///أقوى منفاخ هواء بالسوق (( يعبي البالون من 15 الى 40 في 29 ثانية فقط ))استرالي///

[سيف الظفير]

بسم الله الرحمن الرحيم

السلام عليكم ورحمه الله وبركاته

أسعد الله اوقاتكم جميعاً يا كشاته ومبروك علينا وعليكم دخول الوسم أسئل الله العلي القدير ان يجعله علينا بالخيرات وان يسوق لنا السحب الثقال لتروي الارض والعباد أنه على كل شئ قدير


دخل وقت المكاشيت والنفود والمراويح
وكل علمً يسر الخاطر

ومن الحاجات الضرورية التجهيزات الاساسية للسيارة

ماطور الهواء

ومن خلال تجربة الكثير من المواطير

الرماية بسعر 345 ريال

ابو جمل

والاخير الماطور الاسترالي ARB
مع دبة للضغط بسعر 3500 ريال
وهو صناعة استرالية 100%

وهو موضوع حديثا

مكان البيع // محلات الرماية
(وكيل ARB )
متوفر الان في فرع العقيق

صور له


http://www.mekshat.com/pix/upload06/images/2013/03/mk128120_img_0175.jpg

http://www.mekshat.com/pix/upload06/images/2013/03/mk128120_img_015811.jpg


http://www.mekshat.com/pix/upload06/images/2013/03/mk128120_img_0157.jpg


(( الصور منقولة من تقرير سابق ))




الشاهد والخلاصة في الموضوع

هذا الماطور المزدوج ( 2 بستم )
و دبه ضغط عالي


يعتبر اقوى ما يتوفر بالسوق
ومن اقوى واعرق الشركات العالمية ARB الاسترالية

من خلال تجربته على سيارة لاندكروزر

الكفر بالون ماكسس مقاس 17

من 15 الى 40 في
(( 29 ثانية فقط ))

ولكن ما يعاب عليه فقط

السعر الغالي 3500 ريال
--------------------

كتبت هذا الموضوع لنشر الفائدة للجميع ونقل وذكر التجربة


والله اعلى واحكم


من وجد فائدة فليدعو لي ولوالديّ

[سليمان VIP]

الله يوفقنا وياك اخوي سيف الى كل خير

يبدوا انه منفاخ قوي وسريع ما شاء الله لكن عيبه السعر المبالغ فيه والمرتفع

و عسى الله يرزقنا واياكم الخيرات والأمطار بإذنه تعالى

[m1m2m3m4m5m6]

والله لو اني في سباق بنشريه ماشريته ب3500 !!
ابو جمل ب300 واذا مخربها اشبك ثنين مع بعض والله ان يصير اسرع من ذا الاسترالي

[Banker]

خل حريملاء تطيح في كبد أهلها

3500 اشتري 10 منفاخ ابو جمل .. وش مطيرني منب ملحوق ... بعض التجار يحسسك انه جايب اختراع فضائي

شكراً اخوي صاحب الموضوع على تفاعلك وكلامي اعلاه موجه للرماية

[ابو سيف مكشات]

يا جماعة الخير
للي يدور ماطور فيه واحد تبيعه الرماية ب350 ريال
صيني ما شاء لله ممتاز

[عساها تساهيل]

اشكرك على طرحك الرائع والماطور من افضل المواطير الموجوده

لكن سعره يعيبه .....

[ابوكشتات]

مشكور وماقصرت على التقرير بس فيه حل ثاني لك وللزمن ممكن توليف كمبرسون ثلاجه او كمبرسون مكيف شباك بيوت او كمبرسون مكيف سياره وتحطله قاعدة خشب وتمدله سلك وليات وصلى الله وبارك . مجرد اقتراح .
تقبلو مروري

[ابوعدي]

بعطيك العافيه على التقرير
وبعدين انا استمتع اذا ماطور ابوجمل قام يهدر وينفخ الكفر على راحته وب 260 ريال
ولا ادفع 3500 ريال على ماطور هواء
ونصيحة اخ عن تجربه معي ابوجمل بستم واحد من كم سنة وعملي جداً اهم شي حافظ علي نظافته ولاتخليه يحتمي

[سيف الظفير]

الله يوفقنا وياك اخوي سيف الى كل خير

يبدوا انه منفاخ قوي وسريع ما شاء الله لكن عيبه السعر المبالغ فيه والمرتفع

و عسى الله يرزقنا واياكم الخيرات والأمطار بإذنه تعالى


امين يارب العالمين

فعلاً سعره لا يستطيع البعض المقدره عليه ويعتبر مبالغ فيه فعلياً


وامين الله يجيب الخير

[سيف الظفير]

والله لو اني في سباق بنشريه ماشريته ب3500 !!
ابو جمل ب300 واذا مخربها اشبك ثنين مع بعض والله ان يصير اسرع من ذا الاسترالي


رأيك احترمه ,, ولكن لا تحلف بالله ان اثنين ابو جمل اسرع منه لا تتسرع في حماسك

[سيف الظفير]

خل حريملاء تطيح في كبد أهلها

3500 اشتري 10 منفاخ ابو جمل .. وش مطيرني منب ملحوق ... بعض التجار يحسسك انه جايب اختراع فضائي

شكراً اخوي صاحب الموضوع على تفاعلك وكلامي اعلاه موجه للرماية


حياك الله يالغالي

فعلاً سعر المورد أعلى من سعره بالخارج ,, ولكن الحمد لله على كل حال

[سيف الظفير]

يا جماعة الخير
للي يدور ماطور فيه واحد تبيعه الرماية ب350 ريال
صيني ما شاء لله ممتاز



نعم صدقت فيه في الرماية ما طور هواء صيني سعره بـ 345 ريال راس واحد كبير

قوي جداً ومجربه من سنتين ولا شفت منه الى الان اي مشكلة


ياخذ 2:30 يعني من 20 الى 40

[سيف الظفير]

مشكور وماقصرت على التقرير بس فيه حل ثاني لك وللزمن ممكن توليف كمبرسون ثلاجه او كمبرسون مكيف شباك بيوت او كمبرسون مكيف سياره وتحطله قاعدة خشب وتمدله سلك وليات وصلى الله وبارك . مجرد اقتراح .
تقبلو مروري


جميل كلامك ولكن انا من الناس اللي أحب الاصلي وشغل التوليف ما يعجبني الزين زين والغالي زين وحقه فيه

وهذا استرالي ومن شركة عالمية ومجرب حتى الان 3 من هالمواطير وهي قممممممممة

[سيف الظفير]

بعطيك العافيه على التقرير
وبعدين انا استمتع اذا ماطور ابوجمل قام يهدر وينفخ الكفر على راحته وب 260 ريال
ولا ادفع 3500 ريال على ماطور هواء
ونصيحة اخ عن تجربه معي ابوجمل بستم واحد من كم سنة وعملي جداً اهم شي حافظ علي نظافته ولاتخليه يحتمي


الله يعطيك خيره ويكفيك شره ... بخصوص 290 او 3500 كلن على قدرته الله يعافيك وكل شخص يرى الموضوع من عين ومن زاويه

[سيف الظفير]

اشكرك على طرحك الرائع والماطور من افضل المواطير الموجوده

لكن سعره يعيبه .....



فعلاً اوافقك يالغالي



وشكراً لك

[ابوعبدالله46]

ما طور ممتاز لكن السعر والحجم كبير شوي
وعن نفسي شبكت ما طورين ابو جمل الاصلي وعبئ من صفر حتى 40 تقريبا ب 40 ثانيه او 45 ماني والله متذكر

[ابوعبدالله46]

وما ادري اخوي سيف هل تعرف هذا الماطور او عندك معلومات عنه .
http://www.mekshat.com/vb/showthread.php?t=331214

[وقاص]

والله لو اني في سباق بنشريه ماشريته ب3500 !!
ابو جمل ب300 واذا مخربها اشبك ثنين مع بعض والله ان يصير اسرع من ذا الاسترالي

:D:D:D:D:good2:

[راكان 11]

السلام عليكم
أخي الغالي
المواطير أم أسعار ( 150 ريال الى 350 ريال ) تقوم بالواجب ولاكنها بطيئه نوعآ ماء

وإن كنت ممن يفضلون المواطير السريعة
فيوجد لدى الرماية ماطور بقيمة 1000 ريال تقريبآ يقوم بالواجب وزيادة

[ابو ســــاره]

شكراً سيف الظفير على الموضوع الجميل .

وما فيه شك يا زين الي يقضي لزومك بسرررعة وخاصة وانت ساري من البر تعبية الكفرات غثييييثة مرة .

طالما هناك اسطوانة تجمع الهواء من الكمبرسر اكيد راح يكون الناتج هواء قوي جداً وبارد مثل البنشر .
ويوجد بالسوق نفس الفكرة مواطير ثابتة مع اسطوانة وتعطيك هواء عالي وسعرها بحدود 350 ريال ولكن كبمرسرها صغير نسبياً . وحجمها مقارب لحجم هذه الشنطة وانا لا ارغب في نقل الماطور مع العفش ثم شبكه بالكهرب ثم تحوس مع اللي التعبية شغلتها شغلة صراحة

انا مثبت بالكبوت عدد اثنين ابو جمل والهواء قوي جداً ولكن ساخن جداً خرب معي ثلاثة انواع من الليات احدها حلزوني الاماني الاسود تبع التريلات يا زينة مريح بس ضعيف مع الحرارة . اخر شي كبست ليات ظغط عالي مع راس للبلف الماني وما انصحكم بهذه الفكرة .

انصح الجميع بتثبيت ابو جمل واحد ومعه اسطوانة مثل طفاية حريق او اي اسطوانة حجمها يناسبك وسوف تحصل على هواء قوي جداً ومظغوط مثل طريقة الرماية والتكلفة الاجمالية لن تتجاوز 400ريال .

[الشيخ الظريف]

الله يوفقك يابو صالح دنيا وآخره دايم علومك غانمه

[عبدالرحمن الحربي]

والله لو اني في سباق بنشريه ماشريته ب3500 !!
ابو جمل ب300 واذا مخربها اشبك ثنين مع بعض والله ان يصير اسرع من ذا الاسترالي


هههههههههههه:D:D:D:D

[عون آل مقبل]

كم سعر الماطور في الخارج سواء في دبي او في الشركة المصنعة في استراليا

[مدهوش]

ماطور جميل وعيبه سعره المبالغ فيه جدآ

نتمنى ان نشوف إجتهادات شبابية فرديه وبنفس الفكرة ويتم توفيرها باعداد تجارية وراح تنتشر بشكل مرضي شريطه ان لا يتجاوز سعرها المعقول واعتقد 1000 ريال كحد اقصى .

