بخصوص الكبسه نرجو الافاده

[الارطل]

اخواني
ابي اسوي كبسه من دون لحم كيف الطريقه لو تكرمتو
يعني ابي اللحم شوي

[الارطل]

وين اهل الكبسات

[ماجد الحايلي]

قصدك تبي تطبخ رز بلحاله واذا خلص المشوي تحطه فوق الرز
كذا او لا

[النادر2000]

افضل طريقة انك تطبخ اللحمه لين تقرب تستوي
ثم تطلعها وتحطها على الشبك فوق جمر هادي علشان تتحمر
وتطبخ الرز على مرقة اللحم
جربها وتبي تدعي لي

[النووي 2009]

زيت
بصل
ملح وبهارات
طماطم او معجون طماطم او طماطم مقشورة اللي في العلب
رز منقوع لمدة عشر دقائق بعد غسله أفضل علشان يستوي بسرعة
الطريقة /

حط الزيت والبصل وخلة ينحمس إلى مايصير لونه غامق
بعدها حط الطماطم ولو فيه مرقة ماجي احلى واحلى بعدها البهارات والملح ...
بعد كذا حط الرز والماء المغلي (( كيف توزن الرز والماء ... سهلة لكل كاسة رز كاستين ماء ))
غط القدر وخل النار عالية بعد مايبدأ الرز بالطبخ والغليان قصر النار وخلها واطيه مرة واحسب لها من 10 إلى 15 دقيقة .

أتمنى إني أفدتك وسامحني على القصور

[الارطل]

يعطيكم العافيه وما قصرتو

[nouaf]

اسهل طريقه تخمر الرز في مويه نص ساعه
بعدين تقطع البطل وتحمسه الى ان يصبح لونه ذهبي وبعدين حط الدجاج فوقه و نقول انك مقطهخ انصاف وخله شوي يتسبك الطماط اخلطه في الخلاط وحطه فوق الدجاج وخله يتسبك بعدين حط عليه شوي مويه طبعا هذا قدر الضغط واكتم ربع ساعه وفك البلف خله ينسم بعدين طلع الدجاج وحطه في صينيه ودخله للفرن طعا حط شوي زيت وكب الرز واوزن المويه يكون نتساويه مع الرز وحيه ماجي وضبط الملاح وكتم مع رفع النار للاحر لين يبدا ينسنس وخله دقيقه بعد ما يتستس وقصر الى اقل ما يمكن وخله عشر دقايق وخلاص بالهنا و العافيه كبسه ما فيه اسهل منها ولذيذه

[ابن هويشل]

زيت



بصل
ملح وبهارات
طماطم او معجون طماطم او طماطم مقشورة اللي في العلب
رز منقوع لمدة عشر دقائق بعد غسله أفضل علشان يستوي بسرعة
الطريقة /


حط الزيت والبصل وخلة ينحمس إلى مايصير لونه غامق
بعدها حط الطماطم ولو فيه مرقة ماجي احلى واحلى بعدها البهارات والملح ...
بعد كذا حط الرز والماء المغلي (( كيف توزن الرز والماء ... سهلة لكل كاسة رز كاستين ماء ))
غط القدر وخل النار عالية بعد مايبدأ الرز بالطبخ والغليان قصر النار وخلها واطيه مرة واحسب لها من 10 إلى 15 دقيقة .



أتمنى إني أفدتك وسامحني على القصور





وصفه جميله واضه جدا أسعدك الله اخي " النووي 2009 "

[zi1398co]

بيض الله وجيهكم

[الارطل]

مشكورين على الافاده

[الشبكة2]

شوووف يالغالي اذا كنت تبي رز لحاله فهذي الطريقة :

1- نص بيالة زيت .
2- خمس حبات هيل
3- ثلاث اعواد دارسين
4- خمس حبات مسمار
5- مكعب ماجي
6- ملعقة ملح
7- بصلتين
8- طماطتين
9- اربع حبات ليمون اسود
10- رز ست بيالات يكفي ثلاث اشخاص

اول شي تحط الزيت والبصل وتحمس لين يصير لونه ذهبي .. بعدها تحط الطماط وتحمس شوي .. ثم تحط مويه وتحط جميع الاشياء المذكوره فوق باستثناء الليمون الاسود وتخليه يطبخ وياخذ الماء النكهه أو لين تشوووف الماء يفور وخله على كذا عشر دقايق ثم طلع جميع ماذكر من القدر باستثناء الدارسين وتذوق الملح ان كان ناقص زده شوي وجب الرز ويكون مغسول من ربع ساعة وتضيفه للقدر وتضيف معه الليمون الاسود ويكون الماء مرتفع عن الرز 1 سم او قيد انمله وطول على النار لمدة دقيقه او دقيقتين بعدها قصر عليه ... واذا بغيته نثري بعد خمس دقايق افتح الغطاء وانثر زيت نص بياله فوق سطح الرز ويطلع نثري المهم خله من 20 لين 25 دقيقه وبعدها بالهناء والشفاء ..

[شقرأوي]

فادوك الربع

[تشاكم]

احمس البصل مع الهيل والقرفه وحبات الفلفل الاسود وفلفل حار بعد تنظيفه من بذوره الداخليه مع قطع شحم او سمن لحد ما تتداخل النكهات .. ثم اضف طماط مقطع قطع صغيره مع ملعقه صغيره معجون مع التحريك بشويه مويه حاره .. ثم اضف الارز المنقوع بعد اضف المويه فوق مستوى الارز بنصف اصبع وخله على نار عاليه , اذا صارت المويه بنفس مقدار الرز خفف الحراره للنصف ثم بعد خمس دقايق خففه حتى تصير شعله خفيفه جدا في هالحاله حط معلقه زيت نباتي او زبدة او زيت زيتون اللي تبي وغط الرز تغطيه زينه بقصدير او غيره لمدة 15 دقيقه وتصير معك كبسه بدون لحم .


* بإمكانك اضافة الكمون على حسب رغبتك

[AUX]

بختصار شديد

رز منقوع + ماء + ملح + قليل من الزيت او الزبدة (ملعقة طعام )

وخله يطبخ لين يستوي (مقدار الماء فوق مستوى الارز باصبعين مع تغطية القدر )

والسلام

[اسهيل]

كلام اخوي AUx

[الارطل]

الله لا يحرمني منكم
والله يوفقكم قولو امين

[mabsoot]

الله يعافيكم