المساعد الشخصي الرقمي

مشاهدة النسخة كاملة : بالفيديو، صوت طقطقة وقرقعة قوية من الخلف، مورانو


محمد آل عالي
09/11/2013, 04:07 PM
عن السيارة:

نيسان مورانو 2006

العداد: 260 ألف

السيارة من فئة SUV، الدفع الرباعي الجزئي 4WD. والدفع الأمامي هو الأساسي.

نوع الجيربوكس: تيبتونيك أو إكس ترونيك X-Tronic CVT Transmission أو (ناقل الحركة ذو التعشيق المستمر)

الحالة العامة: ممتازة، وأغلب التصليحات أول بأول وقطع أصلية.
---------------------------

قبل أسبوع تقريباً بدأت أسمع صوت حنة من أول ما تمشي، توقعت أنها من الكفرات ولازم تتبدل. لكن فحصت الكفرات ولا فيها شيء.

مع الأيام زاد الصوت، وقبل يومين بدأت تظهر طقطقة بسيطة وتطورت إلى أن وصلت حد (الإرهاب النفسي والهيستريا)

أرفق لكم مقطع فيديو يبين الصوت، ومصدره من الخلف:


fljS7VpI2TA

أظن المشكلة من الدفرنس أو الكرونه.

أحتاج تأكيدكم وما أحتاج إليه الآن، هل الدفرنس مكلف؟ هل أخذه من التشليح ولا الوكالة؟

لاهنتم.
التعـ King ـديل
09/11/2013, 06:18 PM
ممكن الدفرنس يكون فيه مشكله انا ماعندي خلفيه كبيره عن هالموتر

ولكن شيك على الدفرنس والكارونه والعمدان الخلفيه
كلاش2500
09/11/2013, 07:24 PM
الصوت مثل شى منكسر وقاعد يلفلف ....اتوقع والله اعلم ان في شى منكسر داخل الكرونة ومع حركة التروس يطلع الصوت....لابد من فك الكرونة والتأكد...لكن الافضل قبل كل شى انك ترفع السيارة وتشوف مصدر الصوت وين....
الشرقيه 03
09/11/2013, 10:54 PM
اخوي انت غيرت زيت دفرنس ؟ طبيت في حفره ولا شيء ؟

سواقتك للموتر كرف ولا ....؟

علمنا عشان نفيدك
ريثان القصيم
10/11/2013, 12:00 AM
عن السيارة:

نيسان مورانو 2006

العداد: 260 ألف

السيارة من فئة SUV، الدفع الرباعي الجزئي 4WD. والدفع الأمامي هو الأساسي.

نوع الجيربوكس: تيبتونيك أو إكس ترونيك X-Tronic CVT Transmission أو (ناقل الحركة ذو التعشيق المستمر)

الحالة العامة: ممتازة، وأغلب التصليحات أول بأول وقطع أصلية.
---------------------------

قبل أسبوع تقريباً بدأت أسمع صوت حنة من أول ما تمشي، توقعت أنها من الكفرات ولازم تتبدل. لكن فحصت الكفرات ولا فيها شيء.

مع الأيام زاد الصوت، وقبل يومين بدأت تظهر طقطقة بسيطة وتطورت إلى أن وصلت حد (الإرهاب النفسي والهيستريا)

أظن المشكلة من الدفرنس أو الكرونه.

أحتاج تأكيدكم وما أحتاج إليه الآن، هل الدفرنس مكلف؟ هل أخذه من التشليح ولا الوكالة؟
لاهنتم
افحص
الفلنجات
العكوس
الكارونه
والله احكم واعلم
.
اخوك
ريثان القصيم
كهرووب
10/11/2013, 01:03 AM
شيك على العكوس
محمد آل عالي
10/11/2013, 07:38 AM
ممكن الدفرنس يكون فيه مشكله انا ماعندي خلفيه كبيره عن هالموتر

ولكن شيك على الدفرنس والكارونه والعمدان الخلفيه




الصوت مثل شى منكسر وقاعد يلفلف ....اتوقع والله اعلم ان في شى منكسر داخل الكرونة ومع حركة التروس يطلع الصوت....لابد من فك الكرونة والتأكد...لكن الافضل قبل كل شى انك ترفع السيارة وتشوف مصدر الصوت وين....


اخوك


ريثان القصيم



شيك على العكوس



وهذا اللي بيصير إن شاء الله.

