مهو رأيكم فيما حصل في بيع هاذ الطير

[سفت وير]

السلام عليكم ورحمة الله وبركاته أنا عبدالهادي سعد الدوسري لقد شريت طير من عبدالرحمان أبن ناصر الغليقة با 11500 يوم الخميس الموافق 1435/1/10 أساعه 04:00 عصرنا وشرط لي أنا الطير سليم وهدين الطير اليوم الجمعه الموافق 1435/1/11 ولقد تبين أنا الطير جناحه الايمن مكسور والطير ما يطير ولقد أخبرناه أنا الطير مكسور جناحه الايمن اليوم الجمعه الموافق 1435/1/11 أساعه 05:07 وأنقطع الاتصال وأتصل عليه مغلق وأتصل علي في نفس اليوم أساعه 06:56 وقال أنا الطير لا يرجع أبد وش رايكم يا أخوان ويا أيداره وهاذ عنوانه :
http://www.mekshat.com/vb/showthread.php?t=604598

.................................................. ...
تم التوصل للصلح وبنضار اتمامه
20/11/2013
الساعه 7 مساء
(هزاع)

[فهد الدقباسي]

: البيع المشروط ملزم ومرضي للطرفين( وأبراء للذمه )
2: فحص الطيراذا رغب المشتري (على حساب المشتري) للجاد
3: بعد الموافقه على شروط البيع واخذ الطير(لايوجد ترجيع)
3:يوجد عيب في الطير وهو هدله في الجناح اخر ثلاث ريش ماتضر الطير ابد في طياره

[معتدل]

لاحول ولاقوة الا بالله
العالم صار بهم امر غريب على ابناء المسلمين
صار عندهم سهوله باكل الحرام من غش واحتيال
والاخ الهارف يجب مراجعة نفسك ومال الحرام مامنه خير ابد ونت شرطت ان الهدله اللي بالجناح لاتضر الطير في طيرانه
خاف الله يابن المسلمين بما كسبت

[وزاري]

http://store1.up-00.com/2013-11/1384541526891.jpg (http://www.up-00.com/)


http://store1.up-00.com/2013-11/1384541526962.jpg (http://www.up-00.com/)


http://store1.up-00.com/2013-11/1384541527023.jpg (http://www.up-00.com/)


http://store1.up-00.com/2013-11/1384542199621.jpg (http://www.up-00.com/)


http://store1.up-00.com/2013-11/1384542199672.jpg (http://www.up-00.com/)

[عدد وحدد]

وعليكم السلام
لازم يشاركنا العضو الهارف ويعطينا وجهة نضره مانقدر نحكم من طرف واحد وانا تعاملت مع الرجال تعامله راقي وكذالك يبدولي انه ملتزم لا تخذك الضنون اخوي عبد الهادي ان بعض الضن اثم وليتك كاتب ورقه على البيع ومشهد اثنين حتى تكون الأمور واضحه وحقك بعون الله بيرد لأني اعتقد ان في الأمور شي غلط

[وزاري]

اعذرونا ياأخوان ولله أني أول مرة أعصب


سامحونا


الغضب ريح تهب فتطفئ سراج العقل

[moath2700]

الله يصلح الحال.....

وزاري اشهد بالله اني احبك في الله ..واتمنى مقابلتك.........
الرجال تشرى بهالوقت ..من غير قصور بالرجال السامعين

[ابوالفعايل]

وعليكم السلام
لازم يشاركنا العضو الهارف ويعطينا وجهة نضره مانقدر نحكم من طرف واحد وانا تعاملت مع الرجال تعامله راقي وكذالك يبدولي انه ملتزم لا تخذك الضنون اخوي عبد الهادي ان بعض الضن اثم وليتك كاتب ورقه على البيع ومشهد اثنين حتى تكون الأمور واضحه وحقك بعون الله بيرد لأني اعتقد ان في الأمور شي غلط

ماظنتي يرد شي من الفلوس كلامه لزم يكون راقي يمشي الطير بس الله يعوض عليك ياالطيب بفلوسك ولا هو عقابه عند الله كبير

[الضرغامي]

حسبي الله ونعم الوكيل.

