عكس كامري امريكية

[ابوحمد 999]

السلام عليكم ورحمة الله

معي كامري امريكي وعكسها خربان ابغى اعرف وش اللي يركب لها من العكوس لان قطع غيرها يختلف عن الكامري السعودي
فزعتكم لا هنتم

[mtc_959]

نفس السعودي وافضل طريقه خل اللي يركبه هو نفسه اللي يجيبه

انا غيرته طقم ب400 كامري امريكي اربعه سلندر مع شغل يد

[بدر سليمان]

خذ معك الاستمارة ورح لقطع غيار تويوتا (عبداللطيف جميل ) ويبي ياخذ رقم الشاص من الاستمارة ويحدد لك هل السعودي يركب لها او اي نوع وعادة الامريكي والسعودي قطع الغيار واحد وسبق ان مريت بتجربة قريبة منك.

[ابوحمد 999]

نفس السعودي وافضل طريقه خل اللي يركبه هو نفسه اللي يجيبه

انا غيرته طقم ب400 كامري امريكي اربعه سلندر مع شغل يد

المشكلة هي 6 سلندر

[ابوحمد 999]

خذ معك الاستمارة ورح لقطع غيار تويوتا (عبداللطيف جميل ) ويبي ياخذ رقم الشاص من الاستمارة ويحدد لك هل السعودي يركب لها او اي نوع وعادة الامريكي والسعودي قطع الغيار واحد وسبق ان مريت بتجربة قريبة منك.

جربتها بالدودة ما نفع من قبل طلعت دودة افلون بعد ما حفيت رجولي بالصناعية وانا شايلها على كتفي

[SGL]

السلام عليكم ورحمة الله

معي كامري امريكي وعكسها خربان ابغى اعرف وش اللي يركب لها من العكوس لان قطع غيرها يختلف عن الكامري السعودي
فزعتكم لا هنتم

وعليكم السلام ورحمة الله وبركاته
أخوي أبو حمد ياليت توضح موديلها وثاني شي أغلب القطع الميكانيكية لنفس موترك هي قطع لكززس وأفالون

[ابوحمد 999]

وعليكم السلام ورحمة الله وبركاته
أخوي أبو حمد ياليت توضح موديلها وثاني شي أغلب القطع الميكانيكية لنفس موترك هي قطع لكززس وأفالون

الموديل 2007 وفعلا قطع غيارها ما بين الافالون واللكزس والكامري السعودي

[ابوراما3226]

لااله الا الله

[ابوراما3226]

استغفر الله

[SGL]

أخوي أبو حمد فك العكس وروح النهدي وقلهم أعطوني عكس أوريون وقارنها وإن شاء الله إنه نفسه مافي فرق وإذا طلع مختلف وأنا مستبعد الشي هذا بس نقول يمكن قله عطني عكس افالون بس روح لنهدي حتى لو يطلبه لك وتقدر تقوله ابي عكس كامري امريكي إذا البائع الي في المحل خبره راح يعرف العكس المطلوب والي يركب عليها أما الشركة أبعد عنها ماراح يفيدونك راح يقولك رقم الهيكل مايقبله الكمبيوتر ﻷنها أمريكي تعرف زعلانين:mad:علشان مانشتري كامري سعودي:D

[ابوحمد 999]

أخوي أبو حمد فك العكس وروح النهدي وقلهم أعطوني عكس أوريون وقارنها وإن شاء الله إنه نفسه مافي فرق وإذا طلع مختلف وأنا مستبعد الشي هذا بس نقول يمكن قله عطني عكس افالون بس روح لنهدي حتى لو يطلبه لك وتقدر تقوله ابي عكس كامري امريكي إذا البائع الي في المحل خبره راح يعرف العكس المطلوب والي يركب عليها أما الشركة أبعد عنها ماراح يفيدونك راح يقولك رقم الهيكل مايقبله الكمبيوتر ﻷنها أمريكي تعرف زعلانين:mad:علشان مانشتري كامري سعودي:D

هو ما فيه الا ذا الحل تطبيق القطعة


شكرا عزيزي

[SGL]

العفو ياغالي
بس حسب المعلومات الي عندي إن العكس الي يركب عندك هو عكس أوريون بس حبيت إنك تاخذ القديم معك علشان كل شي يكون واضح قدامك والإحتمال الثاني عكس الأفالون والله يعينك ويسهل أمرك

[بدوي جنوبي]

اعتقد في جدة متوفر قطع الغيار
ابحث فى النت المحلات اللى تبيع

لا تحاول تولف حق اوريون الا اذا ما لقيت

بالتوفيق

[SGL]

اعتقد في جدة متوفر قطع الغيار
ابحث فى النت المحلات اللى تبيع

لا تحاول تولف حق اوريون الا اذا ما لقيت

بالتوفيق

هلا وغلا أخوي بدوي جنوبي
مايحتاج توليف من الاساس أصلن مكينتها مكينة اوريون او افالون واحيان كامري2012سعودي
وبخصوص المحل الي بجدة معروف وعندي رقمه إذا يبيه ابوحمد ارسله له على الخاص انا اذكر واحد من الشباب معه لكززس امريكي راح جدة لهذا المحل واشترى منه القطع وبعضها طلبيه يجيبها لك بعد اسبوع او اسبوعين

[عبقري91]

عندك ميزان القحطاني حق العكوس فنان ومشالله يولف ومعروف من زمان بصناعيه القديمة الرياض طبعن