موسم الصقور شارف على الانتهاء

[طارق البلوي]

لقد شارف موسم الصقور على الانتهاء وبدأت تتقلص اخبار طرح الصقور من يوم لاخر لتتلاشى معه ذكرى عشناها واستمتعنا بها ليصبح للماضي الذي عشناه في موسم المقناص ذكرى محفورة بقلب كل قناص هنيئا لمن وفقه الله ورزقه بهذا الموسم وخيرا ان شاء الله لمن لم يحالفه الحظ واليعلم ان الرزق من عند الله يهبها لمن يشاء واسال الله ان يرزقنا من واسع فضله وان يجعلنا من الحامدين الشاكرين لك واخيرا وليس اخرا لايسعني الا اتمنى ان الله يمد باعمارنا وان اراكم الموسم القادم مستبشرين بطرح الصقور وفق الله الجميع لما يحبه ويرضاه..............اخوكم طارق البلوي

[متولع بالقنص]

موفق خير أن شاء الله

الله يجيب اللي فيه الخير

على الخير نلتقي ونفترق

بالتوفيق للجميع ،

[مخلاب الحر]

الله يطول عمرك ويحسن عملك ورزقك من فضله

[خالد الخمعلي]

موفق خير أن شاء الله

الله يجيب اللي فيه الخير

[شقران الشمالي]

الشواهين تبقى معك لاخر شهر واحد

[هيبه ملك a]

الله يطول عمرك ويحسن عملك ويرزقك من فضله

[ابوفوز]

لي ست سنين كل عام اقول هذا الموسم بقنص ولم يكتب الله
والموسم هذا شريت موتر وشريت دربيل وحجزت للمملكة و عند طلب الاجازة ما كتب الله لي الموافقة وجاءت ظروف منعتني
نقول الله يحفظ بلادنا ويديم الامن والامان والعام القادم ان شاء الله نلتقي معكم بالمنتدى و حنا بالمقناص

[عقاااب]

الله يرزق الجميع ان شاء الله . .

[راعي المطافيل]

كل سنه اذا انكفنــــــــا من المقناااص نقول خلاص معد نقنص واذا قرب المقناص استلجيناااا
سبحان الله
المقناص متعه لا يكتشفهااا الا من يمارسهااااا
اشكرك على موضوعك
تقبل مروري

[التميمي8877]

الله يرزق الجميع من فضله ويمن علينا بالصحة والعافية

[بعيدالمساري07]

خلاص ياخوياي ميعادنا خير 
 ان كان يبقي للعمرمن زياده
الموسم المقبل نسوق التباشير
 فاول هداد اللي يصل من بلاده
خلاص شلنا عفشنا والمواطير 
 وشلنا جميع اغراضنا والوساده
الشبك روح وانتهت هجرة الطير
 واللي شرا له طير بادي هداده
البر خالي من جميع الصقاقير
 ماشفت غير الشبط يطرد جراده
هبت عواصف وخلفت هجرة الطير
 والخير جانا والمطر مع براده
والامر لله مالنا فيه تدبير
 اللي خلق هالكون رازق عباده
شهرين فالمقناص وحنا مداوير
 والبال مبعد عن دروب النكاده
ياما قنصنا حزت الصبح واعصير
 نقنص ونطلب ربنا فالعباده
نمشي مع الاصباح فوق المواتير
 بعد الصلاة وقنصا بالركاده
نبعد عن الزلات ولانزعل الغير
 إلا اذا الجاهل تمادى عناده
ويامحلا بعد الفجر طرحت الطير
 قبل الطلوع ان قدر الله وراده
بارضن براح ولاوطتها الحوافير 
 تلقاه توه صاحين من رقاده
ياخذ زريقك والهدد دون تاخير
 و لابه ثواني وتلبسه في مهأده
انته وخوياك النشاما مقاطير
 متوجهين وكلكم في سعاده
للعزبه اللي تتفخر بالمسايير
 اهل العلوم الطيبه والوكاده
والكل عنده لحظه الطرح تعبير
 وكلن تحقق وانكتب له مراده

والرزق ماهو بالعنا والمشاوير
 الرزق يسر دون حال القراده
لو بالعوافي وش تحوش العصافير
 وش ياكل الطير الخضر والقراده

وياللي تحسبن للتعب والمخاسير
 هذي علومي واسمتع للإفاده
خلك مع ام فلان ست الغنادير محكوم مالك غير فن القياده
وخلاص ياخوياي ميعادنا خير
 فاول هداد اللي يصل من بلاده

