بنشر حريم على الخط السريع ... بيتر السروات

[بيترالسروات]

بسم الله الرحمن الرحيم


يقول احد الإخوان لدينا زميل بالعمل ما شاء الله عليه راعي فزعه و حظه طيب واخبرنا بقصه من قصصه يقول .....
قبل سنوات خوينا على موتره نيسان على طريق سريع مسافر او راجع من موقع عمله البعيد... مر على ذاك الجمس وارد سنته
مبنشر وداخل في الرمل على جانب الخط وتعداه بمسافة بسيطة وشاف حريم وراء تبه صغيره وطقت النخوه معه
يوم شاف الحريم ...
يقول مالي نية أوقف بس يوم شفت الحريم وما حول السيارة
إلا رجال لوحده
يقول ووقف ودق الريوس
ويوم قربت من الرجال وقفت ونزلت وصحت عليه ياااااا ولد...
سلام عليكم .. طلع من جانب الموتر ورد علي إلا انأ في رجال
ما أعيب عليه لكن من رزته وشكله لو سألته وين الاسبير ما عرف وينه
.. ولد نعمه
.....
حتى من زود الذرابه مفسخ الثوب على شان البنشر هههههه
يقول طالعت الموتر الا بنشر والرجال وقفه على رمله وغاص الكفر
طبعا خوينا راعي تغاريز وطعوس يعني سندباد بري
يقول خوينا عرفت ألشغله يبيلها حفر وعفريته ثانيه وتخبرون الجمس ثقيل
بعد النظره الشرعية ... اقصد الفنية .. رحت لموتري ونزلت العدة ودخلت تحت الجمس وشيل وحط وحفر وخوينا راعي الموتر
ما شفت منه فائدة الا انه كل ما نزلت راسي تحت الموتر الا خشته بخشتي
ازعجني... جو حار ... وعرقان.. وهذا لا يحذف ولا يجب حصى كل
ما دخلت تحت الموتر اضبط العفريتة وإلا احفر انسدح جنبي
قلت له ارتاح وإنا اخوك.... انت شكلك تعبت وانأ أبي اصرفه إذاني الله يصلحه ...
ما صدق على الله ولد النعمه جلس في ضل الموتر
بعد ما رفعت الموتر قلت عطني الاسبير قال وينه ....
قلت في نفسي والله إني داري نزلت الاسبير وركبته وطلعت الموتر
من الغراز يمكن ساعه وانا احوفر والحمد لله طلعته
وراعي الجمس متسدح مسكين في ضل الموتر
قلت له بعد ثلاثين اربعين كيلوا بيجيك محطه وقف وغير
الاسبير وركب كفر أحسن لك لان اسبيرك لك عليه
....
مشكور ما قصرت وبيض الله وجهك قلت يا رجال ما سوينا شي ...
يقول خوينا رحت لموتري
ونزلت جركل مويه وقعدت اغسل وموترهم واقف ورأي رجعوا الحريم واسمع صياح الحريم مع رجالهم وانأ اغسل إلا يوم اقبل الرجال علي
وفي يده كيس .... يقول قلت في نفسي عز الله هذا الي بيخليني ادوس ببطنه ..
اقبل علي واسمع أنواع من الشكر والدعاوي قلت يا رجال والله ما سويت شي يسوا قال تفضل ....
قلت وشوووووو ...
قال شي ما يسوأ لكن تعبير عن شكرنا لك
قلت خذ كيسك وتوكل على الله
وانا زعلان .............
قال والله يا الحريم إلي تشوفهم أمي وأخواتي وزوجتي معهم
لتاهوشت معهم وأظنك سمعت الصيحة بيينا الي قبل اشوي
قلت لهم بتزعلون الرجال عليناااااااا
حلفوا ما يركبون الموتر ولا يحركون شبر لين توصلك هديتهم ...
يقول توني بارد عليه رمى الكيس في غماره موتري وانا جالس اغسل وروح ..صحت عليه ما رد علي ركبوا موترهم وانأ لميت عدتي وإغراضي
وركبت ومشيت مئة متر والكيس مرمي عند دعسات ارجول الراكب.. وانتم بكرامه ...
أطالع الكيس الا الكيس حركاااات له ربطه وشكله ماركه ههههههههه
فتحته الا .......... جهاز جوال جديد بقراطيسه بشريحته
قيمته في ذلك الوقت 3000 او اكثر ....
يقول والله لضاق صدري لكن ........ اعتبرته هديه
وبعته وشريت بقيمته كم رأس حلال ....خعخعخعخع ....
وسلامتكم ،،،،،،،،،،
وصلى الله على سيدنا محمد

