راعي العجراء
11/11/2013, 02:30 PM
السلام عليكم ورحمة الله وبركاته
اليكم هذه السالفه
بعنوان راعي العجرا والدباب
والسالفه قديمه اعتقد عام 1388 هـ او 1387 حسب ذاكرتي
وانا رابط التاريخ في بيت سكناه وطلعنا منه عام 1390 طبعا البيت من الطين
ندخل بالموضوع كان مع ولد عمي دباب مثل حق البقالات اللي يوصلون الطلبات بالشكل اما النوع مدري مدري هو سوزوكي اوهو هوندا وفيه نوع ثالث يسمى ياماها هذا اللي انا اذكر وفيه دباب
هوندا يسمى دباب خرينق واعتقد تسمى على وكيله فلان الخرينق بالبطحاء يفتح شرق عندالغرابي
المهم ولد عمي حار واقشر وحمقي اذا حمق يعض ماهو يده بس الا يعض اصابع رجليه واحد واحد ماتسمع الا صياحهن تقل ميت لهن احد ولا يركد الا اذا شاف الدم طالع منهن كن اصابعه ماهي له مايرحمهن ولايكسرن خاطره واحيان يطلع حبيب تقول عسل على قشطة ابوتاج الاصلي بس لايزعل
ويوم من الايام ولاه عندنا مبسوط يسولف ماعندك باحسن منه اخلاق وطيبه وابشر وسم واللي تبيه لايردك الا لسانك ياطيبه طيبه لولا الحمق
قالت امي الله يرحمها ماتجيب لنا بريال خبز من الخباز اسرع الطقطقان (الاولين يسمون الدباب طقطقان ) من روحة ابوجلمبو على رجليه
وشمس والجو حار
قال ابشري هذي الساعة المباركه تامرين امر انا واحد من عيالكم
عادالريال ذاك الحين يجيب 8 خبز ولوتكاسره عطاك عشر بريال سمحين الاولين
قال مايخالف بس يروح معي راعي العجرا يمسك سرا ويمسك الخبز على الدباب
قالت مايخالف وانا سمعت قولت مايخالف وانا على طول اطمر ولاي فوق الدباب
ركب ولد عمي الدباب وانا متمسك بثوبه وقام يهندل حتى اشتغل الدباب ومشينا وانا معه فرحان ياخشتي من عرض الابتسامه واصلة اذاني تشوف ضرس العقل مع اللوز
وكل مامر من عند العيال اللي انا اعرفهم تزيد الابتسامه حتى خفت تنفتق الخشه على الاذان
وبي زمره لوتقسم على سكان فيتنام كفتهم ورجعوا الباقي بالصراحه فرحه لاتوصف ولافرحتي ليلة عرسي على ام جلمبو بس اتلفت مره يمين ومره شمال
ودي كل ٍ يشوفني وانا راكب دباب هذي اول مره اركب الدباب
يوم انتصفنا بالطريق قال ولد عمي معك ريال الخبز قلت لا ماخذته من امي حسبتك انت ماخذه
انا طلعت عند الدباب
قال يعني ماجبت الريال
قلت لا
قال وتبينا نروح نشتري خبز بدون فلوس وكل هالمشوار ومامعك الريال
انا دريت انه زعل علطون خشتي عقب الابتسامات صارت نقطة بصحيفه رسم من صغره
طبعا ان مفوحج على الدباب رجل شرق ورجل غرب والدباب يمكن سرعته بين الا ربعين والخمسين
وهو ينزل من الدباب ويخليني راكب على الدباب بدون سواق وهو يقوطر الدباب وانا رديف
تدرون ليش حول
شايف عصا يبي ياخذها يلومدني فيها
الدباب بدا يجنح شوي شوي الى ذيك السكه السد ولا يصفق الا بعايرها واطيح انا وياه
ويطيح فوقي وانا على فتحة ارجولي الى الحين مستوعبن طيحت الدباب ماتعودن عليها اول مره يركبن الدباب متعودات على صقلة احمار طيحة من فوق جدار فلقة عاير
اما طيحت دباب ماتبرمجن عليها بتلن على حلهن ماتغيرن بس صارن حمر من شكمان الدباب والجروح
لاشفت رجولي وجروحي الحمر تقول تحويله طريق سريع
عاد صغير ماقوى اشيل الدباب حتى دبابه نجس مثله ماوخر عني وهو يجي يمي ويشيل الدباب حسبته تحسف وراحمني
وهو يمغط العصا على ضهري ويكمل الناقص من دبابه النجس
المشكله ماقوى على النحشه رجولي مثل السيكل اللي منقطع جنزيره تدرج وهو في محله
هو اخذ دبابه وراح وانا اذن العصر ماوصلت البيت
والوالده الله يرحمها اشتقت ابطينا عليها وبرد غداها وتقول عسى مافيهم شي
ويوم دخلت عليها قالت وش فيك حادث وين ولدعمك وانا وجهي غادي اسبوع الشجره من الخضار والاوان الزهور
وول عمي قعد ثلاث شهور ماطب بيتنا لما تاكد اني تعافيت
بالله عليكم مارحمتوني بالرغم ان السالفه قديمه وواقعيه
ياهل المنتدى ماترحموني = لا وعذابك يابو عجرا
اما افزعوا ولا اتركوني = وتعوذوا من كل شيطان
انتهت السالفه
وقبل الختام سبحانك اللهم وبحمدك لااله الاانت استغفرك اللهم واتوب اليك
مع تحيات اخيكم
