انقطع سير التيمن جيب شاص

[San Francisco]

السلام عليكم ورحمه الله

معي جيب شاص 2006 واقف سنتين المهم قبل شهر ونص رجعت استخدم الشاص داخل الديره
قلت بطلع اتمشى عليه أخذت العزبه وطلعت ما امدان أكمل 100 كيلو إلا الموتر قال هذا مكاني
المهم طلع سير التيمن منقطم
بدلت ترس التيمن وسير التيمن طبقنا المكينة. شغلنا فيه صوت طقطقه زي طقطقه البلوف
رجعنا وصنفرنا البلوف فيه صوت رجعت وغيرت بلوف وفيه صوت
المهم فكيت المكينة اربع مرات الصوت جاي من جهت الصدر
غيرت صدر المكينة وطرنبه الزيت والتروس الي داخل الصدر الغالبيه مدري وش أسمائهم

المهم لازال فيه صوت طقطقه اذا دعست بانزيم زاد الصوت

مع العلم المكينة مامشت واجد حدود 70 ألف

أبي حل مليت وطاب خاطري من الموتر

[يكفيني نظرة]

اخبر ان الطقطقه تجي من السبايك اذا خبط الموتر.

[راعي المجهم]

الطقطقة بسبب المهندس ما ضبط لك عمود الكامات

اغلب المهندسين اذا فكو مكاين التويوتا 24 بلف مايطبقونها

صح بنسبة 90% قليل الي يضبط وزن عمود الكامامات

ارجع له وقله يوزن عمود الكامات صح واشرط عليه يروح الصوت

او خذ فلوسك منه ورح لواحد متخصص جيوب يضبطها ان شاء الله

[غدر الزمن]

غيرت تكايات سير التيمن او لا تاكد منها

[طحنون]

تكايات المكينه

[San Francisco]

لأول مره صنفرتها
ثمن غيرتها مع أنها سليمه

الصوت جاي من جهت صدر المكينة

وبالنسبة لعامود الكلمات ما انفك قبل

والله احترت مع هذا لصوت

شكلي بخليه يطبق المكينة وبمشي عليها لين تطق واعرف السبب

[العنابي 616]

أول شي المكينة ما فيها سير فيها جنزير
الصوت اللي تقول عنه يمكن يكون من شدادات الجنزير

[راعي المجهم]

اخوي اسمع الكﻻم الي يجمد على الشارب

خله يفك المكينة ويوزن عمود الكام

[San Francisco]

يقول وازنه

بس تدري بدور لي ورشه بالرياض فاهم بذي المكائن

الي يخبرلي ورشه شغلهم طيب وأمانه مع أن ها الأيام مافيه أمانه

يذكرلي ياها

عسى الله يكتب الي فيه خير

[رسلان الوايلي]

اخوي بم انا الموتر واقف من زمان والله العالم انه التكايت ناشفة غير تكايات

[العطيط]

وممكن يكون الجنزير ماهو مركب صح لانها صارت معي

[راعي-gx97]

الله يعينك اخي على هالورش اللي يتعلمون في سيارتنا .
اخي لك رسالة على الخاص ..

[ملك الحد]

الى اعرفه والله اعلم
اولا ان عند انقطاع السلسله التيمن يتم تبديل الدكايات والضغاط معاها
ثانيا عند انقطاع السلسله اخيانا تعمل بلاوي بالمحرك خصوصا الكامات تضرب البساتم
الله يعينك بس واضح المهندس ماهو شي

[خيال الغلبا]

ياليت سالت قبل تتورط مع هالغشيم

[v506]

شدادات وتكايات سير التيمن إحتمال كبير إذا كان الموتر ما دعست عليه ويكون صوت الطقطقه منتضم وإذا دعست رآح

لاكن انت تقول إذا دعست بنزين زاد الصوت فهاذى شيئ آخر,الله يعينك,

[San Francisco]

اليوم رحت لواحد بالصناعيه القديمة قال طلع علبه الدركسون وشف يروح الصوت ولا لا
اذا راح يبيلك تفك الصدر وتغير ثلاث بكرات حقت طرمبه الدركسون
وإذا ماراح احتمال من الكامات

[MSAN]

مدري عن التويوتا اذا يجي فيه شحاطات (شدادات) لجنزير التيمن والا لا..؟

تأكد يمكن منه.. يمكن يكون الجنزير مرتخي ويضرب في الصدر

[عاشق الشعبيات]

شف يالغالي فك سيور المكينة كلها وشغل السيارة ثواني وأرجع طف السيارة عشان ما تخبط
وتسمع للصوت إذا راح الصوت معناته عندك المشكلة خارج المكينة وأتوقع الصوت عندك من طرمبة علبة الدركسون.