[(هزاع)]

تم مراسلة العضو الهارف 15
للافاده حول هذا الموضوع لاستيضاح الامر

[اللماع]

ج لا حول ولا قوه الا بالله
ان ما خذيت حقك بالدنيا بتاخذه بالآخرة و انا أوجه له رساله أتق الله في نفسك

[الغامدي_707]

الله لايوفق كل غشاش و الله يعوضك

[جرناس الصحره]

والله يخوي كلملك اثنين من الصقارين المعروفين وروح عند الرجال وكل شي واله حل

[وزاري]

الله يصلح الحال.....

وزاري اشهد بالله اني احبك في الله ..واتمنى مقابلتك.........
الرجال تشرى بهالوقت ..من غير قصور بالرجال السامعين


احبك الله الذي أحببتنا فيه .........وحياك الله يا moath2700

تفضل عندي وأبشر باالعلوم اللى تسرك وتونسك .... وعندي لك حاجة ان جيت تصلحك لك ....

وأهم شئ عليك الفروة :Dعلينا برد هالأيام

[ولد الشآيب]

كيف تشتري طير بذي القيمه ولا يطير والمفروض شفت هداده قبل لاتاخذه وهو يشوف وفحصته

حرمه كتمان العيب عند البيع: يحرم على الإنسان أن يبيع سلعة بها عيب دون بيانه للمشتري. فعن عقبة بن عامر قال: سمعت رسول الله، صلى الله عليه وسلم، يقول: «المسلم أخو المسلم، لا يحل لمسلم باع من أخيه بيعا وفيه عيب إلا بينه»

وقد أجمع أهل العلم على أن من اشترى سلعة ووجد بها عيباً كان عند البائع لم يعلم به المشتري كان له الرد، حيث يقول ابن قدامة: أنه متى علم بالمبيع عيباً لم يكن عالماً به فله الخيار بين الإمساك والفسخ، وسواء كان البائع علم البيع وكتمه، أو لم يعلم، لا نعلم بين أهل العلم في هذا خلافاً.

اقترح انك تقدم شكوى لاقرب مركز شرطة او محكمة لان هذا داخل في الغبن والغش وإن من أهم الالتزامات التي تقع على البائع التزامه بضمان العيب الخفي الذي قد يظهر في المبيع بعد البيع حتى وان كان هناك شرط في عدم رجوع الغرض المباع

[7md_al-m]

الناس معاد صارت تستحي

والله ولد شيخ ولا ولد راعي كبير ولا صغير نفس الفعل

عشان طفسة دراهم تغش اخوك المسلم ليه ياخي والله لاهي مغنيته ولا مفقرته

عليك بالدعا عليه

دعوه المظلوم ما بينها وبين الله حجاب

يالله ان كان اللي باع الطير ناوي الغش والكذب يالله انك تجعلها سبب فقره

[ابوتركي1666]

لا حول ولا قوة الابالله
الله يعين على هالدنيا بس

[fdfd_2002]

ماتسوى عليه البيعه سمعته راحت ب 11 الف
خلاص بما انك شهرتبه بكذا كل واحد اخذ حقه
ماعتقد انه راح يرجع الطير بعد اللي سويته

[عضيد]

لاحول ولاقوة الا بالله
الرجال موبصغير مرشح بوزارة العدل وكان مدرس دين ماعتقد ان الامر كذا اكيد به غلط ما اصبرو لين نشوف وشو يقول
هذارابط اسمه بقوقل
http://www.burnews.com/news-action-show-id-24931.htm
http://www.sauress.com/okaz/339933[/SIZE]

[ناب ذيب]

يادافع البلا
شهرتو بالرجال قبل ماتسمعو وجهة نظره يمكن عنده قول ثاني الغايب حجته معه لين يحضر

[ابومختار]

ابحمل الخطا عليك يالمشتري قبل البايع
الرجال يقول الطير به عيب وشريته هادل جناحه يعني سبوق او يرتفع هادل جناحه يالفهيم يعن به بلا وتشريه
وظم صوتي للشباب اللي قالو نسمع منه اول

[(هزاع)]

( تنبيه )
...................
اتصل بي العضو الهارف 15
وابلغني انه في مقناص بالمنطقه الشماليه ويبعد عن الارسال للجوال
وانه على استعداد للمداخله والرد عن اي استفسار بشان الطيرعند انتهاء مقناصه يوم الاثنين مساء الموافق 18/اا/2013
وطلب ان يقوم المشتري بفحص الطير بالمستشفى واحضار تقرير يبين ان كان الطير سليم ام لا
وابدى استعداده لقبول رجوع الطير ان تبين بالتقرير ان الطير معيوب عيب مرجع
.....................
ومن هذا المنطلق
علينا اخواني التأني بالرد

[ابونص.]

