ودي اشتري طير

[هوليود]

السلام عليكم
انا من زمان احب الطيور بس اشوفها اقري عنها كثير وودي اقتني واحد اليوم رحت للرياض. في الديره ولقيت محل يبيع صقور ولقيت شيهانه بحريه قالي بخمسه الاف ريال وحش وش رايكم مطروحه في مجيرمه انا ما عندي خبره في التدريب بس قريت وشفت كثير عن كيفيه تدريب الطيور اتوكل علي الله واخذها والا اخذ شي جاهز ومدرب بعدين الطير اذا دربته لازم اذا بغيت اروح اصيد به ادربه والا خلاص تدريب مره وحده يكفي معليش تحملوني يالغالين

[C_J_O_JI]

الله يوفقك وييسر لك اللي فيه خير
انا ما انصحك بالشيهانه خصوصآ انها بحريه ووحش
لانها بتكون صعبه عليك وانت مبتدئ
انصحك بمخاوات صقار اقل شئ شهر وتتعلم منه وتكسب منه خبره
وبعدها تقدر تاخذ لك وكري مصقور وتبدأ تطبق االي تعلمته وتكون مرافق للصقار بطيرك حتى
يعطيك ملاحظاته
ودامك رغبان ما راح تواجه صعوبه ان شاء الله في الصقاره
اكرر نصحي لك ما يناسبك الا وكري مصقور
لتحمله
الشاهين حساس جدآ خصوصآ البحريه
واتمنى لك التوفيق

[هوليود]

الف شكر اخوي وننتظر. رد باقي الاخوه

[جرناس الصحره]

افادك اخوي خذ بنصيحته وفقك الله انته ويا

[هوليود]

الف شكر الله لا يحرمني منكم

[علاق قطر]

حتى الصقار وهو متمكن سنين كل يوم يعرف شي جديد
من واقع تجربه
وجهت نظر

[القصير111]

الله يوفقك وييسر لك اللي فيه خير
انا ما انصحك بالشيهانه خصوصآ انها بحريه ووحش
لانها بتكون صعبه عليك وانت مبتدئ
انصحك بمخاوات صقار اقل شئ شهر وتتعلم منه وتكسب منه خبره
وبعدها تقدر تاخذ لك وكري مصقور وتبدأ تطبق االي تعلمته وتكون مرافق للصقار بطيرك حتى
يعطيك ملاحظاته
ودامك رغبان ما راح تواجه صعوبه ان شاء الله في الصقاره
اكرر نصحي لك ما يناسبك الا وكري مصقور
لتحمله
الشاهين حساس جدآ خصوصآ البحريه
واتمنى لك التوفيق



نعم أخي الكريم أنا مع هذا الكلام
لازم تخاوي صقارين عشان تتعلم أما كذا صعبة
واسألني أنا عن البحرية تحتاج رجل خبير ومتمرس