[مير خان]

وما ادري اخوي سيف هل تعرف هذا الماطور او عندك معلومات عنه .
http://www.mekshat.com/vb/showthread.php?t=331214

هذا الماطور الله يسلمك موقف من الشركة الأم WARN وما ينزل إلا على الونشات مثل هذا
http://www.warn.com/truck/winches/powerplant_hp.shtml

وقيمته حول 6000 ريال عند المسليماني أو أزود
وبالتوفيق
راجع هالموقع يمكن يوصل لك
http://www.devon4x4.com/index.php?option=com_virtuemart&page=shop.browse&category_id=1013268&Itemid=14

[مفكّر]

منفاخ ممتاز ومن شركة عريقة
ولكن عيبه السعر المرتفع ، وفي أمازون سعره تقريبا 2900 ريال
http://www.amazon.com/gp/aw/d/B007KEVN00/ref=pd_aw_sbs_5?pi=SS115

[Hagaanaf]

انا من قال لي عيار الهواء الأسترالي بـ (270) ريال وانا هذاك اتلى علمي بهم
وبعدين وش ها الميزه الخارقه الي بها الماطور يالله من فضلك ، فقط لآنه يعبي سريع ، ليش انا مهرب وملحوق
الكشته الي مافيها عزر ومغثه وسعة بال ماهيب كشته
الموضوع كله مايستاهل اني اشري ماطور بـ (3500) ريال ، همن لاجلست نصف ساعه اعبي الناقص من كفراتي بماطور قيمته (180) ريال وش يصير
ولكن هي ارزاق يوزعها ربع العالمين ، ولولا اختلاف الاراء لبارت السلع
مؤكد ان له لاقط ، كما لكل ساقط لاقط

[أبو نادر.]

سعره عالي جداً
ومبالغ فيه
ماطور هواء بهذا السعر ماني ماخذه
فيه بديل ويودي الغرض بسعر مناسب

[سيف الظفير]

هذا الماطور الله يسلمك موقف من الشركة الأم WARN وما ينزل إلا على الونشات مثل هذا
http://www.warn.com/truck/winches/powerplant_hp.shtml

وقيمته حول 6000 ريال عند المسليماني أو أزود
وبالتوفيق
راجع هالموقع يمكن يوصل لك
http://www.devon4x4.com/index.php?option=com_virtuemart&page=shop.browse&category_id=1013268&Itemid=14



سعره اقل من هذا السعر وكان احد الشباب يوفره الله يذكره بالخير وهواه قوي كذلك

[سيف الظفير]

منفاخ ممتاز ومن شركة عريقة
ولكن عيبه السعر المرتفع ، وفي أمازون سعره تقريبا 2900 ريال
http://www.amazon.com/gp/aw/d/B007KEVN00/ref=pd_aw_sbs_5?pi=SS115



اشكرك يا الغالي على طيب الرد والمشاركة الفعالة


البعض يضيف للموضوع معلومة والبعض ليته ما هرج

[سيف الظفير]

انا من قال لي عيار الهواء الأسترالي بـ (270) ريال وانا هذاك اتلى علمي بهم
وبعدين وش ها الميزه الخارقه الي بها الماطور يالله من فضلك ، فقط لآنه يعبي سريع ، ليش انا مهرب وملحوق
الكشته الي مافيها عزر ومغثه وسعة بال ماهيب كشته
الموضوع كله مايستاهل اني اشري ماطور بـ (3500) ريال ، همن لاجلست نصف ساعه اعبي الناقص من كفراتي بماطور قيمته (180) ريال وش يصير
ولكن هي ارزاق يوزعها ربع العالمين ، ولولا اختلاف الاراء لبارت السلع
مؤكد ان له لاقط ، كما لكل ساقط لاقط



انت مشكلتك في السعر فقط !!!

طيب اذا كنت لا تقدر على شراءه او امتلاكه ولا تعرف قدر وقيمة الاصلي المستورد من شركات عالمية وانت ترى بنفسك ان الصيني هو افضل ,, ليه تعيب عليه ..


كلمة اصبت فيها والباقي اعذرني لا فائدة منه

هي ارزاق الله يوزعها ,, فلا تحسد من كان رازقه وعنده استطاعه يشتري ماطور بـ 3500 ومعيار هواء بـ 270 ويكشت على فكسار بـ 305.000!!!

[سيف الظفير]

سعره عالي جداً
ومبالغ فيه
ماطور هواء بهذا السعر ماني ماخذه
فيه بديل ويودي الغرض بسعر مناسب


معك يالغالي السعر هو العيب الوحيد له

ولا تنسى انه استرالي 100%

[سيف الظفير]

وما ادري اخوي سيف هل تعرف هذا الماطور او عندك معلومات عنه .
http://www.mekshat.com/vb/showthread.php?t=331214



ماطور معروف ومن شركة قوية وللأسف وكيله من اسوء الموردين

[سيف الظفير]

السلام عليكم
أخي الغالي
المواطير أم أسعار ( 150 ريال الى 350 ريال ) تقوم بالواجب ولاكنها بطيئه نوعآ ماء

وإن كنت ممن يفضلون المواطير السريعة
فيوجد لدى الرماية ماطور بقيمة 1000 ريال تقريبآ يقوم بالواجب وزيادة


وعليكم السلام
صحيح يالغالي موجود وماطور الرماية والسنيدي وابو جمل تكفي اللي اقيامها بـ 350 تقريباً


ولكن هذا في بحر أخر واستخداماته اكثر من البقية

[سيف الظفير]

شكراً سيف الظفير على الموضوع الجميل .

وما فيه شك يا زين الي يقضي لزومك بسرررعة وخاصة وانت ساري من البر تعبية الكفرات غثييييثة مرة .

طالما هناك اسطوانة تجمع الهواء من الكمبرسر اكيد راح يكون الناتج هواء قوي جداً وبارد مثل البنشر .
ويوجد بالسوق نفس الفكرة مواطير ثابتة مع اسطوانة وتعطيك هواء عالي وسعرها بحدود 350 ريال ولكن كبمرسرها صغير نسبياً . وحجمها مقارب لحجم هذه الشنطة وانا لا ارغب في نقل الماطور مع العفش ثم شبكه بالكهرب ثم تحوس مع اللي التعبية شغلتها شغلة صراحة

انا مثبت بالكبوت عدد اثنين ابو جمل والهواء قوي جداً ولكن ساخن جداً خرب معي ثلاثة انواع من الليات احدها حلزوني الاماني الاسود تبع التريلات يا زينة مريح بس ضعيف مع الحرارة . اخر شي كبست ليات ظغط عالي مع راس للبلف الماني وما انصحكم بهذه الفكرة .

انصح الجميع بتثبيت ابو جمل واحد ومعه اسطوانة مثل طفاية حريق او اي اسطوانة حجمها يناسبك وسوف تحصل على هواء قوي جداً ومظغوط مثل طريقة الرماية والتكلفة الاجمالية لن تتجاوز 400ريال .






حياك الله يا الذيب ما قصرت على هالرد الطيب

كتبت ونصحت جزاك الله الف خير

بخصوص الفكرة فيه واحد من الشباب ركب دبة اكسجين وكانت تعبي 3 الى 5 سيارات وقوة دفع الهواء مثل مكاين البنشر ولكن حجم الدبة كبير وياخذ مكان بالسيارة

[سيف الظفير]

الله يوفقك يابو صالح دنيا وآخره دايم علومك غانمه

بعد حيي يا الذيب الله يوفقنا واياك وكلمة اعتز بها يا الغالي

[سيف الظفير]

كم سعر الماطور في الخارج سواء في دبي او في الشركة المصنعة في استراليا


اعتقد أقل و ARB لهم فرع في دبي او أبو ظبي والعالم الله انه في دبي

[سيف الظفير]

ماطور جميل وعيبه سعره المبالغ فيه جدآ

نتمنى ان نشوف إجتهادات شبابية فرديه وبنفس الفكرة ويتم توفيرها باعداد تجارية وراح تنتشر بشكل مرضي شريطه ان لا يتجاوز سعرها المعقول واعتقد 1000 ريال كحد اقصى .




كلامك صحيح السعر هو مشكلة الماطور هذا


الى 1500 اشوف سعره مناسب جداً جداً

[سيف الظفير]

https://www.youtube.com/watch?v=a0AvypEi-Oc


هذا فيديو للماطور من نفس الشركة
((( يوجد موسيقى أخفض الصوت رعاك الله ))

[ابو ســــاره]

حياك الله ابو صالح

تدري وش المشكلة الكبيرة !

انك اذا تعبت وخسرت على مواطير الهواء يجيك من يشغلك من ربعك العجازين ويصفون بجنبك يبونك تعبي لهم هواء !

[سيف الظفير]

حياك الله ابو صالح

تدري وش المشكلة الكبيرة !

انك اذا تعبت وخسرت على مواطير الهواء يجيك من يشغلك من ربعك العجازين ويصفون بجنبك يبونك تعبي لهم هواء !

هههههههههه

ولله الحمد والفضل الربع كلهم وافين وكلن من زين و زود ما معه يعطي خويه فالنقطه هذي انا وربعي مرتاحين منها


والعجاز لا يجي البر ولا تطلع معه

[AbdulAZiz M]

لو أملك الماده لأشتريت نفسه أو الماطور اللي أكبر منه بشوي معه أغراض مثل مسدس تنظيف المراتب ومسدس فك صواميل الكفرات وسعره بـ 5000 ،،

ماطور الشراع ( ابو جميل ) استخدمه من ثلاث سنوات صحيح يتحمل ولكن يرفع ضغطك في التعبئة تقريباً ياخذ وقت 3 دقايق ونصف من 10psi إلى 40psi

خصوصا اذا كنت في المربعانية ما ودك توقف تعبي احياناً

الله يبارك لك يا سيف الظفير ويطرح لك البركه

[سيف الظفير]

لو أملك الماده لأشتريت نفسه أو الماطور اللي أكبر منه بشوي معه أغراض مثل مسدس تنظيف المراتب ومسدس فك صواميل الكفرات وسعره بـ 5000 ،،

ماطور الشراع ( ابو جميل ) استخدمه من ثلاث سنوات صحيح يتحمل ولكن يرفع ضغطك في التعبئة تقريباً ياخذ وقت 3 دقايق ونصف من 10psi إلى 40psi

خصوصا اذا كنت في المربعانية ما ودك توقف تعبي احياناً

الله يبارك لك يا سيف الظفير ويطرح لك البركه


للمعلومية يا الغالي هذا يجي معه كل شي لي ومسدس وكامل الاغراض يا بعدي

ومسدس فك الصواميل فيه موجود من نفس الشركة تقدر تشتريه ويفك لك الكفر في ظرف دقيقة


و واحد من الشباب ثبته بطريقة فنية تحت السيارة ووصله للتانكي وصار دفع الماء قوي ورهيييييييييييييييب يرش أكثر من 4 متر

[hamido]

الماطور استخدمه حاليا له معي قرابة النصف سنه ممتاز واستعمل معه دريل الكفرات اذا صرت اشتغل بالمزرعه واذا رحت للنفود اول واحد ينسم انت :D لانك ماتزمل للتعبيه
وايضا عندي عيار arb لكنه مخصص للتنسيم وليس للمعايره وصراحه متعب
الاصلي سعره به ولك وللزمن مع انه غالي حبتين لكني كنت قبل ماشريه ابي ماطور ورن وقلبت الدنيا كله هنا وبالامارات وبامريكا مالقيته مقطوع
وفي الاخير كلن يمد رجليه على قد لحافه وهي هوايه وفتنه مثله مثل التراث وخلافه وفتنه مكلفه نوعا ما
اذكر شريت ثلاجة الطمره قديما قبل ثمان سنوات وكل من شافه قام يتشره علي والان كلهم معهم ثلاجا وصينيه واغلا من السعر الي انا شريت به ثلاجتي
وكذالك القارمن 276c قبل ثمان سنوات والان ارتفع مالا يقل عن 40 بالميه

[ALSARI1]

والله اخذ من الرخيص ولا الغالي وش عليه كلههه ...هواااء

يالله العفو والعافيه

[The End]

بيض الله وجهك اخوي,,,
الوكيل رافع سعره شويتين ,, سعره بالنت 2850 ريال !!

