الديعجان
18/10/2006, 09:11 PM
هذه القصيده اسندتها لقريب لي في ذكريات الربيع الماضي في فياض الشمال وها أنا اكتبها لمكشات وأود ان تحوز على رضا الجميع :
قم يافهد وأدن الحطب والمعاميل
واقدح كفاك الله عنا كل مخذول
النار شبه دامنا بأول الليل
مادام قلبي يافتى الجود معلول
زين لنا فنجال بن ٍ على هيل
يغدي هواجيس ٍ بها القلب مدهول
وليا تقهوا راعي الكيف والقيل
جاب البيوت اللي بها البال مشغول
ابيات ناقيها عن الهزل والميل
وانت الشجاع اللي بالابيات مرسول
اركب على اللي يرغبه كل حلحيل
منوة شجاع ٍ بالولع صار مثمول
شاص ٍ جديدٍ فز في جيته جيل
مثل العديم إن حث بالمجتمع قول
طيبه صحيح ٍ مايلفق بتمثيل
يزود طيبه وإن توهلت غرمول
اقر الدعاء واطلب من الله تساهيل
وأطلب عسى دربك بالاوفاق مكفول
اركب ووجه وجهة الجيب لسهيل
خله كما حر ٍ كفخ وأدرك الجول
تلفي على دار ٍ عسى مدهله سيل
عسى جنابه حي حول ٍ بإثر حول
اللي سكنها الذيب ريف الرجاجيل
راع الصخا وإن حل وقتٍ به محول
ابا امدحه وأزود المدح تبجيل
وأبا اشرح الحاله على ابواب وفصول
..........ترى قلبي به الهم ماشيل
اصبح فؤادي بالهواجيس مقفول
الهم في قلبي كبر وإرتكا حيل
وا شيب عيني من عدالات وميول
وش هقوتك بأيام وقتٍ مساميل
ذكره يحوش للبة القلب وينول
ايام نمشيها مع الدو تعليل
مع النشاما ذكرهم حي مايزول
في فيضةٍ تضفي عليها الهماليل
ماحاسها كثر المطاليع ونزول
الوسم جاه وتبّع الله له بسيل
وأزهر نباته عقب الأدهار ومحول
فيها أم سالم تزعج الصوت وتشيل
صوته يخلي زايد الهم مقلول
فصلت لك يالذيب بالشعر تفصيل
اللي على حبه غدى القلب مجبول
وأنا أذكر الله عد رمل الغراميل
وآخر كلامي بالتحيات موصول
موصول بالتحيات لأهل مكشات الكرام وارجو ان تحوز على استحسانكم
اخوكم الديعجان
قم يافهد وأدن الحطب والمعاميل
واقدح كفاك الله عنا كل مخذول
النار شبه دامنا بأول الليل
مادام قلبي يافتى الجود معلول
زين لنا فنجال بن ٍ على هيل
يغدي هواجيس ٍ بها القلب مدهول
وليا تقهوا راعي الكيف والقيل
جاب البيوت اللي بها البال مشغول
ابيات ناقيها عن الهزل والميل
وانت الشجاع اللي بالابيات مرسول
اركب على اللي يرغبه كل حلحيل
منوة شجاع ٍ بالولع صار مثمول
شاص ٍ جديدٍ فز في جيته جيل
مثل العديم إن حث بالمجتمع قول
طيبه صحيح ٍ مايلفق بتمثيل
يزود طيبه وإن توهلت غرمول
اقر الدعاء واطلب من الله تساهيل
وأطلب عسى دربك بالاوفاق مكفول
اركب ووجه وجهة الجيب لسهيل
خله كما حر ٍ كفخ وأدرك الجول
تلفي على دار ٍ عسى مدهله سيل
عسى جنابه حي حول ٍ بإثر حول
اللي سكنها الذيب ريف الرجاجيل
راع الصخا وإن حل وقتٍ به محول
ابا امدحه وأزود المدح تبجيل
وأبا اشرح الحاله على ابواب وفصول
..........ترى قلبي به الهم ماشيل
اصبح فؤادي بالهواجيس مقفول
الهم في قلبي كبر وإرتكا حيل
وا شيب عيني من عدالات وميول
وش هقوتك بأيام وقتٍ مساميل
ذكره يحوش للبة القلب وينول
ايام نمشيها مع الدو تعليل
مع النشاما ذكرهم حي مايزول
في فيضةٍ تضفي عليها الهماليل
ماحاسها كثر المطاليع ونزول
الوسم جاه وتبّع الله له بسيل
وأزهر نباته عقب الأدهار ومحول
فيها أم سالم تزعج الصوت وتشيل
صوته يخلي زايد الهم مقلول
فصلت لك يالذيب بالشعر تفصيل
اللي على حبه غدى القلب مجبول
وأنا أذكر الله عد رمل الغراميل
وآخر كلامي بالتحيات موصول
موصول بالتحيات لأهل مكشات الكرام وارجو ان تحوز على استحسانكم
اخوكم الديعجان