المساعد الشخصي الرقمي

مشاهدة النسخة كاملة : نجمــــــة والضـــــب (فيديو)


العجمـي
21/10/2006, 04:52 PM
السلام عليكم ورحمة الله وبركاته
انا عندي سلقه اسمها نجمه تصيد كـل شي واليوم جايب لكم فيديو او ضب صادته يوم كان عمرها 9 شهور وهي الحين عمرها سنه وشهر . للعلم مدربه تدريب كامل

عطـوني رايكم بالفيديو للعلم(الضب حي مامات)
http://up.9q9q.net/up/index.php?f=uxtTvtFFe
ملاحظه:هـل السلق يوقف عند طـول محدد؟ أو إلى كم سنه يوقف طـوله؟
طلو
21/10/2006, 05:54 PM
ما شاء الله علا نجمه بس انهن ياقف طول السلقه بعد سنه وشهرين والذيخ الا سنه وثمنيه شهور
كحيلان 11
21/10/2006, 06:43 PM
الصراحه انا مالي بالسلقان
لكن هل هي تقنص الضبان ؟؟؟>>>> سؤال غبي
لاني ما اعرف شيء بالسلقان
العجمـي
21/10/2006, 07:10 PM
انا مدربها على اي شي يتحرك بالارض صغير تقنصه وهي تعلمت الضبان من جرو كان متربي معها قبل وقريبا احطلكم الفيديو الثاني
مــشكورين عالردود
عاشق السلقان
21/10/2006, 07:28 PM
مشكور على هذا المقطع
hunter1
21/10/2006, 08:42 PM
بارك الله فيك.............
ابو السلق
21/10/2006, 08:43 PM
مشكور يالعجمي على الصورة
العجمـي
22/10/2006, 01:49 AM
مشكورين على المرور وجزاكم الله خير
هاوي سلق
22/10/2006, 05:44 AM
اتمنى ان اخوي طلو افادك
شعوان السعدي
22/10/2006, 07:17 PM
مرحبا يالعجمي بالنسبة للسلق ماهيب سوى فيها الي يطول الى سنتين وفيها الي الى وصل السنة انثبر وكلها ترجع للتغذية وبنية الجرو من يوم صغير الى 7شهور ويعتمد على الامراض فاذا فك له الله من الامراض فتراه ياصل طوله الطبيعي وبعضها لا
اغلب الذيخة اذا ما خليتها تشبي السلق (هذا الي يعثر طول الذيخ ) وصحتها ممتازة بعد ترى تطول الى اكثر من سنتين وخاصة اذا مهوب مربوط يعني مفكوك فانه يطول
بعدين فيه شغلة لازم تعرفها اللياقة الزايدة للجرو الي اصغر من سنة تقصرها لانها تعمل على شد عضلاته وبالتالي ينرص اللحم فوق بعض ويعوق طوله وخاصة للي اصغر من سنة
اما عن نفسي فانا لا وصل الجرو 6شهور وفوق ويكون صنيع اقصر عليه شوي في الاكل وانطله مع السلقة المتعلمة والي طبعها زين وميلاف وادا اخذه معي واعلمه الى ان ياصل 8شهور وبعدها ما امسه ولااركضه لا اخذه واجيبه في مكان دماث وقاعن زين وافكه مع السلق وانزل قهوتي واتقهوا ساعة ولا مثلها وعلى ذا الموال الى ان ياصل سنة وشوي ابدا اركضه على الخفيف وتدريجي ليا منه وصل سنة ونص وبعدها حط رجلك في موضوع اللياقة وعقبها اقنص به ""هذا للي عنده سلق واجد ومو محتاج يقنص بالجراوة وبعدها هاته وهات الي سنينة واتحدى انه يركض معه مسافات طويلة
وش السبب يا شعوان ؟
السبب يا طويل العمر انا عطينا العضلات والاعصاب الفترة الكافية للنمو والتمدد وهذا الي يساعد السلوقي على الطرد لمسافات طويلة (للي لهم نية بالمهدات ) وبعده ان ندربا ونقويها على راحتنا وهذا تفسير ليه شيبانا من اول يربطون الجرو الغالي والاصيل والي يبونه يطرح الظبى يربط حول كامل(يربط : يعني مايقنص وليس يعني مربوط بالحبل لا ولكنه مفكوك ولكن ما يهد) على حليب خلفات وقرص مثولث ولايخلونه يقنص الارنب والجربوع مع الجراوة الى ان يكمل الحول(السنة) وبعده يبدون يهدونه على الارنب والجربوع وهذا هو السبب
وسلامتكم اخوكم شعوان
(القناص)
23/10/2006, 04:24 AM
مشكوور على الجهد

وجاري التحميل