كم غرامة انتهاء ترخيص السلاح؟

[whm9]

ياشباب من عنده خبر عن غرامة التاخير
رخصة سلاحي منتهية من سنة

وجيتهم قبل شوي باجددها
كثروا الطلبات علي
تقرير طبي من مستشفى
وصور شمسية
واحضار السلاح
واقرار تعبيه عندهم
وكلها بملف اخضر علاقي
وبعدها تنتظر مدري كم
ويحددون الغرامة المالية

اللي فهمته منهم انها مو ثابته
مثلا 100 عن كل سنة

والسداد يعطونك نموذج خاص للسداد
يعني مو نفس الجوازات عن طريق خدمات البنك الالكترونية


احد يقدر يفيدني ويساعدني

[الوديّ]

مساك الله بالخير .. جددت تصريحي وكان مفوت حول ٣ شهور دفعت غرامة ١٠٠ ريال .. يعطونك رقم حساب تسدد الغرامة . هالكلام في قسم التصاريح بالنسيم بالرياض

[bbaass]

100 ريال عن كل سنه تأخير

يعني لو تتأخر شهر كأنك متاخر سنه

[whm9]

بيض الله وجيهكم وما قصرتوا على الافادة
والله لا يهينكم

سداد الغرامة لازم اروح للبنك
والا اقدر اسدد عن طريق النت او الجوال؟
يعني لازم ايصال
والا يطلع عندهم في النظام اني مسدد

[عبرود حارق]

أخوي صدر فيها قرار ملكي قبل سنتين تقريبا إلغاء الغرامه إذا ماني غلطان

[whm9]

هلابك عبرود

صادق صدر قرار اعفا من غرامات التأخير قبل سنتين
كلامك صحيح
لكنه خاص في تلك الفترة بمن كان ترخيصه منتهي قبل تلك الفترة

يعني قرار اعفا مؤقت


انا مريتهم اليوم
وجددت الترخيص والحمد لله

وكملت اوراقي مع احضار السلاح لهم

ولم يطلبوا مني غرامة
ربما لانه منتهي من وقت قصير
لا اعلم بالضبط
المهم ان الترخيص مجدد معي :)