نداء لاهل االشروكيات والمعلمين والخبره بالجيب هذا

[freemanjeep]

السلام عليكم اخوكم حمود الرشيدي من الكويت
ياجماعة الخير انا ادري ما القا حل لمشكلتي الا عند اخواني واهلي السعوديين
انا عندي جيب شروكي موديل 97 حولته جير عادي من ثلاث سنين
ومن ثلاث سنين ونا اشكي من عزمه مافي عزم. لما ابدل رابع حده يجيب 160 وذا بدلت خامس يرد العداد 120
يطيح حيله. بدلت طرمبة بانزين.كمبيوتر.تصفيه.ركبت هدرز.غيرت التواير.بدلت مكينه.بدلت جير .بدلت كل شي ولا استفدت الا الخساير وليلحين مالقيت حل لمشكلتي.المكينه صافيه ماترجف امور الجيب طيبه بس مشكلته العزم تكفون فيدوني ياجماعة الخير ر

[abo yusef]

افحص ضغط الماكينه
وبان القير عايدي فكان كملت وغير دفرنسات

[مهند 2009]

وعليكم السلام

مشكلتك بالدفرنسات

لازم تركب دفرنسات قير عادي عشان يضبط عزمة

والله اعلم

[راعي الرود]

أخوي مشكلتك من الكارونه التماتيك .. تجي محشورة أحشر من العادي و نفسها قصير تنفع لراعي النفود

لكن بالخط زي ماقلت انت بالرابع تمد و توصل 160 لكن بالخامس ماتمشي

واذا بتبدلها لازم تبدل الدفرنش الامامي معها عشان الدبل .. اذا كنت ماتستخدم الدبل مايحتاج تبدل الدفرنش الامامي

[freemanjeep]

بآذن الله بغير البككسات وردلكم خبر انشاءالله ومشكورين عل مرور

[hsdt]

انا معي شروكي قير عادي من بلاده
ونفس المشكلة عندي ونفس وضعك

[abo yusef]

انا معي شروكي قير عادي من بلاده
ونفس المشكلة عندي ونفس وضعك

افحص ضغط الماكينه والدبه

[MSAN]

وين مكانك في أي مدينة...؟؟


اذا انك في الرياض سير علينا في الورشة نشوف وش سالفته..


تخصصنا شروكيات ومرهمات

[freemanjeep]

انا بالكويت طال عمرك لي الشرف اجيك بس المسافه بعيده علا قولت عبادي سكه طويله

[MSAN]

انا بالكويت طال عمرك لي الشرف اجيك بس المسافه بعيده علا قولت عبادي سكه طويله

هلا بك عمي.. الشرف لنا يالغالي..

غالبا عندك المشكلة في مقاسات الكوارين.. نسبة تحويل الكارونة الأمامية والخلفية غير متطابقة مع نسبة تحويل القير الجديد.. ويصير يطيح عزم الموتر مقابل انه يمد في الأول والثاني..



الأول والثاني يمشون إلى كم..؟؟؟ ماعليك في عداد السرعة أبي السرعة الفعلية للسيارة.. لو تقيسها بالجي بي اس أفضل (بعض برامج الايفون فيها جي بي إس يقيس السرعة)

أو خل واحد من أخوياك يمشي نفس سرعتك وشف الأول بيوصل كم والثاني بيوصل كم السرعة..؟؟


شف كم يوصل في الأول والثاني وعطني خبر


بالتوفيق

[كلاش2500]

هلا فيك مشكلتك ياطويل العمر بالكوارين...الكوارين اللى عندك نسبتها 3.07 يعنى مد بالحيل وهذى النسبة تمشى مع القير التماتيك لانه اربع نمر محشور اما العادى خمس نمرمد فمكينة الشيروكى عزمها ضعيف بالخامس....كل اللى عليك تروح التشاليح او قطع الغيار وتطلب كارونة نسبتها 3.54 هذى استخدامها حليو بالبر والخط وعندك على مااعتقد نسبة 3.73 وهذى ممتازة بر وخط وعندك الشغل اللى مابعده (4.1 جبارة خط وبر....
وعشان تعرف النسبة اللى انت تبغاها تقسم عدد سنون التاج على عدد سنون البنيون....