[Snatch]

ماشاء الله تبارك الله

هذا الماطور الطيب الله يرزقك خيره يارب

الشركة هذي من افضل الشركات في تجهيزات الدفع الرباعي ومنتجهاتهم مشهود لها بالجودة والكفاءة

بالنسبة للسعر ممتاز صحيح سعرها بالنت تقريبا ٢٩١٠ ريال لكن لاتنسى سعر الشحن وحسب امازون وزنه ٣٥ باوند

اذا استخدمت اراميكس شوب اند شيب بيطلع ١٢٥٢ ريال

بمجموع 4162 ريال

[يحب البر]

خل حريملاء تطيح في كبد أهلها

3500 اشتري 10 منفاخ ابو جمل .. وش مطيرني منب ملحوق ... بعض التجار يحسسك انه جايب اختراع فضائي

شكراً اخوي صاحب الموضوع على تفاعلك وكلامي اعلاه موجه للرماية
:D:D:good2::good2:

[abu juod]

يعطيك العافية على التقرير ..
لكن العيب واضح سعره الغالي وبنفس الوقت
ماطور أبو جمل وكيل الشراع ممتاز ويوفي بالغرض
موفق يااارب ...

[حان الرحيل]

السلام عليكم
الماطور ...ممتاز ما فيه كلام ابدا ومنتجات arbكلها جيده وغنيه عن التعريف....لكن كل منا ينظر للسلعه هذي او غيرها من منظوره الخاص ..فمثلا بعض الناس دخله الشهري اقل من3500 قيمة الماطور المذكور وبعضهم مثل مقطع حمدان ال نهيان...3 طايرات هيلوكوبتر وعشرات سيارات الدفع الرباعي المعدله ..واليخت....وانواع البنادق والمولدات..واذا شافوا الغزال ولا الوعل بالطايره .. ارسلوا ندا للشيخ وجا بطائره اخرى واخذ البندقيه وقام الطيار يطارد الطريده ثم يقوم بالاقتراب حتى يرميها الشيخ من مسافه قريبه...وينزل احد المرافقين لاخذها..في الطائره البديله..وقد يكون بعظكم رأى بعضا من هذه التسجيلات...وغيرها...
خلاصة العلم كل يبي ينبسط ..على حد مقدرته ومعرفته....
اما الماطور عندي واحد صيني اسمه sacaاخذته من رجال شرواكم بالطريق قبل 15 سنه كان عندي كفر منسم..ويم بغيت ارجعه حلف منه...وانا ما اعرفه..وجلس معي 12 سنه وهو شغال 100%...وبعد كذا ثبت في التندرا ماطور حق رفع منافيخ السيارات .مثل الفوردات والفانات..صح بطي ويجيب الضغط لكن يفي بالغرض وليه وكهربته واصله فيه مجرد اسحب اللي وعبي ....شكرا لكم ولصبركم علي........

[nouaf]

والله لو اني في سباق بنشريه ماشريته ب3500 !!
ابو جمل ب300 واذا مخربها اشبك ثنين مع بعض والله ان يصير اسرع من ذا الاسترالي

[فياقرا]

ماطور أبوجمل بيض الله وجه من صنعه
مايتعدا 200 ريال
وخله يأخذ في كل كفرهـ دقيقة وعشرين ثانية
يعني 4 كفرات بـ 6 دقايق
يفرق عنك يالغالي بـ 4 دقايق
ويفرق أيضا عنك بالسعر المبالغ فيه جدا جدا جدا جدا

ماطور بـ 3000 ريال سلالالالامات
قيمة كفرات جديدة للموتر

[Hagaanaf]

انت مشكلتك في السعر فقط !!!
طيب اذا كنت لا تقدر على شراءه او امتلاكه ولا تعرف قدر وقيمة الاصلي المستورد من شركات عالمية وانت ترى بنفسك ان الصيني هو افضل ليه تعيب عليه ..
كلمة اصبت فيها والباقي اعذرني لا فائدة منه
هي ارزاق الله يوزعها فلا تحسد من كان رازقه وعنده استطاعه يشتري ماطور بـ 3500 ومعيار هواء بـ 270 ويكشت على فكسار بـ 305.000


نعم مشكلتي بالسعر الغير مقبول عقلاُ ومنطقاً
انا ابفهم لماً اعبي كفراتي بماطورك خلال ( خمس دقائق ) او ازيد هواء كفراتي بماطوري الي بـ (180) ريال خلال ربع ساعه على اكثر تقدير ، وش المشكله ، فقط السرعه في التعبئه ، طيب سلمت لك بذلك ، اين الميزه إذا انا مناب ملحوق والا مطرود حتى ادفع مبلغ (3500) ريال من أجل ان ازود هواء كفراتي خلال (5) دقائق
الا انزل من سيارتي واعبي كفراتي ومتى ماتعبن ، المهم اني وفرت (3500) ريال

اما اني اعيب المأطور وامدح الصيني ، فأنا لم اعب المأطور لآنني لم استعمله حتى احكم عليه وابين عيوبه ، اما الصيني فله الآن قرابة الـ (4) سنوات وقايم بالمهمه
اما حقين الـ (VXR) اشتروه او لم يشتروه هذا شأنهم ، انا ابلغك انني ردي عقل ان دفعت مثل هذه القيمه بمأطورك فقط من اجل السرعه في التعبئه ، بل ويجب على عصبتي الحجر علي
اما الحسد ، فوالله لا احسد احد والله يجعل القادرعلى شراءه ولايقيم للمال قيمه ووزن فالله يجعله يشتري منه (10) مواطير

اما قولك اني ما اعرف قيمة الآصلي المستورد من شركات عالميه ، فأقول لك الا اعرف وانا ابو العرف ، انت الي تخفاك بعضات الآمور
فانا من آوئل من عرف ان هناك مواطير امريكيه مركبه على ( البيوك / البونفيل / الكابرس ) موديلات قديمه مخصصه لرفع السياره من الخلف عند الحموله الثقيله ، قيمة الواحد عند الجميح بـ (1500) ريال وإذا حصلته تشليح تفكه انت بـ (300) ريال ، او (350) ريال يفكه لك صاحب التشليح ، كل ماهنالك انه يحتاج الى ترهيم بـ (40) ريال يعني يطلع عليك هالآطخم بـ (340) ، صدقني وعن درايه وعلم يخلي مأطورك عند القش ، بس هل تلقاه

الشئ الثاني والي ستندهش بل لن تصدق عندما اخبرك به وهو انك تشتري لك كمبرسور ثلاجه خربانه بـ (30) ريال وروح للي يلفون الدوائر الكهربائبيه للدريلات العاديه والدريلات الهلتي بشارع الريال او حقين مواطير دفع المياه بشارع المرقب ، او المولدات الكهربائيه بصناعية الآمير سلمان بعد كبري دوار الخرج بـ (200) متر اسئل عنهم وإذا لقيتهم ، اطلب منه ان يحول لك دائرة الكمبرسور الكهربائيه من الكهرباء العاديه الى كهرباء السياره ، والآجره لاتتجاوز الـ (100) ريال ، وبعدها قارنه مع ماطورك وعندها ستدهش من النتيجه

[راعي الرود]

ياجماعة الرجال اجتهد و سوا الموضوع خدمه للاعضاء ولا غصب احد يشتريه نص التعليقات غالي غالي

اول المنتدى مليان تقارير بس جماعه خلف خلاف كثرو ان قلت ابيض قال اسود بس عباطه صار الواحد مايتشجع ..

سيف الظفير الله لا يحرمك الاجر و ماقصرت

[أبوبشير العنزي]

بيض الله وجهك وماقصرت أخوي سيف الظفير

على موضوعك الماتع...للأسف منفاخ أبوجمل أكثره اللي في السوق تجاري وصيني.. الأسترالي هو الأقوى ولكن سعره مبالغ فيه حيل ...يجب على الرماية النظر في سعره..وتوفير البديل الاسترالي الأرخص والقوي

[الماجد1]

تقرير مميز الله يعطيك العافيه

لاكن السعر مبالغ فيه جدا جدا

[Hagaanaf]

ياجماعة الرجال اجتهد و سوا الموضوع خدمه للاعضاء ولا غصب احد يشتريه نص التعليقات غالي غالي
اول المنتدى مليان تقارير بس جماعه خلف خلاف كثرو ان قلت ابيض قال اسود بس عباطه صار الواحد مايتشجع ..
سيف الظفير الله لا يحرمك الاجر و ماقصرت


يحفظك الله
( اولاً )
ان كنت معني بمشاركتك ، فأن كان سيف مجتهد ، فأجتهاده وصل وجزاه الله خير ، وسنحمله على حسن النيه
( ثانياً )
لم يقل احد ان سيف غصب اي منا على شراءه ، ابداً لم يقل احد بذلك ، هو رأي في منتج بث له دعايه سعره يفوق التصور والخيال ، وهذا الراي يالحبيب سنبديه حتى وان كان لايعجب او لايروق لآحد بما فيهم المورد ( الرمايه ) ، فالمنتدى كفل حرية ابدأ الرأي لاعضاءه او انا غلطان

[web]

السلام عليكم

ماشاء الله تبارك الله روعه ..

العيب مثل ماتفضلو الشباب السعر
لكن هي حاجات الناس وكلن وحاجته وفيه ناس تقول لو اني في سباق ماهي مسئلة سباق وانا خوك كلن وحاجته
وفيه ناس ماينسم للموتر عشان عشان ماياقف يعبي اذا طلع وتلقاه وشاد والمكينه حالتها حاله داعسن بطنها
لا والله خذ الماطور ونسم وعب وانت طالع ولا يضيق صدرك ولا تحرق مكينت الموتر
حتى لو قالكم ب ١٥٠٠ قلتو غالي ماعاد به شي رخيص اصلاً
وانا معكم والله السعر مرتفع لكن مو من الوكيل سعره غالي من الشركة وهي معروفه الشركة الاستراليه سعرها غالي لكن الوكيل لعبها صح رفعه عن سعر الماطور وخلاه انزل من قيمته مع الشحن يعني وانت تبي هالنوعيه بتنحد عليه لانه ارخص من قيمة الشركة مع الشحن

[عون آل مقبل]

يا اخوان الشكر لله ثم للاخ سيف الظفير الله يجزاه خير الجزاء
1- افادنا عن منتج جديد نزل في السوق
2- خلا الشباب يتناقشون بجدية وصرنا نسمع بعض الاقتراحات الجميلة
3- نشط الشباب في البحث عن البديل بسعر مناسب
4- فيه اقتراح انه بعض الشباب اكتشفنا من خلال كلامة ان عنده خبرة فيا ليت يسويلنا تقرير عن هاذين الاقتراحين ان استطاع او ينوب عنه اي احد ما في مشكلة :


الاول : ان هناك مواطير امريكيه مركبه على ( البيوك / البونفيل / الكابرس ) موديلات قديمه مخصصه لرفع السياره من الخلف عند الحموله الثقيله ، قيمة الواحد عند الجميح بـ (1500) ريال وإذا حصلته تشليح تفكه انت بـ (300) ريال ، او (350) ريال يفكه لك صاحب التشليح ، كل ماهنالك انه يحتاج الى ترهيم بـ (40) ريال يعني يطلع عليك هالآطخم بـ (340) ، صدقني وعن درايه وعلم يخلي مأطورك عند القش


