تكفون ياهل الخبره

[بن جهينة]

السلام عليكم ورحمة الله وبركاته
اخواني حبيت استفسر عن الدربيل السايز 8ضرب 30 هل هو زين وكم سعره مستخدم

[محمد ابن عيد]

السلام عليكم ورحمة الله وبركاته
اخواني حبيت استفسر عن الدربيل السايز 8ضرب 30 هل هو زين وكم سعره مستخدم

-

يفيدونك رأعين الدرأبيل

[قناص الأشهب]

على حسب استخدامك يالذيب
الوبران
الوعول
الطيور
وهل بتستخمه ونت على الموتر وﻻ بتشيله معك طول الضلعان

[بن جهينة]

ابيه للضلع وكم يصل سعره

[بن جهينة]

وينكم ياهل الخبره

[nouaf]

يفيدونك رأعين الدرأبيل

[القنص عشقي]

السلام عليكم
يفيدونك أهل الخبرة
أخوكم صيادالقلووب

[ابوتركي122]

اخوي بن جهينه عليك في هداج تيماء بدون قصور بجميع الاعضاء

[قناص الأشهب]

للضلع زين وحجمه صغير وما يضايق
ولكن ان بغيت نصيحة مجرب للضلعان افضل مقاس 10*40 او 10*42 من ناحية التقريب والوزن والوضوح
وذا ميزانيتك من الالفين وتحت اوصيك في دربيل ليبولد قيمته حول 1500 وذا توصل 4000 خذ شوارفسكي كﻻسك
وذا تحيرت اعطاك العلم ابو تركي هداج تيما دليل في الدرابيل ورجال نصوح من غير قصور في الباقين لان هو اول واحد جاء في بالي الا فيه من لهم باع طويل وخبره

[هداج تيما]

اخوي بن جهينه عليك في هداج تيماء بدون قصور بجميع الاعضاء


اشكرك يا ابو تركي على حسن ظنك... واسأل الله ان ينفعنا وان ينفع بنا



للضلع زين وحجمه صغير وما يضايق
ولكن ان بغيت نصيحة مجرب للضلعان افضل مقاس 10*40 او 10*42 من ناحية التقريب والوزن والوضوح
وذا ميزانيتك من الالفين وتحت اوصيك في دربيل ليبولد قيمته حول 1500 وذا توصل 4000 خذ شوارفسكي كﻻسك
وذا تحيرت اعطاك العلم ابو تركي هداج تيما دليل في الدرابيل ورجال نصوح من غير قصور في الباقين لان هو اول واحد جاء في بالي الا فيه من لهم باع طويل وخبره


ما قصرت يا (قناص الاشهب) وبارك الله فيك وفي علمك..
منكم نستفيد يا اهل القنص والصيد، وانا ما انا باطيب من ربعي في هالمنتدى،
لكن هم مشغولين..وانا عندي فراغ واحاول اتداخل باللي اعرف،
اما النصيحه فهي حق المسلم على المسلم... ولا فيها منة.

.

[هداج تيما]

السلام عليكم ورحمة الله وبركاته
اخواني حبيت استفسر عن الدربيل السايز 8ضرب 30 هل هو زين وكم سعره مستخدم


وعليكم السلام ورحمة الله وبركاته
حياك الله يا ابن جهينة..
استفسارك صعب الجواب عليه بارك الله فيك من عدة اسباب..
اهم هالاسباب تعدد انواع الزايس اللي مقاسه (30x8) ، وانا يا محاكيك عندي 6 انواع مختلفة من الزايس كلها لها نفس المقاس...وان يسر الله ووصلت البيت فلعلي اجمعهن لك بصورة وحدة من شان تشوف التنوع والتعدد.
اما الثاني فهو نوع استخدامك ولا شك ان راعي الضلع يحتاج دربيل قوي ويتحمل الصدمات.، اما الثالث فهو حجم ميزانيتك..يعني كم دراهمك اللي ناوي تدفع.
كل هالاسباب تجعل الجواب صعب.

اما هالمقاس فله ميزتين :
الاولة/ صغر الحجم وخف الوزن وهذا يناسب راعي الضلع واللي ينقل الدربيل على متنه لمسافات طويلة.
والثانية/تناسب عدد مرات التكبير مع سعة المنظر ، هذا يعني ان الزاوية واسعة للشوف، بحيث يغطي لك اذا مديته مساحة واسعة ، مع انه يكبر (8) مرات وهذا يكفي للتدقيق والمتابعة.

ولو اني من خبرتي بمقناص الضلع (ايام الشباب والنشاط) وجدت ان افضل مقاس هو (30x6) او (40x6)، والسبب واضح.. انك طول نهارك تفرش بالنظر وتمسح الشغايا والاضلة والمهال ... مرة يمين ومرة يسار.. يعني اغلب استعمالك للبحث وليس للمتابعة، ولذلك تحتاج الدربيل الواسع البارد الصافي اكثر من حاجتك للدربيل القوي بالتكبير مع ضوق الزاوية..وهذا بعكس حاجة اهل الطيور.

وبخصوص الاسعار للمقاس المذكور من زايس فتتراوح بين 6500 - 2500 للجديد
و4500 - 1500 للمستخدم، علما انه يجي منه انواع ربل اسود وانواع كلاسيك وانواع ربل وجيشي .
هذا والله اعلى واعلم.


.

[بن جهينة]

تسلم أخوي هداج تيما ما قصرت وحتى الشباب ما قصور ومشكورين

[ابوتركي122]

ابن جهينه عساك لقيت لسؤالك جواب ومعرفك ليس غريب علي لاني اعرف شخص بهذا الاسم