المساعد الشخصي الرقمي

مشاهدة النسخة كاملة : اصحاب الخبره وال مرسيدس 560 الفزعه تكفون


Fawazfff--
11/11/2013, 11:31 AM
انا عندي تفتفه او تقطيعه بسيطه بالسياره اذا سخنت وانت ماشي عليها وعندي صوت قرقره بالعمود الشيال علما باني غيرت جلدته وغيرت كل القطع الكهربائيه بالسياره والتفتفه باقي موجوده اثناء المشي وهل للشكمانات دخل بالتفتفه والله يعطيكم العافيه
SGL
11/11/2013, 03:58 PM
انا عندي تفتفه او تقطيعه بسيطه بالسياره اذا سخنت وانت ماشي عليها وعندي صوت قرقره بالعمود الشيال علما باني غيرت جلدته وغيرت كل القطع الكهربائيه بالسياره والتفتفه باقي موجوده اثناء المشي وهل للشكمانات دخل بالتفتفه والله يعطيكم العافيه

ماعمري شفت مرسيدس بنز أو بي أم مافيها تفتفه ولي تجربه في مرسيدس بنز كوبيه أربع سلندر إستخدام أمريكي موديل92 كنت أسوي التفتفه وترجع خلال شهر أو شهرين وتخف يوم نسافر عليه وتدري أيش سببها البخاخات ﻷننا غيرنا كل شي صفاي بنزين واسلاك بواجي وطرمبة بنزين وبواجي وفلتر هوا تخف شوي بس يوم نغير البخاخات تظبط طبعآ أنا مالي في الألماني ولاأطيقه ومن أفشل السيارات عندي(راي شخصي علشان مايزعلون علينا عشاق الألماني:D)لاكن صاحبي شراه ولبشني فيه صرت انا الي اسويه يوم يخرب ﻷن الرجال مشغول وفي النهاية حلفت ان هذا البنز مااشوفه ﻷنه غثني والرجال باعه والله ان فرقاه عيد ههههه أعذرنا على الشطحه وكثر الكلام بس الى الآن ونا حاقد عليه:mad:
خط الجبيل
11/11/2013, 04:49 PM
انت تقول التفتفه تجي والسيارة ساخنه

وأنا أقولك شيك على طرمبتين البنزين والكتاوت حقها

وبعدين اذا تحس بنفضه دور على فاهم يوزن موزع البخاخات

أغلب المهندسين لاجيت عنده قالك غير وغير يبي يلهط دراهم وبس

شيء منت متأكد منه لاتغيره

والبنز مايحب الوقفه يبي خطوط
ابوكشتات
11/11/2013, 04:51 PM
ماأزيد على اخوي S G L شيك على طرمبة البنزين ودائما المرسدس 8 سلندر اغلبها طرمبة بنزين
BLAZER91
12/11/2013, 01:49 AM
شيك على الكويل انا كان عندي 560 وكانت المشكله من الكويل واسلاك البواجي
Fawazfff--
12/11/2013, 10:29 AM
يعطيكم العافيه جميع وماقصرتوو وعزالله مامثل الالماني بالسيارات وخصوصاا المرسيدس
بوالجمايل
16/04/2014, 12:59 AM
ارحب ي رجال عندي مرسيدس 560 موديل 1990
طول واقف يمكن حوالي شهر وبعد ماجيت اشغله
يدق سلف لكن مايبغي يشتغل ومو اول مرة هذي
اذا وقف مايشتغل واسحبه للورشه ومادري وشو يصلحون فيه
وثم يأخذون مني هذيك القيمة ،،

الفزعه ي رجال والمشكلة الكهرب واصل للبواجي ،،
إبو محمد
16/04/2014, 02:42 AM
اخوي وش غيرت بالضبط
بخاخات وصفاية بنزين وبواجي؟
متقاعد مبكر
16/04/2014, 02:55 AM
حسب ما اعرف ان منضم البخاخ (العنكبوت) يحتاج لتنظيف والاخ الذي يقول مايشتغل له بعد الوقفه ينسم اي مسمار في العنكبوت ويدق سلف حتى يطلع الهواء ثم يقفله ويشتغل له تقبلوا مروري