تهريب زيت القير

[hilux2]

السلام عليكم ورحمه الله وبركاته
جمعه مباركه على الجميع ان شاء الله
هذي اول مشاركة لي في المنتدى واتمنى اجد الحل
السيارة: هايلوكس موديل 2002

عندي مشكله تهريب زيت القير ورحت للورش وقالوا لي صوف خلفي وامامي وجلد القير والحين استفسارتي:

*هل فيه خطر على القير ولازم متخصص قير لاجل يصلح الصوف ولا عادي اي ميكانيكي يصلح الصوف
*هل يبدلون زيت القير ولا مايحتاج تغيير الزيت واذا يبدلون الزيت وش افضل زيت لهايلوكس2002
*هل ابدل صوفة المكينة اللي جنب صوفة القير ولا مو لازم
*هل فيه اشياء ثانية لازمها تغيير
*انا حركة الصليب اللي قدام وفيه فضاوة بسيطة وصوت طقه عند التحريك للاعلى او الاسفل لكن لايوجد طقه عند تغيير النمر1و2والريوس هل اغير الصليب ولا ما يحتاج تغيير

ومعليش على الاطالة

[ريثان القصيم]

السلام عليكم ورحمه الله وبركاته
وعليكم السلام ورحمة الله
جمعه مباركه على الجميع ان شاء الله
علينا وعليك
السيارة: هايلوكس موديل 2002

عندي مشكله تهريب زيت القير ورحت للورش وقالوا لي صوف خلفي وامامي وجلد القير والحين استفسارتي:

*هل فيه خطر على القير ولازم متخصص قير لاجل يصلح الصوف ولا عادي اي ميكانيكي يصلح الصوف
لازم متخصص قيور عادي افضل واضمن واشرط عليهم اذا ماطبقوه يصلحونه بالوكاله على حسابهم ولا تدفع الا بعد التجربه مع شرط الضمان
*هل يبدلون زيت القير ولا مايحتاج تغيير الزيت واذا يبدلون الزيت وش افضل زيت لهايلوكس2002
مايحتاج يغيرونه بس يرجعون نص كمية الزيت القديم ويزودونه من زيت الوكاله لين يصب مع صرته اللي جنب
*هل ابدل صوفة المكينة اللي جنب صوفة القير ولا مو لازم
يعلمونك المجربين
*هل فيه اشياء ثانية لازمها تغيير
يعلمونك المجربين
* حركة الصليب اللي قدام فيه فضاوه بسيطة وصوت طقه عند التحريك للاعلى او الاسفل لكن لايوجد طقه عند تغيير النمر1و2والريوس هل اغير الصليب ولا ما يحتاج تغيير
دامه ما يرج السياره امورك زينه
ومعليش على الاطالة
اخوك
ريثان القصيم

[ابوراكان تبوك]

يا رجال لامتخصص ولاشيء تركيب الصوف وخاصة الخلفية لو عندك عده تقدر تغيرها بنفسك
لكن ركز على سبب انفجار الصوفه لاتزود زيت القير كثير ولاتحتاج الشغله تتغيير زيت الا اذا كان فيه وجيه خربانه عندك في جرم القير
لو بتفرط القير اكيد تحتاج متخصص


الصوفه اللي بين المكينة والجربكس شغلتها شغله ان مافكيت الجربكس من الكراسي مجبور تفك المكينة من الكراسي وتركب الصوفه
اذا بتخليها مؤقتا ما منها ضرر بس لازم تتابع زيت المكينة اول بأول ( سبب خرابها زيت المكينة الزائد طريقتي انا دايم انقص نص الربع يعني مثلاً سيارتي تحتاج مع السيفون 5 علب اعبيها 4 علب والخامسه انقص منها اقل من الربع ) بكذا تنسى انفجار صوفة المكينة

الصليب حطه اول واحد ولاتتهاون فيه اهم من اللي قلته كله لو ينكسر فجأة ممكن يسبب حوادث لاقدر الله

[hilux2]

مشكورين وجزاكم الله خير

اليوم سألت الوالد عن افضل ورشه عندنا يصلحون صوفة القير ونظر في التهريب وقال لي هذي تنديه وما تأثر وقال لي بالنسبة للورش عندنا ما هم كويسين وقال اذا بتصلحها روح الوكالة وبصلحها بعدين
وبالنسبة لزيت القير والمكينة الحمد لله ماتنقص
وبالنسبة للصليب فيه رجه في السيارة في القومة وعلى سرعة 110 وعين القطط كمان وراح اصلحه ان شاء الله بكره

ومعليش تعبتكم معي الله يوفقكم دنيا واخره ويرزقكم الذرية الصالحة:)

[بدوي جنوبي]

اذا ما ينقط الزيت ما عليك
لكن راقب مستوى الزيت على 3او 4 شهور