بعد تبديل الزيت ظهور صوت صرصرة

[alwali]

السلام عليكم ورحمة الله وبركاته
سيارتي سييرا z71 موديل 2011
بعد تبديل الزيت وفلتر الماكينة في الوكالة
طلع صوت صرصرة داخل الماكينه
الزيت اللي بدله 10/30
والله انا اشك ان المفروض الزيت 5/30
والظاهر ان العامل اخطأ
ياليت اللي عنده خبره يدلو بدلوه

[alwali]

اللي مرت عليه هذي المشكلة

[ريثان القصيم]

السلام عليكم ورحمة الله وبركاته
وعليكم السلام ورحمة الله
سيارتي سييرا z71 موديل 2011
الله يبارك لك
بعد تبديل الزيت وفلتر الماكينة في الوكالة
طلع صوت صرصرة داخل الماكينه
اذا استمر معك ولم يتوقف افحص طرمبة الزيت والله سبحانه احكم واعلم
الزيت اللي بدله 10w30
يصلح لموترك بالصيف
والله انا اشك ان المفروض الزيت 5w30
يصلح لموترك بالشتاء
والظاهر ان العامل اخطأ
ممكن

ياليت اللي عنده خبره يدلو بدلوه
ان شاء اني مجتهد لك ولغيرك




اللي مرت عليه هذي المشكلة
بحول الله يفيدونك الشباب

اخوك
ريثان القصيم

[عاشق الهدد051]

و عليكم السلام و رحمة الله و بركاته
زيت ١٠/٣٠ ما يضر موترك وان بغيت تغير بعدين لا تحط الا سوبر بترومين ١٠/٣٠ لانه المشرف والمهندس اصيل حجازي يوصي باستخدامه ويقول انه من افضل الزيوت الموجودة اما عن فلتر الزيت لازم انك تشتريه من الوكالة اضمن لك من الغش لانه المغشوش يتسبب بتخبيط المكينة
والله اعلى واعلم

[بدوي جنوبي]

الصرصره ما تظهر من داخل المحرك
عادة تكون من السيور والبكرات

داخل المحرك أجزاء ميكانيكيه ،، واصواتها تقريبا معروفه مثل تك تك

تأكد من مصدر الصوت

[زياد علي]

تاكد من مكان الصوت احتمال البكرات

[alwali]

السلام عليكم ورحمة الله وبركاته
انا مبدل الزيت والفلتر عند الوكالة
امس فتحت الكبوت وادقق وين مصدر الصوت
الله العالم انه من السير لان فيه خط
وانا قبل٦ شهور مبدل بكرة الشداد والسير عند الوكالة
بس الظاهر ان السير قديم او انهم مابدلوه
اليوم شغلت السيارة الصبح بروح الصناعية بس الصوت موموجود :confused::confused::confused::confused::confused:

[فورد ماركيز]

كب مويه على السير والبكرات كل يوم اذا اختفى فمنهم

[فرفور بريده]

مشكلتك سهله

وانصحك تسحب ع الوكاله

اذا موترك مافيه خلاف

الوكاله تدمره لك احيانا

وانت صلح له صيانه بعد كل شتاء

من سيور وكل شي

افضل لك من الوكاله