا دامك حي ضمانك موجود :D بس شرط ان الورثه ما يطولهم الضمان :p

وتعامل الرجال ممتاز لدرجة انه اخذ المقاسات وجيت بعطيه عربون رفض ولا اخذ ريال الا بعد ما خلص التانكي وركبه لي

وبالنسبه لورشته بمكان ببريده يقال له القاع البارد وحقيقه وصفه صعب لكن هذا جواله للي يحب يفصل

0501684256
هاوي قصيده
18/10/2006, 05:07 PM
ماشاء الله تبارك الله

اج بالقاع البارد ... باخر بريده ..

معروف

تسلم يابعدي ...

وجزاك الله خير ..

انا ان شاء الله هالعيد بكون ببريده ابمره

ربي لا يحرمك الاجر
نمر بن حثلين
18/10/2006, 11:11 PM
هلا بك اخوي هاوي قصيده

وكانك منتب مطول ببريده اشور عليك تاخذ مقاساتك مظبوط وتتصل عليك عشان يجهزه له وتروح بس تركبه عنده
صقار قديم
19/10/2006, 10:01 AM
السلام عليكم ،

مطلوب أحسن ورشة لتفصيل خزانات الماء الالمونيوم بالامارت .

شاكرا تعاونكم
الصياد القطري
19/10/2006, 12:56 PM
مشكورررررررر ويعطيك العافية يالغالي
طشي وامطري
20/10/2006, 02:00 AM
نمر هل الالمنيوم قوي يتحمل الاغراض اللي تحط فوقه؟
ياسر الصيخان
20/10/2006, 02:18 AM
والله شي حلوووووووووو تسلم يالغالي


ومن العايدين قبل الزحمه
سوبر نيسان
20/10/2006, 02:30 AM
اخوي
عندي
سؤال ؟؟؟ من وين يجيب القماش وش نعه
مشكور
معمرها
20/10/2006, 02:32 AM
......)(بسم الله الرحمن الرحيم)(........



.............)(السلام عليكم ورحمة الله وبركاته )(.............


ــــــــ:: يعطيك ألف عافيه اخــي



((((نمر بن حثلين ))))


على الموضوع
وعندي استفسار بسيط اخوي بانسبه للتلبيسه هي على باث
هي جاهزه ولا تفصيل وكم سعرها وياليت تقرير مفصل عنها

شـــكـــراُ
نمر بن حثلين
20/10/2006, 01:51 PM
صقار قديم
الصقر القطري

حياكم الله اخواني
العملاق النائم
20/10/2006, 02:27 PM
مشكور يالغالي على الرقم

يبيلي واحد بسعلى كلام الاكوان يتحمل الاغراض الي تحط فوقه؟
نمر بن حثلين
20/10/2006, 11:59 PM
طشي وامطري

على كلام العجلان يقول انه يتحمل
لكن عموما راعي التحميل ممكن يخلي التانكي بالطول يعني يوصل ارتفاعه لظهر المرتبه
وما ياخذ بالعرض مساحه كبيره



المجهول

هلابك يا غالي ومن العايدين الفايزين
نمر بن حثلين
21/10/2006, 02:32 AM
الاخوان سوبر نيسان
معمرها


تلبيسه التانكي هذي شراع تنزاني ( ضد الماء ) مبطن باسفنج عشان يسوي عزل للحراره وللصوت للتانكي
وسعرها 100 ريال

اما تلبيسة شنطة الموتر سعرها 150 ريال وبرضه هذي شراع تنزاني مبطن باسفنخ خفيف وفيها جيوب للتخزين وهذي صوره اوضح اخوي معمرها

http://www.mekshat.com/pix/upload/images21/mk7373_09.jpg


وانا مفصلهم عند محل في بريدة اسمه عروق الشمال
لكن دعواهم سهله واكثر محلات اغراض البر تفصلهم


واي سؤال انا بالخدمه
ابووسمي
21/10/2006, 03:01 AM
تسلم تسلم اخوي نمر على هالاضافات الرائعة:D
معمرها
21/10/2006, 04:50 AM
......)(بسم الله الرحمن الرحيم)(........



.............)(السلام عليكم ورحمة الله وبركاته )(.............


