الفزعة ياشباب

[Hawi]

السلام عليكم ورحمة الله وبركاته

إخواني الأعزاء عندي نيسان ارمادا 2007
في الطلوع الشديد او النفوذ ترتفع فيه الحرارة
غيرت التماتيك حق المروحة وبلف الحرارة
وتصييخ رديتر وموية خضرا أصلية
وللأسف المشكلة مازالت قائمة
أرجو من الإخوان الي يعرف ما يبخل علينا

[ابوراكان تبوك]

اذا مايتعدى النص في الحراره كل السيارات الكبيره ترتفع حرارتها في الطلوع او التطعيس

[Hawi]

أنا مني راعي تطعيس
لو غراز بسيط
وتوصل الفل الا ان وقفت

[Hawi]

يارجال للحين مالقيت حل
الي عنده خلفية لا يبخل علينا

[MSAN]

طيب كيف الحرارة على السرعات العالية..؟؟
لما تمسك به خط وتكون ماشي حول ١٤٠ كيف الحرارة..؟؟؟

[ريثان القصيم]

السلام عليكم ورحمة الله وبركاته
وعليكم السلام ورحمة الله
إخواني الأعزاء عندي نيسان ارمادا 2007
في الطلوع الشديد او النفوذ ترتفع فيه الحرارة
غيرت التماتيك حق المروحة وبلف الحرارة
وتصييخ رديتر وموية خضرا أصلية
وللأسف المشكلة مازالت قائمة
أرجو من الإخوان الي يعرف ما يبخل علينا
-ركب مراوح تبريد خارجيه مع فاصل داخل السياره واستعملها
بالزحمه
والتطعيس
والطلوع الشديد
-نظف الاديترات ومابينها اديترمكينه واديتر وقير واديتر مكيف بهواء المغاسل ثم غسلها بماء المغاسل ضغط قوي ثم نشف بهواء المغاسل السيارات
-فرغ دبات البيئه وشوي من الدبه الكبيره
ملاحظه
بيطلع صوت قوي من الشكمان

اخوك
ريثان القصيم

[سفاري فتك]

انت تقول ترتفع في طلوع النفوذ اذا كانت الحرارة طبيعية عند حركة السيارة طبيعياَ بدون نفوذ فالسيارة
مافيها شئ المشكله انك تجور عليها في النفوذ لانها تكون بنمرة قوية اثناء الطلوع وعادي جداَ انها ترتفع
السيارات كلها كذا ماهو سيارتك بس الجور في النفوذ يهلك السيارة ,,,

[Hawi]

اشكر جميع الإخوان علي التفاعل
بالنسبة للمبردات والليات مشيكينها ومسيخ الرديتر
وبالسرعات الي ١٦٠ مافي حرارة طبيعي جداً
وبالنسبة للنفود أنا مني راعي نفود ولا أجور عليه أبد
المقصد انه حتي في الطلوع ترتفع الحرارة
يعني الضغط من يوصل ٣ بدت الحرارة

[بلحارث]

ياخوي لاتمشي على السيارة نهائيا حتى تحل مشكلة الحرارة عشان ماتدخل في متاهات خراب للمكينة او الراس عندك عدة اسباب لارتفاع الحرارة منها
الردايتر مسدود تاكد من تنظيفه
البلف
كلتش المروحة
الخراطيم
السير المرتخي
طرمبة الماء