لاحد يشهر بالرجال حتى يجئ ونسمع راية

[7md_al-m]

ما قصر


افحص طيرك يا هادي في مستشفى فهد بن سلطان وخذ منهم برنت عن حاله الطير وعلمنا


والله يصلح بينكم بخير

[سفت وير]

http://www.mekshat.com/pix/upload06/images/2013/11/mk294394_img-20131117-wa0084.jpg

[سفت وير]

هاذ التقرير الطير

[معتدل]

عقب التقرير اتضح امر الهدله بالجناح
ضمور بالعضله وخلع ظلوع وتقول مايضر الطير
شلون تبيه يطير
راجع نفسك يالهارف جزاك الله خير وعاونك الله على روية الحقيقه

[صقار المملكة]

ضمور بالساعد الايمن ووجود خلع في الاضلع خلاص واضحه ودنا نسمع من اخونا الهارف

[خيال سهيل]

ياريجيل بصرف النظر عن التقرير
الرجال قال في لستت البيع هدله بالجناح ولا تظر بالطيار

الان الطير يطير ويرتفع ولا لا هذا الكلام الي نعرفه
يارياجيل الطير عين وجناح وكف اذا الطير ما يطير انا وش ابيبه اعلفه وبس

ياسفت وير الطير يطير او لا عطنا النقطه ذي
اما هات تقرير وسو وافعل مع احترامي لبو مشعل هذا تهرب من قبل البايع و يبحث عن مخرج واضحه
اذا الطير يطير وطياره زين مستوي ما اقصد السبق ولا تعيب على جناحه ويرتفع
خلاص البعه تامه
واذا عيبه الطيار يرجع حتى لو عن طريق المحكمه الدوله محكومه يا رياجيل وفيه شرطه ومحكمه وصحف وجرايد ونت
ودون ذا كله فيه علوم رياجيل تنصف الحق واذا مانفع المحاكم تجيب الحق

[fdfd_2002]

ياريجيل بصرف النظر عن التقرير
الرجال قال في لستت البيع هدله بالجناح ولا تظر بالطيار
.................................................. .............................
يارياجيل الطير عين وجناح وكف اذا الطير ما يطير انا وش ابيبه اعلفه وبس
.................................................. ..............................
ودون ذا كله فيه علوم رياجيل تنصف الحق واذا مانفع المحاكم تجيب الحق

الرياجيل طلبو تقرير طبي وجابه لهم الرجال
يعني لازايده ولاناقصه يرد الطير وياخذ فلوسه
واللي يبي يشتري انصحه ياخذ فرخ الطيور القرانيس نارد ماتلقى الصاحي بهن

[سفت وير]

اخوي خيال اسهيل الطير ما يطير انا ما راح اضلم الرجال ( الضلم ضلامات يوم القيامه )

[صياد الخبر]

السلام عليكم

ننتظر رد

الهارف

للفصل بالموضوع

[الهارف15]

السلام عليكم ورحمة الله وبركاته
قال تعالى﴿ يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ﴾

الرجاء من الاخوة التأني في الردود حتى تتبين لهم الحقيقه
وسيتم الرد الليلة ان شاءالله اوغداً لظروف السفر

[الهارف15]

