المساعد الشخصي الرقمي

مشاهدة النسخة كاملة : رايكم بساكتون هوائي


vip07
28/10/2013, 07:52 PM
سلام عليكم

حبيت اخذ رايكم بـ ساكتون قامو هنتر 1250

مالي خبره بشكل عام عن الاسلحة

وهل لها تصريح ؟ او بدون تصريح
kkvv
28/10/2013, 08:24 PM
خذلك فايروخ المانيه افضل من قامو
محمد ابن عيد
28/10/2013, 09:55 PM
-

هلآ ي ألغالي و حيأك ألله
البنادق ألهوائيه أشكال و الآوان
فيه !

( الآلماني و الآسباني و الآنجليزي و ألتركي )

و كلن و أستخدامه لـ ألبندق
و ألهنتر 1250 ممتازه من شركه قأمو الآسبانيه
و ألهنتر أقوى بندق لـ شركه قأمو عندنا
و عز ألله أنه تنومسك
لكن بتتعبك في كسر ألبندق
و ثقيله شوي

وفيه ألديانا ماقنوم 350 المانيه
ممتازه وتعد أفضل الهوائيات أللي ب ألسوق

و ألفايروخ 80+ ممتازه و لآتقل عن ألديانا

ب الآخير هي ألتجربه ي ألغالي
هي أللي ترسيك ع ألشي أللي تبيه

هذا أللي عندي و حيأك ألله و الآخوان م يقصرون
4fun
29/10/2013, 02:52 AM
والله ما انصحك فيها اذا انت رجال ترمي وانت بالموتر

لان كسرتها ثقيلة وانا شريت وحده قبل شهر ونص

البندق ثقيلة وكسرتها قوية والنيشان الوسطي يتحرك من وكالته ههههههه

ع العموم انصحك بديانا ماقنوم 350 وارد صاب
هيوماكس
29/10/2013, 10:35 AM
سلام عليكم

حبيت اخذ رايكم بـ ساكتون قامو هنتر 1250

مالي خبره بشكل عام عن الاسلحة

وهل لها تصريح ؟ او بدون تصريح

شف وانا اخوك تاخذها بعد مايطلع التصريح اسبوع او اسبوعين على حسب الزحمه
حجمها اربعة كيلو وزيادة وكسرتها قوية بالحيل واذا الثقل وقوة الكسر عادي عندك : أنا أنصحك فيها.
لأنها عندي وتعودت عليها
بس خذ مقاس 5.5
ومثل ماقالك اخونا 4fun اذا رميك في السيارة أكثر تراها بتتعبك بثقلها وطول البندق يزيد في صعوبة كسرتها في السياره وتعبئتها بالطلقة.
أنا واجهتني صعوبة في البداية بس مع الوقت راح تتعود مثلي.
vip07
29/10/2013, 06:37 PM
هل عند شراء سلاح من محل الرمايه يطلب مني روية تصريح او من هاذا قبيل او تسجيل رقم الهوية بسجل لديهم

وهل فيه عمر معين مسموح له بشراء سلاح


و يعطيكم العافيه وماتقصرون
4fun
29/10/2013, 08:08 PM
يطلبون صورة الهوية وصورتين شمسيه
واالعمر لازم فوق 20 وتقعد اسبوع الى 10 ايام وتاخذ البندق

طبعا تدفع الفلوس وبعد اسبوع تستلم البندق والتصريح
محمد ابن عيد
29/10/2013, 08:08 PM
هل عند شراء سلاح من محل الرمايه يطلب مني روية تصريح او من هاذا قبيل او تسجيل رقم الهوية بسجل لديهم

وهل فيه عمر معين مسموح له بشراء سلاح


و يعطيكم العافيه وماتقصرون


-

اذا كنت اول مره تشتري سلآح
لآزم يكون عمرك فوق الـ 20
و تجيب لهم صورتين شمسيه و بطاقه الآحوال
و خلآص تقعد عندهم ألبندق 10 أيام ب ألكثير
و تستلم ألبندق
اخو فزاع
29/10/2013, 11:15 PM
ضروري صورة الهويه