مشكلة قير الأوتوماتيك+العادي بالفتك 2005

[بن شمروخ]

السلام عليكم ورحمة الله وبركاته ...

أحب أشكر القائمين على هذه المنتدى وأقسامه وبالاخص خيمة أعطال السيارات أحيي كل المشرفين والأعضاء لما يقدمونه من نصائح وخدمات لوجه الله تعالي في سبيل مساعدة اخوانهم بالتوجيه والنصيحة والتحذير فجزاهم الله خير الجزاء ...

ملاحظة القصة طويلة وبحاجة الى تركيز وذهن صافي .. ;)

أحد الزملاء اشترى له جيب فتك 2005 أوتماتيك تربوتنك طبعا بعد الفحص والموتر حسب نتائج الفحص سليم من محركات والخ ...

بعد فترة أسبوعين من الشراء استخدم القير العادي في البر .... وظهرت مشكلة القير وكانت بداية لأعطال ومشاكل متعبة ....

القير لما تحولها قير عادي يبدل من النمرة 1 الى 3 ممتاز بعدها يطمر الى D
فصلنا سلك البطارية وبعدها ضبط القير ومن بكرة رجع نفس الحالة لكن يبدل على كيفه احيان من نمرة 1 أو 2 الى D , مزاجي الحبيب ..

رحت معه ورشة التركي ... وقابله هندي وقاله تحتاج زيت قير وفحصوا الموتر وقالوا أكيد زيت قير وقلت له ان فيه سيارات غيروا زيوت القير وبعدها خبطت قيورهم , رد علي بكل ثقة انا معلوم الجيب من موديلات 2004 وتحت تحدث مشاكل بالقير واخلي مسؤليتي قبل التغيير,
لكن موديلات 2005 وفوق مايضرها ...

بسم الله على بركة الله ... وغيرنا زيت القير ....ب 1000 ريال.... وي ليت ما غيرناهـ

المشاكل بالنسبة للتماتيك
1- طقة بالقير مع كل تبديلة
2- تأخر التبديلة
3- احيان يعلق بالنمرة الثالثة ومايبدل للرابعة

اما القير العادي مصمم على مشكلته

رجعنا للتركي وقابلنا التركي بنفسه وأول كلمة قالها لنا ( القير الياباني ماتطلع خراباتاه الا بعد تبديل زيت القير) :(:(:( ي رررررررجل الهندي يقول انا معلوم و بدون ما ا ذكر النقاش والجدال غلبنا الرجال بكلامه والله أعلم من المصيب والمخطئ فينا مع إني طفشتهم وحذرتهم قبل تغيير الزيت لكن الشكوى لله


بعد الفحص والتمعين من التركي تبين اخرتها انه فيوزين خربانه بالخارطة ....

وبسم الله توكلنا على الله صلح الخارطة بـ 2300 ريال بعد الخصم والمطالب .... واستلم وسلم وجرب

والمشاكل اللي ظهرت بعد يوم يوم من تصليح فيوزات الخارطة


التماتيك
عند التشغيل في الصباح وبعد التحمية يعلق بالاول وياخذ فترة لين يبدل للثاني
طقة في التبديل بس خفيفة
اثناء زيادة السرعة والله كانهم اثنين يتعازمون على الحساب واحد يمد والثاني يرد (( وبالاخير القير يبدل تبديلتين ويرجع وتبديلة بلحظات ))
اثناء الوقوف والتبديل التنازلي فيه طقة اذا رد للأول ....

والقير العادي مصصمممممممممم على حالته





الرجال عاف الموتر ولا يدري وش السوات و الورش كلن يعطيه من راسه ...
اسف على الإطالة لكن والله الرجال نفسيته تعبانة بين دوام وبين صناعية ...

وجزاكم الله خير

[abarre3an]

الحقيقة انها مشكلة...بس اتوقع والله اعلم ان حلها بسيط...ويفترض انك توديه للوكلالة وشف وش بقولون هذا اولا"...ومر على كم ورشة معروفة...ترا مانت خسران شي...بس شوية وقت...اصبر...

واحمد ربك ان موترك يمشي ...ويوديك ويجيبك...وعلى رخاك... انا معي فتك 2004 عادي...من عام 2009 صار به حنة بالقير...وبعد الفحص ثبت ان الترس الرابع مطعون...وبعد تغيير الزيت طلع القديم مثل الزبادي رايب (طبعا" السبب اني غيرت زيت من عند بنشري تقليد جهل مني والحمد لله على كل حال)...المهم الى الحين 2013 وهو ماشاء الله لا الا الا الله...مابه خلاف زفلت جبل رمل دبل......بس صوت صفير ...ناعم...اعجبنيطرب الصراحة...

اما انه تغيير الزيت يخرب السيارة...فهذ معلومة خاطأ...اذا تم تغيير بزيت وكالة واصلي وشلون يخرب!!!؟؟؟بالعقل...