بسم الله الرحمن الرحيم
والصلاة والسلام على اشرف الانبياء والمرسلين وبعد
قبل ان ابدا في موضوعي
×1 /اقدم شكري لمشرف خيمة الصيد بالصقور الاخ هزاع (ابومشعل) حيث انه بحث عن الحقيقة ولم تاخذه العاطفه كما اخذت بعض الاعضاء
اشكر من كانت ردودهم عين العقل والتأني والبعد عن الحماقه
2/ هل يعقل ان ابيع سمعتي ب11500 بين الرجال والصقاقير وانا صقار معروف ومن تعامل معي يعرف ذلك
3/ كتبت بعد مااخذت راي صقاقير واهل عرف بالعوم والسلوم من ناحية شرعيه وعرفيه
5/فبعد ان اعلنت عن موضوعي في هذا الرابطhttp://www.mekshat.com/vb/showthread.php?t=604598
وتوضيح ان الطير حالته الصحية سليمة وللمشتري حق الفحص في المستشفى وان الطير فيه عيب واضح لكن لايضر الطير من ناحية الطيران والارتفاع ولكن يضر الطير من الناحية الشكليه والصحية وهو ارتخاء في عضلة الجناح وهذا الكلام سمعه جميع من اتصل يسئل عن الطير واتمنى ان يشاركونا في هذا الموضوع ويحكمو هل كلامي واضح اوفيه لبس
اتصل بعض الاعضاء يأخذون علوم الطير يوم الخميس الصبح ومن ضمن من اتصل المشتري الاخ عبدالهادي×
يسئل وعطيته علومه كامله من وضع الهدله وشكل الطير ولحق الحمام والملواح والنقل والصيحه والركاده×
وقلت بالكلام الواضح والصريح الطير طير حباري وكراوين والطير مزيون وسئل عن الطير مع الحمام قلت الطير مايلحق الزاجل ولا يلحق حمام الديره الي يحوم الطير يلحق الحمام العادي وذا شاف ان الحمامه قويه علطول يطرح×وقلت هذا الكلام الي يبرأ به ذمتي يوم القيامه قال ابسوم وباخذ الطير على كلامك وسامه 11000
علماً ان الطير يسام 10000 قلت فيه كم رقم مكلم على جوالي ابشوف كان عندهم سوم ولا رديتلك
كلمت على من اتصل ولكن مافيه غير واحد من الربع من بريده يعرف الطيرسام الطير 12000 قال ابعطيك 10000 و2000 بعدين قلت فيه واحد يسومه كانه زود عن ال11000 ولا ابردلك المهم كلمت على الاخ ×بعد صلاة الظهر وحديت عليه
الطير ب12000قال ماعندي غير11500 قلت الله يربحك قلت عموماً انا ابمشي للبر بعد صلاة العصر مباشره كان فيه احد يبي يشوف الطير لايتأخر علي قال نبي ناخذ الطير بدون فحص وكلمني الساع 3 عصراً ابن عم الاخ عبدالهادي يسئل عن الطير وقلت انا مشغول الحين ابحمل عفشي ×قال عطني علوم الطير وعطيته علوم الطير وقلت لاتكثر الاسئله انا وراي سفر كانك تبي تشوف الطير انتظرك ولا انا ان شاءالله راجع الاحد اوالاثتين وسكرت الخط×
بعدها مباشره دق الاخ عبدالهادي قلت ولد عمك رايق وتعرف اني وراي سفر قال ابرسلك واحد ياخذ الطير المهم قابلت الرجال وقال وشلون يحط الصقر بالسياره تراي مااعرفلهن وبالبيت وش عليه احطه اخذ الطير ومشى
اتصل الاخ عبدالهادي يوم الجمعه قبل المغرب وقال جناح الطير مكسور قلت متى انكسر امس بالليل قال لا من قبل ماتبيعه علينا قلت مستحل الطير انا اخر يوم لوحتله يوم الثلاثاء والطير مافيه بلا قال ان عيال عمي صقاقير ويعرفون الطيور ويقولون الطير مكسور جناحه قلت مايهمن كلام صقاقير يهمن تقرير المستشفى كان الطير مكسور جناحه الطير راجع وبعد عدة مكالمات قلت ليش انتم ماجازلكم الطير وتبي ترجعونه بأي طريقه وخايفين من المستشفى بالاخير اقتنع ونزل الموضوع قبل مايفحص ان فلان بن فلان باع علي طير مكسور جناحه ورفض يرجعه وهذا كلام خالي من الصحه×
6 / الطير فحصته قبل الحج وطلعتله شهادة صحيه وجواز لأن كان عندي مقناص خارج السعوديه يوم الخميس الماضي مع العضو في هذا المنتدى ( صلفان نجد) ومجموعه من الربع لكن الغينا الرحله بسبب الاحداث الاخيره ونزلت موضوع بيع الطير بعد الغاء الرحله بحيث ان معي طيرين وقلت السعوديه يكفيه نص طير من قل الحباري يعني هل يعقل اقنص بطير مكسور جناحه او مايطير خارج السعوديه والليله سأنزل صورة الجواز وتاريخ صدوره
7/ فيه شهود من الصقاقير المعروفين من بريده والخفجي الي شايفين طيار الطير وانه يرتفع وهذا الكلام قبل اسبوع واسبوعين يعني معقوله الطير خلال اسبوع واحد يبدا ما يطير والي حاب ياخذ كلام الشهود يتواصل معي على الجوال
8 / الطير لومافيه الهدله كان مايشال ب40000 يعني قيمته قيمة وكري
9/ وزن الطير لو لاحظتو بالتقرير الطبي 982 وانا معلم الاخ عبدالهادي ان وزنه من 940 الى 950 اعلى شي يعني الطير فسقان×
اخيراً اتصلت بالاخ عبدالهادي وقلت انا ابرجع الطير بشرط انك تعتذر في المنتدى وتخصم من قيمة الطير 2000 ريال لان الطير مايمكن يعرض مره ثانيه في المنتدى بسبب الترجيع ورفض و
قلت اجل فيه امرين×
الاول ناخذ حكم اعضاء المنتدى في الحكم على الموضوع لأن اعضاء هذا المنتدى قد المسؤلية والذمه وهذا تنازلاً مني لأنه من المفترض ان ارفع قضيه بالشرع باتهام الاخ عبد الهادي علي بالغش ورفض الترجيع لكن الحمد لله اذا كان قدوتنا صلى الله عليه وسلم اتهم بالسحر فمن باب اولى ان يتهمون الناس بما هو اعظم من هذا