أمس وديتها لورشتين وقالوا الدفرنس يبي له تغيير. لكن بأدويها لأكثر من ورشة حتى أتأكد.


شاكر لكم
محمد آل عالي
10/11/2013, 07:46 AM
اخوي انت غيرت زيت دفرنس ؟ طبيت في حفره ولا شيء ؟

سواقتك للموتر كرف ولا ....؟

علمنا عشان نفيدك


"ضربت في مقتل"

على رغم حرصي على تغيير كل شيء أول بأول إلا زيت الدفرنس، غفلت عنه (لأن عمره طويل) لكني غفلت عنه مرة، وأتوقع 99% أن المشكلة منه.

السيارة الحين ماشية 260 ألف وما غيرته إلى يومك :(

وسواقتي من خفيفة إلى متوسطة، في الغالب مجرد خطوط طويلة. ولا مطبات ولا هم يحزنون. صوت الحنة ثم الطقطقة جت فجأة.
الشرقيه 03
10/11/2013, 09:52 AM
شكل الحنة طولت عندك مده وجاتك الطقطقه وكل يوم وهي تزيد ... اذا كان كذا

افحص الدفرنس والعكوس والرمانات
والفلنجات شكلك ماقد شحمتها تاكد منها

الله يزينها معك ورد لنا خبر
محمد آل عالي
10/11/2013, 05:02 PM
اليوم رفعها فني على الهيدروليك وواحد في السيارة، عشقها ودعس بنزين والكفرات بالهواء وجينا عند مصدر الصوت، فطلع من داخل الدفرنس نفسه. والصوت واضح ومزعج، وجاي من وسط الدفرنس.

الملاحظ أن الكفر الخلفي الأيمن يدور تقريباً بشكل عادي، لكن الكفر الخلفي الأيسر يدور ببطأ.

المهم رحت تشليح الدمام/الخبر (على طريق بقيق) ووالله أنها غالية دفرنسات المورانو. لقيتها على 4000 و 4500 و 5000.
وحظي طاح على واحد بـ 3000 بعد الدوجة واللفلفة، وبكرة إن شاء الله بأروح أخذه.

سألت سعره بالوكالة فقال لي بـ 9400 ريال، بعد الخصم 7000 ريال وممكن ينزل إلى 6500 ريال، والله المستعان.
محمد آل عالي
10/11/2013, 05:05 PM
واحد اقترح علي أفصل الدفع الخلفي مؤقتا حتى أسنع أموري.

وشوره ماهو بطال بصراحة.
الشرقيه 03
10/11/2013, 09:15 PM
اذا بتاخذ خله يعطيك ورقة ضمان على الدفرنس
مختوووومه باسم محل الشليح ,, واقرأ اللي مكتوب صـــح
وشف مدة الضمان والتوااااريخ

قبل لاتاخذ دفرنس من التشليح خذ معك فني دفرنسات
خله يفحص الدفرنس ويتاكد منه ..

لان بعضهم يضمنه لك مثلا شهر وتثق فيه ؟؟؟
وصاحب التشليح يدري ان الدفرنس مايطول اكثر من 3شهور مثلا
(( احتيال ))

انتبه منهم تكفى ترى صارت لولد عمي من نفس الشاليح
اللي رحت لها اخذنا دفرنس من عند محل قريب من سوق الحطب ووثقنا فيه
واعطانا ضمان شهر بعد انتهاء الضمان بـ 7ايام نسمع ونة الدفرنس
رحنا للتشليح مابه فايده اخر شيء قلت لولد عمي تجبــر بالله .. خله درس لك



واما عن فصل الدفع الخلفي بسأل كم واحد وبرد لك خبر
أصيل حجآ زي
10/11/2013, 10:50 PM
السلام عليكُم
عـزيـزي /
رُح بُكرة لأ بـو شـعـبـآن
مـُدير ورشة السروآت بـالـدمـآم .


يمكن تحصل
ولدهُ المُهندس / عبدالرحمن
قُل لهُ أبي أبو شعبآن /// يجي ما يتأخر .



أستشرهُ وخلُه يشرف على
تركيب الدفرنش أذا يحتآج تغيير هو أبخص بيدلك .
هو يعرف الطيب من النصآب من أهل التشآليح وبينفعك .

بـالـصـنـآعـيـة ( الخـُضرية)
غـربها بـالشـآرع الرئيـسي بها.


وأنـت جـآي مـن الـبـلـد من شـآرع سـعـود.


