سعود الراشد
21/10/2006, 11:47 AM
انا هواي اوسلوتي شبة النار =والربع مني عن يمين اويسارا
ودلال صفرن ريحها بن وبهار=رسلان يعباله جديد البهارا
يجذب شذا ريحه لنا كل خطار=اوفنجالها للي خطرنا ايدارا
برضن خلا مفروشتن عشب وازهار=شرقن من المظهور اولينه يسارا
فيها الحيا أوريح البختري اونوار=والطير غرد بالفضا واستدارا
اوراع القنص بين المشاجير دوار=ابوادي خثال امدورين الاحبار
ياما حلا الشيهان والحر لاطار=هدوه بسبوقه ورى الخرب طارا
ولا السحيراماتمله الابصار=من حسنها عيني ابوصفه تحارا
تسرحبها وضح اومجاهيمن ابكار=حلون لبنهامايشوبه مرارا
يالله يارحمن ياول الاقدار= يالي لك ابقلبي عظيم الوقارا
يامنجي ابراهيم من لاهب النار=اوياحافضن من ايدفرعون سارا
تنشي سحابن من على نجدحدار=يخيل براقه بعيد المسارا
وازيزارعوده له صدى بين الاحجار=اولاناض براقه كمااشهب نارا
ينزل عليناغيث في كل الاقطار= وبلن يعم ابنفع كل الديارا
اوصلات ربي عدماتثمر اشجار=وعدادمايطلع علينا النهارا
على النبي الهاشمي صاحب الغار=شفيعنا يوم الخلايق حشارا
قالها سعووود
ودلال صفرن ريحها بن وبهار=رسلان يعباله جديد البهارا
يجذب شذا ريحه لنا كل خطار=اوفنجالها للي خطرنا ايدارا
برضن خلا مفروشتن عشب وازهار=شرقن من المظهور اولينه يسارا
فيها الحيا أوريح البختري اونوار=والطير غرد بالفضا واستدارا
اوراع القنص بين المشاجير دوار=ابوادي خثال امدورين الاحبار
ياما حلا الشيهان والحر لاطار=هدوه بسبوقه ورى الخرب طارا
ولا السحيراماتمله الابصار=من حسنها عيني ابوصفه تحارا
تسرحبها وضح اومجاهيمن ابكار=حلون لبنهامايشوبه مرارا
يالله يارحمن ياول الاقدار= يالي لك ابقلبي عظيم الوقارا
يامنجي ابراهيم من لاهب النار=اوياحافضن من ايدفرعون سارا
تنشي سحابن من على نجدحدار=يخيل براقه بعيد المسارا
وازيزارعوده له صدى بين الاحجار=اولاناض براقه كمااشهب نارا
ينزل عليناغيث في كل الاقطار= وبلن يعم ابنفع كل الديارا
اوصلات ربي عدماتثمر اشجار=وعدادمايطلع علينا النهارا
على النبي الهاشمي صاحب الغار=شفيعنا يوم الخلايق حشارا
قالها سعووود