اكرمكم الله دورة مياة لمخيم ثابت

[مرسي الزناتي]

السلام عليكم

اخواني انا غشيم ومابي العمال يلعبون علي

انا شغال على مخيم ثابت واحتاج مشورتكم اكرمكم الله في طريقة انشاء دورة مياة لمخيم ثابت او بمعنى حول 6 شهور

اتمنى تفيدوني وتفيدون من يحتاج لسؤالي خصوصا اني اميل لجدران بلك او اذا كان لديكم اقتراح افضل

[ابو ســــاره]

فيه دورة مياه جاهزة معها مغسلة خارجية او مغسلتين فيبر جميع الاجزاء سعرها بحدود 1500 ريال شكلها جميل وانيق ومرتبة .

اذا تبي شي رخيص بلكاش خشب اربع الواح تحصلها عند اللي يبيعون معدات المخيمات في الجنادرية

[مرسي الزناتي]

انا مشكلتي في كيفية التصريف هل اعمل بيارة تكرمون والا برميل ؟ والبرميل يخدم لمددة كم ؟ سنه سنتين ؟ وطريقة تركيبة

هل اخليها جدران بدون قاعده ولا سقف صبه ... محتاج رايكم

[باترول2115]

السلام عليكم ،،، وبعد

أخي الحبيب فصل لك دورات مياه ( شنكو ) عند أي حداد يفصل لك على حسب المقاس الي يريحك والأرضيه تصبها بعد ماتركب دورت المياه تجيب لك سباك يركب لك كرسي المرحاض وبعدها تصب الصبه ،، أنا مسويها عند بالمخيم ومن افضل مايكون ، فيه نقطه اساسيه عند تفصيلك لدورات المياه قول للحداد يزيد ٥٠ سم في زوايا دورت المياه من تحت لكي تغرسها بالأرض لكي تثبت جيد.

[من متى]

بخصوص البياره الله يكرمكم مايحتاج جدران خل الشيول يحفر حفره تسد اللزوم والسقف خله خشب وبلاكاش

[نديم التنهات]

اخوي فيه في شارع سعد بن عبدالرحمن بعد الدائري في اتجاه الشرق وفيه عند مفرق الفريان
خذ حمام عربي او افرنجي بكيفك لاكن العربي افضل واعمل حفره بعمق 70 الى 80 سم
خلفه بالظبط وكب فيها كيسي 2 ملح خشن وغطها بشينكو وادفن وبعدين خذ لك شداد الي يستعملونه التريلات لشد البضائع
واعمل صبتين من يمين ومن يسار الحمام كرمت ومن يقراء
وطلع من الصبتين حديد معكوف واربط الحمام من فوقه بالحديد الي في الصبتين وشده و وكل الله من الريح لا تطيره
انشاء الله اصور لك طريقتي هذي وارد عليك لاحقاً

[abdullah-337]

انا افضل البلكاش من شارع البعارين رخيص ممكن سعر البلكاش لحاله 200 ريال وباقي عدة السباكه وكيس اسمنت ممكن 80ريال
وتركيبه سهل انا بنفسي اركبه مع حارس المخيم وتمديد السباكه بلي عادي للحنفيه والشور والشطاف لا تمدد بمواسير حتى الشور اشتر راس الشور ومحبس ووصل بينهم بليات
واذا خلصت ومو عاجبك شكله اشتر سطل بويه صغير وشوي قاز وفرشاة وانطلها على الحارس يدهنه لك
وغير كذا اذا انتهاء المخيم اتركه لا تشيله مو خساره
اسئل حارس مخيمكم او اي مخيم جمبكم بيشرحلك طريقة البيارة وتركيب الكرسي الله يكرمكم

بالنسبة لدورة المياه الفيبر عن نفسي اشوف انه غالي سعره 1200 جديد بدون تركيب وتوصيل. ومقرف شيلته او تحريكه نهاية الموسم

[مرسي الزناتي]

والله يا جماعه احترت

انا المخيم اللي بسوية شبه ثابت ... لكن انا بالرياض اذا احد يعرف محل او عامل قد سواها له وجاز له شغله ياليت يزودنا فيه

مدري اشتري لي فيبر والا اخليه شينكو والا مثل ما قالو الاخوان خشب .... ما ادري عن اثر المطر والهوى على كلن منهن

وياليت اذا فيه صور مثل ماقال اخونا نديم التنهات يزودنا به .... ترى الموضوع يهم شريحة كبيره خصوصاً هالوقت

لا تبخلون علينا بتجاربكم


وبخصوص البرميل او تكرمون البيارة .. كم عمق الحفره اللي نحفرها ونحط فيها البرميل وهل يكون مكشوف من الجهه السفلية ومن الجوانب مفتوح بفتحات .... زودونا بتجاربكم الله يحفظكم ويحفظ لنا هالمنتدى

[rigidman]

الامر بسيط جدا وعن تجربة

الحمام خلها خشب افضل لتشتيت الحرارة يكفيك 2x2 متر صندقة صغيرة وخل العامل يركب عربي وافرنجي ومكانه يبعد 10 امتار عن الجلسة واذا انت في الشرقية يكون جنوب العزبة عندنا الرياح شمالية وقس على ذلك

تحفر حفرة بحجم برميل النفايات البلاستيك سعة 200 لتر وتكون خارج الحمام مسافة مترين وتشبك المواسيرة على البرميل و وتسوي فتحة اسفل وجوانب البرميل 1 بوصة البرميل من الجهة الثانية وتدفنه وشبك على المرحاض تكرم وتنتهي السالفة ويخدم معك سنين والتكلفة البرميل الازرق البلاستيك سعره في السوق اقل من 50 ريال من الحراج حجم 200 لتر والتمديدات وشغل اليد ماتعدى 400 ريال .

يسر الله امرك

[rigidman]

بالنسبة للهوا وصد الرياح بالامكان وضع اطارات مستعملة حول المكان