ــــــــ:: يعطيك ألف عافيه اخــي



(((( نمر بن حثلين))))


تسلم


شـــكـــراُ
ابوخالد def
21/10/2006, 05:26 AM
الحقيقه شغل مرتب

الله يعطيك العافيه

وكل عام وانت بخير وجميع الاعضاء بمناسبة عيد الفطر
ml_abo_rish
21/10/2006, 05:38 AM
مشكور اخوي يابطل العالم والشرق الاوسط
دقيت على الرجال وما صدقت اني جبت رقمه من الانترنت لان الرجال مايعرف شي اسمه كمبيوتر ما لكم بطويله وصف لي الرجال محله وجيت في بيت قديم وما شاء الله لقيت عنده ناس واجد يفصلون عنده صراح الرجال نصوح على ابعد حد ......
فصلت واحد عنده لباث تانكي فرش طول 90 في عرض 93 في ارتفاع 12 تقريبا 90 لتر مع كل شي راكب بالحنفيات واليات 650 ريال فقط لا غير ويقول شل اللي تبي عليه ولا يهمك بس عطان ملاحظه قال انتبه تكتم التانكي على شان ما ينفكن القواطع اللي جوا التانكي ترا انا مسوي له بلفه خاص للتنسيم الهواء اثناء حركة الماء داخل التانكي وشكرا

ملاحظه الرجال يشكرك بلحيل انك سويت له دعايه ويقول ابي رقم جوالك ابا اكلمه بس مادري وش يبي فيك
نمر بن حثلين
21/10/2006, 01:58 PM
العملاق النائم
هلا بك اخوي
حسب كلام الي مفصله يقول يتحمل واجد
بس مثل ما ذكرت قبل راعي الاغراض الثقيله احياطا يفصل لك تانكي واقف على ظهر المرتبه الثانيه احسن

ابو وسمي
معمرها

هلا بكم اخواني وحياكم الله
نمر بن حثلين
21/10/2006, 02:06 PM
ابو خالد
من العايدين الفايزين اخوي وحياك الله



ml_abo_rish
هههههههه ما يحتاج جوالات ولا شكر تعامله الطيب ونصحه هو الشكر الي قدمه لي مقدما
وما شاء الله الله يطعمك من خير التانكي ويكفيك شره
بس ما كنك كبرته شوي ؟ لانك بتظطر تركب لموترك مساعدات استراليه عشان ما ينزل

وبالنسبه للقواطع ملاحظتك مهمه وللاسف ما دريت عنها
هل هو يقصد تنسم له اذا فتحت الماء او تنسم له على طول ؟
لاني كنت الاحظ تهريب خفيف للما من جهه البلف
ويوم ناظرته واثر غطا البلف فيه فتحه صغيره للتهويه

وبدلت غطا البلف بواحد جديد بدون فتحه وظبط صار ما يهرب ابد
بس مادري هذا يخرب القواطع ولا لا ؟

وشاكر لك اخوي
ml_abo_rish
22/10/2006, 06:28 AM
اخوي نمر

لا لا لا
رجع البلف القديم اللي فيه فتحة صغيره هو اللي مسويها يقول لي انا حاطها على اثناء تحرك الماء داخل التانكي يسبب هواء ولازم يكون له تنسيم على طووووووووووووووووووول انتبه لأنه وران واحد عنده منتفخ ومنطلقات القواعد من جوا قالي هذا واحد راح مثل طريقك وغير بلف ما فيه فتحه على شان تهريب الماء الحق عمرك ورجع البلف اللي فيه فتحه قبل يخرب التانكي
وبالنسبه لتانكي حقي انا مركب يايات استراليه ومساعدات استراليه مضبط عمري لا بعد ابشرك نزل لي من سعر التانكي صار 600 ريال فقط
المنتفش
22/10/2006, 07:45 AM
بسم الله الرحمن الرحيم
سلام عليكم ورحمة الله وبركاته
شكرا على المشاركه الحلوه بس لي ملاحظه التانكي صغير مره طبعا الموتر باث فايندرانا مركب واحد حديد زين واكبر من هذا اللي عندك هذا ما يكفي طلعه ؛ اما اللي عندي يشيل بحدود 96 لتر وموقعه بظهر المرتبه تماما وممتاز حجمه جدا ولا ياخذ مكان هذا اللي حبيت اوضحه وشاكر لك مره ثانيه اخوي نمر.
نمر بن حثلين
22/10/2006, 01:18 PM
اخوي نمر

لا لا لا
رجع البلف القديم اللي فيه فتحة صغيره هو اللي مسويها يقول لي انا حاطها على اثناء تحرك الماء داخل التانكي يسبب هواء ولازم يكون له تنسيم على طووووووووووووووووووول انتبه لأنه وران واحد عنده منتفخ ومنطلقات القواعد من جوا قالي هذا واحد راح مثل طريقك وغير بلف ما فيه فتحه على شان تهريب الماء الحق عمرك ورجع البلف اللي فيه فتحه قبل يخرب التانكي
وبالنسبه لتانكي حقي انا مركب يايات استراليه ومساعدات استراليه مضبط عمري لا بعد ابشرك نزل لي من سعر التانكي صار 600 ريال فقط




