عندك خبره بتوضيب جمس تفضل (مساعده)

[مآلقيت اسم]

السلام عليكم ورحمة الله وبركاته

اخواني الكرام
انا طلعت مكينة الجمس 350 فكيتها اليوم بالبيت
وبي اوظبها فكيت كل شي منها وفكيت راس وباقي الثاني بكره انشاء الله


ابي منكم لاهنتو يصحاب الخبره


اذا فيه نصائح او خبرات تردو علي لني اول مره اوظب


بصراحه عندي مكينه ثانيه بس انا انسان ابي اتعلم مابي اكون نايم
في الحركه بركه




وش افضل وجيه اركبها
وش القطع اللي يبي لها تغير
هل اخرط الراس والسلندرات
الوزن شفت مكينيكي يوزن السلندرات وعرف سر. الطبخه


ومشكور اللي رد علي واللي قرا
ويارب اتوفق
قريب بنزل موضوع كامل بالصور
لانجح التوظيب
دعواتكم

[alse7es]

مالك إلى قطع فدلر درجة أولى

[حاميش]

وش المشاكل اللي كانت بالمكينة قبل لا تفكها ؟

هل فيه حرارة ؟ أو صوت سبايك ؟

ولكن الأشياء الأساسية طقم وجيه أصليه + طقم سبايك ثابته ومتحركه + طقم شنبر إذا كانت البساتم سليمه وما يحتاج خرط للسلندر أما إذا السلندر يحتاج خرط لابد تركب بساتم أكبر مع شنابره

وتشيك على الذرعان حقت البساتم إذا هي سليمه أو لاحقها حراره وفيها ميله

تودي الراس للمخرطه يصنفرون البلوف ويطبقون جلد البلوف والتيمن

لو نعرف وش وضع المكينة قبل الفك نقدر نفيدك

[كهرووب]

السلام عليكم ورحمة الله وبركاته

القطع اللي تحتاجها

1 - طرمبة زيت اصلية
2- طقم وجيه والافضل يكون اصلي
3- سبائك ثابت + متحرك على نفس مقاس خرط العمود
4- شنابر والافضل تكون اصلية
5- بساتم إذا تخرط السلندر او يكون عندك في البساتم مشكله
6- جنزير اذا القديم سليم ماتحتاجه
7- بلوف

بالنسبه للمخرطه

1- تخرط السلندر اذا كان فيه شفه واذا كان نظيف مايحتاج خرط
2- بالنسبه للروس اذا تكون متاكله لازم تسوي لها مسح وكمان لازم تسوي صنفره + فرز للبلوف

[مآلقيت اسم]

عندي مكينتين الاولى فيها عمود كرنك وهذي لسى مابديت فيها

الثانيه هذي دخلها ماء وجيمت وهذي اللي فكيتها


من ناحية السلندرات بعد مافكها بوريها مكانيكي وهو بيقول اذا تحتاج خرط او لا


وبصراحه وربي انكم نشاما ورجال


وردودكم وربي افادتني


ربي يرزقكم ويوسع في رزقكم بحق ربنا فهو كريم


الف مليون شكر وما نستغني عنكم


essa zeed بيننا تواصل ربي يسعدك

[مآلقيت اسم]

في رد محذووف ارجو من الاداره ارجاعه ولكم فائق الاحترام

[حسين السبيعي]

الله يوفقك ونعم الرجل الذئ يتعلم ويشتغل بيده