الرجاء المسااعده لوجه الله

[باترول88]

السلام عليكم ورحمه الله وبركاته
باختصار شديد احد الاخوه اشترى سياره بيجو 2008 الي نفس حجم الاكسنت
المهم الرجال اول ماشراها حصل تهريب زيت مكينه من الصوفه وغر الصوفه مرتين
ولاكن طلعت مشكله ثاانيه وهي دعسه البنزيل وصارت ماتستجيب يعني تدعس يوصل الضغط للنص ثم يرجع
وايضا واجه بعض المشكلات المهم كل هالتصليحات عند ورشه و الميكانيكي عجز يعرف يصلها
والرجال ضاق صدره جدا وتكلف عليها سعر مكينه جديده ومن اول ماشرها وهي بالورشه صار لها شهر
المهم انا ماشفت السياره الى الان ولاكن بكرا ان شاء الله ابروح للورشه واشوف السياره
وانا مالي خبره بالبيجو ابدا
وابيكم تدلوني على ورش متخصصه للبيجو او اي ميكانيكي شاطر جدا
السياره بشرق الرياض وانا ان شاء الله بكرا يمكن افحصها كمبيوتر ويمكن نعرف المشاكل الي فيها

وياليت تفيدوني
والرجال باذن الله ما ينساكم من دعوااته والرجال عنده عائله وضايقه عليه الوسيعه
وانا ودي اساعد الرجال بالي اقدر عليه وياليت تساعدوني
وجزاك الله خير
وغدا باذن الله راح اقولكم وش يصير معي

ولا تنسون صيام يوم عاشوراء وهو غدا فانه يكفر السنه التي قبلها

[ريثان القصيم]

السلام عليكم ورحمه الله وبركاته
وعليكم السلام ورحمة الله وبركاته
باختصار شديد احد الاخوه اشترى سياره بيجو 2008
تهريب زيت المكينه من الصوفه وغير الصوفه مرتين
ولاكن هرب
تهريب الزيت من الصوفه من
1-مستوى زيت المكينه فيه زياده شوي
2- طرمبة الزيت ضغطها قوي بالحيل
عشان كذا تهرب صوفة المكينه
مشكله ثاانيه وهي دعسه البنزيل وصارت ماتستجيب يعني تدعس يوصل الضغط للنص ثم يرجع
دعسة السياره كهرب تحتاج تنظيف تحت عند الدعسه وبرمجه
وابيكم تدلوني على ورش متخصصه للبيجو او اي ميكانيكي شاطر جدا
اذا صرت جاي ومدينة الملك فهد الطبيه على يمينك وانت متجه شمال تجيك اول اشارة تعداها والاشاره الثانيه يكون التميمي شمال غرب منك تطول تجيك محطة بنزين على يمينك فيها ورشه صغيره جنبها محل زينة سيارات اللي شدني نوع السيارات اللي فاك محركاتهن سيارات فخمه ومعقده جرب وتنفع بحول الله
وجزاك الله خير



اخوك
ريثان القصيم