راعي العجرا
ولايه مدغشقر _ اليونان
اليكم هذه السالفه
بعنوان راعي العجرا والدباب
والسالفه قديمه اعتقد عام 1388 هـ او 1387 حسب ذاكرتي
وانا رابط التاريخ في بيت سكناه وطلعنا منه عام 1390 طبعا البيت من الطين
ندخل بالموضوع كان مع ولد عمي دباب مثل حق البقالات اللي يوصلون الطلبات بالشكل اما النوع مدري مدري هو سوزوكي اوهو هوندا وفيه نوع ثالث يسمى ياماها هذا اللي انا اذكر وفيه دباب
هوندا يسمى دباب خرينق واعتقد تسمى على وكيله فلان الخرينق بالبطحاء يفتح شرق عندالغرابي
المهم ولد عمي حار واقشر وحمقي اذا حمق يعض ماهو يده بس الا يعض اصابع رجليه واحد واحد ماتسمع الا صياحهن تقل ميت لهن احد ولا يركد الا اذا شاف الدم طالع منهن كن اصابعه ماهي له مايرحمهن ولايكسرن خاطره واحيان يطلع حبيب تقول عسل على قشطة ابوتاج الاصلي بس لايزعل
ويوم من الايام ولاه عندنا مبسوط يسولف ماعندك باحسن منه اخلاق وطيبه وابشر وسم واللي تبيه لايردك الا لسانك ياطيبه طيبه لولا الحمق
قالت امي الله يرحمها ماتجيب لنا بريال خبز من الخباز اسرع الطقطقان (الاولين يسمون الدباب طقطقان ) من روحة ابوجلمبو على رجليه
وشمس والجو حار
قال ابشري هذي الساعة المباركه تامرين امر انا واحد من عيالكم
عادالريال ذاك الحين يجيب 8 خبز ولوتكاسره عطاك عشر بريال سمحين الاولين
قال مايخالف بس يروح معي راعي العجرا يمسك سرا ويمسك الخبز على الدباب
قالت مايخالف وانا سمعت قولت مايخالف وانا على طول اطمر ولاي فوق الدباب
ركب ولد عمي الدباب وانا متمسك بثوبه وقام يهندل حتى اشتغل الدباب ومشينا وانا معه فرحان ياخشتي من عرض الابتسامه واصلة اذاني تشوف ضرس العقل مع اللوز
وكل مامر من عند العيال اللي انا اعرفهم تزيد الابتسامه حتى خفت تنفتق الخشه على الاذان
وبي زمره لوتقسم على سكان فيتنام كفتهم ورجعوا الباقي بالصراحه فرحه لاتوصف ولافرحتي ليلة عرسي على ام جلمبو بس اتلفت مره يمين ومره شمال
ودي كل ٍ يشوفني وانا راكب دباب هذي اول مره اركب الدباب
يوم انتصفنا بالطريق قال ولد عمي معك ريال الخبز قلت لا ماخذته من امي حسبتك انت ماخذه
انا طلعت عند الدباب
قال يعني ماجبت الريال
قلت لا
قال وتبينا نروح نشتري خبز بدون فلوس وكل هالمشوار ومامعك الريال
انا دريت انه زعل علطون خشتي عقب الابتسامات صارت نقطة بصحيفه رسم من صغره
طبعا ان مفوحج على الدباب رجل شرق ورجل غرب والدباب يمكن سرعته بين الا ربعين والخمسين
وهو ينزل من الدباب ويخليني راكب على الدباب بدون سواق وهو يقوطر الدباب وانا رديف
تدرون ليش حول
شايف عصا يبي ياخذها يلومدني فيها
الدباب بدا يجنح شوي شوي الى ذيك السكه السد ولا يصفق الا بعايرها واطيح انا وياه
ويطيح فوقي وانا على فتحة ارجولي الى الحين مستوعبن طيحت الدباب ماتعودن عليها اول مره يركبن الدباب متعودات على صقلة احمار طيحة من فوق جدار فلقة عاير
اما طيحت دباب ماتبرمجن عليها بتلن على حلهن ماتغيرن بس صارن حمر من شكمان الدباب والجروح
لاشفت رجولي وجروحي الحمر تقول تحويله طريق سريع
عاد صغير ماقوى اشيل الدباب حتى دبابه نجس مثله ماوخر عني وهو يجي يمي ويشيل الدباب حسبته تحسف وراحمني
وهو يمغط العصا على ضهري ويكمل الناقص من دبابه النجس
المشكله ماقوى على النحشه رجولي مثل السيكل اللي منقطع جنزيره تدرج وهو في محله
هو اخذ دبابه وراح وانا اذن العصر ماوصلت البيت
والوالده الله يرحمها اشتقت ابطينا عليها وبرد غداها وتقول عسى مافيهم شي
ويوم دخلت عليها قالت وش فيك حادث وين ولدعمك وانا وجهي غادي اسبوع الشجره من الخضار والاوان الزهور
وول عمي قعد ثلاث شهور ماطب بيتنا لما تاكد اني تعافيت
بالله عليكم مارحمتوني بالرغم ان السالفه قديمه وواقعيه
ياهل المنتدى ماترحموني = لا وعذابك يابو عجرا
اما افزعوا ولا اتركوني = وتعوذوا من كل شيطان
انتهت السالفه
وقبل الختام سبحانك اللهم وبحمدك لااله الاانت استغفرك اللهم واتوب اليك
مع تحيات اخيكم
راعي العجرا
ولايه مدغشقر _ اليونان