راعي مرات
01/11/2013, 10:33 AM
يسعد أوقات الجميع
آمل ان تحوز على إعجابكم
الحر يزكي.. والدجاجه.. دجاجه ****وماني على بعض المقاريد مجبور
الضرس قلعه في النهاية... علاجه *****لا صار ما ينفع معه طب دكتور!
وحكي القفى في الناس عيب وسماجه ****واللي يتتبع عرض الأجواد مثبور
نارد قراح الماء .. ونترك هماجه ***** هذا لنا مبدأ.. ومنهج ..ودستور
واللي يطفي في الغداري إسراجه ***** لايحتري قمراء ..ولا يرجي النور !!
تراه يضيع صيدته في عجاجه ***** لا يسمع الناصح.. ولا يأخذ الشور
والقرم .. يبخص ..في الشدايد خراجه ***** لا نشبت اللقمة من الغبن في الزور !
والحظ لابان الردى في حجاجه ***** أصبر مدام الصبر ياخوي مقدور
الله خلق كونٍ وسيعٍ.. فجاجه ***** والعبد لو يطرد وراء الرزق معذور
وراع الرفيق ولا تعكر مزاجه ***** خله سعيدٍ دايم الدوم مسرور
كسر الخواطر مثل كسر الزجاجه ****** نفس البشر دم.. وأحاسيس.. وشعور
واللي يتصدد مالكم فيه حاجه ****** يالله عسى إللي يدور الستر.. مستور
وحذرا تصير لبعض الألسن (علاجه) ***** بعض البشر يشهد .. ويحلف.. على الزور
والتمر يعرف طيبه من خماجه ***** ماجور ياللي تدهل الطيب ماجور
الواحد القهار راعه وناجه ***** الله يكافينا من الضيم والجور
يقوله إللي قاسي الوقت عاجه *****صابر وهمه داخل الجوف مقبور!!
عبدالرحمن المجلي - راعي مرات
آمل ان تحوز على إعجابكم
الحر يزكي.. والدجاجه.. دجاجه ****وماني على بعض المقاريد مجبور
الضرس قلعه في النهاية... علاجه *****لا صار ما ينفع معه طب دكتور!
وحكي القفى في الناس عيب وسماجه ****واللي يتتبع عرض الأجواد مثبور
نارد قراح الماء .. ونترك هماجه ***** هذا لنا مبدأ.. ومنهج ..ودستور
واللي يطفي في الغداري إسراجه ***** لايحتري قمراء ..ولا يرجي النور !!
تراه يضيع صيدته في عجاجه ***** لا يسمع الناصح.. ولا يأخذ الشور
والقرم .. يبخص ..في الشدايد خراجه ***** لا نشبت اللقمة من الغبن في الزور !
والحظ لابان الردى في حجاجه ***** أصبر مدام الصبر ياخوي مقدور
الله خلق كونٍ وسيعٍ.. فجاجه ***** والعبد لو يطرد وراء الرزق معذور
وراع الرفيق ولا تعكر مزاجه ***** خله سعيدٍ دايم الدوم مسرور
كسر الخواطر مثل كسر الزجاجه ****** نفس البشر دم.. وأحاسيس.. وشعور
واللي يتصدد مالكم فيه حاجه ****** يالله عسى إللي يدور الستر.. مستور
وحذرا تصير لبعض الألسن (علاجه) ***** بعض البشر يشهد .. ويحلف.. على الزور
والتمر يعرف طيبه من خماجه ***** ماجور ياللي تدهل الطيب ماجور
الواحد القهار راعه وناجه ***** الله يكافينا من الضيم والجور
يقوله إللي قاسي الوقت عاجه *****صابر وهمه داخل الجوف مقبور!!
عبدالرحمن المجلي - راعي مرات