[ذيب الفقارة]

هههههههههههههههههههههههههههههههه

ياسلام عليك أخي الغالي

بيتر السروات

قصة تجبر الواحد على قراءتها إلى آخرها

تتوالى فيها المواقف الطريفة

والمفاجآت وزاد من حلاوتها أسلوب الكاتب في سردها

تحياتي وتقديري

[قوافي ( أم نهار )]

السلام عليكم ورحمة الله وبركاته
حياك الله اخي الفاضل بيتر
النظره الشرعيه ورفالت السواق جت بفايده صلح لهم البنشر واستلم جوال
اشكرك على السالفه
دمت بحفظ الله
تحياتي وتقديري واحترامي
..قوافي..

[Al3rands]

ههههههه اضحك الله سنك

[بندرالشريف]

هلا أخوي ( بيتر السروات ) حياك الله وحي ماجبت من علوم
عز الله إن خويك نشمي وراعي نخوه ويستاهل كل علم طيب أنا أشهد
ماشاء الله عليك سواليفك مميزة ورائعه كروعتك بارك الله فيك
ننتظر منك المزيد من هالسوالف الزينه حفظك الله ورعاك

[مريقب العيفار]

ما خبرت لي راعي جمس معه حريم سيارته مبنشره ومغرزه

ودي اساعدهم لوجه الله

عندنا طريق طوله ثلاثين كيلو بوسط النفود اغدين باكر امتره رايح جاي كود القى

احد مغرز

لو جوال ابو كشاف يمشي الحال

[محمدالزبيدي]

هلا بيتر السروات قصة رائعة
يتبين منها خلال حميدة لنا كشعب والحمد لله
أفرزته عاداتنا وتقاليدنا والحمد لله
وهذا شاهد للنساء هنا في بلادنا أنهن مخدومات يعشن ملكات
حتى إنه مارجع هذا النشمي إلا وجودكن
تحياتي

[تميم2222]

هههههههههههههههههههههه. كفو. ويستاهل الطيب والله.

[(هزاع)]

وعليكم السلام ورحمة الله وبركاته
خويك نشمي ويستاهل انت وهو الخير
بارك الله بك ورحم الله والديك

[دلهميز]

يارب ترزقنا باوتوبيس اصفر مبنشر ومغرز ومليان بنات معهن جوالات وذهب وشناط ماركة وكاش

شكرا يابيتر على هالسالفة الجميلة كجمال كاتبها

[الذيب سرحاني]

الله الرازق يستاهل الرجال على علمه الطيب


،،

[بيترالسروات]

هههههههههههههههههههههههههههههههه


ياسلام عليك أخي الغالي


بيتر السروات


قصة تجبر الواحد على قراءتها إلى آخرها


تتوالى فيها المواقف الطريفة


والمفاجآت وزاد من حلاوتها أسلوب الكاتب في سردها



تحياتي وتقديري


اعتذر لجميع الاخوان عن التاخر عن الرد باسباب ارتباطات العمل
والعذر من منكم جميعا ....

.....

هلا بالذيب والله ذوقك ومرورك الي تخلي الواحد
يسعد بمرور شرواك .

تقبل خالص التحية ..

[بيترالسروات]

السلام عليكم ورحمة الله وبركاته

حياك الله اخي الفاضل بيتر
النظره الشرعيه ورفالت السواق جت بفايده صلح لهم البنشر واستلم جوال
اشكرك على السالفه
دمت بحفظ الله
تحياتي وتقديري واحترامي

..قوافي..


تسلمين اختنا المبدعه قوافي

تصدقين مره اسعفت واحد وان شاء الله انها لله
حتى كلمة مشكور ما قالها
وخوينا جوال بشريحة

لاقام حظك باعلك واشترالك
ولا طاح حظك مع نفسك
هههههههههههههههههههه

[بيترالسروات]

هلا أخوي ( بيتر السروات ) حياك الله وحي ماجبت من علوم

عز الله إن خويك نشمي وراعي نخوه ويستاهل كل علم طيب أنا أشهد
ماشاء الله عليك سواليفك مميزة ورائعه كروعتك بارك الله فيك
ننتظر منك المزيد من هالسوالف الزينه حفظك الله ورعاك


ارحب تراحيب المطر حياك اخوي بندر
ذوقك اخوي هو الرائع
تسلم على مرورك

ولك خالص التحية .