الثاني : تشتري لك كمبرسور ثلاجه خربانه بـ (30) ريال وروح للي يلفون الدوائر الكهربائبيه للدريلات العاديه والدريلات الهلتي بشارع الريال او حقين مواطير دفع المياه بشارع المرقب ، او المولدات الكهربائيه بصناعية الآمير سلمان بعد كبري دوار الخرج بـ (200) متر اسئل عنهم وإذا لقيتهم ، اطلب منه ان يحول لك دائرة الكمبرسور الكهربائيه من الكهرباء العاديه الى كهرباء السياره ، والآجره لاتتجاوز الـ (100) ريال ، وبعدها قارنه مع ماطورك وعندها ستدهش من النتيجه

شاكرين لك حسن متابعتكم ولا انسى شكر الاخ Hagaanaf والسلام عليكم

[العنابي 616]

الله يجزاك خير أخوي سيف الظفير
دائما مبدع تقاريرك ممتعة بدون مجاملة
الحقيقة ماطور أبو جمل أقعد 20 دقيقة أنفخ كفراتي الواحد يمل و يتجنب انه ينسم
الماطور القوي بختصر الوقت و يسهل المهمة بس سعره العادل برأيي 1200 ريال
عموما هي فرصة اننا نصنع هذي الأشياء لأن الماركات المشهورة أسعارها مرتفعة جدا

[Hagaanaf]

يا اخوان الشكر لله ثم للاخ سيف الظفير الله يجزاه خير الجزاء
1- افادنا عن منتج جديد نزل في السوق
2- خلا الشباب يتناقشون بجدية وصرنا نسمع بعض الاقتراحات الجميلة
3- نشط الشباب في البحث عن البديل بسعر مناسب
4- فيه اقتراح انه بعض الشباب اكتشفنا من خلال كلامة ان عنده خبرة فيا ليت يسويلنا تقرير عن هاذين الاقتراحين ان استطاع او ينوب عنه اي احد ما في مشكلة :
الاول : ان هناك مواطير امريكيه مركبه على ( البيوك / البونفيل / الكابرس ) موديلات قديمه مخصصه لرفع السياره من الخلف عند الحموله الثقيله ، قيمة الواحد عند الجميح بـ (1500) ريال وإذا حصلته تشليح تفكه انت بـ (300) ريال ، او (350) ريال يفكه لك صاحب التشليح ، كل ماهنالك انه يحتاج الى ترهيم بـ (40) ريال يعني يطلع عليك هالآطخم بـ (340) ، صدقني وعن درايه وعلم يخلي مأطورك عند القش
الثاني : تشتري لك كمبرسور ثلاجه خربانه بـ (30) ريال وروح للي يلفون الدوائر الكهربائبيه للدريلات العاديه والدريلات الهلتي بشارع الريال او حقين مواطير دفع المياه بشارع المرقب ، او المولدات الكهربائيه بصناعية الآمير سلمان بعد كبري دوار الخرج بـ (200) متر اسئل عنهم وإذا لقيتهم ، اطلب منه ان يحول لك دائرة الكمبرسور الكهربائيه من الكهرباء العاديه الى كهرباء السياره ، والآجره لاتتجاوز الـ (100) ريال ، وبعدها قارنه مع ماطورك وعندها ستدهش من النتيجه
شاكرين لك حسن متابعتكم ولا انسى شكر الاخ Hagaanaf والسلام عليكم


يحفظك الله ويرعاك
الموضوع لايحتاج تقرير ولاهم يحزنون
كل ماعليك هو ان تذهب للتشليح ، وتبحث عن السيارات الامريكيه القديمه ( الكابرس / الآمبالا / البونفيل / البيوك ) ومتى ماوجدتهن ‏اسأل صاحب التشليح عن مأطور الهواء الي فيه ، سيقول لك فيه او انه باعه ، والآغلب انه باعه ، فبعد ان علمنا به لم نترك تشليح ‏الا ومرينا عليه ( تشليح مكه وجده وتشاليح الرياض كلها وكذا القصيم ) وفكيناها ، ولكن هذا لايعني انك تيأس ولا يمنع من انك ‏تبحث ومتى وجدته ستتمكن من توليفه بنفسك ودون تدخل من احد ، فهو مأطور موحد شكلاً وحجماً ليخدم كل هذه الآنواع من ‏السيارات ، كل ما عليك هو ان تركب له لي مع بلف التعبئه وسلك كهرباء مع اصابع للبطاريه واتفخ كفاراتك‏
هل السيارات الجديده يوجد بها مثل هذه المواطير ، انا لا اعلم ، فمعلوماتي تقول ، انه تم استبدال هذا الماطور ببلف يوجد خلف ‏السياره وقريباً من مفتاح الشنطه ، مهمته يتم عن طريقه تعبئة السياره لرفعها من قبل البنشر

اما الكمبرسور ، فهو حق ثلاجه يكون خربان يعني ما يعبي فريون فقط يدفع هواء ، قيمته عند حقين الي يصلحون التبريد بـ (30) ‏ريال ، اشتر واحد منه ، وسوف تجد به مأسورتين نحاس ، واحده لإدخال الهواء ، والآخرى لآخراج الهواء ، التي يحرخ منها الهواء هي التي يركب بها لي التعبئه ، اما حقت ادخال الهواء فتبقى كماهي ، واكلف ماعليك هو الذهاب ‏الى متخصص كما قلت لك ، يقوم بتحويل دائرة الكمبروسور الكهربائيه من الكهرباء العاديه الى كهرباء السياره ‏
غير ان هذا الكمبرسور يعيبه ثقله وخروج ( زيت الفريون ) مع المطبات عن طريق مأسورة ادخال الهواء ، ومن ثم يطبع السياره ‏ولكن هذه الإشكاليه يمكن علاجها بأن تجعل حق التبريد يلحم لك بلف مع الغطاء ، فقط تقوله ابغى اسكر هذه الماسوره بسكر متحرك ‏وهو سيعرف مطلبك ، يبقى متى خلصت من التعبئه سكر البلف بالغطاء ولكن انتبه عند التعبئه لابد من فك الغطاء قبل تشغيل الكمبرسور والا مع مرور ‏الوقت وتكرار تشغيل الكبرسور والبلف مسكر سيعدم عليك الكمبروسور‏

عند الشراع مأطور هواء بـ (380) ريال ، واحد من الشقرديه شاري اثنين ، ومثبتهن في شنطة الجيب النيسان (‏VTC‏) تحت ‏المراتب الجانبه ومسلك لهما الكهرباء والآثنين يشتغلن بمفتاح واحد ، ويعبن بلي هيدروليك واحد ومتحرك ، قوة دفع مشاء الله ، قد ‏لاتكون بقوة المنافخ اعلاه ولكن اجزم ان الفارق بينهما شئ لايذكر ، المهم ان قيمتها مجتمعين وبعد التوليف لاتتجاوز الـ (850) ريال

هناك هواء تأخذه من سيارتك ، لا مأطور هواء ولا غيره ، فقط لي هواء مع رأس امريكي او تايلندي يركب بدل احد البواجي ، وهو موجود ومتوفر في صناعية الفوزان على الدائري الشرقي ، وخاصة عند الي يبيعون قطع غيار السيارات الكبيره السقوس والتريلات ، ولكن مشكلته انه عباله فك بوجي

يحفظك الله
من اراد ان يشغل دماغه سيخدم نفسه ويخدم غيره ، والآفكار كثيره ، المهم ان لاتكون جامد ، وتنتظر من الآخرين ان يدلوك على مايخدمك في رحلاتك ، ابحث انت بنفسك عما يخدمك ، ويجنبك المتاعب وخاصة في البر ، ولاتنس المثل الي يقول ( راع الحاجه ملحاح ) ، والحاجه ام الأختراع

[محامي وراط]

مساكم الله بالخير جميعا ،،

اولا // الف شكر لصاحب الموضوع على هذا الطرح

وبيض الله وجهه وما قصر كفى ووفى ،،


بالنسبة للمواطير وما ادراك ما المواطير (عالم مهول :D)


××× أأفضل ماطور هواء اشوفه فالسوق

جامع كل المواصفات والمزايا مثل :

1- توفر قطع الغيار ( وهذا مهم جدا للمستخدمين )
2- الضمان
3- سرعة النفخ = 200PSI ( لحد الآن ماشفت فالسوق مثل سرعته فالنفخ )
4- يعمل لمدة ساعة كاملة بدون توقف ( وهذي ميزة لا تتوفر فالمواطير الاخرى ابدا )
5- الحجم المناسب
6- طول اللي وقوة تحمله
7- عملي جدا ويتحمل النفخ لعدة سيارات في وقت واحد
8- السعر المناسب مقارنة بغيرهـ ( 450 ريالـــ )

××× العيب او السيئ الوحيد فيه وموجود بكل المواطير :
هو انه يحتر ( يحتمي ) لكن تبريدهـ أسهل مايكون بواسطة قطعة قماش مبلله بالماء فقط لاغير ×××

اسم الماطور / ابو جمل التيربو ( وكيله الشراع فالغرابي ) يجي بستم (راس) واحد ،،
ماله منافس فالسوق ابدا من جميع النواحي والامكانيات
وكلامي من واقع تجربه وبحث في جميع المواطير والمحلات ،،


××× اصلا مواطير ابو جمل الاصلية كلها بستم (راس) واحد
اللي جا بستمين وهذا غير صحيح ( لأنه يكون فيه واحد فاضي والثاني مليان يعني خدعه بالشكل فقط )
يعتبر ابو جمل مقلد وليس اصلي نهائيا ×××


&&& اما محلات السليماني والسنيدي والرماية والمحلات الاخرى مواطير الهواء حقتهم

اعتبرها فااااشله جدا لاسباب عدة ( مقارنة شخصية) :

1- عدم توفر قطع الغيار
2- اسعارها مبالغ فيها جداااااااا
3- كبر الحجم
4- لا يوجد ضمان
5- اغلبها ماتعمل لمدة ساعه كاملة مثل ابو جمل التيربو

وعيوب كثيرة لا تحضرني حاليا ،،



&&& وكلها كوم وماطور الرماية كوم آخر&&&

( صراحة هالشركة تمنيت منافس لها فالرياض وباقي المناطق كان تشوف اسعارهم نازلة للنص او اقل
لانهم مبااالغين في اسعارهم بشكل وااااضح باشياء كثيرة : مواطير ومساعدات ويايات وصدامات وقطع كثيرة والدليل
فالاماراات قطع استراليه للسيارات مثل جودة قطع الرماية اذا ماكانت افضل منها بــــنصف السعر )


( تعقيب على رد الاعضاء )
بالنسبة لماطور الرماية الجديد انا وفلان و فلان و...
نقدر نشتريه مهب صعبه او ما نقدر او ...
لكن المثل يقول / حدث الناس بما يعقلون او حدث العاقل بما يعقل او يفقه او ...