إذا أشكل عليك شي راسلني على الخاص

[ابوفوزان]

اذا انت مو مستعجل جب الجيب عندي اشوفه لك

و اذا عجل على الموتر لا تجيبه

بالتوفيق يارب

[Essa zeed]

مااعتقد ان علبه الدركسون تطلع صوت طق طقه .

لان علبه الدركسون و المجموعه حقها اذا خرب فيها شي مايطلع صوت
لا ن مافيها تروس من داخل . هي مجموعه من عمود دركسون مرتبط ب المجموعه عن طريق ترس يتحرك
اذا حركت الطاره فقط . في داخل المجموعه عمود مسنن يتحكم به الدركسون .

ولكن الله اعلم ان بعض السيارات اذا انقطع جنزير التايمن . يعدم السبايك والبساتم
مش كل السيارات .. بعضها . الله يوفقك ياغالي

[San Francisco]

هذا مقطع من النت نفس الصوت الي عندي
http://youtu.be/c9GiVFFvgSY
هذا مقطع ثاني في الثانية ٥٨ نفس الصوت
http://youtu.be/WHpQgBJ2etE

لا زال الصوت مستمر أروح وأجي عليه

[صدى الاطلال]

الله يعينك ويفرج همك

[ابوراكان تبوك]

اول شي موترك مافيه سير تيمن

انت فكيت البلوف وماوزنت صفر البلوف صح ( اقراص صغيرة فوق البساتم لو اختلف واحد عن مكانه سبب مشاكل )

لها جدول توزن فيه ولا يطلع صوت طقطقه ويطيح العزم

[San Francisco]

اول شي موترك مافيه سير تيمن

انت فكيت البلوف وماوزنت صفر البلوف صح ( اقراص صغيرة فوق البساتم لو اختلف واحد عن مكانه سبب مشاكل )

لها جدول توزن فيه ولا يطلع صوت طقطقه ويطيح العزم

فعلا ابو راكان عزمه طايح وأحس فيه زي النتشه أو تفتفه بسيطه بالنسبه لسير التيمن أو جنزير التيمن هو الي منقطع

انت قصدك بلوف الهواء والنار اذا عندك الجدول حقهن الله لا يهينك نزله هنا
طبعا هذا غير صوت التكايات الصوت الثاني الي زي الطقطقة تحسه جهت الصدر يجي ويروح يزود ويخف

[ابوراكان تبوك]

فعلا ابو راكان عزمه طايح وأحس فيه زي النتشه أو تفتفه بسيطه بالنسبه لسير التيمن أو جنزير التيمن هو الي منقطع

انت قصدك بلوف الهواء والنار اذا عندك الجدول حقهن الله لا يهينك نزله هنا
طبعا هذا غير صوت التكايات الصوت الثاني الي زي الطقطقة تحسه جهت الصدر يجي ويروح يزود ويخف

صحيح وتسمع صوته كأنه ديزل لكن ما اقصد ترتيب البلوف اقصد ترتيب الاقراص حقت البلوف كل بلف له قرص بمقاس محدد والميكانيكي اللي ماهو متخصص يركبها ع البركه بدون جدول

والجدول يا اخوك ماهو موجود عندي ولو اعرف طريقته ماترددت في مساعدتك

انا ماكنت اعرف عنها شي لكن اعطاني معلومتها صديق ميكانيكي سعودي لو انك حول تبوك عطيتك عنوانه
طبعا هذا الميكانيكي كان عنده شاص 2001 وضبه راعيه مرتين بسبب المشكلة وصار صوت السياره زي الديزل وجابه لصاحبي
شفته يركبها يرقم القديمات اول بقلم خطاط وترتيب الجديده مكتوب على نفس الكرتون
الميكانيكيين اللي مايعرفوها يحسبون انها مثل بعض مع انها تختلف في السمك وشغلتها توزن البلوف