جزاك الله خير خوي
اجل ارجع البلف والله يعين على التهريب
او اشوف له طريقه احط اسفنجه او قماشه بحيث تمنع الما يطلع وتنسم للهوا :rolleyes:
وزين الرجال خفض لك بس الله الله بالتلبيسه الزينه
وترا عروق الشمال باعتقادي احسن واحد يلبس
نمر بن حثلين
22/10/2006, 01:35 PM
بسم الله الرحمن الرحيم
سلام عليكم ورحمة الله وبركاته
شكرا على المشاركه الحلوه بس لي ملاحظه التانكي صغير مره طبعا الموتر باث فايندرانا مركب واحد حديد زين واكبر من هذا اللي عندك هذا ما يكفي طلعه ؛ اما اللي عندي يشيل بحدود 96 لتر وموقعه بظهر المرتبه تماما وممتاز حجمه جدا ولا ياخذ مكان هذا اللي حبيت اوضحه وشاكر لك مره ثانيه اخوي نمر.


عليكم السلام ورحمة الله وبركاته
هلا اخوي وحياك الله
شف من الصوره واضح انك مقانيص وراعي المقناص اكيد يحتاج كميات كبيره من الماء
لانه يشوف اثر حبارى حول الزلفي وما يطلق الاثر الا على حدود العراق :D

اما انا منب راعي طرشات بعيده و كل طلعاتي قريبه
وتقريبا التانكي يشيل اكثر من جركلين ماء حقات البرادات
وهذا اكثر من كافي لي
وشاكر لك اخوي
فلاجكو
26/10/2006, 10:45 PM
مشكور وما قصرت .......
الرهدن
26/10/2006, 11:02 PM
أخ نمر00
الله يجزاك خير ويغفر لك ولكل مسلم00






.
الرهدن
26/10/2006, 11:03 PM
بالشرق الأوسط00
تراه كبيرة يانمر00



.
j w a l
28/10/2006, 01:43 PM
يعطيك العافيه اخوي
بواسامه
28/10/2006, 04:12 PM
بالشرق الأوسط00
تراه كبيرة يانمر00



.

ليتك تفك تلبيسة الشراع
عشان نحكم على اللحام ودرزته ومدى اندماجه بالمعدن وتغلغله ونعومة خطه
لان هذا تخصصنا بالظبط:D

فن في تغطية العيوب لغالبية المصنعين:D
ولا احكم عليه هو بس اعرف من هو افضل منه يقينا
ولا يمدح حاضر لوجود البينه
نمر بن حثلين
28/10/2006, 09:36 PM
فلاجكو
هلا وغلا اخوي وحياك الله


الرهدن
هلاوين ومرحبتين
خلاص ولا تزعل مدا دامها كبيره نصغرها
ونقول احسن واحد يفصل توانك مابين المحيط الى الخليج <<< هي هي ما تغير شي :p



جوال
حياك الله اخوي




بو اسامه
اهلا وسهلا
وشدعوى تبيني اقطع الشراع واخسر 100 ريال عشان تشوف اندماج اللحام :p
لا ياخوي خل الشراع مكانه وبلا خساير وخذها مني اللحام مندمج ومنسجم ومنشكح ومستانس ويطق اصبع من الوناسه :p :p

والرجال وعدني انه بينسق مع الاخوان الاداره في المنتدى وينزل موضوع دعائي له ولعله يركز على ما تفضلت فيه
لكن عموما هو وراني علبة اللحام حقته ويقول انها على ما اعتقد ب 170 ريال وفيه انواع ارخص بس هو ما يستعملها
محبكم بالله
14/11/2006, 07:54 PM
ماقصرت يالغالي
أبوزيد
14/11/2006, 09:02 PM
ماقصرت يالغالي
ابو فهد 911
24/11/2006, 09:53 PM
والله انا ندعيلك يالغالي رحنا يالله لك الحمد له وفصلنا عنده 100 لتر تقريبا 550 ريال يبلاش والرجال نصوح وراعي صنعه