*** كونه يكون عندي قطعتين واحد استخدم وواحد اسبير ، افضل من يكون عندي واحد
لا تعطل بلشت أوتوهقت أوتورطت
( مافيه ماطور ما يتعطل ولو بعد فترة من الزمن ايا كان عطله سهل او صعب )

معنى كلامي / اخذ لي 2 من ماطور ابو جمل التيربو
بـــ 900 ريالـــ واحط الباقي بكفرات جديدة
ولا اشتري واحد بــ 3500 ريالــ
ولو كانت صناعته او ماركته او جودته ،،
ولعلم الجميع لا صرت ادور سرعه فالنفخ
آخذ ماطورين التيربو بمكان استرالي واحد
اسرع فالنفخ واقل تكلفة بكثييييير ،،

( معلومة للجميع مب كل قطعه زاد سعرها او اكنت الاغلى كانت الافضل فهذا منطق خاطئ جدااااا ،،

اجل ماطور بــــ 3500 ريالـــ

حشا لوي بنفخ كفرات شياول ولا تريلات بوقت واحد:D )



واعتذر على الاطالة لكن التفصيل مطلب الجميع ،،

[محمد 11411]

ما شاء الله تبارك الله
الله يعطيك خيره ويكفيك شره
راعي صنف يا بو صالح
وكلن ينام على الجنب اللي يريحه

[سيف الظفير]

يعطيك العافية على التقرير ..
لكن العيب واضح سعره الغالي وبنفس الوقت
ماطور أبو جمل وكيل الشراع ممتاز ويوفي بالغرض
موفق يااارب ...


الله يعافيك
ابو جميل يوفي بالغرض ولكن راعي الصنف يدور الافضل ولو غلا ثمنه

وفعلا انا معك سعره غالي

[سيف الظفير]

السلام عليكم
الماطور ...ممتاز ما فيه كلام ابدا ومنتجات arbكلها جيده وغنيه عن التعريف....لكن كل منا ينظر للسلعه هذي او غيرها من منظوره الخاص ..فمثلا بعض الناس دخله الشهري اقل من3500 قيمة الماطور المذكور وبعضهم مثل مقطع حمدان ال نهيان...3 طايرات هيلوكوبتر وعشرات سيارات الدفع الرباعي المعدله ..واليخت....وانواع البنادق والمولدات..واذا شافوا الغزال ولا الوعل بالطايره .. ارسلوا ندا للشيخ وجا بطائره اخرى واخذ البندقيه وقام الطيار يطارد الطريده ثم يقوم بالاقتراب حتى يرميها الشيخ من مسافه قريبه...وينزل احد المرافقين لاخذها..في الطائره البديله..وقد يكون بعظكم رأى بعضا من هذه التسجيلات...وغيرها...
خلاصة العلم كل يبي ينبسط ..على حد مقدرته ومعرفته....
اما الماطور عندي واحد صيني اسمه sacaاخذته من رجال شرواكم بالطريق قبل 15 سنه كان عندي كفر منسم..ويم بغيت ارجعه حلف منه...وانا ما اعرفه..وجلس معي 12 سنه وهو شغال 100%...وبعد كذا ثبت في التندرا ماطور حق رفع منافيخ السيارات .مثل الفوردات والفانات..صح بطي ويجيب الضغط لكن يفي بالغرض وليه وكهربته واصله فيه مجرد اسحب اللي وعبي ....شكرا لكم ولصبركم علي........



الله يعافيك القدرات المالية ما لها علاقة في موضوعنا الا من جهه واحدة سعر الماطور هو غالي فقط لا غير

وفعلا انا معك سعره غالي

[سيف الظفير]

والله لو اني في سباق بنشريه ماشريته ب3500 !!
ابو جمل ب300 واذا مخربها اشبك ثنين مع بعض والله ان يصير اسرع من ذا الاسترالي



اتحداك يكون أسرع من هذا يا الحبيب


وللمعلومية اذا شبكت اثنين بين ما طورين واحد من الاثنين راح ينفقع البستم حقه لعدم وجود منظم


يا الغالي ما نذكر الشي الا من تجربه ومن بعد خساير ما نصف الحكي الا من معرفه وحياك

[سيف الظفير]

ماطور أبوجمل بيض الله وجه من صنعه
مايتعدا 200 ريال
وخله يأخذ في كل كفرهـ دقيقة وعشرين ثانية
يعني 4 كفرات بـ 6 دقايق
يفرق عنك يالغالي بـ 4 دقايق
ويفرق أيضا عنك بالسعر المبالغ فيه جدا جدا جدا جدا

ماطور بـ 3000 ريال سلالالالامات
قيمة كفرات جديدة للموتر



الله يحييك كلام على العين والراس
الموضوع للأسف ماهو وقت وبس الماطور له اكثر من استخدام اقدر اركب عليه راس فك الكفرات واعتقد الفديو يوضح ذلك استخدام الماطور في عدة ادوات يعتبر ميزة


وللمعلومية السعر 3500 ريال وليس 3000

وفعلا انا معك سعره غالي

[سيف الظفير]

نعم مشكلتي بالسعر الغير مقبول عقلاُ ومنطقاً
انا ابفهم لماً اعبي كفراتي بماطورك خلال ( خمس دقائق ) او ازيد هواء كفراتي بماطوري الي بـ (180) ريال خلال ربع ساعه على اكثر تقدير ، وش المشكله ، فقط السرعه في التعبئه ، طيب سلمت لك بذلك ، اين الميزه إذا انا مناب ملحوق والا مطرود حتى ادفع مبلغ (3500) ريال من أجل ان ازود هواء كفراتي خلال (5) دقائق
الا انزل من سيارتي واعبي كفراتي ومتى ماتعبن ، المهم اني وفرت (3500) ريال

اما اني اعيب المأطور وامدح الصيني ، فأنا لم اعب المأطور لآنني لم استعمله حتى احكم عليه وابين عيوبه ، اما الصيني فله الآن قرابة الـ (4) سنوات وقايم بالمهمه
اما حقين الـ (VXR) اشتروه او لم يشتروه هذا شأنهم ، انا ابلغك انني ردي عقل ان دفعت مثل هذه القيمه بمأطورك فقط من اجل السرعه في التعبئه ، بل ويجب على عصبتي الحجر علي
اما الحسد ، فوالله لا احسد احد والله يجعل القادرعلى شراءه ولايقيم للمال قيمه ووزن فالله يجعله يشتري منه (10) مواطير

اما قولك اني ما اعرف قيمة الآصلي المستورد من شركات عالميه ، فأقول لك الا اعرف وانا ابو العرف ، انت الي تخفاك بعضات الآمور
فانا من آوئل من عرف ان هناك مواطير امريكيه مركبه على ( البيوك / البونفيل / الكابرس ) موديلات قديمه مخصصه لرفع السياره من الخلف عند الحموله الثقيله ، قيمة الواحد عند الجميح بـ (1500) ريال وإذا حصلته تشليح تفكه انت بـ (300) ريال ، او (350) ريال يفكه لك صاحب التشليح ، كل ماهنالك انه يحتاج الى ترهيم بـ (40) ريال يعني يطلع عليك هالآطخم بـ (340) ، صدقني وعن درايه وعلم يخلي مأطورك عند القش ، بس هل تلقاه

الشئ الثاني والي ستندهش بل لن تصدق عندما اخبرك به وهو انك تشتري لك كمبرسور ثلاجه خربانه بـ (30) ريال وروح للي يلفون الدوائر الكهربائبيه للدريلات العاديه والدريلات الهلتي بشارع الريال او حقين مواطير دفع المياه بشارع المرقب ، او المولدات الكهربائيه بصناعية الآمير سلمان بعد كبري دوار الخرج بـ (200) متر اسئل عنهم وإذا لقيتهم ، اطلب منه ان يحول لك دائرة الكمبرسور الكهربائيه من الكهرباء العاديه الى كهرباء السياره ، والآجره لاتتجاوز الـ (100) ريال ، وبعدها قارنه مع ماطورك وعندها ستدهش من النتيجه




الله يعافيك
ابو جميل يوفي بالغرض ولكن راعي الصنف يدور الافضل ولو غلا ثمنه

وفعلا انا معك سعره غالي , وهذا يعتبر عيب ولكن اذا ما جربته او استخدمته فلا تنتقده وانت ما شفته على الطبيعه حتى !!

وبخصوص ابو العرف وراعي العرف الله يزيدك من المعرفه يارب

ومواطير السيارات الامريكية القديمة عندي خبر عنها من مبطي الله يحييك واعرف انها قوية واللي اقوى منها حقات الوايت طرمبة الهوا ..

وموضوع ان كل شخص تبيه يدور في التشاليح او يدور كمبروسور ثلاجات قديمة هذا شأن شخصي والناس تختلف وكلن عطاه الله من رزقه اللي يرفعه عن بعض الامور مدام الله منَ علي بالقدرة ليه ما اشتري الزين والافضل !! صحيح او لا


اتفق معك جمله وتفصيلا في ان سعره غالي جداً ,, ولكن جودة وصناعته وقوته وقوة ضخ الهواء منه وتعدد ادواته واستخداماته

هي افضل من كل مواطيرك مجتمعه

[سيف الظفير]

ياجماعة الرجال اجتهد و سوا الموضوع خدمه للاعضاء ولا غصب احد يشتريه نص التعليقات غالي غالي

اول المنتدى مليان تقارير بس جماعه خلف خلاف كثرو ان قلت ابيض قال اسود بس عباطه صار الواحد مايتشجع ..

سيف الظفير الله لا يحرمك الاجر و ماقصرت





الله يعافيك ويحييك اتقبل النقد والنقاش المفيد ذو الفائدة اما البعض فلا يملك حتى المقدرة على الافادة فقط منتقد ناقد بطريقة سلبية اما الايجابي الله يحييه وابرك ساعه
وجماعه خلف خلاف هذولي اذكرهم من 8 سنوات هنا فلا جديد

وفعلا انا معهم سعره غالي

[سيف الظفير]

بيض الله وجهك وماقصرت أخوي سيف الظفير

على موضوعك الماتع...للأسف منفاخ أبوجمل أكثره اللي في السوق تجاري وصيني.. الأسترالي هو الأقوى ولكن سعره مبالغ فيه حيل ...يجب على الرماية النظر في سعره..وتوفير البديل الاسترالي الأرخص والقوي

الله يعافيك ويوفقك يا العنزي

ابو جميل يوفي بالغرض ولكن راعي الصنف يدور الافضل ولو غلا ثمنه

وفعلا انا معك سعره غالي واتمنى ان يكون سعره بـ 1200 الى 1500 ريال

[سيف الظفير]

تقرير مميز الله يعطيك العافيه

لاكن السعر مبالغ فيه جدا جدا


ابن ماجد الله يحييك فعلا سعره غالي ولكن الزين غالي يا حيي


ويا هلا بك

[سيف الظفير]

يحفظك الله
( اولاً )
ان كنت معني بمشاركتك ، فأن كان سيف مجتهد ، فأجتهاده وصل وجزاه الله خير ، وسنحمله على حسن النيه
( ثانياً )
لم يقل احد ان سيف غصب اي منا على شراءه ، ابداً لم يقل احد بذلك ، هو رأي في منتج بث له دعايه سعره يفوق التصور والخيال ، وهذا الراي يالحبيب سنبديه حتى وان كان لايعجب او لايروق لآحد بما فيهم المورد ( الرمايه ) ، فالمنتدى كفل حرية ابدأ الرأي لاعضاءه او انا غلطان



اتفق معك فعلا انا معك سعره غالي واعلى من الطبيعي المتعارف عليه

ولكن لكل خدمة مقابل ولكل سلعه ثمن

ولكن يمد رجليه على قد لحافة يا بعدي

[سيف الظفير]

السلام عليكم

ماشاء الله تبارك الله روعه ..