مـُجـرد تـتـعـدى أخر أشـآرة ///
أشـآرة ش عمر أبن عبدالعزيز / سـيـهـآت
وأنـت كـأنـك تـبـي الـجـبـيـل / رآس تـنـورة أو 71 أو 91.


يـصـآدفـك عـند المفرق الذي بعد
الأشـآرة بخط الخدمة الذي يتجه للخط الـسـريـع.
يوآجـهـك كـفـرآت بـريـلي الألـمـآنية على اليمين / شـعـآرهـ أحـمـر كـآتـم.
بـعـدها بـمـئـة مـتـر تـقريبآ تـد خـُل يـمـين بـالـشآرع الرئيـس.
على يمينك على طـول ورشة الـسـروآت لأبي شــعـبـآن.
لـوحة زرقاء بالزآوية بالخط الأبيض .
أبو شــــــعـبـآن : لأغلب السيآرآت


نصيحتي أن شاء الله ما تندم .
شآيب فلسطيني طيب وثقة .
أذا ما يعرف يدلك على الطيبين .


وسوف يعـلـمـك مـُشكلتك
بيفيدك . أن شــاء الله .
:good2:



قُل لُه أرسلني :
أبو عـبـد الرحمن


""" الأصـيـل الـحـجـآزي """
كلاش2500
10/11/2013, 11:23 PM
نصيحتى لك خذ الجديد اذا امكانياتك جيدة....وابعد عن التشاليح ونصبهم.....
قدر مكتوب
10/11/2013, 11:27 PM
نصيحتى لك خذ الجديد اذا امكانياتك جيدة....وابعد عن التشاليح ونصبهم.....


ابعد عنهم وهو صادق لعنه الله على من ينصب على المسلمين منهم كثير منهم ياخذ ويوضب وبعد سنه يطلع نفس المشكلة
San Francisco
10/11/2013, 11:37 PM
تأكد أن الدفرنس فيه زيت

نزل الزيت القديم وجبلك زيت ألماني ١٤٠ وخذلك علبتين دواء دفرنس تلقاه عند قطع الامريكي

جرب منتب خسران ممكن يفيد معك

اذا خف الصوت بعد شهر نزل الزيت وكرر نفس ألطريقه

تراها ما تكلف عليك ١٥٠ ريال
سبق وصارت معي بجيب شروكي وتسويتها و راح الصوت كان حتى بالمشي ثقيل
محمد آل عالي
11/11/2013, 06:04 PM
اذا بتاخذ خله يعطيك ورقة ضمان على الدفرنس
مختوووومه باسم محل الشليح ,, واقرأ اللي مكتوب صـــح
وشف مدة الضمان والتوااااريخ

قبل لاتاخذ دفرنس من التشليح خذ معك فني دفرنسات
خله يفحص الدفرنس ويتاكد منه ..

لان بعضهم يضمنه لك مثلا شهر وتثق فيه ؟؟؟
وصاحب التشليح يدري ان الدفرنس مايطول اكثر من 3شهور مثلا
(( احتيال ))

انتبه منهم تكفى ترى صارت لولد عمي من نفس الشاليح
اللي رحت لها اخذنا دفرنس من عند محل قريب من سوق الحطب ووثقنا فيه
واعطانا ضمان شهر بعد انتهاء الضمان بـ 7ايام نسمع ونة الدفرنس
رحنا للتشليح مابه فايده اخر شيء قلت لولد عمي تجبــر بالله .. خله درس لك

واما عن فصل الدفع الخلفي بسأل كم واحد وبرد لك خبر


ألف شكر لك على ردك، ونصيحتك في محلها. وكنت حريص على الضمان. باقي لهم شيء عندي فما أتوقع يبون المرمطة :)
محمد آل عالي
11/11/2013, 06:08 PM
السلام عليكُم
عـزيـزي /
رُح بُكرة لأ بـو شـعـبـآن
مـُدير ورشة السروآت بـالـدمـآم .


يمكن تحصل
ولدهُ المُهندس / عبدالرحمن
قُل لهُ أبي أبو شعبآن /// يجي ما يتأخر .



أستشرهُ وخلُه يشرف على
تركيب الدفرنش أذا يحتآج تغيير هو أبخص بيدلك .
هو يعرف الطيب من النصآب من أهل التشآليح وبينفعك .

بـالـصـنـآعـيـة ( الخـُضرية)
غـربها بـالشـآرع الرئيـسي بها.