الثاني ترفع القضيه للشرع حيث ان الشرع يحكم في امور عظيمه ومن السهل الحكم في هذه المسأله وانا افضل الثانيه لأني مقتنع بكلامي

ارجوا من الاعضاء المشاركة وابداء رايهم×
اللهم وفقنا لما تحب وترضا وردنا الى الحق رداً جميلا
والسلام عليكم ورحمة الله وبركاته

[صقار عفاس]

حسبي الله ونعم الوكيل (ارك عليه بالدعا ء)

[مسبر الطير]

(الاخوة في منتدي مكشات مساكم الله بالخير جميعاً) حقيقة انا متابع لهذا المنتدي من سنوات كثيرة ولكني قليل المشاركة ولا اعلم لماذا . ولكني احببت ان اشارك برايي في الخلاف الحاصل بين الاخ/ عبدالهادي والاخ/ الهارف 15 واقول اذا كان جناح الطير به كسر كما يذكر الاخ عبدالهادي فأرى ان البيع باطل ويحق للأخ عبدالهادي استرجاع المبلغ الذي دفعه وارجاع الطير لصاحبه . اما اذا كان جناح الطير ليس به كسر وانما هدل كما يذكر الاخ هارف 15 فاني ارى ان البيع صحيح وليس للأخ عبدالهادي مطالبة الاخ هارف 15 بإرجاع المبلغ. طبعا الفاصل في ذلك هو المستشفى. هذا ما اراه واسف علي الاطالة.

[(هزاع)]

ماقصرت بالشرح يالهارف 15
والمنتدى به من الاخوه الاعضاء اللي يؤخذ بشورهم والامر ولله الحمد بسيط وميسور
انت بارك الله بك ذكرت في اللسته ان الطير به عيب الهدله بطرف الجناح واضح للعين
وذكرت ان مايضر بطيار الطير
المفترض البيع يكون على بينه الفحص والمدعى وهذا ماشترط باللسته واحدهما يكفي ان تبين مايرجع الطير
لكن الامور بسيطه عند الاجواد امثالكم

[هم الشمالي]

اول شي السلام عليكم

ثاني شي يا أخ الهارف 15 انت غلطت يوم سلمت الطير لواحد مايعرف شي عن الطيور حتى لو ان الطير سليم ومافيه شي راح يتضرر من الشخص الي ينقله وهو ماعنده معرفه بنقله الطير والطير حساس يبيله واحد يداريه ويمكن الشخص الي استلمه منك اهمله او حطه في مكان غير مناسب وتعور الطير عنده والطير معروف انه جدا حساس واذا انت متاكد من كلامك واثق ان الطير مثل ماقلت والرجال اشتراه على وضعه الي انت علمته به ماعليك اي لوم بس نصيحه لكل صقار لا تسلم طيرك لواحد ماعنده اي معرفه بالطيور

