الفزعه يارجال وعاجل والله يجزاء خير كل من يرد

[ابوخالد الحوس]

السلام عليكم ورحمة الله وبركاته
اخواني
شريت لي جمس حوض موديل 98 مكينه 350
8 براغي
غير عادي + دبل
ولكن للاسف بعد ماغيرت زيوته طلعت اصوات تكتكه بالمكينه والقير يقر ايضا
ووديته لميكانكي وافادتني ترس المكينه ولازم تنفك المكينه وازين لي اوضبها كااامله اغير جميع القطع
والقير لايوجد له قطع غيار لابد من التشليح اشتري قير ثاااني
وش نصائحكم
وكم التكلفيه تقريبا لتوضيب المكينه 350
وكم قيمة القير تقريبا وين احصلها في اي تشليح في الرياض
وكم قيمة ديكور الابواب الجانبية قزاز هندل والطبلون
والله يجزاكم عنا كل خير ويرحم الله والديكم
http://www.mekshat.com/vb/images/misc/progress.gif

[ابوراما3226]

سبحان الله

[ابوراما3226]

الحمد الله

[بندرفهد]

صوت التكتكه الي بالمكينه طرمبة زيت ان ماخاب ظني ويفيدونك الاعضاء اوماا القير ان كانك مغيره وهو زيت وكالته ماقد غير فهذا شي اكيد راح يطلع صووت ويقر لين الزيت من وكالته ماتغير وغيرته بزيت جديد وخفيف وضره ويفيدونك الاخوان

[MSAN]

هلا بك
لحظة شوي لا تستعجل

غالبا مكاين ٣٥٠ يطلع فيها صوت جنزير.. ويكون قريب من صوت طرمبة الموية.. والسيارة شغالة يكون الصوت/ طن طن طن طن طن والا تك تك تك تك..؟؟؟؟؟؟


لااا تستعجل

قرة القير في اي نمرة..؟؟؟

[MSAN]

على فكرة... كلها ماتحتاج توضيب الا اذا مانت تنقص زيت او تبخر زيت او فيها طقطقة قوية (طقطقة سبيكة) أو مكسورة

لااااتستعجل رد على اسئلتي


بالتوفيق

[ابو محمد 888]

سبحان الله

[ابوخالد الحوس]

الله يجزاكم كل خير
ويجعلها في موازين حسناتكم
بالنسبه للموتر انا شريته جديد ومسيته خط مابها شي المكينه غير القير بالرابع يقر وبعدها له تك تك
واليوم الثاني بعد مانقلته غيرت زيت وسيفون المكينه وشكيت على زيوته الثانية
وطلع صوت بالمكينه تك تك تك
والقير طلع صوت الثالث نفس الرابع صاار

[ملك الحد]

الله يكون بالعون
كيف شريتها ماقلبتها وفحصتها
عساك شريتها مناسبه في السعر لانها واضح تبغى منك قروش واجده
اعانك الله اخوي
تحياتي
اخوك الحدي

[ريثان القصيم]

السلام عليكم ورحمة الله وبركاته


وعليكم السلام ورحمة الله


اخواني
شريت لي جمس حوض موديل 98 مكينه 350
8 براغي
غير عادي + دبل
الله يبارك لك
ولكن للاسف بعد ماغيرت زيوته طلعت اصوات تكتكه بالمكينه
شيك على انبير ضغط الزيت اذا نازل مره غير جلبة طرمبة الزيت او طرمبه جديده
والقير يقر ايضا
يمكن مشكبية(حلقة)عصا القير مرتخيه تحتاج شد
ووديته لميكانكي وافادتني ترس المكينه ولازم تنفك المكينه وازين لي اوضبها كااامله اغير جميع القطع
لاتستعجل افحص عند 3مراكز متخصص امريكيه ولاتستعجل
والقير لايوجد له قطع غيار لابد من التشليح اشتري قير ثاااني
وش نصائحكم
عند مركز تريستار والله يعينك على الانتظار والتكلفه
وكم التكلفيه تقريبا لتوضيب المكينه 350
توضب اذا دخنت وعجعجت دخان ابيض فقط


والله يجزاكم عنا كل خير ويرحم الله والديكم


http://www.mekshat.com/vb/images/misc/progress.gif



الله يجزاكم كل خير
ويجعلها في موازين حسناتكم
بالنسبه للموتر انا شريته جديد ومسيته خط مابها شي المكينه غير القير بالرابع يقرر
وبعدها له تك تك
لاتغير زيت قير بس اشفط لتر وغلق زيت اصلي بعيار90 كل شتاء وامش عليه عادي اذا بدا يرجع العصا للفاضي وانت تمشي بعدها لازم تنزيل القير
واليوم الثاني بعد مانقلته غيرت زيت وسيفون المكينه وشكيت على زيوته الثانية
وطلع صوت بالمكينه تك تك تك
استنكر نوع الزيت الجديد اللي حطيته استعمل زيت اي نوع 10W30

والقير طلع صوت الثالث نفس الرابع صار
يمكن مشكبية عصا القير لاكن دام عصا القير مايرجع للفاضي الامور زينه

والله احكم واعلم

اخوك
ريثان القصيم

[ابوخالد الحوس]

الله يجزاكم خير ويرحم الله والديكم
وفيتم وكفيتم الله يبيض وجيهك
ولكن للاسف الموتر طلع يبيله توظيب
وياليت اللي عنده علم يفيدنا
عن مكائن 350 كم سعرها
وقير 5 غيار دبل كم سعره
وين احصله

[ريثان القصيم]

ارسله لورشة ابووليد الصمعاني بتشاليح مدينة بريده وان شاء الله يتيسر امرك

والله يعينك

اخوك

ريثان القصيم