استفسار بافضل ساكتون هوائيية

[ابوعاشة]

يالربع ابي اسالكم عن افضل ساكتون من ناحية الدقة في الاصابة ومايهم السعر نبي النوع الطيب

ومحتار بين كم نوع

اول شي ديانا 35

نوريكا 80 > خص هذي ابي الي مجربها

وديانا 350

بعد غلا الفشق والله مالها الا سكتون طيبة مع اني من زمان استخدم 27 لاكن ودي بحودة قوية للقمري وماشابه

[هيوماكس]

تبيها للقمري خذ ساكتون قوية وعيارها يقارب خرازة تفضل :
1- الديانا ماغنوم 350 المانية سرعتها 280متر في الثانية
2- الجامو هنتر 1250 اسبانية سرعتها 280 متر في الثانية
3- هاتسان 125 تركية سرعتها 305 متر في الثانية < تصلح للأرانب وتسوق بعيد بهالمقاس
مقاس البنادق كلها 5.5
^
ماراح تلقى اقوى من هالبنادق لأنها أقوى البنادق الموجودة في السوق.

[بن ملهي1435]

النوريكا. الاسباني 80 عندي طيب بس عيبه. النيشان- بلاستيك بايخ والحلقه اللي فوقه. انحلت ،،،استخدامي فيه بسيط :-):-)......احلى مافيه انه خفييييف

[س ل ط ا ن sul]

خذ لك فايروخ 75 سرعة الطلقة 270 م/ث الوزن 3.5 كيلو فخامة بالشكل جودة في الصناعة دقة في الرماية

[محمد ابن عيد]

-

هلآبك ي ألغالي
انأ معي ( نوريكأ 90 ) عز ألله انها تنومسك
من 2010 م شفت منه خلآف
لكن فيه أقوى من ألنوريكا و لآزم تحدد تبي شي قوي ولآ لآ
عشان ترسيلك ع شي و ألبنادق وأجد

[ابوعاشة]

ابي ساكتون متوسطة القوة بس تكون اصابتها قاتلة ودقيقة لان اغلب صيدي بالساكتون قمري وسمان ابي تكون متوسطة القوة ودقيقة في نفس الوقت ومايكونة حجمها كبير تقلقني داخل الغمارة

ولاهنتم جميعا

[س ل ط ا ن sul]

خذ العلم يا ابو عاشة
فايروخ 75

[ولد الامارات1]

ديانا 31 او 34 ابحث عنهن والله يعجبنك

[هيوماكس]

ابي ساكتون متوسطة القوة بس تكون اصابتها قاتلة ودقيقة لان اغلب صيدي بالساكتون قمري وسمان ابي تكون متوسطة القوة ودقيقة في نفس الوقت ومايكونة حجمها كبير تقلقني داخل الغمارة

ولاهنتم جميعا

متوسطة القوة للقمري؟ :D

ياخي مصيرها بتطير بصوابها وتموت ورا الشجر او المزارع او الشعبان وتاخذ ذنبها

خذ قوية تسدحه من اول رمية

مثل ماقالك اخونا محمد النوريكا 90 ممتازة وقوتها اقوى من المتوسط بشوي
وشكلها ماشاء الله حلو
ارشحها لك.

[يا عمليات]

فايروخ ما كأنها ثقيلة 3 كيلو ونص

[عجيبان]

يابو عائشه النوريكا 90 سلامي عليها عند اخوي والله تعجبك تلاقيها عند صاب