وأنـت جـآي مـن الـبـلـد من شـآرع سـعـود.


مـُجـرد تـتـعـدى أخر أشـآرة ///
أشـآرة ش عمر أبن عبدالعزيز / سـيـهـآت
وأنـت كـأنـك تـبـي الـجـبـيـل / رآس تـنـورة أو 71 أو 91.


يـصـآدفـك عـند المفرق الذي بعد
الأشـآرة بخط الخدمة الذي يتجه للخط الـسـريـع.
يوآجـهـك كـفـرآت بـريـلي الألـمـآنية على اليمين / شـعـآرهـ أحـمـر كـآتـم.
بـعـدها بـمـئـة مـتـر تـقريبآ تـد خـُل يـمـين بـالـشآرع الرئيـس.
على يمينك على طـول ورشة الـسـروآت لأبي شــعـبـآن.
لـوحة زرقاء بالزآوية بالخط الأبيض .
أبو شــــــعـبـآن : لأغلب السيآرآت


نصيحتي أن شاء الله ما تندم .
شآيب فلسطيني طيب وثقة .
أذا ما يعرف يدلك على الطيبين .


وسوف يعـلـمـك مـُشكلتك
بيفيدك . أن شــاء الله .
:good2:



قُل لُه أرسلني :
أبو عـبـد الرحمن


""" الأصـيـل الـحـجـآزي """



وعليك السلام ورحمة الله

أبو شعبان عندي خبره من أول، أخذت رقمه من مشاركة لك في أحد المواضيع رداً على عضو، وكلمته أمس.

لكن لأني كنت مستعجل والطريق طويل، قلت أمره نهاية الاسبوع بدفرنسي القديم والدفرنس الجديد.


فادني كثير وصفك لمحله، بأقدر إن شاء الله أوصل له بسرعة.

أصيل حجازي، طيب أصل.

فجزاك الله خير.
محمد آل عالي
11/11/2013, 06:11 PM
نصيحتى لك خذ الجديد اذا امكانياتك جيدة....وابعد عن التشاليح ونصبهم.....


ابعد عنهم وهو صادق لعنه الله على من ينصب على المسلمين منهم كثير منهم ياخذ ويوضب وبعد سنه يطلع نفس المشكلة

إي والله، الجديد ما مثله ، لكن اللي ما يطول العنب........... حامض على بوزه :(
محمد آل عالي
11/11/2013, 06:22 PM
أعزائي المكشاتيين وكل من تفضل بالمشاركة مشكوراً


ما استجد معي إلى عصر اليوم:

- نظراً لحالة سيارتي اللي ما تسمح أحركها كيلو واحد قررت تغييرها في ورشة في الجبيل الصناعية محل ما وقفت، ولحسن حظي كانت ورشة جديدة وعمالة فلبينية والورشة فيها تجهيزات وعدة ممتازة.


- الشخص اللي اتفقت معه بسعر 3000 من التشاليح اللي على طريق بقيق بالمنطقة الشرقية صار فيه تأخيير ومرمطة... فقلت له: بأشوف غيرك. ولقيت واحد اليوم الصباح بـ 4000 باقي ما انفك من السيارة. توكلت على الله وأخذته.

- رجعت للورشة بالجبيل وبدأنا فك الدفرنس، أخذ الفك ساعة وعشرين دقيقة.


http://dc341.4shared.com/img/3e64tSZh/s7/142479c87b0/20131110_104106.jpg?async&rand=0.834431485272944



http://www.4shared.com/download/SOGsKjkC/20131110_104132.jpg?tsid=20131111-151700-27ee91b8


- حطينا الدفرنسين جنب بعض للمقارنة، والملاحظ على الدفرنس القديم حق سيارتي: خروج زيت أسود ومعه برادة المعدن الداخلي، ورائحة زيت ثقيل نسبياً، كأنه محروق ومنتهي.



مع تدوير الرمان يطلع الصوت والقرقعة من الوسط. ويمكن الإحساس بها، كأن شيء يلعب داخل.



