أستفسار: حول الخزان او الراوية للمخيم ؟

[مرسي الزناتي]

السلام عليكم

يا اخوان انا عندي مخيم جديد وللحين ماركبنا الخزان او الراوية

واحتاج نصائحكم و مشورتكم هل اخلي الخزان على الارض والآخر فوق قاعد وكم الارتفاع

او اكتفي بالخزان اللي فوق القاعده ؟ ويعبيها الوايت وهو فوق ؟ وهل يمكن ذلك

او اكتفي بالخزان وهو على الارض ؟

علماً بأني احتاج ذلك للمطبخ وتكرمون دورة المياه


انتظر نصائحكم بالاضافة لو تدلوني على شخص متخصص في التمديد للسباكة وبقية الامور

[مريقب العيفار]

مرحبا فيك يا مرسي

الراوية اذا كانت مرتفعة فوق طعس فدفع الماء يبي يوصل الماء للخزان العلوي

اما اذا كانت على مستوى ارضية المخيم فتحتاج دينمو او ماطور ماء

والتمديد سهل اي سباك تخبره باللي تبي وهو ينفذ

اما كونك تكتفي بالخزان اللي فوق فماهو صحيح

لان الخزن اللي فوق صغير مقارنة بالراوية

وممكن في يوم يفضى الخزان العلوي وانت مو كل يوم راح تجيب الوايت

الراوية تشيل الكبيرة تشيل ١٨ الف لتر

والاصغر منها تشيل ١١ الف لتر

الخزان العلوي كم يشيل ١٠٠٠ لتر مثلا

وانت احسبها

بالتوفيق لك وللجميع

[روقي نجد...]

وعليكم السلام ورحمة الله وبركاته...

كلام أخي مريقب العيفار كافي ووافي...

وأزيد على ذلك الفرق في القيمة فالراوية مثلا10 الآف لتر بـ 1500ريال تقريباً لأجود الأنواع
والخزان(الحنفية)تقريباً1000 لتر بـ 1000 ريال للنوعية الجيدة...

[مرسي الزناتي]

بيض الله وجيهكم

طيب اخوي مريقب تعطينا فكرة عن افضل الراويات ومن وين مكان شراءها واسعارها لو تكرمت

بالاضافة للخزان العلوي وش اللي تنصحنا فيه

ويعطيكم الف عافيه على المرور يا كرام

[تربة الشمال]

الخزان اخوي الف لتر افضل من الراويه لانه خفيف وتضعه في المكان الي تحتاجه

[مكشاتي النماص]

الراوية ممتازه بس الله يكرمكم الكلاب تقطعها

[مرسي الزناتي]

الله يعطيكم العافيه

انا قررت احط خزان على الارض علشان يعبي منه الوايت وخزان تكرمون فوق دورة المياة وامد منه للمطبخ

لكن مدري كم الاحجام اللي مفروض احطها


الله يعطيكم العافيه وكل من يتفاعل معنا ويفيدنا بما لديه