انت مر على الورش اللي تخصصها تويوتا وأسألهم عن صفر البلوف ( اقراص للبلوف شكلها مثل الهلل )

[San Francisco]

صحيح وتسمع صوته كأنه ديزل لكن ما اقصد ترتيب البلوف اقصد ترتيب الاقراص حقت البلوف كل بلف له قرص بمقاس محدد والميكانيكي اللي ماهو متخصص يركبها ع البركه بدون جدول

والجدول يا اخوك ماهو موجود عندي ولو اعرف طريقته ماترددت في مساعدتك

انا ماكنت اعرف عنها شي لكن اعطاني معلومتها صديق ميكانيكي سعودي لو انك حول تبوك عطيتك عنوانه
طبعا هذا الميكانيكي كان عنده شاص 2001 وضبه راعيه مرتين بسبب المشكلة وصار صوت السياره زي الديزل وجابه لصاحبي
شفته يركبها يرقم القديمات اول بقلم خطاط وترتيب الجديده مكتوب على نفس الكرتون
الميكانيكيين اللي مايعرفوها يحسبون انها مثل بعض مع انها تختلف في السمك وشغلتها توزن البلوف



انت مر على الورش اللي تخصصها تويوتا وأسألهم عن صفر البلوف ( اقراص للبلوف شكلها مثل الهلل )

صدقت يا ابو راكان المكينه ذي البلوف مالها ميزانيه ميزانيتها بالفناجيل أو غطيان البلوف زي الي بالصوره هذي محدده بالون البرتقالي
http://im38.gulfup.com/ucKgn.jpg?dwn=aW1hZ2UuanBn
الموتر الحين عند ورشت واحد سعودي شايب يشتغل بيده له أسبوع ويفك ويطبق يقول حيرني ها الصوت عجزت اصيده
انا بالرياض ماني حول تبوك لو ترسلي رقم صاحب الورشة استفسر منه يمكن يعطيني علم
ولا تدلوني على ورشه بالرياض يبخص بذي المكاين
ماودي أوصل مرحله أني أفرط المكينه وارجع اطبقها عشان اعرف العله انا مخليه آخر حل اذا قفلت
http://www.gulfup.com/?CZL4CM

[ابوراكان تبوك]

صدقت يا ابو راكان المكينه ذي البلوف مالها ميزانيه ميزانيتها بالفناجيل أو غطيان البلوف زي الي بالصوره هذي محدده بالون البرتقالي
http://im38.gulfup.com/ucKgn.jpg?dwn=aW1hZ2UuanBn
الموتر الحين عند ورشت واحد سعودي شايب يشتغل بيده له أسبوع ويفك ويطبق يقول حيرني ها الصوت عجزت اصيده
انا بالرياض ماني حول تبوك لو ترسلي رقم صاحب الورشة استفسر منه يمكن يعطيني علم
ولا تدلوني على ورشه بالرياض يبخص بذي المكاين
ماودي أوصل مرحله أني أفرط المكينه وارجع اطبقها عشان اعرف العله انا مخليه آخر حل اذا قفلت
http://www.gulfup.com/?CZL4CM

يا سلام عليك :good2::good2: هذا المقصود

احاول اجيب لك رقم راعي الورشة وارسله لك خاص

[San Francisco]

تسلم يا ابو راكان
هذا المقطع للفايده جالس يوزن البلوف مكينه تويوتا
http://youtu.be/SEfTV34Tceg

[San Francisco]

الحمد لله صدنا الخلل بس باقي التصليح
العطل من بكره الباور حق الدركسون أو علبه الدركسون فيه ترس يشبك مع ترس الكرنك هذي اعتبر أمرها سهل

بس المشكلة بوزن البلوف طبعا السباكين مدري المليصين الي يشتغلون بالصناعيه يقولك بلوف إلكتروني وذا جلست تقنعه قال إفك الرأس واوديه المخرطه احد يفك الرأس ويوزنه بالمخرطه مع العلم أن طريقه الوزن هذي هي

http://youtu.be/SEfTV34Tceg

بس ما حولك احد

[s1s1]

اذا بتبيع علمني