[هيبه ملك a]

خلاص ياخوياي ميعادنا خير 
 ان كان يبقي للعمرمن زياده
الموسم المقبل نسوق التباشير
 فاول هداد اللي يصل من بلاده
خلاص شلنا عفشنا والمواطير 
 وشلنا جميع اغراضنا والوساده
الشبك روح وانتهت هجرة الطير
 واللي شرا له طير بادي هداده
البر خالي من جميع الصقاقير
 ماشفت غير الشبط يطرد جراده
هبت عواصف وخلفت هجرة الطير
 والخير جانا والمطر مع براده
والامر لله مالنا فيه تدبير
 اللي خلق هالكون رازق عباده
شهرين فالمقناص وحنا مداوير
 والبال مبعد عن دروب النكاده
ياما قنصنا حزت الصبح واعصير
 نقنص ونطلب ربنا فالعباده
نمشي مع الاصباح فوق المواتير
 بعد الصلاة وقنصا بالركاده
نبعد عن الزلات ولانزعل الغير
 إلا اذا الجاهل تمادى عناده
ويامحلا بعد الفجر طرحت الطير
 قبل الطلوع ان قدر الله وراده
بارضن براح ولاوطتها الحوافير 
 تلقاه توه صاحين من رقاده
ياخذ زريقك والهدد دون تاخير
 و لابه ثواني وتلبسه في مهأده
انته وخوياك النشاما مقاطير
 متوجهين وكلكم في سعاده
للعزبه اللي تتفخر بالمسايير
 اهل العلوم الطيبه والوكاده
والكل عنده لحظه الطرح تعبير
 وكلن تحقق وانكتب له مراده

والرزق ماهو بالعنا والمشاوير
 الرزق يسر دون حال القراده
لو بالعوافي وش تحوش العصافير
 وش ياكل الطير الخضر والقراده

وياللي تحسبن للتعب والمخاسير
 هذي علومي واسمتع للإفاده
خلك مع ام فلان ست الغنادير محكوم مالك غير فن القياده
وخلاص ياخوياي ميعادنا خير
 فاول هداد اللي يصل من بلاده

صح لسانك اخوي بعيد المساري

[طارق البلوي]

مشكورين على طلتكم الرائعة التي اعطت للموضوع جمالا

[السلاهده]

حنا واياك وجميع المسلمين واسأل الله ان يرزق الجميع من واسع فضله ومشكور الأخ طارق وصح السان اخونا بعيد المساري اتحفتنا ونراكم في المقناص الجاي اذا الله كتب لنا عمر ان شاء الله محبكم / ابو سامي السلاهده

[السامري1]

وفقك الله واطال بعمرك

[اخو الشايب]

باقي 20 يوم على شبك الصقور في الساحل الغربي من المملكه

[جرناس الصحره]

السلام عليكم والله هالموسم خير والفظل للرزاق الكريم الله يرزق الجميع

[فتك الاسطوره]

امين حنا وياك يالبلوي كلامك ذهب

[فتك الاسطوره]

امين حنا وياك يالبلوي كلامك ذهب

[طارق البلوي]

الله يسلمكم يالغالين وشاكر على مروركم العطر

[ابا ابراهيم]

الله على الربطه يعين الصقاقير الي تعد الريش وتعد اليام
يالله يا اخوان عدو 300 يوم هههههه من اليوم والله يعطينا وياكم الصبر

[الصميدعي 2013]

لنا لقاء في موسم اخر ان شاء الله وفالك القرناس ان شاء الله

[طارق البلوي]

الله على الربطه يعين الصقاقير الي تعد الريش وتعد اليام
يالله يا اخوان عدو 300 يوم هههههه من اليوم والله يعطينا وياكم الصبر
صح لسانك قالها بن فطيس الله يعين بس

[طارق البلوي]

لنا لقاء في موسم اخر ان شاء الله وفالك القرناس ان شاء الله

اللهم امين وياك يالغالي

[رايد العبدلي]

مساكم الله بالخير .... و اسعد الله اوقاتكم بكل خير.... اخواني الافاضل معروف ان موسم القنص يبداء من شهر اكتوبر اريد اعرف متى تبداء مقناص الصقور مع العلم ان انتهى قبل فترة مقناص الرهو و بدانا في مقناص القمري هل الصقور قبل هجرت الرهو
ارجو الافاده في معلوماتي