[ابوكشتات]

المفروض ان خويك يكلم التركي ياأنه يصلح المشكله او يشتكي عليه سلامات لعب هالهندي وين يبوالشباب والله لو ان لااخليه يصلحه التركي غصبن عليه ولا الوعد وزارة التجاره يلعبون سلامات . والله يعين خويك .

[sgl2002]

طيب الكتاوت اللي بالكبوت على اليمين بدلته؟


اخوي لاتيأس ترى القير التوبترونيك حساس ويبغا له عناية

وماهو انت لحالك حتى السيارات الجديده ومنها اللاندكروزر الجديد بعد ماحطوا عليه قير التبترونيك يعانون المهملين بصيانته من مشاكل قيره

القير التبترونيك يختلف عن القيور القديمة التماتيك

لذلك ترى فيه ورش واجد يغيرونه له قير عادي ويريح مخه

[V tc]

اخوي حصلت معواحد من الربع وبدل الكتاوت وضبط وثاني شي الزيت الفتك مختلف تمامن عن المواتر الباقيه والله يعوضك

[ابوسند9]

وعليكم السلام
اخوي احب افيدك ان قير الفتك لن تنتج الشركات زيه قير صبور ويتحمل والله اني لي سنين اجلده جلد بالنفود وبا الدبل الثقيل وادعس عليه لين يقطع واتحدى اي قير مثل صبره وقوة تحمله
لكن اذا حدث مشكله في القير فا اعلم ان المشكله بسيطه
اما برمجه
او كتاوتات ب 120 ريال
او فلتر القير يحتاج تنظيف لان البعض يغير الزيت ولا ينظف الفلتر وفلتر الفتك يتنظف ولا يتغير ويختلف عن باقي الفلاتر
لذا المفترض اشترطت على الورش قبل عمل اي شي واللى ما له ولا فلس
اخوي sgl
اللى القير العادي اللي يشغل مخك مره دزق وكلتش ومره اصلاح كلتش ومره كارونه ومرنه بنيون ,ولعلمك فتكات ماشيه بحدود 600 الف وقيورها شد بلد وتجلد جلد لكن البعض يغير زيت القير في اقرب بنشر وزيت 10 ويقول القير ما ادري وش فيه وواحد ماشي 300 الف ما يدري عن زيت القير والبعض يشتري السياره مستعمله ولا يدري عنها
وعلى العموم انا ما انصح بزيت الوكاله فيه زيت بي ام الماني ويباع با التر يعني تجيب معك جركل وتاخذ اللترات اللي تبي وسعره من 80 الى 90 ريال
اخيرا شيك الصباح على مويه الاديتر وعلى قربة الاديتر اللي بجانب البطاريه لايكون فيه نسبة زيت ويكون مبرد القير مضروب

[بن شمروخ]

جزاكم الله خير أما بالنسبة للي يقول كتاوت رحنا ورشة الثنيان صناعية الدائري 18 وبدل لنا الكتاوت للتجربة لكن ماضبط ...

[ريثان القصيم]

السلام عليكم ورحمة الله وبركاته



وعليكم السلام ورحمة الله
أحد الزملاء اشترى له جيب فتك 2005 أوتماتيك تربوتنك طبعا بعد الفحص والموتر حسب نتائج الفحص سليم من محركات والخ ...


بعد فترة أسبوعين من الشراء استخدم القير العادي في البر .... وظهرت مشكلة القير وكانت بداية لأعطال ومشاكل متعبة ....


القير لما تحولها قير عادي يبدل من النمرة 1 الى 3 ممتاز بعدها يطمر الى D
فصلنا سلك البطارية وبعدها ضبط القير ومن بكرة رجع نفس الحالة لكن يبدل على كيفه احيان من نمرة 1 أو 2 الى D , مزاجي الحبيب ..


رحت معه ورشة التركي وقابلة هندي وقاله تحتاج زيت قير وفحصوا الموتر وقالوا أكيد زيت قير وقلت له ان فيه سيارات غيروا زيوت القير وبعدها خبطت قيورهم , رد علي بكل ثقة انا معلوم الجيب من موديلات 2004 وتحت تحدث مشاكل بالقير واخلي مسؤليتي قبل التغيير,
لكن موديلات 2005 وفوق مايضرها ...


بسم الله على بركة الله ... وغيرنا زيت القير ....ب 1000 ريال.... وياليت ما غيرناه


المشاكل بالنسبة للتماتيك
1- طقة بالقير مع كل تبديلة
2- تأخر التبديلة
3- احيان يعلق بالنمرة الثالثة ومايبدل للرابعة


اما القير العادي مصمم على مشكلته


رجعنا للتركي وقابلنا التركي بنفسه وأول كلمة قالها لنا ( القير الياباني ماتطلع خراباتاه الا بعد تبديل زيت القير) :(:(:( ي رررررررجل الهندي يقول انا معلوم و بدون ما ا ذكر النقاش والجدال غلبنا الرجال بكلامه والله أعلم من المصيب والمخطئ فينا مع إني طفشتهم وحذرتهم قبل تغيير الزيت لكن الشكوى لله



بعد الفحص والتمعين من التركي تبين اخرتها انه فيوزين خربانه بالخارطة ....