[بيترالسروات]

ما خبرت لي راعي جمس معه حريم سيارته مبنشره ومغرزه

ودي اساعدهم لوجه الله

عندنا طريق طوله ثلاثين كيلو بوسط النفود اغدين باكر امتره رايح جاي كود القى

احد مغرز

لو جوال ابو كشاف يمشي الحال


هههههههههههههه
هلا وغلا اخوي مريقب العيفار
الجموس واجد لكن وين تحصل الذربيين
هذا بلاك ...

اسعدني مرورك الرائع .

[بيترالسروات]

هلا بيتر السروات قصة رائعة
يتبين منها خلال حميدة لنا كشعب والحمد لله
أفرزته عاداتنا وتقاليدنا والحمد لله
وهذا شاهد للنساء هنا في بلادنا أنهن مخدومات يعشن ملكات
حتى إنه مارجع هذا النشمي إلا وجودكن
تحياتي

حياك الله اخوي محمد
بالفعل كما اشرت ولله الحمد
وامر بها ديينا فاغاثة الملهوف ومساعدة عابر السبيل
من الامور التي لها اكبر الاثر في ترابط المجتمع وتلاحمه .

مشكرا اخي محمد على تعليقك الموفق ،،،

[بيترالسروات]

وعليكم السلام ورحمة الله وبركاته

خويك نشمي ويستاهل انت وهو الخير

بارك الله بك ورحم الله والديك


هلا اخوي هزاع
ما عليك زود
ورحم الله والديك على هذه الدعوة الجميلة

تقبل خالص تحياتي ...

[بيترالسروات]

هههههههههههههههههههههه. كفو. ويستاهل الطيب والله.


ما عليك زود

وهذا من طيبك

شكرا على مرورك اخوي تميم ...

[خيال النعام]

بيض الله وجهك على ذي السالفة

[بيترالسروات]

يارب ترزقنا باوتوبيس اصفر مبنشر ومغرز ومليان بنات معهن جوالات وذهب وشناط ماركة وكاش

شكرا يابيتر على هالسالفة الجميلة كجمال كاتبها

هلا وغلا اخوي دهليز
من خلال خبره المراه يمكن تعطيك الذهب والجوال لكن
الشنطه لا يمكن لا تسالني علن السبب
اجل تسير على جارتها جنب الباب والشنطه معها هههههههههههه

اسعدني مرورك تسلم .....

[بيترالسروات]

بيض الله وجهك على ذي السالفة

ووجهك اخوي خيال النعام

اسعدني مرورك تبل خالص التقدير ...

[االراسي]

حديث جميل ليس بغريب على مجتمع النخوة والكرم والشهامة والشجاعة ... وزد عليها الكثير من الصفات الحميدة
شكر الله لك حديثك ونفع به وأجزل لصاحب القصة الأجر والمثوبة

[ابوماريا]

سلمت الأيادي ياأخ بيتر
قصة شيقة وأسلوب راقي

والقصة تشججع اللي علومة نص ونص وما يحب الفزعة
انه يفزع بأول موقف يمر عليه يرتجي مثل جوال الرجال هههههههه

الله يعطيك العافي يابيتر
دمت بخير

[ابو البر]

حبه على راسك يالذيب
وهاذي علومنا من خلقنا والله لايغيرنا الا الى الأفضل
نشاما واهل فزعات
وان جاء شي من الله حياه الله
والأصل حنا ما نلتفت ورى.
وقد حصل معي موقف مع ثلاث سيارات كلها عوائل
وسياره وحده مبنشره / سويت رقعه للكفر وعبيته هواء
لآن اللي حولي شايفهم أجسام كبيره وعضلات (وبكلات بالشعر )
ولولا الحريم والأطفال مشيت وخليتهم
عطوني شوكلاته وأكلتها
هم يفتكروني اكلتها عشان اني احب الشوكلاتات
وأنا اكلتها عشان ارفع السكر شوي بعد المجهود.

[بيترالسروات]

بيض الله وجهك على ذي السالفة

ووجهك اخوي خيال النعام

شكرا على مرورك ودعوتك الجميلة ...

تقبل خالص التحية ..