[freemanjeep]

الله يجزاكم خير عل تفاعل والمرور. طال عمرك عزم الاول والثاني والثالث تقريبا ممتاز ويمسك مع لاند كروزر 6 سلندر اما الرابع حده اذا ذابح عمره يبيله 4 كيلو تقريبا عشان يوصل العداد 165 وذا بدلت خامس يطيح العداد الى 140 وذا في هوا قوي بالجو يرد 120
انا امس بدلت طرمبه وسنسر جير وسويت له تصفيه وفرق وياي 20% بس ...لاكن ابسالكم اذا ببدل الدفرنش هل ابدل الامامي والخلفي مع بعض من نفس سياره وحده وتكون جير عادي. او مو مهم انه تكون السياره جير عادي

[راعي الرود]

الا لازم تكون السياره قير عادي بس بالبدايه قبل لا تغير افتح غطاء الدفرنش و تأكد من نسبه الكرونه الاماميه و الخلفيه هل هي متطابقه

و تاكد منها هل هي للقير العادي ولا الاوتو

الاوتو ميزتها في الفزه

العادي خط

طبعاً على اساس ان كل شيء عندك سليم و مايمنع انك تشيك على الاشياء البسيطه قبل لا تغير دفرنش يمكن يكون السبب شيء بسيط

[ابوراما3226]

استغفر الله

[ابوراما3226]

توكلت على الله

[freemanjeep]

انا الحين رايح للكراج بخليهم يجيكون عل كرونه الاماميه والخلفيه وردلكم خبر. باسرع وقت

[freemanjeep]

بس ترا الكرونه الاماميه والخلفييه مالت تماتيك اتذكره عدل لاني من اول ماحولت جيبي قير عادي مابدلت الدفرنشات بس بجيك علا ارقام الكرونات وردلكمخبر

[MSAN]

بالتوفيق.. ننتظرك

[freemanjeep]

السلام عليكم لقيت دفرنش امامي وخلفي وجاري التركيب رقم الكرونه 14.42 من جيب واحد مفكوكين اشرايكم فيها يالربع وباجر باذن الله التجربه وردلكم خبر فيها

[MSAN]

السلام عليكم لقيت دفرنش امامي وخلفي وجاري التركيب رقم الكرونه 14.42 من جيب واحد مفكوكين اشرايكم فيها يالربع وباجر باذن الله التجربه وردلكم خبر فيها

42/14=3.00

غريب رقمها صغير شوي.. يمكن ماراح تحل المشكلة 100% بيبقى عندك طويل..


كم رقم الي راكبه عندك الحين..؟؟


نصيحتي لك.. دور على كارونه مقاس 41/11 أفضل وحاشرة أكثر
41/11=3.72 أكبر من اي لقيتها انت الحين


نصيحة لا تركبها


بالتوفيق

[MSAN]

اذا مالقيت 41/11 الي هي 3.72 عندك الي بعدها 39/11 يعني 3.545

[freemanjeep]

الله يستر المشكله دفعت الفلوس وجاري التركيب نجرب ياتصيب ياتخيب

[MSAN]

الله يستر المشكله دفعت الفلوس وجاري التركيب نجرب ياتصيب ياتخيب


الله ييسر أمرنا وأمرك وكل مسلم..

بس لو قارنت بين مقاس الي راكبة عليه ومقاس الي بتركبها أفضل

كم مقاس الحالية الي راكبة عليه..؟

[freemanjeep]

رقم الكرونه القديمه 11.39. ورقم الكرونه الجديده 14.43 وش رايكم يالربع

[MSAN]

الموتر بيدوخ زيادة :(

لا تركبها


اقسم 39 على 11 يطلع الناتج 3.54 = محشور أكثر من الثاني
اقسم 43 على 14 يطلع الناتج 3.07 = يطول في النمرة اكثر بس يدوخ الموتر في الرابع والخامس



لو تلقى 41/11 ركبها وأنت مغمض لانها تطلع 3.72 محشورة أكثر من 39/11 و اكثر من 43/14



بالتوفيق

[freemanjeep]

ياجماعه اهي خلصت وركبت قبل لا اقرا اخر التعليقات الوكاد انه الجيب نفس ماهو ماتغير شي مع اني مبدل بككس خلفي وامامي ومشيولات من شروكي 2001 قير عادي ومافرق وياي العزم حده 140 بالرابع او الخامس

[freemanjeep]

في واحد قالي ممكن مشكلتك من الدبات وصخه وغامته بدلهم ببدل وبجرب ونشالله في نتيجه

[4x4ofroad]

حرام عليك فكيت كوارينك
احلى كارونه عاى القير العادي 39/11
الله يكون بعونك
تاكد من ممشى الموتر بالجي بي اس وماعليك من العداد
اذا نفس الممشي قبل وبعد ااتغيير بالعداد معناه في فرق احسب حسابتك على الجي بي اس اما العداد خلاص ماعاد بيستوعب وش يقرا

[freemanjeep]

حسبتها عل جي بي اس فرق بينه وبين العداد 5 بس

[freemanjeep]

السلام عليكم ياجماعه بدلت بككس وبدلت دبات اقزوز ومثل العزم ماتغير وش الحل الله يجزاكم خير

[4x4ofroad]

دفرنسات التماتيك على القير العادي ممتازه وفزه الموتر وممشاه بالخط ممتاز

[ابوماجدالشمال]

