دخل في سيارتي ثعبان

[لبتون]

طريقة اخراج الثعبان من السياره دخل من جهة الكفر الامامي وتم البحث عنه لمدة ثلاث ساعات ولا حصلنا لها اثر مع اننا متأكدين انها لم تخرج من السياره ...... والي عنده حل لايبخل علينا

[التمسساح]

الله يكون في عونك راح يجيك وسواس

[عقاااب]

السلام عليكم ورحمة الله وبركاتة
اسمع اخوي
/ لبتون \
في طريقه ان شاء الله تنزله
خذلك فلفل قرون ودور القرن الجاف . .
وبخره تحت السياره
بس انتبه لا تستنشقه ولا تقرب من الدخان لانه ضاااار وقاتل
انتبه !

[طحنون]

عط موترك درباوي نص ساعه ويطلع غصب عنه
دعابه
والله مشكله
ربك ييسرها

[Blackhawk]

الله يعينك

غسل بستم

[Ababidoo]

أعتقد ان هناك اجهزة تصدر موجات فوق الصوتية لايسمعها البشر وتزعج القوارض وماشابهها ....
وأظن أن هذا الجهاز في ساكو بالرياض ...
والبعض موجود كبرامج في بعض الجوالات الذكية ....
وماذا عن غسيل السيارة بستم ....

[عتووب]

عسى ربي يعينا ويعينك

رح للزراعه عندهم دواء

يطلع الدواب بكل انواعها

[محمد ابن عيد]

-

ي ألغالي ألثعبأن سام !! أم لآ
مألك ألا تغسل ألموتر كأمل ( بستم ) و أن شاء ألله يطلع أن كانه موجود
لكن م أتوقع أنه كل هألمده ف ألموتر لكن ألحمد لله انه برا ألموتر
ولآ هو دأخل لكن لآ تدخل ألموتر دأخل ألبيت خله برا أن شاء ألله يطلع

[منسدح واقف]

رش أسفل السيارة بديزل وأتركها ساعة قبل غسلها بالماء




وأذا كانت السيارة قير عادي فك تلبيسة القير قد يكون مختبئاً هناك

جميع الزواحف ماتتحمل رائحة الديزل .

[ودق الغمام]

السلام عليكم ورحمة الله وبركاته ....بالنسبة لسؤالك عن دخول الثعبان السيارة...
غالباً أنه لايجلس في السيارة في وقت الصيف أكثر من يوم ..ينزل مع شدة الحرارة ..
ولاتقلق وغالباً الثعابين الخفيفة تكون غير سآمة...والحمدالله قد أعطيت قدرة وجرأة على مسك الثغابين . ..ولعله إن شاء الله قد خرج..

[طير جنون]

اقراح فيه مجازفه بس يمكن يفيدك

إلبس ملابس 3 او 4 من والفروهـ معك وإلبس بسطار كنادر أعزكم الله وتلحف زين من كل مكان بجسمك واركب الموتر وامسك طريق وخله يحتمي وصدقني ما يجلس ولا دقيقه

[XRAY MAN]

إغسله بستم ديزل وبعدها خله يستخدم مسدس الماء القوي وصدقني يطيح

[لبتون]

شاكر جميع من شاركو
بحثت عن البستم في الرياض ولا لقيت ممنوع في كل المحطات بجرب اني اروح حريملا او العيينه لعلي احصل عندهم بستم

[راعي الرجم]

فليت الضباب اسلم لموترك ولكن ابحث عن مكان مكتوم توقف السيارة وتشغل فليت الضباب

[مطاع شمس]

انا دخل فى سيارتى ثعبان صغير غير سام كان الولد يعبث به وراح تحت المراتب وش الحل

[مغرب القنص]

اخوي خذ إطار سيارة قديم واحرقه بجانب السيارة لن يمكث هنالك لانه لا يتحمل رائحة الكواتشو ....مجربة عندنا على مر العصور

[لبتون]

غسالنا السياره قبل شوي بستم بالديزل ولا طلع شي لكن نقول ان شالله انها اكتمت وماتت

[مغرب القنص]

غسالنا السياره قبل شوي بستم بالديزل ولا طلع شي لكن نقول ان شالله انها اكتمت وماتت
حط لنا صورته لو ما عليك امر لما تلقي القبض عليه شكرا

[عام1433]

رش بنزين وسكر السيارة ربع ساعة يموت في 5 دقائق واذا كان بالبدي رش تحت السيارة بنزين في دقائق ينزل وهو ماهو صاحي

[ناصح]

أخي الفاضل

الثعبان دخل لغمارة السيارة أم تحتها فقط من جهة المقصات والدفرنس والقير ..؟؟

[بوابراهيم ع]

إذا داخل القماره بخر السياره باللبان أو أي بخور قوي وكثيف يخنق الحيه ويخرجها من مكمنها

[يا عمليات]

الله يعينك

[تميم2222]

والله اذا هي ام جنيب فبعه وهو في محله وافتك. اما. زاروق وخرابيط. ؛). فماعليك الاالعافيه. بس خل جنبك تمر. وبنزين

[speed62]

بسيطه اخوي اربط حزام الامان وإمش طبلون السياره اهم شي شيك على الكفرات قبل:)
اذا تبي مغسله تظرب بالبستم وتغسل السياره غسيل يدوي(فرك باليدين) من تحت البدي والشاصي إلخ..
علمني على الخاص وأبشر

[حسـام]

أقراء المعوذات وأركب سيارتك وتوكل على الله
ولا عليك منه داب ولا غراب ولا اللي يكون ..
ولا أضنه لايزال موجود
وحتى ان كان موجود قله (تموت الحيه وسمها في رأسها )

[hail_ksa]

انقع رشاد بماء وحطه في صحون بلاستيك 4 تحت السياره و 2 داخل السياره
وبإذن الله ينزل ويعلن التوبه .. الثعابين ماتقرب الرشاد من على بعد 500 متر

حط الرشاد وانتظر نزوله من الموتر علشان تطمن

[أبوعبدالاله]

السلام عليكم ورحمة الله وبركاتة
اسمع اخوي
/ لبتون \
في طريقه ان شاء الله تنزله
خذلك فلفل قرون ودور القرن الجاف . .
وبخره تحت السياره
بس انتبه لا تستنشقه ولا تقرب من الدخان لانه ضاااار وقاتل
انتبه !




سبحان الله

معلومة أول مرة أسمع بها جزاك الله خير

[أحب الطيب]

للمعلوميه وللفائدة :: رش ورش السيارة من تحت بــ مبيد حشري خل السيارة تبخر بالمبيد وأحذر يكون حولك نار او اي شرارة نار ... يمكن يبيلك اربع حبات مبيد لهذا الامر ...

ثم ابتعد عن السيارة وخل معك ساكتون واذا نزل وابتعد عن السيارة صوبه او بطريقته الفنيه ,,,

[الأجودي]

انا سبق دخل تحت سيارتي ورحت غسلته بستم بالديزل لين داخ ونام

[قادم من قريب]

فجر الموتر :D:D

أمزح أمزح

والله يعيينك

[الخاطف2013]

اقرب بنشر خذ لساتك او من الكفرات الخربانه

وولع فيها وبينزل على طول غصبن عن والديه الطريقه مجربه ١٠٠٪

[AbuAdel_99]

الله يكون في عونك

[نايس × كول]

عندك حلين

الاول غسيل بستم بديزل

الثاني الزراعه يعطونك دواء يقتل الثعبان

حاول توقف السياره قريبه من مستنقع ماء ممكن ينزل فيه