[معتدل]

3:يوجد عيب في الطير وهو هدله في الجناح اخر ثلاث ريش ماتضر الطير ابد في طياره

الكلام على المدعى ان مارتفع الطير يرجع الحق لازم يقال شرط عبدالرحمن الغليقه ان الطير مايضره الهدله بالطيار

[صقار محترف]

اذا الهدله تضر الطير بالطيران من حق الاخ عبدالهادي يرجع الطير وهذا حكمها بكل بساطه

[fdfd_2002]

اذا الهدله تضر الطير بالطيران من حق الاخ عبدالهادي يرجع الطير وهذا حكمها بكل بساطه
هذا الكلام
جزاك الله خير
والله يكفينا شر الشريطيه اللي دخلو على عالم الصقارة ليستفيدو باي ثمن على ضهور المساكين

[راعي لادن]

هذى لا يجوز انت وثقت في في الرجال كان واجب عليك تشوف طيار الطير قبل ما تشتري الله ايعينك

[ناب ذيب]

عبدالرحمن الغليقه سمعتك على المحك وش بعد تحتري التقرير الطبي واضح

[تركي 1622]

السلام عليكم ورحمة الله
الهارف15 الدراهم لا تقدم ولا تأخر وسمعتك بين الرجال تسوى الكثير رد طيرك وبيعوضك الله ببرك من دراهمه
تلقاها عند رب العالمين والمفروض الرجال يجي يستلم طيره بنفسه وتبري ذمك وتفتك من الهروج الزيادة

[خيال سهيل]

اقول والله اعلم وبما واتضح من كلام البايع والشاري
فالحق ان الاخ عبدالهادي المشتري يتوجه لاحد الاعضاء المعروفين اما من المشرفين او من كبار الصقاقير
ولا مهونه للباقين ويشترط عليه الوزن الي ذكره البايع وشوفون طياره ويجينا حكمهم بذمه والدين
والثانيه لو الطير كسر جناحه من الرجال الي اخذه من البايع الاخ الهارف كان اتضح في التقرير كسر والاشعه توضح ذالش فلا تضلمون لرجال
واذا طلع طياره سليم لا يحق الترجيع الا الف ولا الفين ولا شي اما اذا طلع الطير عايب فالعايب يرد نفسه

وبالاخير خافو الله وكلن يراجع نفسه و ترى الدعوه ما تسوى الباقيات الصالحات ابرك

[صقارعزاااام]

عبدالرحمن الغليقه سمعتك على المحك وش بعد تحتري التقرير الطبي واضح :good:رجع فلوس الرجال تراه ماينام الليل من الهم ودعوه المظلوم مستجابه

[ابو وافي00]

السلام عليكم ورحمة الله وبركاته
كيف حالكم ياصقاقير
أسئل الله أن يهدي مابالنفوس


الموضوع هذا أخذ أكبر من حجمه وهو مايستاهل كل هذا الضجيح
الطير طلع فيه عيب مقرر من المستشفئ ضمور في العضله
معناه انها تأثر في الطير
يعني لاتقول نزل وزن الطير الئ كذا ولا الئ كذا مايطير مايطير لو راح وزنه ريشه


أخي الهارف
عفا الله عما سلف وأقبل أنك ترد الطير وعط الرجال دراهمه والسماحه زينه لئن تمسكك بعدم رد الطير يعتبر وكأنك ماصدقت تصرفه وهذا الكلام مايصير
ألزم ماعلئ الشخص سمعته عند الناس
يشهد الله ماقلت هذا الكلام الا لمصلحتك وصورتك أمام من يعرفونك لئنك راح تبيع طير بعد كذا وماراح أحد ينظرلك هذا المنتدئ أصبح يضم صقاقير واجد ومعروفين
وكل من له هواية نقل الطيور موجود في هذا المنتدئ أو له صله بالمنتدئ مايخفا شي علئ الساحه


أخيراً
المفروض من كل شخص قبل ياخذ الطير يقوم بفحصه ولاتسلم المبلغ كامل لين تتأكد من سلامة الطير