بس فيه مشكله انا محل يضيع بالنسبه لأهل الرياض او اللي ما يدلون في القصيم


انا سألته عندك احاثيه قال لا لكن هذي احداثيته الشمال 26.09.747 الشرق44.01.742

وجزاك الله خير
نمر بن حثلين
24/11/2006, 11:32 PM
محبكم بالله
ابو زيد

حياكم الله يا اخواني


عاشق الشاص
جزاك الله خير اخوي وعلى البركه التانكي وتكده بالعافيه
وبالنسبه للموقع يضيع مهب بس اهل الرياض
انا من عنيزة ولو تعطيني هيلكوبتر ما دليتها :p
وسبق وناقشت ابو محمد عن موقعه انه مهب تجاري وقال لي انه ناوي يحط له صالة عرض
الله يوفقه
تميم
05/04/2007, 11:18 AM
الله يجزاك خير يانمر على هالموضوع
فعلا سويت خير لنا ومشكور يالغالي
الساهي 2
20/10/2007, 03:47 AM
يلزمنا تانكي يا ولد ,,
مشكور على الورشة والتانكي وأن الله راح اروح لمه .
محيرقه
20/10/2007, 05:29 AM
السلام عليكم الاخ نمر بن حثلين ممكن لو سمحت وين احصل الي يفصل توانك الماء او تزود ني بي جواله الله يعطيك العافيه
حمد1234
20/10/2007, 07:16 AM
السلام عليكم
مشكوووووور .
إعصار
20/10/2007, 08:05 AM
السلام عليكم الاخ نمر بن حثلين ممكن لو سمحت وين احصل الي يفصل توانك الماء او تزود ني بي جواله الله يعطيك العافيه


بعد أذن صاحب الموضوع ..

تفضل أخوي ..0501684256


والله يكتب لك الصالح ..:)
الشامخ الشمالي
20/10/2007, 08:27 AM
جزاك الله خير يانمر على الموضوع الراائع
صاروخ
20/10/2007, 10:10 AM
مشكور يا نمر
نعم ابو محمد شغله وتعامله ممتاز جداً جداً
وانا فصلت عنده تانكي قبل اربع سنوات على جيب 2003 م اول ما شريه والى الان لم يظهر فيه اي عذروب
الخطيفي
20/10/2007, 02:47 PM
الله يعطيك العافيه اخوي نمر بن حثلين على هذه المعلومه الجيده
وبارك الله فيك
qw77
26/11/2008, 11:54 AM
السلام عليكم
يا اخوان ياليت من يعرف رقم آخر لصاحب الورشه لأنه لايرد على الرقم
قناص*07
08/12/2009, 03:05 AM
الله يعطيك العافيه
وياليت تحديث البيانات
مسافر وحداني
22/05/2010, 12:33 PM
ml_abo_rish


اخوي مساك الله بالخير


انت مركب ياي ومساعد استرالي للباثفندر اللي معك
ابي اسئلك كم سؤال بعد اذنك


1. الياي والمساعد هل يتم تركيبها بدون ترهيم ؟
2. هل هو قوي مع المطبات والا في السفر ( يعني مريح ) ؟
3. كم اسعار الياي والمساعد ؟
4. وين احصلها واركبها عند من ؟
مع العلم ان مكان تواجدي الرياض وابي اللي الامامية والخلفية !
لاني مليت لو احط علبة بيبسي نزلت السيارة
ابومحمدالبري
22/05/2010, 02:14 PM
طيب يا اخوان الي يبي يركب تانكي للشاص

200لتر كم يبي يكلف تقريبا
وكم يقعد يفصل الي ساكن في الرياض

وشكرااا
ابومحمدالبري
22/05/2010, 02:17 PM
نسيت وشنطه بعد
فيصل التميمي
22/05/2010, 04:52 PM
الله يوفقه ويرزقه من واسع فضله
ابوسليمانM
22/05/2010, 05:52 PM
الله يعطيك العافية
رساويxp
22/05/2010, 10:13 PM
مشكور اخوي بس هلــ التانكي عملي معك؟
ومكفيك؟ وشــــــ ك ـــرا
الستانس
18/12/2010, 02:53 PM
ماشاءالله 300 ريال يابلاش

ولكن الاسعار هل ي على ماهي عليه ولا ارتفعت؟
ابوصالح77
18/12/2010, 06:26 PM
ما شاء الله
الموضوع له أربع سنوات
هل هو موجود الآن ؟ وهل الجودة على ماهي عليه ؟
وكذلك الأسعار
abw3ly
14/02/2011, 08:26 PM
الله ينطيكم العافية
alimuhammed
06/10/2011, 10:22 PM
جزاك الله خيرا

هل لازال موجود