العيب مثل ماتفضلو الشباب السعر
لكن هي حاجات الناس وكلن وحاجته وفيه ناس تقول لو اني في سباق ماهي مسئلة سباق وانا خوك كلن وحاجته
وفيه ناس ماينسم للموتر عشان عشان ماياقف يعبي اذا طلع وتلقاه وشاد والمكينه حالتها حاله داعسن بطنها
لا والله خذ الماطور ونسم وعب وانت طالع ولا يضيق صدرك ولا تحرق مكينت الموتر
حتى لو قالكم ب ١٥٠٠ قلتو غالي ماعاد به شي رخيص اصلاً
وانا معكم والله السعر مرتفع لكن مو من الوكيل سعره غالي من الشركة وهي معروفه الشركة الاستراليه سعرها غالي لكن الوكيل لعبها صح رفعه عن سعر الماطور وخلاه انزل من قيمته مع الشحن يعني وانت تبي هالنوعيه بتنحد عليه لانه ارخص من قيمة الشركة مع الشحن


الله يعافيك
من أفضل المشاركات ولا هو قصور بمن كتب

السعر غالي من المصنع بالاساس بـ 2850 ريال بدون شحن ...

وفعلا انا معك سعره غالي

[سيف الظفير]

يا اخوان الشكر لله ثم للاخ سيف الظفير الله يجزاه خير الجزاء
1- افادنا عن منتج جديد نزل في السوق
2- خلا الشباب يتناقشون بجدية وصرنا نسمع بعض الاقتراحات الجميلة
3- نشط الشباب في البحث عن البديل بسعر مناسب
4- فيه اقتراح انه بعض الشباب اكتشفنا من خلال كلامة ان عنده خبرة فيا ليت يسويلنا تقرير عن هاذين الاقتراحين ان استطاع او ينوب عنه اي احد ما في مشكلة :


الاول : ان هناك مواطير امريكيه مركبه على ( البيوك / البونفيل / الكابرس ) موديلات قديمه مخصصه لرفع السياره من الخلف عند الحموله الثقيله ، قيمة الواحد عند الجميح بـ (1500) ريال وإذا حصلته تشليح تفكه انت بـ (300) ريال ، او (350) ريال يفكه لك صاحب التشليح ، كل ماهنالك انه يحتاج الى ترهيم بـ (40) ريال يعني يطلع عليك هالآطخم بـ (340) ، صدقني وعن درايه وعلم يخلي مأطورك عند القش


الثاني : تشتري لك كمبرسور ثلاجه خربانه بـ (30) ريال وروح للي يلفون الدوائر الكهربائبيه للدريلات العاديه والدريلات الهلتي بشارع الريال او حقين مواطير دفع المياه بشارع المرقب ، او المولدات الكهربائيه بصناعية الآمير سلمان بعد كبري دوار الخرج بـ (200) متر اسئل عنهم وإذا لقيتهم ، اطلب منه ان يحول لك دائرة الكمبرسور الكهربائيه من الكهرباء العاديه الى كهرباء السياره ، والآجره لاتتجاوز الـ (100) ريال ، وبعدها قارنه مع ماطورك وعندها ستدهش من النتيجه

شاكرين لك حسن متابعتكم ولا انسى شكر الاخ Hagaanaf والسلام عليكم

جزاك الله الجنة الواسعه يا اخي الغالي وبارك الله فيك

النقاط اعلاه من 1 الى 4 هي فائدة الموضوع وهي الاساس القائم عليه الموضوع من خلال ذكر وكتابة التقرير ولكن للأسف البعض لا يرى الا حدود مستوى نظره

[سيف الظفير]

الله يجزاك خير أخوي سيف الظفير
دائما مبدع تقاريرك ممتعة بدون مجاملة
الحقيقة ماطور أبو جمل أقعد 20 دقيقة أنفخ كفراتي الواحد يمل و يتجنب انه ينسم
الماطور القوي بختصر الوقت و يسهل المهمة بس سعره العادل برأيي 1200 ريال
عموما هي فرصة اننا نصنع هذي الأشياء لأن الماركات المشهورة أسعارها مرتفعة جدا


الله يجزاك الف خير يا العنابي وحياك الله وبياك
ابو جمل بـ 150 ريال يقوةم باللزوم وابو 250 كذلك والتيربو بـ 350 تقريباً يقوم باللزوم وكلن يدور الطيب والزين

ابو جميل يوفي بالغرض ولكن راعي الصنف يدور الافضل ولو غلا ثمنه
وفعلا انا معك ان سعره غالي

[سيف الظفير]

يحفظك الله ويرعاك
الموضوع لايحتاج تقرير ولاهم يحزنون
كل ماعليك هو ان تذهب للتشليح ، وتبحث عن السيارات الامريكيه القديمه ( الكابرس / الآمبالا / البونفيل / البيوك ) ومتى ماوجدتهن ‏اسأل صاحب التشليح عن مأطور الهواء الي فيه ، سيقول لك فيه او انه باعه ، والآغلب انه باعه ، فبعد ان علمنا به لم نترك تشليح ‏الا ومرينا عليه ( تشليح مكه وجده وتشاليح الرياض كلها وكذا القصيم ) وفكيناها ، ولكن هذا لايعني انك تيأس ولا يمنع من انك ‏تبحث ومتى وجدته ستتمكن من توليفه بنفسك ودون تدخل من احد ، فهو مأطور موحد شكلاً وحجماً ليخدم كل هذه الآنواع من ‏السيارات ، كل ما عليك هو ان تركب له لي مع بلف التعبئه وسلك كهرباء مع اصابع للبطاريه واتفخ كفاراتك‏
هل السيارات الجديده يوجد بها مثل هذه المواطير ، انا لا اعلم ، فمعلوماتي تقول ، انه تم استبدال هذا الماطور ببلف يوجد خلف ‏السياره وقريباً من مفتاح الشنطه ، مهمته يتم عن طريقه تعبئة السياره لرفعها من قبل البنشر

اما الكمبرسور ، فهو حق ثلاجه يكون خربان يعني ما يعبي فريون فقط يدفع هواء ، قيمته عند حقين الي يصلحون التبريد بـ (30) ‏ريال ، اشتر واحد منه ، وسوف تجد به مأسورتين نحاس ، واحده لإدخال الهواء ، والآخرى لآخراج الهواء ، التي يحرخ منها الهواء هي التي يركب بها لي التعبئه ، اما حقت ادخال الهواء فتبقى كماهي ، واكلف ماعليك هو الذهاب ‏الى متخصص كما قلت لك ، يقوم بتحويل دائرة الكمبروسور الكهربائيه من الكهرباء العاديه الى كهرباء السياره ‏
غير ان هذا الكمبرسور يعيبه ثقله وخروج ( زيت الفريون ) مع المطبات عن طريق مأسورة ادخال الهواء ، ومن ثم يطبع السياره ‏ولكن هذه الإشكاليه يمكن علاجها بأن تجعل حق التبريد يلحم لك بلف مع الغطاء ، فقط تقوله ابغى اسكر هذه الماسوره بسكر متحرك ‏وهو سيعرف مطلبك ، يبقى متى خلصت من التعبئه سكر البلف بالغطاء ولكن انتبه عند التعبئه لابد من فك الغطاء قبل تشغيل الكمبرسور والا مع مرور ‏الوقت وتكرار تشغيل الكبرسور والبلف مسكر سيعدم عليك الكمبروسور‏

عند الشراع مأطور هواء بـ (380) ريال ، واحد من الشقرديه شاري اثنين ، ومثبتهن في شنطة الجيب النيسان (‏VTC‏) تحت ‏المراتب الجانبه ومسلك لهما الكهرباء والآثنين يشتغلن بمفتاح واحد ، ويعبن بلي هيدروليك واحد ومتحرك ، قوة دفع مشاء الله ، قد ‏لاتكون بقوة المنافخ اعلاه ولكن اجزم ان الفارق بينهما شئ لايذكر ، المهم ان قيمتها مجتمعين وبعد التوليف لاتتجاوز الـ (850) ريال

هناك هواء تأخذه من سيارتك ، لا مأطور هواء ولا غيره ، فقط لي هواء مع رأس امريكي او تايلندي يركب بدل احد البواجي ، وهو موجود ومتوفر في صناعية الفوزان على الدائري الشرقي ، وخاصة عند الي يبيعون قطع غيار السيارات الكبيره السقوس والتريلات ، ولكن مشكلته انه عباله فك بوجي

يحفظك الله
من اراد ان يشغل دماغه سيخدم نفسه ويخدم غيره ، والآفكار كثيره ، المهم ان لاتكون جامد ، وتنتظر من الآخرين ان يدلوك على مايخدمك في رحلاتك ، ابحث انت بنفسك عما يخدمك ، ويجنبك المتاعب وخاصة في البر ، ولاتنس المثل الي يقول ( راع الحاجه ملحاح ) ، والحاجه ام الأختراع






كان الله في عونك في البحث بالتشاليح عن مواطير قديمة او ترهيم من قطع ثلاجات الموضوع متعب ولا يستحق كل ذلك

ماطور التيربو من الشراع يقوم باللازم 350 ريال


وبخصوص تركيب ماطورين مع بعض الاغلب بينفجر واحد منها لعدم وجود منظم هواء

[سيف الظفير]

مساكم الله بالخير جميعا ،،

اولا // الف شكر لصاحب الموضوع على هذا الطرح

وبيض الله وجهه وما قصر كفى ووفى ،،


بالنسبة للمواطير وما ادراك ما المواطير (عالم مهول :D)


××× أأفضل ماطور هواء اشوفه فالسوق

جامع كل المواصفات والمزايا مثل :

1- توفر قطع الغيار ( وهذا مهم جدا للمستخدمين )
2- الضمان
3- سرعة النفخ = 200PSI ( لحد الآن ماشفت فالسوق مثل سرعته فالنفخ )
4- يعمل لمدة ساعة كاملة بدون توقف ( وهذي ميزة لا تتوفر فالمواطير الاخرى ابدا )
5- الحجم المناسب
6- طول اللي وقوة تحمله
7- عملي جدا ويتحمل النفخ لعدة سيارات في وقت واحد
8- السعر المناسب مقارنة بغيرهـ ( 450 ريالـــ )

××× العيب او السيئ الوحيد فيه وموجود بكل المواطير :
هو انه يحتر ( يحتمي ) لكن تبريدهـ أسهل مايكون بواسطة قطعة قماش مبلله بالماء فقط لاغير ×××

اسم الماطور / ابو جمل التيربو ( وكيله الشراع فالغرابي ) يجي بستم (راس) واحد ،،
ماله منافس فالسوق ابدا من جميع النواحي والامكانيات
وكلامي من واقع تجربه وبحث في جميع المواطير والمحلات ،،


××× اصلا مواطير ابو جمل الاصلية كلها بستم (راس) واحد
اللي جا بستمين وهذا غير صحيح ( لأنه يكون فيه واحد فاضي والثاني مليان يعني خدعه بالشكل فقط )
يعتبر ابو جمل مقلد وليس اصلي نهائيا ×××


&&& اما محلات السليماني والسنيدي والرماية والمحلات الاخرى مواطير الهواء حقتهم

اعتبرها فااااشله جدا لاسباب عدة ( مقارنة شخصية) :

1- عدم توفر قطع الغيار
2- اسعارها مبالغ فيها جداااااااا
3- كبر الحجم
4- لا يوجد ضمان
5- اغلبها ماتعمل لمدة ساعه كاملة مثل ابو جمل التيربو

وعيوب كثيرة لا تحضرني حاليا ،،



&&& وكلها كوم وماطور الرماية كوم آخر&&&

( صراحة هالشركة تمنيت منافس لها فالرياض وباقي المناطق كان تشوف اسعارهم نازلة للنص او اقل
لانهم مبااالغين في اسعارهم بشكل وااااضح باشياء كثيرة : مواطير ومساعدات ويايات وصدامات وقطع كثيرة والدليل
فالاماراات قطع استراليه للسيارات مثل جودة قطع الرماية اذا ماكانت افضل منها بــــنصف السعر )


( تعقيب على رد الاعضاء )
بالنسبة لماطور الرماية الجديد انا وفلان و فلان و...
نقدر نشتريه مهب صعبه او ما نقدر او ...
لكن المثل يقول / حدث الناس بما يعقلون او حدث العاقل بما يعقل او يفقه او ...