وللتأكد، قمت بفكه وتدوير الرمان لوحده وكان سليم وسلس في الدوران. أما عند تدوير التروس الداخلية يُسمع الصوت، وأجد مقاومة.


http://www.4shared.com/download/FuqxYtR_/20131111_134626.jpg?tsid=20131111-151810-fe312b2e



http://www.4shared.com/download/ES-m4Vib/20131111_134530.jpg?tsid=20131111-151828-aa8f877b



وبالنسبة للدفرنس اللي شريته من التشليح، كان راكب على السيارة وكنت موجود وقت الفك، حتى أتعبهم شوي، واقفة عندهم حسب كلام العامل 6 سنوات، مما يعطي إشارة بأن (عمره طويل إن شاء الله) :) ونظيف.


http://www.4shared.com/download/7rZk9nyI/20131111_130209.jpg?tsid=20131111-151856-5c7123f1


والزيت اللي كان يخرج منه لونه وردي ورائحة الزيت كما ينبغي أن تكون، وفرق واضح جداً جداً عن الزيت اللي في الدفرنس الخربان والدفرنس هذا، فرق السماء عن الأرض.


http://www.4shared.com/download/ri64xVZ4/20131111_130300.jpg?tsid=20131111-151926-fec0047a

تطمنت أكثر، تم تركيبه في ساعة تقريباً، والتجربة بعدها كانت ممتازة ولله الحمد والمنة.

http://www.4shared.com/download/rK6yeVl0/20131111_130315.jpg?tsid=20131111-151949-78caf3df



الضمان عشرة أيام والدفرنس ما زال تحت التجربة.


وأشكركم جميعاً على مداخلاتكم الجميلة
الشرقيه 03
12/11/2013, 12:07 AM
الله يجعل اللي ركبته خير لك ويكفيك شره

اخوي مدام الضمان 10 ايام
خل مشاويرك واجد ... ثالث يوم ولا الرابع
امسك خط الهافمون (( مافيه ساهر *_^
وقفل القزاز واسمع ززين
مثلا خلك على 80 فتره بسيطة وبعده 90 ........
الى جميع السرعات بس انتبه للخط يكون فاضي
ويفضل اخر الليل

ولا روح للي دلك عليه مشرفنا الغالي اصيل حجازي وخله يفحصه

والله يوفقك
محمد آل عالي
12/11/2013, 04:54 PM
ما أدري ليه ما ظهرت الصور

لكن محاولة ثانية
محمد آل عالي
12/11/2013, 05:43 PM
القديم الخربان:

http://dc698.4shared.com/img/SOGsKjkC/142479f2f60/20131110_104132.jpg (http://www.4shared.com/photo/SOGsKjkC/20131110_104132.html)



اللي جبته من التشليح:
http://dc341.4shared.com/img/ri64xVZ4/14247a359c8/20131111_130300.jpg (http://www.4shared.com/photo/ri64xVZ4/20131111_130300.html)




القديم بعد الفك:
http://dc341.4shared.com/img/ES-m4Vib/14247a6f790/20131111_134530.jpg (http://www.4shared.com/photo/ES-m4Vib/20131111_134530.html)


http://dc702.4shared.com/img/FuqxYtR_/14247a9ce20/20131111_134626.jpg (http://www.4shared.com/photo/FuqxYtR_/20131111_134626.html)
محمد آل عالي
12/11/2013, 05:44 PM
الله يجعل اللي ركبته خير لك ويكفيك شره

اخوي مدام الضمان 10 ايام
خل مشاويرك واجد ... ثالث يوم ولا الرابع
امسك خط الهافمون (( مافيه ساهر *_^
وقفل القزاز واسمع ززين
مثلا خلك على 80 فتره بسيطة وبعده 90 ........
الى جميع السرعات بس انتبه للخط يكون فاضي
ويفضل اخر الليل

ولا روح للي دلك عليه مشرفنا الغالي اصيل حجازي وخله يفحصه

والله يوفقك


وهذا اللي في البال، وفقك الله.
:)
محمد آل عالي
12/11/2013, 05:57 PM
تأكد أن الدفرنس فيه زيت

نزل الزيت القديم وجبلك زيت ألماني 140 وخذلك علبتين دواء دفرنس تلقاه عند قطع الامريكي

جرب منتب خسران ممكن يفيد معك

اذا خف الصوت بعد شهر نزل الزيت وكرر نفس ألطريقه

تراها ما تكلف عليك 150 ريال
سبق وصارت معي بجيب شروكي وتسويتها و راح الصوت كان حتى بالمشي ثقيل

لا لا الدفرنس واضح جداً من صوته وثقل حركته أنه منتهي ولا عاد منه فائدة.

خلاص ركبنا اللي من التشليح وعلى وشك أطش القديم..


شاكر لك مشاركتك تجربتك.

ممكن تفيدنا مع الأيام.

:)