[بيترالسروات]

حديث جميل ليس بغريب على مجتمع النخوة والكرم والشهامة والشجاعة ... وزد عليها الكثير من الصفات الحميدة



شكر الله لك حديثك ونفع به وأجزل لصاحب القصة الأجر والمثوبة


حياك الله وبياك اخوي الراسي

واعتذر عن التاخر في الرد بسبب ضروف العمل

بالفعل كما ذكرت اخوي
ولك خالص الدعوات على تعليقك ودعوتك الطيبة ...

[بيترالسروات]

حبه على راسك يالذيب

وهاذي علومنا من خلقنا والله لايغيرنا الا الى الأفضل
نشاما واهل فزعات
وان جاء شي من الله حياه الله
والأصل حنا ما نلتفت ورى.
وقد حصل معي موقف مع ثلاث سيارات كلها عوائل
وسياره وحده مبنشره / سويت رقعه للكفر وعبيته هواء
لآن اللي حولي شايفهم أجسام كبيره وعضلات (وبكلات بالشعر )
ولولا الحريم والأطفال مشيت وخليتهم
عطوني شوكلاته وأكلتها
هم يفتكروني اكلتها عشان اني احب الشوكلاتات

وأنا اكلتها عشان ارفع السكر شوي بعد المجهود.


اعتذر عن التاخر في الرد لضروف العمل .......


تحب الكعبة
وانا احب على راسك بعد

هههههههه
ماهي غريبة من اهل الطيب وبيض الله وجهك
لك خالص التحية

[ابواليوسف]

الله يجزاك الجنه الاسلوب حق القصه رائع

[النبهاني]

حيا الله اخوي بيتر السروات
الله يخلف على الاجواد
والحمد لله رزقهم الله بهالنشمي
ويستاهل كل خير
وانت تستاهل نجوم على هالسالفه
بيض الله وجهك

[بيترالسروات]

الله يجزاك الجنه الاسلوب حق القصه رائع


تسلم اخوي ابو اليوسف على هذه الدعوة
اسال الله لك بمثلها
وانت الرائع اخي بمرورك وتشريفك قصتنا ...

تقبل خالص التحيه ....

[بيترالسروات]

يستااااااهل والله عطاه ربي على قد نيته
قصه رااااااائعه

وانت اخوي نجد تستاهل الطيب

تسلم على مرورك ....

[بيترالسروات]

حيا الله اخوي بيتر السروات

الله يخلف على الاجواد
والحمد لله رزقهم الله بهالنشمي
ويستاهل كل خير
وانت تستاهل نجوم على هالسالفه

بيض الله وجهك


تحيا ودوم اخوي النبهاني
وانت تستاهل الطيب كله على
مرورك وتشريفك لموضوع اخوك
تسلم ولا يسلم ردي العزائم ..........

[فهد2012]

الله يرزقنا بجوال أأأأآآآأأآأأأآآأأآأأآقصصصديييي تغريزه :)

[صاحب الجيب]

الله يعطيك العافية
والله انها توسع الصدر

أجل أتمشى بالطريق السريع بونيت مع ماطور هواء وكفرات احتياط

هههههههههههههههههههههههههههههههههههه

[مصلح العمري]

هههههههههههه

عندك اسلوب في السرد جميل ورائع

لكن اما تبيع الجوال الهدية وتأخذ كم رأس حلال
هههههههههههههههههه

ياخي قدر هديتهم والكيس

[بيترالسروات]

الله يرزقنا بجوال أأأأآآآأأآأأأآآأأآأأآقصصصديييي تغريزه :)


هههههههه
هلا وغلا اخوي فهد
شكرا على مرورك

[بيترالسروات]

الله يعطيك العافية

والله انها توسع الصدر


أجل أتمشى بالطريق السريع بونيت مع ماطور هواء وكفرات احتياط



هههههههههههههههههههههههههههههههههههه



هلا وغلا اخوي صاحب الجيب
الله يوسع صدرك دوم
ههههههههه
شد حيلك صدقني اني اترقب بس ما طحت الا بتريلات,,,,,,
شكرا على مرورك

[بيترالسروات]

هههههههههههه

عندك اسلوب في السرد جميل ورائع

لكن اما تبيع الجوال الهدية وتأخذ كم رأس حلال
هههههههههههههههههه

ياخي قدر هديتهم والكيس


هلا وغلا
ذوقك هو الاجمل
ومرورك هو الاروع
الحلال طيب يا مصلح هههههههه