أنا شخصياً حصلت لي سالفة مع شخص قبل شهر وصراحة الشخص هذا تمنيت أن كل الناس تفعل فعله
أتفقت معه علئ شرا طير حر قرناس من عنده بمبلغ وقدره وقلتله علئ الفحص قال ابشر افحصه وعطيته أنا عربون مبلغ بسيط وأخذت الطير وفحصته وطلع فيه قلاع والتهاب دم
ودقيت عليه وعلمته قال الطير مرجوع ولا راح ابيعه مدام طلع فيه أمراض مع أنها امراض بسيطه وتلافيها سهل بعد الله لاكن الرجال صمل علئ عدم البيع وقال اذا تعافا الطير بعته
وردلي العربون وكان يبي يردلي حق الكشف لاكن عييت عليه أنا واعطيته العلاجات
ومشيت من عنده
ناس تخاف علئ سمعتها وقبل سمعتها مراقبته خالقها




تحياتي:
أبو وافي..

[صياد الخبر]

السلام عليكم

ابو وافي

ارفع لك العقال

خيرا قلت

والزم ما على الانسان سمعته

ومعوضين خير للجميع

[الهارف15]

اشكر كل من علق على الموضوع اواتصل ليصلح واقول سيتم استرجاع الطير
واللهم انتقم ممن ظلم اوغش او اخفى الحقيقة

[ابو وافي00]

بسم الله الرحمن الرحيم
جزاك الله خير
أخي الهارف
وهذي هي شيم الرجال والله يعطيك علئ نيتك
والخلاف لايفسد للود قضيه


تحياتي:
أبو وافي..

[خالد العطااوي]

ابو وافي
وفيت وككفيت ..
تحياتي لك

[(هزاع)]

السلام عليكم ورحمة الله وبركاته
حياكم الله يارجال
الموضوع بين اجواد والاجواد يردون بالشور
اتصل بي الاخ العضو الهارف 15
واخبرني قبوله ترجيع المبلغ ورجوع الطير له
وطلب رقم حسابي وارسلته له وسوف اسلم المبلغ واستلم الطير عند تحويل المبلغ
وهذا طيب من طيبين مسلمين اختلفو على شيء واصلحو جزاهم الله خير

[aglanco]

السلام عليكم ورحمة الله وبركاته

حياكم الله يارجال
الموضوع بين اجواد والاجواد يردون بالشور
اتصل بي الاخ العضو الهارف 15
واخبرني قبوله ترجيع المبلغ ورجوع الطير له
وطلب رقم حسابي وارسلته له وسوف اسلم المبلغ واستلم الطير عند تحويل المبلغ

وهذا طيب من طيبين مسلمين اختلفو على شيء واصلحو جزاهم الله خير




عز الله انك ابيض وجه ولاتهون في فعل الخير
والهقوات بك ماتخيب
لاانت ومن يقرأ

وشكرا للأخ الهارف15 على التجاوب
والصلح خــــــــــــــــــــــــــــــــــير

[صياد الخبر]

السلام عليكم


الحمدلله

عين العقل

والله يديم المعروف بين الرجاجيل

بارك بالجميع

[(هزاع)]

تم وصول لحسابي مبلغ (11500) ريال قيمة الطير سوف تسلم للاخ العضو سفت وير
بعد ان اتسلم الطير ويستلمه مني الاخ الهارف 15
وبيض الله وجيه الاجواد

[ابو وافي00]

بسم الله الرحمن الرحيم
جزاك الله خير يبو مشعل وليض الله وجهك
أنت وجميع من سعى في الأصلاح بين أخواننا وحل مشكلتهم




تحياتي..
أبو وافي..

[ابوصالح 111]

اخي ابوافي ارجعاك للطير لا يعني الى انك ثقه , وسمعتك بين الناس زادت بالاحترام والنبل والشهامة

الله يسهل امرك ويوفقك ويرزقك من واسع فضله ويحفظ لك ابنائك من كل شر او مكروه

[سارق الكحل]

الحمد لله على كل حال

والشكر لمشرفنا ( هزاع ) راعي الأوله والفزعات لاعدمناه

[ابرق الحرار]

الله يبيض وجه من سعى لعمل الخير واصلاح ذات البين واخص الشكر الجزيل الى العضو الهارف15 على ماقام به في عمل الخير

[عابر الموج]

الاخ الهارف الله يرزقك ان شاءالله خيره لك وماقمت به من فعل يحسب لك والله يعوض على الجميع بالتوفيق