طريق حرض

[ابوهتون]

يا شباب اولا احب ان اشكر القائمين عاى هالمنتدى الرائع....ولي طلب صغير وهو(انا معي عائله وسيارتي فورد اكسبلورر,دفع رباعي,وساكن في شرق الخرج ..15كم على طريق حرض-الامارات..وحبيت اطلع البر معى عائلتي ان شاء الله يوم 4 شوال ..فما هي الاماكن التي استطيع ان اذهب لها...مع العلم بأنه لايوجد لدي جارمن...وسلامتكم)

[طناف]

ابو هتون

مرحبا بك

أنت شرق الخرج . وش جاب طاري الأمارات ؟


نصيحة لوجة الله لاتذهب بعائلتك بهذا الطريق ... حرض ,

باالعربي

مقطعة

[خيال الصبحا]

السلام عليكم


هلا باهل الخرج

والله ياخوك لين الحين
مايساعد الجوا.مدام ماجت
الامطار والسيول والخير ما
تلقى مكان زين.لكن انتظر لين
يزين الجو.والله يفرجها.

عندك السوط (تمسك طريق العيون
لين تتعدا الدلم وتجيك لوحته بعد الدلم
بشوي )أيام الامطار تزين الارض هناك
وعندك خفس دغرة والخبي.حول السوط

وعندك شرق الخرج الريف.
وغيره لكن الجو الحين مايساعد
واذا مصمل على الطلعه اطلع لمزرعه
ثاني عيد او 3 عيد تشوف المزارع وتفحص
المكان الي تبي تجيه

وسلامتك

[ابوهتون]

الله يعطيكم العافيه..حبيت اوضح انا ساكن على طريق حرض...مانيب رايح للامارات..بس حبيت اسأل وشو افضل مكان للتنزه حولي..

[ابوهتون]

وينكم مااحد رد..

[قلب الداهيه]

يارجال عندك طعوس الأخوين والله من المغرب الى الفجر براد يدغدغك على كيف كيفك بس أهم شيء لا تنسى دلة القهوة وابريق الشاي بجنب النار أهمممممممممممممممممممممممممم شي الفصفص



وشــــــــــكــــــرا

[حسن مسفر]

والله اذا انت معزم على الطلعه فالله يعينك على الجن
ومن يوم تطلع والشيخ السديس خله شغال على طول
والله عن تجربه ولا قلت الا الصدق

[ابوهتون]

اولا كل عام وانتم بخير..بمناسبةعيد الفطر...واحب ان اشكر كل من شاركني في الرد على موضوعي..والذي لديه اي اضافه فحياه الله...وسلامتكم..

[كشات]

هلا وغلا بابو هتون

وكل عام وانت بالف خير
والله يعيده عليك وانت باتم صحه وعافيه


لدي تعقيب على كلام اخوي حسن مسفر

ياخوي الجن ما يخلى منهم مكان
حتى وانت تقرا كلامي الحين يمكن واحد منهم لابد تحت الكرسي حقك (سم بالله)

ابو هتون
العايله الله يحفظها ويخليها لك ويخليك لهم لايدرون عن هالكلام
اطلع ووسع صدورهم واكشتو واستانسو وشبو ضويتكم واطبخ لهم ان حصل
ولاهوب جايكم شي (ماكتبه الله عليكم او لكم) ماعليك الا باذكار الصباح والمساء الوارده عن خير البشر عليه الصلاة والسلام
وقول اعوذ بكلمات الله التامات من شر ماخلق 3 مرات اذا وصلت المكان اللي تبي تقعد به قله انت وكل اللي معك حتى الشغاله
ولاهوب جايكم شي باذن الله

واتمنى لك طلعه وكشته توسع صدوركم خصوصا الاطفال وهذا اكيد عيدهم قبل لايكون عيدنا

[ابوهتون]

مشكور اخوي كشات(لن يصيبنا الاما كتب الله لنا)..مشكور على النصيحه الغاليه..

[faad]

اخي هتان
السلام عليكم ورحمة الله وبركاته
انصحك بالذهاب الى غرب نعجان حيث الجبال وجبل ابو ولد ثم تعد الى شعيب السويس حيث الاشجار والهواء الطلق والطريق الموجه اليه امسك طريق الملك سعود وسط السيح واتجه الى الطريق المتجه للعيون حتى ياتي اليك كبري نعجان ثم الى الصحنة ثم ثاني اشارة المتجهه الى جامع ابن باز ثم امسك طريق العين .


اخوك :faad