ماهو افضل موقد يا اهل الخبره؟ الفزعه ياشباب

[الاشقرر]

السلام عليكم ورحمة الله وبركاتة
كيفكم يالربع

عندي استفسار ضروري جداً
ارغب بشراء موقد غاز ومحتار في نوعين
اللي هي
1/ موقد بريموس الاحمر
2/ موقد texsport الامريكي 14226 ((سرهيد ))
بماذا تنصحوني يا اخوان من ناحية الافضل
ومن ناحية الشعلة وقطع الغيار والصيانة
وهل كلا الموقدين تعمل على دبات الغاز معادة التعبئة

ارجو منكم مساعدتي
لأني احترت
القا ناس تمدح الاول وناس تذمه وما ادري وشهو الافضل
فتكفون الفزعه

[الاشقرر]

مشاهدات بدون ردود

[طبقة الاوزون]

بريموس اﻻحمر يعيبه ضعف الخامه بحكم انه صيني

التكسبورت ماجربته لكن اشوف اﻻخوان مايستمرون باستعماله

هذا اللي اقدر افيدك فيه وحسب علمي القاصر بهالنوعيتين

[خطاط]

انا بالنسبه لي الاول وبدون منازع وحسب التجربه ما شاء الله
ايضا قطع غيار متوفر ويعمل على جميع الدبات مع بعض التحويلات
ومن ناحية الشعله جدا ممتاز وخاصه اذا المحبس سويدي اصلي روووووعه
اتمنى اني افدتك ولو بعض الشي البسيط
وتقبل تحياتي

[ركان]

ياحبيبي هونها وتهون عندي البريمس الأحمر وبصراحة استخدامي له قليل وأكثر ما يطربني رأس دافور مرهم محلياً تلقاه عند برق الحيا سعره 35 ريال يابلاش لكن أذا عطيته القاز تقول صوت ترنيدو لهب مهوب صاحي ومن شدة أعجابي به شريت ثاني ، لكن فيه قز من كوفيا أزرق صح حجمه صغير لكن شعلته عندي أحسن من البريمس .

[الاشقرر]

مشكورين على المرور
الله يسعدكم
لكن البريموس احس انه في تعديل وترهيم اكثر من التكسسبورت

[نفوذ الصمان]

وعليكم السلام ورحمة الله وبركاته
اخي الفاضل كلا الموقدين
ممتازين من ناحية الجوده والطبخ
وفيهم ذرا او مصد عن الهواء
وهم الأفضل في السوق
لكن البعض يرغب تغير الماما
لتقوية الشعله
وعلى فكره أسعارهم ممتازه
اخذ لك واحد وتوكل على الله
وطرب نفسك بالأجواء المميزة
موفق خير بالغالي

[hwi]

كلهم ممتازه وانا انصحك بتكس سبورت لأن قطع الغيار متوفره ولا تحتار كلهم ممتازه اتمنى اني افدتك تحياتي

[أبو شيري]

نصيحتي

خلك على الدافور وراس هندي افضل منهن بكثير وكد ومد
مو قز يحوس بالرمل اذا صرت بالنفود اندفن من السافي

عليك بالدافور 5 رطل كافي واذا انت عجل تبي تطبخ قهوك وعشاك سوا خلهم دافورين والحمد لله

[الاشقرر]

جزاكم الله خير
واشكركم على الردود
اميل للتكس سبوت

تحياتي لكم جميعاً

[ابوعثمان2]

http://www.mekshat.com/pix/upload05/images253/mk283906_20131110_132326.jpg


http://www.mekshat.com/pix/upload05/images253/mk283906_20131110_133414.jpg


http://www.mekshat.com/pix/upload05/images253/mk283906_20131110_134706.jpg


من استشارك دخل في ذمتك :
انا مثلك كنت محتارلكن بعد الاطلاع على عدة مواضيع في هذا المنتدى وصلت الى قناعة ان الاثنين نفس قوة الشعلة وانهم من داخل متقاربين بشكل كبير والبعض يقول انهم نفس الشي لكني اخترت التكسسبورت للاسباب التالية :
1- مدح الخبير ابوسرهيد له من خلال تقرير
2- تسمية الموقد باسم سرهيد :D
3- طول اللي 80 سم وهو اطول من البريموس
4- وجود قطع الغيار والصيانة عند الوكيل
5- متانة الخامة الخارجية بشكل افضل بقليل من البريموس

طبعا يبقى الدافور بترهيم البرية هو الرفيق وقت الجد أما هذا القز فاستخدامي له استخدام حشمة وبالشعبان والطلعات اللي مافيها نفود وبصراحة قز يطربك ويدخل قلبك حبه :p


.

[الاشقرر]

سلمت يابوعثمان
الله يسعدك على المشورة
وان شاء الله موقد تكس سبورت

[abu juod]

وعليكم السلام ورحمة الله وبركاته
حياك الله يغالي بالنسبة للموقدين فلم أجربها

ولكن أفيدك بقز ( كولمان ) المميز ذات العين الثلاثة

وشعلة مميزة ولكن غير موجود بالسوق فقط تطلبه من الموقع والله اعلم

وهذه صورة له بشكل اسرع واعتذر اذا الصور مو واضحة


http://i.imgur.com/OJQoQza.jpg



http://i.imgur.com/GHHxXLh.jpg

وهذه صورة على قدر ضغط ١٠ لتر ماشاءالله شعلة واضحة


http://i.imgur.com/NRLPVee.jpg


وهذه على البحر إهداء إلى مكشات


http://i.imgur.com/bIQTUnW.jpg


في الأخير الشكر الأول والأخير لله سبحانه وتعالى ولاخي ( بن حسن )

الذي تم التواصل معه وإرسال الموقد له وترهيمه بشكل مميز ويستاهل الشكر بن حسن

واللي كان بصراحة قمة في التعامل والأمانة والأخلاق ويشهد الله علي لابينه وبيني اي صلة

سوى هذا المنتدى وان شاء الله أشوف وقت مناسب ويكون موضوع مستقل لطريقة الترهيم

موفق يااارب ،،،

[فايروخ27]

لا ذا ولاذا

تبي كرف وجهد وشد وحط ولا يتعبك في العزبه

خذ لك دبة غاز الزرقاء اي مقاس تبيه وركب له راس ايطالي شربوش كبير

اطبخ عليه اللي تبي واذا انك طابخ ذبيحه مثلا خذ محبس الفراشه ضغط عالي ومركب ابو عين

في ساعه وحواليها تستوي ذبيحتك .




تحياتي

[الحرالمهوي]

السلام عليكم وين احصل موقد كولمان

[الحربي حاتم]

ماشاء الله
كم سعر الكولمان