استفسار لأصحاب الشياهين

[أبومحمد عنيزة]

عندي شيهانه كانت العام تلحق السوادي والزاجل وكنت الحقها تلحيق بس الحين البعيد ماتطلبه وتبي شي على حد الارض وضعيف علماً اني فحصتها وطلعت سليمه ولله الحمد والوح لها وجناحها طيب تلوح ممتاز ولا أعلم وش علته. ياليت من اهلرالخبره بالشياهين يفيدوني ووزنها بالهدد 580 هذا بالمربعانيه والحين 530

[حرة البقوم]

شكلك ماتدعيها كل يوم يعني توك ماخذها من المربط والمربط مايدعي بس أنت ادعيه انت كل يوم لان راحت لياقته وهاذا الي عندي
وسلامتك
اخوك/خالد البقمي

[أبومحمد عنيزة]

مالك لو يالغالي ادعيها كل يوم

[بدا]

انت اذا هديته علي الحمام وافلس منها تعشيه بعد ماتجذبه ؟

[أبومحمد عنيزة]

اخوي بدا
مالك لوا

[الظفيري 205]

يمكن نكون الشيهانه مملوعه

[وزاري]

طيرك طيبه يابومحمد

كأني فهمت ان


طيرك 13.5 مقاسها.......والعام فرخ



شئ معروف ان الفرخ سبوق....لذلك قرنست وأختلف عليك طيارها


....والشياهين من طبعها تختلف 180 درجة عند القرنسة.....


أسمحلى بقول انك ظالمها


وزن 530 ماتطير


طيرك سليم أرفعها الى 560او 570

وبشرنا عنها يانشمي

[أبومحمد عنيزة]

اخوي وزاري صحيح عرضها ١٣ ونص ولكن الان حر شوي الجو اخاف إذا رفعتها ماينفع معها ووزنها الممتاز بالشتاء ٥٨٠ ومثل ماتفضلت العام فرخ والسنه بكر والموس يبي له شوي ويصك

[راعي عزاام]

اخوي اجردها ويمكن الشيهانه مملوعه .. وزيد وزنها منزلها حيل ..

[AL MARRI]

السلام عليكم
اخوي ابومحمد قصدك ماترتفع والا ترتفع لكن ماتلحق الحمام القوي ؟

[أبومحمد عنيزة]

ماتلحق القوي وأحياناً ماترتفع

[AL MARRI]

اتضح من كلامك انك فحصت الطير ولقيتة سليم ,,
المهم على حسب خبرتي المتواضعة
-الطيور تختلف اكثر الشواهين طيب فرخ واذا قرنس بكر يتردى ويطيب ثنو
-الموس ماصك وبعض الطيور مايجيب نصف طيارة والطوايل تسوق
- يمكن الطير هديتة على حمامة قوية وهو ماكسب لياقة واتعبته الحمامة وعاف البعيد
- اذا مقيض الطير هدد افحص على ظهر الطير يمكنه مضروب
-الموس يبغي له شوي ويصك ماشاء الله تبارك الله انت معطيها كورس والا مقيضها بدري ؟لان بعض الكورسات تضر الطير

لاتستعجل على الطير واصبر علية وارجوا اني افدتك

[بدا]

اجل عطها سكر نبات قبل العشاء بنصف ساعه مره واحده و ادع طيرك مسافة 500 متر واليوم الثاني ادع طيرك نفس المسافة واليوم الثالث اذا جاك علي الدعو اجلس وخل اللي هده يدعيه و يرجع له اذا طيرك وصله يعشيه عشا وسط ولا تنقله و راقبه وهو علي الوكر اذا نطل جنحانه فالسبب اللياقه واذا طبيعي مالك تصبر حتي يبرد الجو وشنذره وانت بدورك نوع للطير مره حمامه ما خذ من ريشها مره دعووو ويجيك و يرجع لخويك علي الدس مره شلو والله العالم ان طيرك صنيع و عارف ان وراه عشا اذا رجع شكلك تكرمه

[بدا]

مدام علي قولتك علي الشلو جناح ها طيب مالك الا ننوع ولا تلوح لها بالشلو عليك بالدعو والحمام ما خذ من ريشه لانه واضح من كلامك مافيها غير العافيه خلها تعرف انه ما فيه شلوووووو مافيه الا حمام عشاها و بالتوفيق بس لا تنسئ سكر نبات بس مره فقط تحل اللي ببطنها وحاول كل صبح تهدها ولا تهدها اليوم الثاني حتي تشوف الله يكرمك ويكرم من يقرا الروباجه وللمعلومية ولا تنقل الطير كثير

[أبومحمد عنيزة]

بيض الله وجيهكم يالربع الظاهر ان اللي فيها ضعف لياقه وتحتاج صنعه بشوف عنها وارد لكم بحول الله

[صقار محترف]

اذا عرضها ١٣ ونص يعتبر وزنها ضعيف لازم ترفعها فوق٦٠٠