ابقى حل للسست الاماميه لجيب ربع

[رويشد المجدعي]

يا اخوان عندي جيب ربع موديل 98 مطبه قوي والكل يقول من السست الاماميه وفكرت اني اركب له يايات وخايف انها ماتظبط وماادري وش الحل
الموتر وكاله ولا ودي احط فيه شغل (مش حالك) ودي بالشغل الطيب
لكن نبقى المشوره من الطيبين اللي مثلكم وشرواكم

[ريثان القصيم]

يا اخوان عندي جيب ربع موديل 98 مطبه قوي
طبيعي
والكل يقول من السست الاماميه
واحد من اسباب قساوة مطبه
وفكرت اني اركب له يايات وخايف انها ماتظبط وماادري وش الحل
خوفك في محله ولو رحت مراكز متخصصه موهب زي شغل المصنع نصيحه انتبه واحذر انك تسويها

الموتر وكاله ولا ودي احط فيه شغل (مش حالك) ودي بالشغل الطيب
عشان كذا اقولك انتبه هذا نظام تعليق موهب مكينه اوقير
لكن نبقى المشوره من الطيبين اللي مثلكم وشرواكم
شوري لك لتخفيف المطب ركب جنوط مقاس15 وركب كفرات بالون يابانيه اوماليزيه كبيره بحث مايحكن وحط الهواء بالثلاثينات ولاتسرع وانتبه وقت المطر
وركب مرتبة سواق جيب تويوتا نص اللي سقفه فيبر لانها تجي مزوده بيايات بحيث ماتدري عن المطب

اخوك

ريثان القصيم

[رويشد المجدعي]

اخوي ريثان القصيم الله يعطيك العافيه
ومشكور على المشوره

[أصيل حجآ زي]

اخوك

ريثان القصيم



يا سلام عليك
يا ريثآن القصيم /// هذا الشور الطيب .
يعطيك العآفية .
:good2:


كيف تغير وتصون وتركب المـُسآعدآت بنفسك وبشحمك ولحمك { DIY } أشرطة وشروح وصور ؟؟؟؟؟؟؟ (http://mekshat.com/vb/showthread.php?t=463440)


أخبرك عن / مـُـسـاعـدآت (ماص النطنطة) يـهـرب زيت وخـربان وش الحـل ؟؟؟ ودفاشة بابك. (http://www.mekshat.com/vb/showthread.php?t=231104)

;)

[ابوراكان تبوك]

السست أفضل من الياي في المطب وفي المطامر ما ينقز زي الياي
اذا عدلت فيه بتسير قيمة السياره في الحضيض احسب قيمة القطع + القيمه اللي بتنزل من السياره عموماً بيكلفك قطع أصليه حول 5000 السعر هذا اذكره قبل حول 4 سنوات والاسعار تتغير
عندك نوع الكفر اذا كان يوكوهاما هذا الموت 12 طابق
بدله بـ دانلوب 6 طابق وخلي الهواء الازفلت بدون حمله 25 وفي الصحراء 20 صدقني بيزين معك الموتر
ان مانفع اسحب ريشه من السست الخلفيه وحط بين الريش قطع لستك
الاماميات مايتحملن السحب افرطها وحط بينها قطع لستك
وهاذي طريقتي

[اسدهم]

اسحب واحد صغيرة وحط بدالها اصغر تحصلها عند حقين السست في الرياض صناعية القديمة