وبسم الله توكلنا على الله صلح الخارطة بـ 2300 ريال بعد الخصم والمطالب .... واستلم وسلم وجرب


والمشاكل اللي ظهرت بعد يوم يوم من تصليح فيوزات الخارطة



التماتيك
عند التشغيل في الصباح وبعد التحمية يعلق بالاول وياخذ فترة لين يبدل للثاني
طقة في التبديل بس خفيفة
اثناء زيادة السرعة والله كانهم اثنين يتعازمون ههههه حلوه يتعازمون على الحساب واحد يمد والثاني يرد (( وبالاخير القير يبدل تبديلتين ويرجع وتبديلة بلحظات ))
اثناء الوقوف والتبديل التنازلي فيه طقة اذا رد للأول ....


والقير العادي مصصمممممممممم على حالته





الرجال عاف الموتر ولا يدري وش السوات و الورش كلن يعطيه من راسه ...
اسف على الإطالة لكن والله الرجال نفسيته تعبانة بين دوام وبين صناعية ...



وجزاكم الله خير



جزاكم الله خير أما بالنسبة للي يقول كتاوت رحنا ورشة الثنيان صناعية الدائري 18 وبدل لنا الكتاوت للتجربة لكن ماضبط ..

.
باقل التكاليف
قل لخويك يروح لكهربائي متخصص مراوح تبريد اذا بالموتر مراوح خارجيه ثنتين يشبك لهن فاصل داخل السياره ويشغلهن اول مايحتمي الموتر على طول بالذات وسط الزحمه او التطعيس
واذا مافيه يرهم مروحتين خارجيات بين الشبك والاديتر ويركب فاصل داخلي ويشغلهن اول مايحتمي الموتر على طول بالذات وسط الزحمه او التطعيس
والله اعلم واحكم

اخوك
ريثان القصيم

[بن شمروخ]

جعل والديك للجنة ي ريثان القصيم والله يشافي مريضكم ي رب ... حاولنا نضبط الشغلة البارح حقت الكهرب بس ماشاء الله تبارك الرحمن انهلت السماء من خيرات ربي

[ريثان القصيم]

جعل والديك للجنة يا ريثان القصيم
ووالديك في الجنه يابن شمروخ
والله يشافي مريضكم يا رب
المعذره اي مريض عندنا الله لايجيب المرض لنا ولكم وبقية المسلمين
حاولنا نضبط الشغلة البارح حقت الكهرب
ننتظر ردك
بس ماشاء الله تبارك الرحمن انهلت السماء من خيرات ربي بالمطر
اللهم اجعله صيبا نافعا

اخوك
ريثان القصيم

[بن شمروخ]

المعذرة ي ريثان ...

اتصل على شخص محب للخير شرواك وشروى الاخوان واعطاني حل مثل حلك بالضبط اللي ذكرته سابقا ... وكان له طفل مريض ادعوله بالشفاء ...

[بن شمروخ]

المعذرة ي ريثان ...

اتصل على شخص محب للخير شرواك وشروى الاخوان واعطاني حل مثل حلك بالضبط اللي ذكرته سابقا ... وكان له طفل مريض ادعوله بالشفاء ...

[4x4ofroad]

وعليكم السلام
اخوي احب افيدك ان قير الفتك لن تنتج الشركات زيه قير صبور ويتحمل والله اني لي سنين اجلده جلد بالنفود وبا الدبل الثقيل وادعس عليه لين يقطع واتحدى اي قير مثل صبره وقوة تحمله
لكن اذا حدث مشكله في القير فا اعلم ان المشكله بسيطه
اما برمجه
او كتاوتات ب 120 ريال
او فلتر القير يحتاج تنظيف لان البعض يغير الزيت ولا ينظف الفلتر وفلتر الفتك يتنظف ولا يتغير ويختلف عن باقي الفلاتر
لذا المفترض اشترطت على الورش قبل عمل اي شي واللى ما له ولا فلس
اخوي sgl
اللى القير العادي اللي يشغل مخك مره دزق وكلتش ومره اصلاح كلتش ومره كارونه ومرنه بنيون ,ولعلمك فتكات ماشيه بحدود 600 الف وقيورها شد بلد وتجلد جلد لكن البعض يغير زيت القير في اقرب بنشر وزيت 10 ويقول القير ما ادري وش فيه وواحد ماشي 300 الف ما يدري عن زيت القير والبعض يشتري السياره مستعمله ولا يدري عنها
وعلى العموم انا ما انصح بزيت الوكاله فيه زيت بي ام الماني ويباع با التر يعني تجيب معك جركل وتاخذ اللترات اللي تبي وسعره من 80 الى 90 ريال
اخيرا شيك الصباح على مويه الاديتر وعلى قربة الاديتر اللي بجانب البطاريه لايكون فيه نسبة زيت ويكون مبرد القير مضروب



كلام سليم 100%
انا اشهد ان قير الفتك مامثله واصبر من العدي من قير وكارونه وبلاوي متخلص