*** كونه يكون عندي قطعتين واحد استخدم وواحد اسبير ، افضل من يكون عندي واحد
لا تعطل بلشت أوتوهقت أوتورطت
( مافيه ماطور ما يتعطل ولو بعد فترة من الزمن ايا كان عطله سهل او صعب )

معنى كلامي / اخذ لي 2 من ماطور ابو جمل التيربو
بـــ 900 ريالـــ واحط الباقي بكفرات جديدة
ولا اشتري واحد بــ 3500 ريالــ
ولو كانت صناعته او ماركته او جودته ،،
ولعلم الجميع لا صرت ادور سرعه فالنفخ
آخذ ماطورين التيربو بمكان استرالي واحد
اسرع فالنفخ واقل تكلفة بكثييييير ،،

( معلومة للجميع مب كل قطعه زاد سعرها او اكنت الاغلى كانت الافضل فهذا منطق خاطئ جدااااا ،،

اجل ماطور بــــ 3500 ريالـــ

حشا لوي بنفخ كفرات شياول ولا تريلات بوقت واحد:D )



واعتذر على الاطالة لكن التفصيل مطلب الجميع ،،


















حياك الله يا راعي وراط مشاركة ممتعه ومفيدة
رأيك جميل ونقدره وبتكاليف بسيطة ورخيصة والكل قادر عليها والله الموفق

[سيف الظفير]

ما شاء الله تبارك الله
الله يعطيك خيره ويكفيك شره
راعي صنف يا بو صالح
وكلن ينام على الجنب اللي يريحه


الله يعافيك اخوي محمد
ابو جميل يوفي بالغرض ولكن راعي الصنف يدور الافضل ولو غلا ثمنه ..

[Hagaanaf]

الله يعافيك
ابو جميل يوفي بالغرض ولكن راعي الصنف يدور الافضل ولو غلا ثمنه
وفعلا انا معك سعره غالي , وهذا يعتبر عيب ولكن اذا ما جربته او استخدمته فلا تنتقده وانت ما شفته على الطبيعه حتى !!
وبخصوص ابو العرف وراعي العرف الله يزيدك من المعرفه يارب
ومواطير السيارات الامريكية القديمة عندي خبر عنها من مبطي الله يحييك واعرف انها قوية واللي اقوى منها حقات الوايت طرمبة الهوا ..
وموضوع ان كل شخص تبيه يدور في التشاليح او يدور كمبروسور ثلاجات قديمة هذا شأن شخصي والناس تختلف وكلن عطاه الله من رزقه اللي يرفعه عن بعض الامور مدام الله منَ علي بالقدرة ليه ما اشتري الزين والافضل !! صحيح او لا
اتفق معك جمله وتفصيلا في ان سعره غالي جداً ,, ولكن جودة وصناعته وقوته وقوة ضخ الهواء منه وتعدد ادواته واستخداماته
هي افضل من كل مواطيرك مجتمعه[/COLOR]

يحفظك الله اخوي سيف من كل مكروه
تقول
اذا ما جربته او استخدمته فلا تنتقده وانت ما شفته على الطبيعه
لماذا انت كل ماطق عود عود ويلاك تجنح الى انني انتقد مأطورك مع انني لم انتقده مصنعياً ، ياليت ترجع لمشاركاتي وتاتي ولو بجزء يسير من اي نقد مصنعي البسته لماطورك
الم اقر لك بسرعة مأطورك في تعبئة الهواء ، وقلت إذا الموضوع موضوع سرعة تعبئه فلن اضحي بـ (3500) ريال على شان فرق ربع ساعه بين تعبئة مأطورك ومأطوري الي قيمته بـ (180) ريال
تقول
الناس تختلف وكلن عطاه الله من رزقه اللي يرفعه عن بعض الامور مدام الله منَ علي بالقدرة ليه ما اشتري الزين والافضل
وانا اقول لك من هو ابن الحرام الي قاضب ايديهم لايدخلونها بمخابيهم حتى لا يطلعون قيمة الماطور محل موضوعك
تقول
صناعة المأطور وقوته وقوة ضخ الهواء منه وتعدد ادواته واستخداماته هي آفضل من كل مواطيري مجتمعه
جدلاً سأسلم لك بذلك ، ولكن يا اخوي سيف لاتزعل علي ، فالفلوس نشتري بها النفوس ، وليس مأطور هواء قابل للعطل والتلف ، والفلوس ياسيف لوتحطها على قبر ميت مد يده واخذها
بصريح العباره ياسيف هذا مال والله في عالي سماه حببنا فيه ولو تمعنت قيمة وعظمة المال فأالله سبحانه وتعالى كل ماجاء على ذكره في القرأن الا وجعله الآول ( وتحبون المال حباً جماً ) ( المال والبنون زينة الحياة الدنيا ) ( ان من اموالكم وأولادكم عدو لكم فأحذروه ) ، يعني باسيف مبلغ (3500) ريال يسوى عندي الرمايه ومن يعمل بها ويتعاون معها
دمت في حفظ الله ورعايته

[بن عليوي]

يعيبه السلك قصير

[سيف الظفير]

يحفظك الله اخوي سيف من كل مكروه
تقول
اذا ما جربته او استخدمته فلا تنتقده وانت ما شفته على الطبيعه
لماذا انت كل ماطق عود عود ويلاك تجنح الى انني انتقد مأطورك مع انني لم انتقده مصنعياً ، ياليت ترجع لمشاركاتي وتاتي ولو بجزء يسير من اي نقد مصنعي البسته لماطورك
الم اقر لك بسرعة مأطورك في تعبئة الهواء ، وقلت إذا الموضوع موضوع سرعة تعبئه فلن اضحي بـ (3500) ريال على شان فرق ربع ساعه بين تعبئة مأطورك ومأطوري الي قيمته بـ (180) ريال
تقول
الناس تختلف وكلن عطاه الله من رزقه اللي يرفعه عن بعض الامور مدام الله منَ علي بالقدرة ليه ما اشتري الزين والافضل
وانا اقول لك من هو ابن الحرام الي قاضب ايديهم لايدخلونها بمخابيهم حتى لا يطلعون قيمة الماطور محل موضوعك
تقول
صناعة المأطور وقوته وقوة ضخ الهواء منه وتعدد ادواته واستخداماته هي آفضل من كل مواطيري مجتمعه
جدلاً سأسلم لك بذلك ، ولكن يا اخوي سيف لاتزعل علي ، فالفلوس نشتري بها النفوس ، وليس مأطور هواء قابل للعطل والتلف ، والفلوس ياسيف لوتحطها على قبر ميت مد يده واخذها
بصريح العباره ياسيف هذا مال والله في عالي سماه حببنا فيه ولو تمعنت قيمة وعظمة المال فأالله سبحانه وتعالى كل ماجاء على ذكره في القرأن الا وجعله الآول ( وتحبون المال حباً جماً ) ( المال والبنون زينة الحياة الدنيا ) ( ان من اموالكم وأولادكم عدو لكم فأحذروه ) ، يعني باسيف مبلغ (3500) ريال يسوى عندي الرمايه ومن يعمل بها ويتعاون معها
دمت في حفظ الله ورعايته



احترم مداخلاتك ورأيك ..

[سيف الظفير]

يعيبه السلك قصير


يا بن عليوي انت مطفي النور وما اطلعت عليه اساساً

[web]

&&& وكلها كوم وماطور الرماية كوم آخر&&&


( صراحة هالشركة تمنيت منافس لها فالرياض وباقي المناطق كان تشوف اسعارهم نازلة للنص او اقل
لانهم مبااالغين في اسعارهم بشكل وااااضح باشياء كثيرة : مواطير ومساعدات ويايات وصدامات وقطع كثيرة والدليل
فالاماراات قطع استراليه للسيارات مثل جودة قطع الرماية اذا ماكانت افضل منها بــــنصف السعر )





السلام عليكم

والله ماقولها تحشير لك او مزح ..
الحقني بتانكي بالنزين استرالي للباترول .. مساعدات ويايات خلفيه ...
وان حصل صدام امامي ....
وابي ماطور مثل المعروض هنا ..
بنصف السعر .... مغري والله
حددلي وين اي محل مابي امغط مشوار على عماها

[speed62]

السلام عليكم
انتم نسيتم مميزات الماطور
تقدر تفك وتربط صواميل الجنط وغيرها
تقدر تستخدمه كلي لتنظيف الفلتر الرياضي وغيرها
تقدر تستخدمه لرفع السياره عن طريق العرفيته الي تجي بالونتين..وغيرها من الاستخدامات

[المسروري]

السلام عليكم

مميزاته ممتازة ولكن شكله مايطمن

ولو ترفعون السيارة من كل جنب وقت تعبئة الهوا بتلاقون ان اصغر ماطور يكفي ويوفي ولا ياخذ وقت ولايخرب ابد

وانا بالنسبة لي على حسب المزاج والجو كان كل شي مناسب سويت الي قلته فوق
او
عب التواير 25 وتوصل اقرب بنشري وينفخ 40 ولا 35 وسلامتكم

[ابن كديميس]

سعره مبالغ فيه .
فيه امريكي و
فيه ابوجمل زين وماعليه .

[تميم2222]

3000 هذا سعر يشلخ الجبهه. في ماطور هواء :D:D

[ابوسند9]

السلام عليكم

والله ماقولها تحشير لك او مزح ..
الحقني بتانكي بالنزين استرالي للباترول .. مساعدات ويايات خلفيه ...
وان حصل صدام امامي ....
وابي ماطور مثل المعروض هنا ..
بنصف السعر .... مغري والله
حددلي وين اي محل مابي امغط مشوار على عماها
وعليكم السلام
ان شاء الله يجي ومن يفيدك
لكن انا اقول ان عندنا جشع مو موجود با العالم
واذا بغيت افيدك بمحلا ت با اللامارات قطع غيار اصلي اصلي سواء تويوتا او نيسان او لكزس والفرق عن السعوديه وارخص من السعوديه ب 40 % واكثر
وعلى سبيل المثال اديتر الفتك عندنا ب 1600 ريال وبالامارات ب 950 ريال ,لحية الباترول السوبر سفاري عندنا ب 1700 ريال ولون اسود وتحتاج رش ب 400 ريال وبالامارات ب 1050 ريال مرشوشه شد بلد وحسب اللون اللي تبي
والامارات اغلى منا ايجار محلات واغلى بانزين واغلى ايدي عامله واغلى سكن عمال وضارائب على العماله وضرائب على مواقف السيارات ونظام صارم ومع هذا ...مع اقول ها الكلام تحشير لك او مزح

[web]

وعليكم السلام
ان شاء الله يجي ومن يفيدك
لكن انا اقول ان عندنا جشع مو موجود با العالم
واذا بغيت افيدك بمحلا ت با اللامارات قطع غيار اصلي اصلي سواء تويوتا او نيسان او لكزس والفرق عن السعوديه وارخص من السعوديه ب 40 % واكثر
وعلى سبيل المثال اديتر الفتك عندنا ب 1600 ريال وبالامارات ب 950 ريال ,لحية الباترول السوبر سفاري عندنا ب 1700 ريال ولون اسود وتحتاج رش ب 400 ريال وبالامارات ب 1050 ريال مرشوشه شد بلد وحسب اللون اللي تبي
والامارات اغلى منا ايجار محلات واغلى بانزين واغلى ايدي عامله واغلى سكن عمال وضارائب على العماله وضرائب على مواقف السيارات ونظام صارم ومع هذا ...مع اقول ها الكلام تحشير لك او مزح
ياخوي انا عارف ان فيه شغلات مرتفع سعرها عندنا واذا تبي تتكلم بشكل عام عن اي شي انا معك
ياخوي طائره اطفال ( هلكبتر) هنا تباع ب300 ريال لصغيره وانا شاريها من الامارات ب150 ريال الكبيره فرق بالسعر والحجم مع ان حتى ضرائب الجمارك عندنا اقل من الامارات
ونفس الحكاية شريت سياكل :) تتسفط واحد ب 400 والثاني ب300 قيمتها هنا فوق الالف للواحد
بس انا من سؤالي هو جاب طاري الاسترالي بسعر النصف او اقل مع اني شفت اسعارها مقارب للي هنا يعني سؤالي محدد اذا فيه محل هناك محدد بروحله واخذ اغراضي كلها من عنده

[Joker fj]

اشري طقم كفرات جدد بهالقيمه وأشري معهن ماطورين او لا

أرسلت من HTC One بإستخدام تاباتلك

[nouaf]

والله سعر مبالغ فيه كثير جدا ما بيشتريه احد خلنا على الماطور القديم وش عندي ما انتطر شوي لين يعبي الكفر امر الله من سعه وش مطيرني الله وكبر ماطلعت للبر الا لاني طفران ولا كان رحت طلعت لاروبا ولا شرق اسيا على الاقل

[باسم40]

هناك طريقه رخيصه نسبيا لآهل الترهيم تشغل عليها ماطور هواء وتشغل عليها ونش السحب واكثر بعد الا وهي تركيب طرمبة هايدروليك على السياره وممكن ترهم على الطرمبه كلتش مكيف حتى تشغلها وقت الحاجه لأن زيت الهايدروليك يحتر مع استمرار الشغل
الطرمبه حجمها بحجم علبة الببسي تقريبا من 120 بار وطالع ممكن تاخذها من التشاليح وتشغل عليها ماطور هوا وونش السحب وغيره

[محامي وراط]

السلام عليكم

والله ماقولها تحشير لك او مزح ..
الحقني بتانكي بالنزين استرالي للباترول .. مساعدات ويايات خلفيه ...
وان حصل صدام امامي ....
وابي ماطور مثل المعروض هنا ..
بنصف السعر .... مغري والله
حددلي وين اي محل مابي امغط مشوار على عماها

وعليكم السلام ما طلبت شيء

راسلني على الخاص وابشر بسعدك ،،

[Hagaanaf]

ياخوي انا عارف ان فيه شغلات مرتفع سعرها عندنا واذا تبي تتكلم بشكل عام عن اي شي انا معك
ياخوي طائره اطفال ( هلكبتر) هنا تباع ب300 ريال لصغيره وانا شاريها من الامارات ب150 ريال الكبيره فرق بالسعر والحجم مع ان حتى ضرائب الجمارك عندنا اقل من الامارات
ونفس الحكاية شريت سياكل :) تتسفط واحد ب 400 والثاني ب300 قيمتها هنا فوق الالف للواحد
بس انا من سؤالي هو جاب طاري الاسترالي بسعر النصف او اقل مع اني شفت اسعارها مقارب للي هنا يعني سؤالي محدد اذا فيه محل هناك محدد بروحله واخذ اغراضي كلها من عنده

يحفظك الله
لاتضرب مثل بطائرة هيلوكبتر يلعب بها بزر يومين اوثلاثه او اسبوع او اسبوعه وقيمتها (300) ريال ، رح لسوق الحمام ، وعند الحريم الي باسطات بالآلعاب الناريه ستجد قنبله قيمتها (150) ثنتين منها بـ (300) ريال وكلها ثواني وهي منتهيه بشخطة كبريت او بضغطة زند

[المتلولس]

الصراحة حرام ادفع 3500 في ماطور هواء فيه بدائل تغني عنه بعشرة بالمية من قيمته وبخصوص سرعة النفخ وش عاد اذا جلست عشر دقايق انفخ الكفرات بماطور ابو جمل

[Hagaanaf]

هناك طريقه رخيصه نسبيا لآهل الترهيم تشغل عليها ماطور هواء وتشغل عليها ونش السحب واكثر بعد الا وهي تركيب طرمبة هايدروليك على السياره وممكن ترهم على الطرمبه كلتش مكيف حتى تشغلها وقت الحاجه لأن زيت الهايدروليك يحتر مع استمرار الشغل
الطرمبه حجمها بحجم علبة الببسي تقريبا من 120 بار وطالع ممكن تاخذها من التشاليح وتشغل عليها ماطور هوا وونش السحب وغيره


يحفظك الله
شف يالحبيب ، تا تشغل الجمجمه وتمخمخ وتتعب اشوي ، تأكد انك ستحصل على غايتك بربع الثمن ان لم يكن آقل
نما الى علمي وانا غير متأكد ، ان الخزان حق الباكم التابع للسقوس المرسدسات الكبيره تريلات وغيرها والذي منه يعبون كفرات السياره ، بدو الشقرديه شرواك يفكونه من هالسيارات ويرهموه للسيارت الصغيره الجيوب ، وتعال خذ الهواء ، فقد مد اللي وشبكه بالكفر السياره شغاله اوطافيه اكلف ماعليك فك الحنفيه حقت تهريب الهواء

[أبوفهد.]

جزاك الله خير

[ابوريناد1979]

والله لو اني في سباق بنشريه ماشريته ب3500 !!
ابو جمل ب300 واذا مخربها اشبك ثنين مع بعض والله ان يصير اسرع من ذا الاسترالي

ههههههههههههههههه
الله يقلع بليسك :D

[سيف الظفير]

مشكورين جميعاً

[خيال الغلبا]

سيف الضفير معلومات رائعة بيض الله وجهك

[اصيل نجد]

احوي سيف مشكور على التقرير والاخوان كل واحد ادلي بدلوه بالنسبه للماطور اذا كان قطع غياره يضمن توفرها الوكيل وبسعر منطقي ممكن بس ابشري واحد واذا خرب اصفق كف بكف واشي من البيني على قوله الشاعر فهاذا غير صحيح .
على كل حال انا استبعد ان الوكيل يئومن قطع غيار المهم البيع واذا خرب رح اشتر ثاني لانه سيارات اسعارها بمئات الالاف الريالات الوكاله تلعب فيك بالنسبه للاصلاح او تامين قطع وهي تحت الضمان ,,, لكن من بغى طرق الهواء يرخي الكيس اسف على الاطاله .

[سامي 3000]

ما طور أبو جمل عندنا بمكة ب 99 ريال ويوجد نوع اخر أبو جمل ب 70 ريال

[waheedqatar]

السلام عليكم يا اخواني المكشاتية في الاول أحب اشكر الأخ سيف لطرحة الموضع والثاني أنا شاري نفس الموتر الي في التقرير وذلك لعدة أسباب
١- الموطور في شنطة قوية جدا وتسهل عليك نقلة من سيارة الى السيارة الثانية
٢- اهم سبب أني شريت الموطور أني اقدر اشغل علية فرد الهواء عشان إفك صواميل التاير لآني اكثر الاوقات اطلع البر لحالي(موتري جمس دبل تاير)
٣- الموطور صناعة استرالية وعلية ضمان من الوكيل عندنا في قطر سنتين وشارية بسعر مقارب جدا للامازون فرق ١٠٠ ريال قطري
أنا مالوم بعض من الأعضاء الكرام لما يتكلمون عن السعر وذالك لأنة غالي مرة وبسعرة تقدر تشتري خيمة او ماطور كهرب وانا بارد عليهم وباتكلم عن نفسي لآني مجهز موتر للبر وكلفني مبلغ كبير فا مب خسارة أني أدور على الأفضل لي ونقطة مهمة جداً جداً ان الماطور مايستخدم لتعبة الهواء فقط لأنة تقدر تشغل علية الأجهزة الهوائية مثل المسدس مال البنشري وأشياء من هذا القبيل وانا استخدمت مواطير هواء كثيرة منها الصيني ومشكلتها الحرارة وخراب الي حق الهواء والبنهاية هذي آراء والكل يشتري الشي الي يناسبة

[سيف الظفير]

سيف الضفير معلومات رائعة بيض الله وجهك


ووجهك يا السبيعي وما قصرت على الرد يا الغالي




احوي سيف مشكور على التقرير والاخوان كل واحد ادلي بدلوه بالنسبه للماطور اذا كان قطع غياره يضمن توفرها الوكيل وبسعر منطقي ممكن بس ابشري واحد واذا خرب اصفق كف بكف واشي من البيني على قوله الشاعر فهاذا غير صحيح .
على كل حال انا استبعد ان الوكيل يئومن قطع غيار المهم البيع واذا خرب رح اشتر ثاني لانه سيارات اسعارها بمئات الالاف الريالات الوكاله تلعب فيك بالنسبه للاصلاح او تامين قطع وهي تحت الضمان ,,, لكن من بغى طرق الهواء يرخي الكيس اسف على الاطاله .



عليه ضمان وله قطع غيار يالغالي ولله الحمد
والشكر لله ثم لجميع من شارك في الموضوع




السلام عليكم يا اخواني المكشاتية في الاول أحب اشكر الأخ سيف لطرحة الموضع والثاني أنا شاري نفس الموتر الي في التقرير وذلك لعدة أسباب
١- الموطور في شنطة قوية جدا وتسهل عليك نقلة من سيارة الى السيارة الثانية
٢- اهم سبب أني شريت الموطور أني اقدر اشغل علية فرد الهواء عشان إفك صواميل التاير لآني اكثر الاوقات اطلع البر لحالي(موتري جمس دبل تاير)
٣- الموطور صناعة استرالية وعلية ضمان من الوكيل عندنا في قطر سنتين وشارية بسعر مقارب جدا للامازون فرق ١٠٠ ريال قطري
أنا مالوم بعض من الأعضاء الكرام لما يتكلمون عن السعر وذالك لأنة غالي مرة وبسعرة تقدر تشتري خيمة او ماطور كهرب وانا بارد عليهم وباتكلم عن نفسي لآني مجهز موتر للبر وكلفني مبلغ كبير فا مب خسارة أني أدور على الأفضل لي ونقطة مهمة جداً جداً ان الماطور مايستخدم لتعبة الهواء فقط لأنة تقدر تشغل علية الأجهزة الهوائية مثل المسدس مال البنشري وأشياء من هذا القبيل وانا استخدمت مواطير هواء كثيرة منها الصيني ومشكلتها الحرارة وخراب الي حق الهواء والبنهاية هذي آراء والكل يشتري الشي الي يناسبة



كلامك من ذهب يالغالي فعلاً له عدة استخدامات وكثيرة ومن ارادها عليه الاطلاع بصفحات شركة ARB