اخوي هذا ضعف بصحن الكلتش واذا مهو منه مثل ماقالوا الاخوان الدفرنسات لاني اذكر كان عندنا جيب ما يجيب طبلونه ولما غيرنا الديسك وصحن الكلتش صار يطق الكبلون ويفز بالقومه والله اعلم

[freemanjeep]

يعني يالربع تنصحوني ارد دفرنش التماتيك وللعلم المشكله ليلحين محد قدر يحلها لي ركزو بمشكلتي شوي تكفون

[freemanjeep]

الكلتش توني مركب دسك وصينيه وفحمه. وطقم اصلاح للكلتش جدد

[كلاش2500]

هلا فيك انت بس لو تسمع الكلام اللى قلناه لك...كان امورك زانت.....شف ونا خوك خلك من التشاليح روح لقطع الغيار الخاصة بالشيروكى يعنى بشركة جيب.....وقله ابغى كورونة شيروكى راح يقولك موديل كم راح تقوله على الموديل ...وخل معك آلة حاسبة ....يقولك عندى مثلا 46 على 14 تقوم انت تقسم ال46 على 14 تطلع 3.07 قوله لا ذى ماابغاها وش عندك ثانى يقولك عندى مثلا كذا وكذا وسوى نفس الطريقة اقسم عدد سنون التاج على عدد سنون البنيون....وعندك النسب ذى حلوة مثلا 3.54 كويسة...وعندك اعتقد 3.73 ممتازة
وعندك 4.1 هذى حلوة جدا بالبر والتطعيس......وعندك كمان شغلة مهمة دفرنسات الشيروكى القديمة اصغر من الجديدة ويسمونها الدانة اعتقد مقاس الدانة للقديم 33 والجديد 44 مانى متأكد لكن انت صور البطيخة نفسها حقت الدفرنس وراعى قطع الغيار بيعرف مقاسها......
وش تبغى حل ازين من كذا ......وترى مشكلتك ذى مرت علينا وهذا علاجها الاكيد.....

[كلاش2500]

علشان اوضحلك اكثر ادخل هذا الرابط...
http://www.4wheelparts.com/Drivetrain-Differentials/Dana-44-JK-Rear-4-88-Ratio.aspx?t_c=12&t_s=237&t_pt=5092&t_pn=G%2f22-2052-488
وشوف الصورة اللى على اليسار القطعة الدائرية هذى يسمونها التاج او Ring والعمود اللى جنبه يسمونه البنيون او pinion عدد السنون اللى بالتاج يقسمونها على عدد سنون البنيون ولاحظ على يمين الصفحة بالموقع النسبة 4.88 هذى النسبة الله يسلمك يقوم الموتر معها بالخامس ..وفى نسب اكبر وحنا نقولها بالسعودية دفرنس محشور....بس ان السرعة النهائية يمكن توصل 140كم/س او 150 ماتتعداها على القير اللى عندك.بس توصل لل 140 بسرعة يعنى ينفع للمقاومات القصيرة
...والموقع ذا يبيع الكرونات باسعار رخيصة ...ارخص من النصابين اللى عندنا.....
اتمنى انى افدتك بالموضوع........

[مآلقيت اسم]

الله يعينك اخوي والله احسك خسرت عليه كثير



بس ياليت ينفع وقبل لا تسوي شي استشير. وربي يسعدك

[freemanjeep]

الله يجزاك خير عل الشرح المفضل باذن الله بسوي الي قلته وردلكم اخباره بس سوال اذا بدلت الكرونه الهلفيه لازم ابدل الاماميه معاها اااو عادي

[freemanjeep]

اخوي كلاش اتشرف الحقيقه بمعرفتك لاكني ابي منك خدمه ياريت دز لي رقم جوالك عشان اتواصل معاك مباشر وعلمك اموري اول باول

[freemanjeep]

http://store1.up-00.com/2013-11/138523369671.png

[freemanjeep]

http://store1.up-00.com/2013-11/1385233696952.png

http://store1.up-00.com/2013-11/1385233697394.png

[freemanjeep]

http://store1.up-00.com/2013-11/1385233697615.png

http://store1.up-00.com/2013-11/1385233697394.png

انشهد اني قطيت عليه ولاشفت منه مردود يا مالقيت اسم

[كلاش2500]

الله يجزاك خير عل الشرح المفضل باذن الله بسوي الي قلته وردلكم اخباره بس سوال اذا بدلت الكرونه الهلفيه لازم ابدل الاماميه معاها اااو عادي
الكرونة الخلفية والامامية لازم تكون نسبتهم وحدة.....يعنى اذا بتغير الكرونة الخلفية لنسبة احشر مثلا ..لازم تغير الامامية لنفس النسبة......
اما بالنسبة للرقم ابشر ...ابرسله لك على الخاص.....

[MSAN]

أنا أشهد ان كارونة 4.10 تطررررب

على فكرة.. هي نفس مقاس كارونة الروبيكون :good2: